26/04/2020
كلنا كانعرفو بلي الله حرم السحر و لعن السحرة ، و لكن فهاد المقال غانقنعكم بلي السحر حلال و لكن في مجال كرة القدم ،
هاد اللعاب لي كاتشوفو قدامكم لي فقد الشعر فعز الشباب ديالو و لكن ورانا بلي الشعر (مع كسر حرف الشين) يقدر يكون بلا كلمات ، بلا بحور و بلا قافية ، تقدر تفرج فماتش واحد ديالو تمشي لدار تكتب قصيدة و نتا ناشط ،
لعاب قنعنا بلي كرة القدم كاتلعب بالعقل قبل الجسد ، لعاب قنعنا بلي يقدرو يكونو عندك عشرة العينين وسط التيران ، بابتسامة وحدة يقدر يكونطرولي كرة و يخلي المهاجم راسو راس الشبكة ، الا بغيتي تعيش ففرنسا و نتا ملك سير لبرج افيل و قول بجهد : "أنا أحب زين الدين زيدان" صافي غناك الله ، و حتى الا كنتي مكاتبغبهش راك كاتحتارمو بزز منك
أنا مابغيتش ندوي عليه من الناحية الطكتيكية حيت مابغيتش نطول عليكم المقال ، و لكن راه غي كاتسمع كلمة كونطرول كيطيح ليك فبالك ابن الصحراء
السحر و الشعر بداو عند قدماء العرب و آخر واحد فكرنا فيهم هو ببساطة "زيدان" كيف لا و هو من أصول عربية
ZIDANE 🎼
✏
