15/01/2026
كيبان ليا كلشي شاف السطوري ديال اللاعب أندرياس إنيستا و كلشي كيصحاب ليه بلي هو مطلعها على الريال حيت تقصاو و لكن أجي نقول ليك علاش حط هاذ الصطوري ..
أندرياس إنيستا راه نشأ و تربى فمقاطعة ألباسيتي فقرية فوينتيالبيا ولعب فأكاديمية ألباسيتي لشباب قبل لاماسيا وكان من المساهمين لي خلاو ألباسيتي ميهبطوش لدرجة الثالتة ف2011 حيت دفع ليهم 240 ألف يورو و ولا المساهم الأكبر فداك الوقت و تعين الأب ديالو خوسيه أنطونيو إنيستا ف مجالس الإدارة و رجع ف 2013 وعاود دفع 240ألف يورو إضافية من الفلوس ديالو باش يسدد الديون ديال الرواتب المتأخرة للاعبين و هاذ الشي لي عاود عتق الفريق ميهبطش لدرجة الثالتة و من داك الوقت حتى 2017 بقات العائلة ديالو كتملك أسهم حتى ل2017 و ستحودت عليها شركة إستتمار قطرية skyline و هذا هو الإرتباط لي عند إنيستا مع نادي ألباسيتي بحيت ان النادي سمى المدينة الرياضية بإسم "المدينة الرياضية أندريس إنيستا"
أكثر من مجرد لاعب 🙌🏻❤️
