02/02/2026
أكيد كلشي تابع مقابلة الوداد ولكن قليل لي تابع مقابلة الترشي مع سيمبا ولي تابعها راه غادي يعرف علاش داوي
الوداد تعرضت لكل انواع المهازل التحكيمية اليوم لدرجة حكم كيعطي اندار للاعب ومنين كيمشيو عندو لاعبي الوداد كيقولو ليه راه هاد الاندار الثاني وخاصك تطردو شاف راسو دار غلطة وخاصو يطرد اللاعب وهو يقولهم لا راه ماشي ليه عطيت الاندار لواحد آخر😅 من غير الأخطاء المضحكه والحارس طايح نص ساعة وهو حاسب 5 دقائق لي حتى هي ملعبناهاش حيت كانو كلشي طايح وزيد وزيد
ولكن في مقابلة الترشي وسيمبا الحكم كان مزيان وكان كيعطي للترشي أكثر من حقها وسط ملعب سيمبا وامام جمهورها لدرجة عطاهم ضربة جزاء في آخر ثانية من المقابلة كانو يربحو بيها الماتش كون مضيعوهاش
الخلاصة هي ان الفرق المغربية كانت ديما كتعاني من التحكيم في افريقيا ولكن بعد نهائي كاس افريقيا غادي نعانيو بزاف والمجازر ضد الفرق المغربية غادي تزاد حيت عرفونا ضعاف ومنقدروش ندافعو على راسنا غادي يعفطو علينا مزيان وغادي ناكلو العصا بالمعقول
الفرق المغربية عندها جوج حلول : أول حل هو اي خطأ مستقبلا ضد شي فريق ينساحب من المقابلة وخا غادي يعفطو علينا تاني بالعقوبات ولكن الى بغيتي يكون عندك قيمة ضروري من التضحية وتفضح القارة الكحلة القدرة
تاني حل هو عدم المشاركة من الأساس حتى نلقاو شي واحد يكون راجل لي يقدر يدافع على سمعة الكرة الوطنية داخل الكاف وتكون عندو الهيبة وكلمتو مسموعة حيت لقجع انتهى وكل الافارقة عاقو بيه غير فقاعة صنعها الاعلام المصري والجزائري
