16/05/2026
فاش كنقولوا "Be Ultra. Be Casual"، حنا ما كنهضروش على موضة عابرة أو تفاخر خاوي بالماركات الغالية، بل على أسلوب حياة وكود سري كيتعاش بصمت ورزانة تحت شعار "بعاد على التيران، قراب من الكود". الكاجوال الحقيقي هو معادلة بسيطة مبنية على النقا والهمة (جين، بولو، وسبرديلة نقيين)، حيت المظهر هو المراية ديال العقلية، والهدف هو نخرجو جيل ديال "الدراري النقيين ف عقلهم ومظهرهم"؛ شباب واعي كيبعد على المشاكل الخاوية وكيفرض احترامو بالبساطة ديالو.
وهاد النقا د العقل والمظهر ما يمكنش يكمل بلا الساروت الأساسي ديال أي غروب ناجح، وهو "لإسبري د فامي" (L'esprit de famille). هاد روح العائلة ماشي مجرد كلمات وراء الكلافي، بل هو التزام واقعي كيعيشوه الدراري ديال أولتراس إيمازيغن (Ultras Imazighen) فرع فرنسا بالصّح ف الغربة. البعد على البلاد وعلى "حسنية أكادير" رجع دافع باش يخلقوا وسط فرنسا عائلة حقيقية وسيكسيون كتجمعهم ف السراء والضراء، كيساندوا المحتاج ويوقفوا وقفة د الرجال ف الأزمات. هاد الدراري كيبينوا كل نهار بلي الانتماء لأولتراس إيمازيغن هو أفعال وتضامن يومي كيخلي السيكسيون قطعة من سوس ف قلب فرنسا، مجسدين الجوهر الحقيقي للعقلية: النقا، الرجولة، والوفاء بعيداً عن ضجيج الإنترنت.
