Raja casablanca

18/02/2026

ݣرين بويز الجنوب هاد المرة شيشاوة
دراري حارين والهيت عايشين بسميت كرين بويز مباشين .👽👑

17/01/2026

مجلة بولندية اسمها : To my kibice تختار على واجهتها صورة لأعرق و أعتد جمهور في إفريقيا ...

الإلتراس اصحاب هاذ المجلة حضروا شخصيا للديربي الأخير بمدينة البيضاء و عجبهم جمهور الرجاء ...و وضعوا صورة الكورفاسود على واجهة المجلة ...

مجلة معروفة بالاهتمام ديالها بكل مايتعلق بالإلتراس

و هي أكبر مجلة إلتراس بأوربا الشرقية

هاذ المجلة عندها إصدار كل شهر to my kibice

و كل 3 أشهر عندها إصدار To my kibice +

الإصدار ديال كل ( ثلاث أشهر ) تيضيفوا ليه (+) و اللي تيكون من شي بلاد خارج أوربا الشرقية ...

و في أحدث إصدار ديال آخر ثلاث أشهر ديال المجلة كان عنوان المجلة هو " ديربي الدار البيضاء " و كانت الصورة الرئيسية ديال غلاف المجلة هو " الكورفا سود ...

للعلم : هاذي أكبر مجلة مختصة في الإلتراس في أوروبا🇪🇺 الشرقية كاملة 💚🦅💚

#منقول

14/01/2026

14/01/2026

الجراد في جبال اِمِنْتَانُوت 💚 أرض المقاومين و الأحرار ✨ اسكاس امباركين

11/12/2025

11/12/2025

11/12/2025

مرحبًا بالجميع! 🌟 يمكنك دعمي من خلال إرسال نجوم - حيث تساعدني على ربح الأموال لمواصلة إنشاء المحتوى الذي تحبه.

عندما ترى أيقونة النجوم، هذا يعني أنه يمكنك إرسال نجوم إليّ!
‏‎ ‎‏

14/04/2023

الحمد لله حققنا التأهل لبارح وغانطويو معاها صفحة سيمانة ديال الضغط والتشويش دازت منو الفرقة، الطلب ديالنا صغير بزاف هو توحيد صفوف الجمهور وتوحدو معانا الكلمة فهاد 2 سيمانات لي جاية، أي منبر كبير باج كونط اي رجاوي حر يمشي معانا فالخدمة لي هي نخليو الغروب سودي و نتقاتلو كاملين كالراجا بلا تفرقة و تسميات ديال لاعب مشجع إداري مسؤول منخرط ، حيت حنا كلنا واحد و عدنا نفس الهدف
هذا غيكون ميثاق شرف بيناتنا نكملو بيه خدمة الجمهور هاد العام و العهد بيناتنا كالتالي:
أنا رجاوي مغنطلعهاش على فرقتي ونهرس فيها و مغنتعاطاش مع لادفيرسير و غنساهم فهادشي قدر المستطاع باش فرقتي تأهل إن شاء الله
و غنحضر ضد السوالم حيت هداك ماشي غا ماتش شكلي هاد الماتش فرصة نوقفو مع السطاف واللعابة ونشحنوهم باش يتحقق المبتغى

20/03/2023

إلى شحتان وباقي الحيتان...

مايمكنش نهدرو على أخطبوط الفساد ومانهدروش على أخبث ذراع ديالو، المسمى قيد حياته ادريس شحتان.. ضيفنا اليوم هو التجسيد البارز لعبارة لكل امرء من اسمه نصيب، ونصيب ضيفنا من الشحت والتملق والتزلف فاق المتوقع.
ادريس شحتان ولقبه في صالونات باطرونات الصحافة ديال بصح هو la p**e à cliques
وهو اللقب اللي خداه جراء هوسه بالكليك مقابل التشهير والشونطاج وهلم جرا
ضيفنا ملي نزل من الجبل لكازا، وهنا عبارة الجبل ماشي قدحية، انما وصف حرفي لما حصل، بمجرد ما حط رجلو فكازا فالتسعينات وبقايا الحمري لاصقة فجبهتو، بغا يدير ليه مكان وسط الربوبة د الصحافة، وحيث ما يمكنش يديرها بالكفاءة والعلم، اتجهت ع***ة الكليك لأقصر الطرق وهي الإثارة والتزلف لاصحاب المال والجاه في كازا وفاس..وإليكم التفاصيل:
قلنا ان الاثارة بمعناها السلبي كانت طريقة باش يدير ليه بلاصتو فالمجال، فاتجه أولا لابتزاز النافذين فالشيفون المسمى المشعل، معتمدا في ذلك على التشهير وملفات مفبركة جاية من خياله الواسع، من بعدها غيكتشف شحتان ان ماشي خياله فقط لي غيولي واسع من بعد ما ضرب الحبيبيس والتهمة مزلزلة هي نشر الأباطيل والأكاذيب على جلالة الملك... بديتو تعرفو الطينة ديال ضيفنا؟ شخص لي ما وقرش اعلى سلطة في البلاد وخرج عليها اشاعات كيفاش غيكون عندو ضمير مع قضايا الشعب؟
مقام شحتان فعكاشة غيخليه يعرف حجمه الحقيقي، لأنه طالب بمعاملة تفضيلية، فماكان من إدارة السجن انها تعاملو كأي سجين ديال الحق العام ضرب البيضانسي وعيط الكاويني...
تجربة عكاشة وسعات ... الــ(ف)ــكر ديال شحتان وخلاتو يخدم ليل نهار باش يدير عملية التسلق الاجتماعي، وهنا غيلقى ولي نعمته الجديد حميد شباط، لي ولا عندو كلب حراسة جديد كيحرشو على خصومه السياسيين، وهكذا تحول شحتان للقايجي تابع أنشطة السيكليس فالنقابة والحزب واشياء أخرى...

صحافي من درجة زلال

وحيت تجربة المشعل جابت لشحتان غا الحباسات والتهم الجاهزة، قرر خونا يخرج ليها نيشان من خلال اطلاق اكبر مصيبة حلت بالمغاربة منذ 2012، وهي لعنة شوف تيفي لي ولات كارط لتصفية الحسابات وبيتبول كيتطلق ضد أي صوت حر فالبلاد، ومنحتاجوش نذكرو بالخط التحريري ديال عصابة شوف تيفي لي عوض تغطي الحدث ممكن تصنع حدث من والو وتحملو ما لا يحتمل وما يهمش يكون داك الشي على حساب أناس أبرياء واي صوت مخالف..
هاد الزخم لي حقاتو شوف تيفي من خلال المتاجرة بقضايا الشعب، ركب ضيفنا جنون عظمة وخلاه يحول المقر القديم اللي فالروداني لبرتوش شخصي، وهاد الشي في علم العادي والبادي، ونذكرو فقط الأخت المصون (م.غ) واللي فيه الفز غيقفز..

نخاس القرن 21
الا لاحظتو فانتقادنا لمنبر القوادة شوف تيفي، ذكرنا فقط الرأس المدبرة وما قسناش الصحفيين، لأنهم فقط أدوات لا حول لهم ولا قوة، وهنا خاص تعرف نقابة الصحفيين والمجلس الأعلى للصحافة، كيفاش بوصلعة كيجيب دراري من المغرب العميق بالضبط من معهد من ميدلت حلمهم فقط الحد الأدنى للأجور وكيدكسهم فبراتش محشرة وبصاليرات نستحيي من ذكرها وهنا كيبدا الصراع نحو البقاء، بغيتي ترسم وتحسن شروط العبودية ما عليك الا تجيب ليا الملفات الحساسة لي ممكن نديو بيها الشونطاج، وهنا ممكن تفهمو شوية ما وراء الهجمة على البدراوي، وطريقة العصابات لي كيخدمو بيها هاد الناس... منشيوش بعيد نتفكرو فقط كيفاش شحتان حط كاميرات على مدار الساعة امام فيلا ديدي فبانوراميك حتى استسلم ليهم... فما يقضي على فاسد الا من هو افسد منه..

شحتان وقصة 20 مليار ديال الريع

في عز كورونا وموت سوق الاشهار في الصحافة المغربية، بزاف المقاولات الصحفية علنت الإفلاس ديالها، وهذا في بلادنا السعيدة ماشي خبر محزن، بل خبر زغرتت عليه وزارة الثقافة والاتصال، ولقاتها فرصة ومناسبة من اجل مزيد من التركيع عن طريق التكفل بأداء أجور الصحفيين لاكثر من سنتين في اكبر تجسيد للريع ... طبعا بما ان القضية فيها 20 مليار خصصت من وزارة بنسعيد من اجل تحويل الصحافة لأبواق من البوباغاندا والعام زين، ما يمكن يلقى الا شحتان لمهمة صنع شوف تيفيات جديدة، وهنا بقدرة قادر اننقلب شحتان ومعاه باطرونات اخرين على ما بقي من صحافة محترمة وغيخرجو بوحش سماوه فيدرالية الإعلام والناشرين لي ولات مجمع ديال صحافة كوز وسكت، و تمنح لهاد المولود المشوه اللقيط 20 مليار والمقابل طبعا معروف وممكن أي واحد كيخدم عقلو غيشوف كيفاش شوف تيفي ومعها باقي الصحافة المغمسة اتجهت لخط تحريري يمجد اشخاصا بعينها من بينهم لقجع وكيحاول يصدر الازمة نحو الشرق وخلق لينا نزعة يمينية معادية للمغرب، بل وكيحاولو يروضو الرأي العام ان كلشي زين فالبلاد وكل الشر جاينا من "هوك".
وباش نبقاو غا فالشق الرياضي، غنتحدثو بالضبط على المنابر الرياضية راديو مارس وشوف سبور و 360 سبور وهيسبورت
هاد المنابر للمثال فقط ولات سنويا كتحصل على منحة غير مبررة من لقجع، لا هي اشهار ولا هي عقدة اهداف، هي فقط تسبيح بحمد لقجع بكرة واصيلا، وهكذا ولا محمد مقروف ابن بلدة لقجع حاضرا معنويا بسوطه فكاع قاعات التحرير ديال المنابر الرياضية، كيفتي عليهم شنو يكتبو وشنو ما يكتبوش، وكيفاش يغطيو أنشطة الجامعة وبلاغاتها، وفاخر السنة كل منبر كيتجازى حسب ما كتب، ف ايلا كان راديو مارس كياخد 300 مليون سنويا من المال العام مقابل التبراح ولقجع بوحدو منور البلاد، فالفساد درجات أيضا، ومغنساوش أن هيسبورت و 360 سبور كياخدو منح ما بين 70 الى 100 مليون سنويا، وكيلزمهم فاخر السنة يرسلو أي حاجة تكتبت على لقجع، لي طبعا خاصها تصب فاتجاه أن لقجع خدام وخرجنا من االظلمات الى النور... واللي بغا يكذب نقطة من هاد الشي ها الداتا موجودة أراو ما عندكم... bonjour la déontologie
مسلسل ريع الصحافة الرياضية مكيجسدوش فقط شحتان وباطرونات 360 وهيسبريس، انما حتى بعض الأقلام الصحفية الركيكة لي ولات باش تضمن اعتماد صحفي وتغطية خارج ارض الوطن all inclusive
خصوصا فالاحداث لي كتوقع فالامارات، منها مثلا كاس الصداقة فالامارات بين الفتح والأهلي الاماراتي، لي فجأة لقينا ان الصحفيين المغاربة اللي مشاو لابو ظبي (مكان اشتغال مقروف سابقا) كثر من وفد الفتح وجماهيره فالمغرب !!
هاد الشي كامل لي قلنا الفوق ما هو الا تشاش صغير في بحر الفساد الكبير لي كيعوم فيه شحتان وباقي الحيتان...
متزابيوش الفساد عبارة عن مسلسل تيلينوفيلا، هاد الشي لي شفت ويلا بداية الحلقات... تسناونا قريبا !!
سي ادريس مع خرجتي من الحبس مرتك ولدات يمكن داكشي علاش كاتموت على العناوين المثيرة جنسيا حيث قصتك وحدة منهم"صحفي في السجن وزوجته حامل وتصبح الفرحة فرحتين بخروجه من السجن وولادة ابنه الذي أخذ منه الاسم فقط".
أبو وائل الريفي هو الاسم المستعار لي كان كيخدم بيه البيدق لمحاربة أي قلم معارض وخصوصا بوعشرين لي كلا العصى بزاف بيه، هاد الاسم المستعار معروف وسط الصحفيين ولكن شكون يقد يدوي على بوق الفضائح !!!

20/03/2023

☕️

12/08/2020

مالك مخلوع 🐸🐸

20/11/2019

ًو أاامـــور فات الحـدود 💚