02/05/2026
الامس ما كانتش مبارة كورة عادية.
الامس لعبنا بقلوبنا قبل رجلينا، على خاطر خوتنا المساجين في إيطاليا.
من أول صافرة والمطر تصب علينا، البل استوى والملعب تبلبل، لكن والله ما حد منا فكر يوقف. كأن المطر جت تقوللنا: "استمروا، ربي معاكم". كل قطرة مطر نزلت علينا نحسبو فيها رحمة ودعوة ليهم، إن ربي يفرج كربهم ويفك أسرهم ويرجعهم لأهلهم سالمين.
اللي جمعنا يوم الامس أكبر من الفوز والخسارة. جمعتنا الإنسانية، جمعتنا النية الطيبة، وجمعنا الإحساس بوجع الناس اللي بعيد علينا في المكان لكن قريبين منا في القلب.
