Quel est le site Web ?

Badminton Rosport

Page d'Accueil
Luxembourg
Rosport
Badminton Rosport

Gegrënnt zu Rouspert, den
27. September 1995
Fräizäitveräin
Training - Di & Do ->19h30 am Bongert

24/11/2025

Och mir hunn eis der Erausfuerderung gestallt an hunn ee Bam geplanzt 🪏🪏🌳✅ Villmools Merci dem Centre d'Incendie et de Secours Rosport fir d’Nominatioun 😃

Wéi gutt dass mir besser Badminton spillen ewéi schauspillen 😂🙈 … egal, et huet Spaass gemaach a mir kennen elo all Joer eis Fiederbällecher ernten 😜

Mir nominéieren:

- De Badminton Regioun Mëllerdall🏸🦊

- De Fiederball Izeg Badminton club in Luxembourg💪🏸

- De Claude Bultgen mat senger fläisseger Entreprise Bultgen.lu 💪🪏🏗️

Dir hutt elo 72 Stonne fir är Beemercher an de Buedem ze setzen. Vill Freed dobäi 😉

13/11/2025

Heemtournoi 2025 🏸

E grousse Merci un all déi, déi dëst Joer dobäi waren – Spiller, Supporter, Frënn a Fräiwëlleger.
Dir hutt dozou bäigedroen, datt och dës Editioun vum Heemtournoi erëm e flotten a sportlechen Weekend gouf.

Mir hoffen, dir hutt et esou genoss wéi mir, an mir freeën eis elo schonn drop, iech 2026 nees bei eis ze begréissen! 💪

03/11/2025

Lets gooo☺️🏸

24/10/2025

Tournoi ze Preizerdaal🏸

Um 18. Oktober 2025 waren mir ze Preizerdaal beim Badminton-Tournoi. Et war richteg flott, super organiséiert an huet mega Laun gemaach.

Mir si frou, dass den – Marvin, Cedric, Flynn a Daniel – matgemaach hunn. Et war herrlech ze gesinn, wéi si mat vill Energie a Spaass gespillt hunn. Mir hunn e super Dag zesummen verbruecht an vill flott Momenter genoss.

21/10/2025

Wow, Samschdes, den 18. Oktober, war et erëm esou wäit – eisen drëtten ëffentleche Quizowend! 🧠🎉

Dëst Joer hu mir de Quizowend zu Uesweiler a Lannen organiséiert – e richteg flotte Kader fir en entspaanten a witzegen Owend! 😄

E risege Merci un all déi dobäi waren a fir déi super Stëmmung gesuergt hunn! Mat 14 Gruppen war et en top Owend – vill Spaass, tricky Froen an eng genial Atmosphär. Mir freeën eis elo schonn drop, eis nächst Joer erëmzegesinn! 💛

E grousse Bravo un all d’Teams, besonnesch un „Tudorsgeester“, déi sech déi éischte Plaz geschnappt hunn! 🥇👏

An natierlech och e Merci un de Marvin an d’Frenzi fir d’Moderatioun an un all déi, déi gehollef hunn – ouni iech wier dësen Owend net esou flott gewiescht! 💪🙌

14/10/2025

BREISSEL TRIP 2025! 🇧🇪🎉

Fir eist 30 Joer Jubiläum si mir dëst Joer op Breissel gereest! 🥳
Op dem Programm: eng spannend Schnitzeljuegd duerch d'Stad, vill Laachen, gutt Iessen an nach besser Gesellschaft. 💛
E grousse Merci un all déi dobäi waren – 30 Joer Badminton Rosport, dat muss ee feieren! 🏸💪

27/11/2024

Heemtournoi 2025🏸

Mir soen e grousse Merci u jiddereen dee koum. An hoffen, dass ma äis alleguer nächst Joer rëm gesinn 😊💪🏽

12/11/2024

Samsdes, den 19. Oktober hate mir
eisen zweeten ëffentleche Quizowend!

Mir soen e ganz grousse Merci u jiddereen
dee komm ass a fir déi flott a lëschteg
Atmosphär. Mir si houfreg,
datt mir dat dëst Joer nees op d'Bee gestallt kruten. Et war mat 19 ugemellte
Gruppen e mega Owend fir eis alleguer a mir
si sécher datt mir eis d'nächst Joer rëmgesinn.

Mir gratuléieren allen Teams vum Trouschtpräis
bis rop zur drëtter, zweeter an éischter Plaz. Ganz uewe konnt sech d'Grupp ,,1 FC. Fiederball" géint all seng Konkurrenten duerchsetzen. E weidere grousse
Merci un d' Frenzi an de Bryan fir d’Moderatioun bei dësem super, schwieregen a kreative Quiz, souwéi un all déi aner Memberen déi matgehollef hunn an ouni déi dësen Owend net méiglech gewiescht wier.

09/10/2024

Cactus Grillen 2024 🌭

Den 13 & 14 September hunn mir eis gudd dru gin an hun als Veräin och mat den neien Membern virum Cactus Wurschte verkaaf. Mir soen e groussen Merci un jiddereen, den eis ennerstetzt huet an mir hoffen, dass mir eis alleguer nächst Joer remgesin😁

26/09/2024

🚩🚩🚩

Et ass rem sowäit -> QUIZOWEND ZE STEENEM!!!

MELLT AERCH UN ->
! per Email oder Whatsapp !

🚩🚩🚩

19/09/2024

Mir invitéieren iech all op eisen Training, den Donneschdeg,26. September ab 19.30. Jiddereen ab 15 Joer ass häerzlech wëllkomm, bei eis schnupperen ze kommen. Mir begréissen iech an der grousser Turnhal "An Bongert" zu Rouspert a freëen eis, dono eventuell nach e Patt mat eis ze drénken. Eng eegen Raquett muss een nët hunn.

11/01/2024

De Weekend vum 08.12 bis den 10.12 hu mir fläisseg un eisem Stand um Méischdrefer Chrëschtmaart Panescher a Jagertéi verkaaf. Mir soen der Gemeng, eise motivéierte Memberen an och soss jidderengem deen eis ënnerstetzt huet ee grousse Merci!😊

Adresse

Rosport

Site Web

http://www.badsport.org/

Notifications

Soyez le premier à savoir et laissez-nous vous envoyer un courriel lorsque Badminton Rosport publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.