05/03/2026
" මනුස්සකමේ ක්රිකට් "
ළඟ එන බක්මහ, අප ප්රදේශයේ බාල මහලු කොයි කවුරුත් ඇඟිලි ගණිමින් බලා සිටින මාසයයි. ඒ, අවුරුදු සිරිය මෙන්ම ඒ සමඟම පැවැත්වෙන "පාල සහ රණවිරු කුසලානය " නැරඹීමේ වුවමනාව නිසාවෙනි. සාමාන්යයෙන් තරඟාවලිය ළං වන විට අප කණ්ඩායම ඇතුලු අපගේ සහෝදර කණ්ඩායම් අප ක්රීඩා පිටියට එක් වෙනවානම්, ඒ තරඟාවලියට හොඳ සූදානමක් ලබාගැනීමේ අපේක්ෂාවෙන් පුහුණු තරඟ ක්රීඩාකිරීමටයි. නමුත් ඔබ දකින මෙම ඡායාරූප, ක්රිකට් ක්රීඩාවෙන් එහාට ගිය මනුස්සකමේ, මෙම වසරේ "ක්රිකට්" තරඟාවලියේ මතක සටහන් වෙයි.
සියඹලන්ගමුව YMC කණ්ඩායමේ වසර ගණනාවක අත්දැකීම් තිබෙන, කලක් තිස්සේ නායකත්වය දරමින් කණ්ඩායමට විශිෂ්ට ජයග්රහණ රැසකට නියමුවා වෙමින්, බාල පරම්පරාවට ක්රිකට් ක්රීඩාවේ ගුරුහරුකම් කියාදෙමින්, ප්රදේශයේ කාගේත් ආදරය ලබන අප සියඹලන්ගමුව YMC කණ්ඩායමේ හිටපු නායකතුමන් වන ලක්ෂ්මන් මිහිර බණ්ඩාර මහතා හෙවත් කාගේත් ආදරණීය " ලකි අයියා " ඔහුට බලපා තිබෙන රෝගී තත්වයක් හේතුවෙන් මේ වන විට නේවාසිකව ප්රතිකාර ලබමින් සිටී. අප ඇතුලු අපේ සහෝදර කණ්ඩායම්වල ක්රීඩකයින් පසුගිය දින ගණනාව තිස්සේ හැකි අයුරින් ඔහුගේ සුවදුක් විමසමින්, ඔහු සමඟ කාලය ගත කළහ. ඒ අතරවාරයේ අපගෙන් ඔහුට ඉටුවිය යුතු යුතුකම් ඉටු කරමින්, ඊටත් එහා යමින් අපට කළහැකි තවත් දෙයක් වෙනුවෙන්, YMC අපි අපේ සහෝදරයින් සමඟ එක්ව මෙම තරඟාවලිය ඔහු වෙනුවෙන් සංවිධානය කළෙමු.
එක්දිනක තරඟාවලියක් ලෙසින් පැවැත්වුණු තරඟාවලියට කණ්ඩායම් 06 ක් සහභාගී විය.
YMC, මොරගොල්ලාගම, තරණගොල්ලාගම, මානේරුව, හේරත්ගම සහ කලා මැදවච්චිය යන කණ්ඩායම් මෙහිදී තරඟවැදුණි. ලීග් ක්රමයට පැවති තරඟාවලියේ ශූරතාවය අප YMC කණ්ඩායමද, අනුශූරතාවය මොරගොල්ලාගම සහෝදර කණ්ඩායමද හිමිකර ගන්නා ලදී.
මනුසත් භාවය වෙනුවෙන් තම කාලය කැප කරමින්, ඔවුන්ගේ සහෘදයා වෙනුවෙන් ශූරතා මුදලක්වත් බලාපොරොත්තු නොවී මුදල්වලට එහා ගිය ආදරය ද තම තිළිණය සමඟ අප වෙත ලබාදුන් අපේ සහෝදරයින් වෙත සැමදා YMC ගෞරවය පුදකරමු. එමෙන්ම තරඟාවලිය ක්රීඩා නොකළද තම ළබැඳි මිතුරා වෙනුවෙන් දායකත්වය පුද කළ පැල්බැඳියාව සහ ආඬියාගල සහෝදරයින් වෙතද අපේ ගෞරවපූර්වක ආදරය පුද කරමු. එමෙන්ම අපට මෙම තරඟාවලිය සාර්ථක කරගැනීමට සෑම අයුරකින්ම දායකත්වය දුන් සෑම දෙනාටම අපේ සහෘදයා වෙනුවෙන් අපේ ස්තුතිය පුද කර සිටින්නෙමු.
සැවොම එක්ව අපේ ආදරණීය "ලකි අයියාට" ඉක්මන් සුවය ප්රාර්ථනා කරමින් හැකි ඉක්මනින් යළිත් පිටියට පිවිසීමට ආශිර්වාද එක්කරමු ❤️
බක්මහේ අසිරිය සමඟින් පාල සහ රණවිරු කුසලානයේදී හමුවෙමු !!!
❤️🩹
