Dixshan Sajendra

29/08/2026

Aksharaa sree 🏏💥

ஒரு தாயின் தியாகமும் ஒரு சிறுமியின் புயல் வேகமும்: வடபுலத்து நிலத்திலிருந்து உலகக்கிண்ணம் வரை அக்ஷராஸ்ரீயின் கனவுப் பயணம்💥🏏
🔷🔷🔷🔷🔷🔷🔷🔷🔷🔷🔷🔷🔷🔷🔷🔷🔷🔷
துடுப்பாட்டகளங்களின் புல்வெளிகள் வெறும் எண்களையும் புள்ளிவிவரங்களையும் மட்டும் குறிப்பவை அல்ல. அவை, ஒடுக்கப்பட்ட சமூகங்களின் கனவுகளும், தடைகளை உடைத்தெறியும் மனவுறுதியும் ஒன்றிணையும் புனிதமான போர்க்களங்கள். சர்வதேச விளையாட்டுப் பத்திகளிலும், உலகத்தரம் வாய்ந்த வரலாற்றுப் பதிவுகளிலும் பொறிக்கப்பட வேண்டிய ஒரு புதிய அத்தியாயம் இன்று வட இலங்கையின் யாழ்ப்பாண மண்ணில் இருந்து எழுதப்பட்டிருக்கிறது. அது, ரமேஷ் அக்ஷராஸ்ரீ எனும் இளம் வேகப்பந்து வீச்சாளரின் எழுச்சிப் பயணம்.
​எந்தவொரு மாபெரும் சாதனையும் ஒரு சிறிய புள்ளியிலேயே தொடங்குகிறது. அக்ஷராஸ்ரீயின் ஆரம்பகாலக் காலடிகள் ஏஞ்சல் சர்வதேச பாடசாலையில் பதிந்தன. இரண்டு வருடங்களுக்கு மேலாக வழங்கியது. தெருக்களிலும் உள்ளூர் மைதானங்களிலும் மென்பந்தைக் கொண்டு விளையாடிய ஒரு சாதாரணச் சிறுமியின் கண்களுக்குள், தேசத்தின் பிரதிநிதியாக மாற வேண்டும் என்ற மாபெரும் லட்சியக் கனவு அவருடைய ஆழ் மனதில் நிலை கொண்டிருந்தது. ஆனால், கனவுகள் மட்டுமே எல்லைகளைத் தாண்டிவிட முடியாது. அதற்குரிய தளம் தேவைப்பட்டது. தன்னுடைய கிரிக்கெட் பாதைக்கான அடித்தளத்தை யாழ்ப்பாணம் ஏஞ்சல் சர்வதேச பாடசாலையில் இருந்து தன்னுடைய 12 வயதில் ஆரம்பித்து அங்கிருந்து தொடர்ச்சியாக மாவட்ட கிரிக்கெட்பயிற்சிகளுக்கு சென்று பயிற்சி போட்டிகள், மாவட்ட மட்ட போட்டிகள், மாகாண மட்ட போட்டிகளுக்கு குறித்த பாடசாலையில் இருந்து பங்கேற்க ஆரம்பத்தில் இவர் பயின்ற பாடசாலை பூரண ஒத்துழைப்பு மற்றும் பிள்ளையின் கனவுக்கு ஆதரவு வழங்கியது மகளிர் கிரிக்கெட்டை ஒரு பாடசாலை விளையாட்டாகக் கொண்டு இயங்கிய பாடசாலையான வட்டுக்கோட்டை யாழ்ப்பாணக் கல்லூரிக்கு அவர் மாறிய தருணம், அவரது வாழ்க்கையின் மிக முக்கியத் திருப்புமுனையாக அமைந்தது.
​ஒரு வீராங்கனையின் திறமை என்பது திறந்த வெளியில் தானாக விளைந்துவிடுவதில்லை. அதற்குப் பின்னால் சொல்லப்படாத கண்ணீரும், சலிக்காத உடலுழைப்பும் இருக்கின்றன. யாழ்ப்பாணத்தில் போதிய உயர்மட்டப் பயிற்சி வசதிகள் இல்லாத சூழலில், தனது நுட்பங்களை மெருகேற்ற அக்ஷராஸ்ரீ தேர்வு செய்த பாதை சாமானியமானதல்ல. ஒன்று விட்ட திங்கட்கிழமைகளில் தம்புள்ளயில் நடைபெறும் பயிற்சிகளுக்காக யாழ்ப்பாணத்திலிருந்து அவர் தாயாருடன் மேற்கொண்ட 245 கிலோமீட்டர் தூரப் பயணம், வெறும் பேருந்துப் பயணம் அல்ல; அது ஒரு தேசத்தின் கதவைத் தட்டுவதற்காக அவர் செலுத்திய விலை. இந்த நீண்ட, கரடுமுரடான பயணத்தில் அவருக்கு அரணாக நின்றவர் அவரது தாய் . மகளின் பயிற்சி நடக்கும் அத்தனை இடங்களிலும், காலநிலையைப் பொருட்படுத்தாமல் சோர்ந்து போகாமல் மைதானத்தில் வாயிலில் காத்து நின்ற அந்தத் தாயின் அசைக்க முடியாத நம்பிக்கையே, அக்ஷராஸ்ரீயின் ஒவ்வொரு வேகப்பந்திலும் விசையாக மாறியது.
​ஒரு வைரத்தைச் செதுக்கி பளபளக்க வைப்பது சிற்பியின் கைகளில்தான் உள்ளது. அக்ஷராஸ்ரீயின் வேகப்பந்து வீச்சில் துல்லியத்தையும் வேகத்தையும் வளர்த்தெடுப்பதில் இரு முக்கிய பயிற்றுவிப்பாளர்கள் வகித்த பங்கு மகத்தானது. ஆரம்ப கட்டங்களில் அவரது திறன் அறிந்து பாடசாலையில் இணைக்க வாய்ப்பளித்த அவரது யாழ்ப்பாண கல்லூரியின் உடற்கல்வி பொறுப்பாசிரியர் அக்ஷராஸ்ரீயின் இயல்பான திறமையை அடையாளம் கண்டதுடன், மேலும் , அவரது வேகப்பந்து வீச்சின் நுட்பங்களை அடித்தளத்திலிருந்து செதுக்கி வழிகாட்டினார் மாவட்டக் கிரிக்கெட் பயிற்றுவிப்பாளர் திரு. சுரேஷ் மோகன். அவர்கள் மாகாண மட்டத்தில் இவரைத் தயார்படுத்தியதோடு, இலங்கை இளையோர் கிரிக்கெட் பயிற்றுவிப்பாளராக தனது சர்வதேச மற்றும் தேசிய ரீதியிலான அனுபவத்தின் மூலம் அக்ஷராஸ்ரீயை உயர் அழுத்தப் போட்டிகளை எதிர்கொள்ளும் அளவிற்குத் தந்திரோபாய ரீதியாக மெருகேற்றினார் மாகாண மட்டக் கிரிக்கெட் பயிற்றுவிப்பாளர் திரு. கங்காதரன்.
​மகளிர் கிரிக்கெட்டில் ஒரு வீராங்கனையை உலக மேடைக்குக் கொண்டு சேர்ப்பது ஒரு தனிநபர் மட்டுமல்ல. பாடசாலைகளில் மகளிர் கிரிக்கெட்டுக்கு வாய்ப்புகள் இல்லாத சூழலிலும், பதின்ம வயதின் தொடக்கத்திலேயே சரியான பயிற்சிகள் கிடைக்கும் பட்சத்தில், பாடசாலை தொடர்கள், மாவட்ட மட்டக் போட்டிகள், மாகாண மட்டம், சூப்பர் புரோவின்ஷியல் மற்றும் தேசிய முகாம்கள் எனத் தொடரும் ஒரு முறையான Pathway தான் கனவுகளைச் சாத்தியப்படுத்துகிறது. இந்த முறையான படிநிலைகளைக் கடந்து பாடசாலை, மாவட்ட மற்றும் மாகாண போட்டிகள் அனைத்திலும் பிரகாசித்ததன் விளைவாக, 2027 U-19 மகளிர் உலகக் கோப்பைக்கான 25 பேர் கொண்ட இலங்கை தேசியக் குழாமில் அக்ஷராஸ்ரீ தேர்வு செய்யப்பட்டுள்ளார். வட மாகாணத்திலிருந்தும், யாழ்ப்பாணக் கல்லூரியிலிருந்தும் தேசிய மகளிர் கிரிக்கெட் உலககிண்ண குழாமுக்குத் தேர்வாகியுள்ள முதல் பாடசாலை மாணவி எனும் வரலாற்றுப் பெருமை இவரைச் சேர்கிறது. அத்துடன் இவர் கல்வியிலும் மற்றும் மாகாண மட்ட தடகளப் போட்டிகளிலும் இவர் சாதித்தும் இருக்கிறார் இவைகள் இவரது கல்லூரி சமூகத்திற்கும் முழு வட மாகாணத்திற்கும் கிடைத்த மாபெரும் வரலாற்றுச் சாதனையாகும்.
​விடாமுயற்சியும் சரியான பாதையும் இணைந்தால் எந்தவொரு எல்லையையும் தகர்க்க முடியும் என்பதற்கு அக்ஷராஸ்ரீயின் இந்த எழுச்சிப் பயணம் ஓர் உன்னதமான சான்று. விழிப்புணர்வு கொண்ட பெற்றோர்களும், கிரிக்கெட் ஆர்வமுள்ள இளம் சிறுமிகளும் இந்த முறையான பாதையைக் கவனத்தில் கொண்டு செயல்பட்டால் அக்ஷராஸ்ரீ போல சாதிக்க முடியும். "பெண்களால் சர்வதேச விளையாட்டு மேடைகளில் தடம் பதிக்க முடியுமா?" என்று தயங்கி நிற்கும் ஒவ்வொரு இளம் சிறுமிக்கும், அவர்களது பெற்றோர்களுக்கும் அக்ஷராஸ்ரீயின் கைகளில் இருக்கும் பந்தும், அவரது விடாமுயற்சியும் உரக்கப் பதிலளிக்கின்றன. வடபுலத்தின் கிரிக்கெட் வரலாற்றில் ஒரு புதிய சகாப்தத்தைப் படைத்து, 2027 U-19 உலகக் கோப்பையை நோக்கித் தன் பயணத்தைத் தொடங்கியிருக்கும் ரமேஷ் அக்ஷராஸ்ரீக்கு SAJE 7 INFO தனது மனமார்ந்த வாழ்த்துகளைத் தெரிவித்துக் கொள்கிறது. உங்களது ஒவ்வொரு வேகப்பந்திலும் எங்கள் மண்ணின் பெருமை மிளிரட்டும்; தேசியச் சீருடையில் உலக மேடையில் நீங்கள் நிகழ்த்தப்போகும் சாதனைகளைக் காண ஒட்டுமொத்தப் வட பிராந்தியமும் ஆவலுடன் காத்திருக்கிறது.

29/08/2026

🏏💥💥

ஸ்ரீலங்கா கிரிக்கெட் 17 வயதுக்குட் பட்டோருக்கான மாகாணங்களுக்கு இடையிலான YOUTH LEAGUE கிரிக்கெட் தொடர்: வடக்கின் இளம் நட்சத்திரங்கள் அனீஷ் -ஷனோன் ஆகியோரின் அபாரப் பயணம்!
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
​இலங்கை கிரிக்கெட் சபை நடத்தும் இளையோர் மாகாணங்களுக்கு இடையிலான கிரிக்கெட் தொடரில் மொத்தம் 5 மாகாண அணிகள் பங்கேற்றுத் தங்களது பலப்பரீட்சையை நடத்தின. இத்தொடரில் தம்புள்ள 17 வயதுக்குட்பட்ட அணிக்காகக் களமிறங்கிய வடமாகாணத்தைச் சேர்ந்த இளம் கிரிக்கெட் நட்சத்திரங்களான யாழ்ப்பாணம் இந்துக் கல்லூரியின் முரளிதரன் அனீஷ் மற்றும் யாழ்ப்பாணம் பரியோவான் கல்லூரியின் உதயகுமார் ஷனோன் ஆகியோர், தொடர் முழுவதும் தங்களது அசாத்திய திறமையால் அனைவரது கவனத்தையும் ஈர்த்துள்ளனர்.
​​தோல்வி என்பது ஒரு போட்டியின் தற்காலிக முடிவுதானே தவிர, திறமையின் முடிவல்ல. அரை இறுதிப் போட்டியில் தம்புள்ளை அணி கொழும்பு தெற்கு அணியிடம் வெற்றியைத் தவறவிட்டுத் தொடரிலிருந்து வெளியேறியிருந்தாலும், ஆடுகளத்தில் வடமாகாணத்தின் இந்த இரண்டு இளம் வீரர்களும் வெளிப்படுத்திய அபார திறனும் மனவுறுதியும் தோல்வியின் நிழலையும் தாண்டி ஒளிவீசுகின்றன.
​எதிரணியின் கூர்மையான பந்துவீச்சுத் தாக்குதலுக்கு மத்தியில், களத்தில் நங்கூரம் பாய்ச்சி நின்ற அந்த ஆட்டம் ஒரு மிகச்சிறந்த கிரிக்கெட் காவியம். அரை இறுதி போட்டியில் தம்புள்ள அணியின் விக்கெட்டுகள் சீட்டுக்கட்டுப் போலச் சரிந்தபோதிலும், பதற்றமின்றி 135 பந்துகளை எதிர்கொண்டு 10 கம்பீரமான பவுண்டரிகளுடன் அடித்த 84 ரன்கள் என்பது வெறும் எண்களின் தொகுப்பல்ல; அது அந்த இளம் வீரரின் அபாரமான தொழில்நுட்பச் செழுமையையும், அழுத்தங்களைக் கையாளும் தனித்துவமான மனோபலத்தையும் பறைசாற்றுகிறது. தொடர் முழுவதும் 4 போட்டிகளில் 131 ரன்களைக் குவித்து, அணியின் முதுகெலும்பாகத் திகழ்ந்த அவரது துடுப்பாட்டப் திறன் பாராட்டுக்குரியது.​மறுபுறம், பந்தைக் கையில் ஏந்தியபோதெல்லாம் எதிரணிக்கு அச்சத்தை ஏற்படுத்திய ஜோன் ஷனோனின் பந்துவீச்சுத் திறன் வியப்பளிக்கத் தவறவில்லை அரையிறுதிபோட்டியிலும் . துல்லியமான லைன் மற்றும் லென்த்தில் பந்துகளை வீசி, 9 ஓவர்களில் 51 ரன்களை மட்டுமே விட்டுக்கொடுத்து 4 முக்கிய விக்கெட்டுகளைக் கைப்பற்றியது, ஒரு முதிர்ச்சியான பந்துவீச்சாளரின் அபரிமிதமான திறமையைக் காட்டுகிறது. இந்தத் தொடர் முழுவதும் 4 போட்டிகளில் 10 விக்கெட்டுகளை வீழ்த்தி, தொடரின் மிகச் சிறந்த பந்துவீச்சாளர்களில் ஒருவராகத் தன் முத்திரையைப் பதித்துள்ளார்.
​​வெற்றி தோல்விகளுக்கு அப்பாற்பட்டு, வடபுலத்து மண்ணின் திறமையை தம்முடைய துடுப்பாட்டம் மற்றும் பந்து வீச்சின் வீரியத்தை தேசிய மட்டத்தில் கம்பீரமாகப் பறைசாற்றிய இந்த இளம் நட்சத்திரங்களின் பின்னணியில் பெரும் உழைப்பும் தியாகமும் ஒளிந்துள்ளன. இவர்களைப் பட்டை தீட்டிச் செதுக்கிய பாடசாலைச் சமூகத்திற்கும், மைதானத்தில் வழிகாட்டி வளர்த்தெடுத்த பாடசாலை,மாவட்ட,,மாகாண பயிற்சியாளர்களுக்கும், இவர்களது கனவுகளுக்குச் சிறகுகளாக இருந்து இரவு பகலாகத் தோள் கொடுக்கும் பெற்றோர்களுக்கும் SAJE 7 INFO வாழ்த்துகளையும் பாராட்டுக்களையும் தெரிவித்துக் கொள்கிறது. இந்த அர்ப்பணிப்பும் ஆதரவுமே நாளை நமது மண்ணில் இருந்து இன்னும் பல தேசிய நட்சத்திரங்களை உருவாக்கும் பேராயுதமாகும்..... 👍

29/08/2026

எங்கள் நட்சத்திரங்கள் 🏏💥

யூத லீக் சாம்பியன் கொழும்பு; ஆனால் ஆட்டத்தின் ஆன்மா வடக்கின் வசமே!
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
​இன்றைய ஸ்ரீலங்கா யூத லீக் இறுதிப் போட்டியின் முடிவைப் புள்ளியியல் புத்தகங்கள் இப்படித்தான் குறித்து வைக்கும்: கொழும்பு சவுத் அணி 198 ஓட்டங்கள் வித்தியாசத்தில் அபார வெற்றி; காலி அணி 99 ஓட்டங்களுக்குச் சுருண்டு சரணடைந்தது.
​ஆனால், வெறும் எண்களும் முடிவுகளும் மட்டுமே கிரிக்கெட்டின் முழு கதையையும் சொல்லி விடுவதில்லை. சில போட்டிகள் கிண்ணங்களை யார் ஏந்துகிறார்கள் என்பதற்காக நினைவுகூரப்படும்; சில போட்டிகள் யார் எதிர்த்து நின்று போராடினார்கள் என்பதற்காக வரலாற்றில் உறைந்துபோகும்.
​கொழும்பு அணியின் பந்துவீச்சுப் பேரலைக்கு முன்னால் காலி அணி எவ்வித எதிர்ப்புமின்றி மண்டியிட்டதைப் பார்த்த நொடியில், சில நாட்களுக்கு முன் நடந்த அரை இறுதிப் போட்டிதான் நினைவுக்கு வருகிறது. கொழும்பு சவுத் வீசிய அதே நெருப்புப் பந்துகளைத் தம்புள்ளை அணியின் சீருடையில் களமிறங்கிய எங்களுடைய வடக்கின் இரு இளம் சிங்கங்கள் எதிர்கொண்ட விதம், வெறும் கிரிக்கெட் அல்ல—அது அவர்களின் அசாத்தியமான தற்காப்புக் கலை!
​326 ஓட்டங்கள் என்ற இமாலய ஓட்ட இலக்கு. 33 ஓட்டங்களுக்கு 4 விக்கெட்டுகள் சரிந்து, தம்புள்ளை அணியின் நம்பிக்கையே தரைமட்டமாகியிருந்த சூழல். கொழும்பு அணியின் பந்துவீச்சாளர்கள் போட்டியின் முடிவை நோக்கி விரையத் துடித்த அந்தப் பதற்றமான தருணத்தில்தான், முரளிதரன் அனீஷ் (Muralitharan Anish) எனும் எங்களுடைய இளம் வீரர் களத்தின் நடுவே ஒரு பாறையைப் போல நிலைத்து நின்றார். 135 பந்துகள், 10 கம்பீரமான பவுண்டரிகள், 84 ஓட்டங்கள்! அது வெறும் ஓட்டங்களின் எண்ணிக்கை அல்ல; கொழும்பு அணியின் வியூகங்களை ஒவ்வொன்றாகத் தகர்த்தெறிந்த ஒரு தனிநபர் விஸ்வரூபம்.
​அனீஷ் துடுப்பாட்டத்தில் நங்கூரமிட்டார் என்றால், அதற்கு முன் பந்துவீச்சில் கொழும்பு சவுத் அணியின் ஓட்ட வேகத்திற்கு முட்டுக்கட்டை போட்டவர் உதயகுமார் ஜோன் ஷனோன் (Udayakumar jhon Shenon). எதிரணியின் துடுபாட்ட ஆதிக்கத்தைச் தனது துல்லியமான வேகத்தால் கட்டிப்போட்டு, 9 ஓவர்களில் 51 ஓட்டங்களுக்கு 4 விக்கெட்டுகளைக் கைப்பற்றி தம்புள்ளை அணியின் முதன்மைப் போராளியாக மாறினார்.
​இறுதிப் போட்டியில் 27.1 ஓவர்களிலேயே காலி அணி மொத்தமாகச் சரணடைந்த இடத்தில், அரை இறுதியில் 50 ஓவர்கள் முழுமையையும் தம்புள்ளை அணி கடந்து நின்று போராடியதன் பின்னணியில் வடக்கின் இந்த இரு ஆளுமைகளின் பங்கும், மன உறுதியும்தான் பிரதானமாக இருந்தது.
​விருதுகளும் அங்கீகாரமும் மட்டுமே வீரர்களின் மனதிடத்தைப் பரிசீலிப்பது இல்லை; அவர்களின் விடாமுயற்சியும் தன்னம்பிக்கையும்தான் அவர்களை அடுத்த கட்டத்திற்கு எடுத்துச் செல்லும். எங்கட பெடியள் எங்களுக்கு பெருமையைத் தேடித் தந்துட்டாங்க, அவங்கட பேரை வரலாற்று முக்கியத்துவம் வாய்ந்த இடத்துல வலுவா பொறிச்சுட்டுதான் வந்திருக்காங்க...💥🔥🏏

27/07/2026

இரும்பன் ஐயா 🏏

தலையில் மோதிய பந்து, காற்றில் பறந்த கேட்ச், அன்று உருவானது ஒரு ‘இரும்பன்’ காவியம்.
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
​ஹெல்மெட்டுகள் இல்லாத, வெறும் உடல்பலமும் மனத்துணிச்சலும் மட்டுமே கவசங்களாக இருந்த அந்த 1960களின் கிரிக்கெட் மைதானங்கள் ஆபத்தானவை; அதே சமயம் ஆச்சரியங்கள் நிறைந்தவை. வெள்ளைச் சீருடையை அணிந்து, ஸ்லிப் திசையில் கூர்மையான பார்வைகளோடு நின்றுகொண்டிருக்கிறார் இளம் வீரரான சண்முகலிங்கம். அது ஒரு பெருஞ் சமர் போட்டி அல்ல என்றாலும், மைதானத்தின் வேகம் உச்சத்தில் இருந்தது. அப்போதுதான் அந்த விசித்திரம் நிகழ்ந்தது. பேட்ஸ்மேனின் பேட்டில் பட்டு மின்னல் வேகத்தில் சீறி வந்த கடினமான லெதர் பந்து, சண்முகலிங்கத்தின் தலையில் மிகக் கொடூரமாக மோதுகிறது. மைதானமே ஒரு நொடி ஸ்தம்பிக்க, அவரது தலையில் பட்டுத் தெறித்த பந்து கீழே விழாமல், அப்படியே காற்றில் எழும்பி ‘தேர்ட் மேன்’ திசையில் நின்றுகொண்டிருந்த ஃபீல்டரின் கைகளில் தஞ்சமடைகிறது! பேட்ஸ்மேன் அவுட்!
​“பொதுவாக ஹெல்மெட் இல்லாத அந்தக் காலத்தில், கடினமான லெதர் பந்து தலையில் பட்டால் மண்டை ஓடு நொறுங்குவது உறுதி. ஆனால், அந்தப் பந்தை தாங்கியது ஒரு சாதாரண மனிதத் தலை அல்ல; அது இரும்பு!”
​அன்று முதல் அவர் வெறும் சண்முகலிங்கம் அல்ல; ‘இரும்பன் சண்முகலிங்கம்’. கிரிக்கெட் வரலாற்றில் மிக விசித்திரமான, அதே சமயம் ஒரு வீரரின் அபாரமான உடல் வலிமைக்கும் மன உறுதிக்கும் சான்றாக அமைந்த இந்த சுவாரசியமான சம்பவத்தை அவரே பின்னாளில் புன்னகையோடு பகிர்ந்துகொண்டார்.
​சமூகத்தின் கண்ணாடியாக கிரிக்கெட்டைப் பார்க்கும் வரலாற்றுப் பார்வையில், சண்முகலிங்கத்தின் கதை யாழ்ப்பாணத்து மண்ணின் கிரிக்கெட் பாரம்பரியத்தின் ஒரு முக்கிய அத்தியாயம். 1965 மற்றும் 1966 ஆகிய ஆண்டுகளில் வடக்கின் பெருஞ் சமர் (Battle of the North) தட்டுகளில் தனது முத்திரையைப் பதித்தவர். குறிப்பாக, 1966 இல் யாழ் மத்திய கல்லூரியின் சிறந்த பந்துவீச்சாளராக (Best Bowler) உருவெடுத்த இவரது பந்துவீச்சு, எதிரணி பேட்ஸ்மேன்களின் விக்கெட்டுகளை மட்டுமல்ல, அவர்களின் நிம்மதியையும் பறித்தது.
​விளையாட்டின் மீதான இந்த தூய காதல் வெறும் பள்ளி மைதானத்தோடு நின்றுவிடவில்லை. 20 வயதில் காவல்துறை (Police Team) அணியில் இணைந்து, பின்னர் இலங்கை ரயில்வே (Sri Lanka Railway) அணிக்காக விளையாடி, தனது கிரிக்கெட் தாகத்தைத் தணித்துக் கொண்டார் இந்த இரும்பன்.
​களத்தில் விளையாடும் வீரர்களை விட, அவர்களுக்குப் பின்னால் நின்று அவர்களை உருவாக்கும் பேராசான்களின் பங்களிப்பு எப்போதும் தனித்துவமானது. சண்முகலிங்கம் ஒரு சிறந்த வீரராக மட்டுமல்லாமல், வட இலங்கை கிரிக்கெட்டின் திசையை மாற்றிய தத்துவஞானியாகவும் திகழ்ந்தார். யாழ் ஸ்டான்லி கல்லூரி அணியின் பயிற்சியாளராக, யாழ் பல்கலைக்கழக கிரிக்கெட் அணியின் வழிகாட்டியாக, 1997 தொடக்கம் 2004 வரை யாழ் மத்திய கல்லூரி மற்றும் யாழ் மாவட்ட கிரிக்கெட் அணிகளின் தலைமைப் பயிற்சியாளராக அவர் தன்னை நிரூபிக்கத் தவறவில்லை. அவர் நெட்ஸ் (Nets) பயிற்சிகளில் வந்து நின்றாலே, இளம் வீரர்களின் மணிக்கட்டுகளில் வேகம் கூடும்; துடுப்பாட்டத்தில் ஒழுக்கம் பிறக்கும். அந்த வகையில் யாழ்ப்பாணத்து கிரிக்கெட்டின் மரபணுவை அடுத்த தலைமுறைக்குக் கடத்திய ஒரு சிற்பி அவர்.
​அந்த ஒரு குறிப்பிட்ட போட்டியில் தலையில் பந்து பட்டும் அசராது நின்ற அந்த ‘இரும்பன்’ என்ற பெயருக்குப் பின்னால் இருந்தது வெறும் அதிர்ஷ்டம் அல்ல; அது இந்த மண்ணின் அசல் பலம். துடுப்பாட்ட ஆளுமையாகவும், பந்துவீச்சு அரசனாகவும், நூற்றுக்கணக்கான வீரர்களை உருவாக்கிய ஆசானாகவும் சண்முகலிங்கம் என்ற பெயர், யாழ் மத்திய கல்லூரியின் புல்வெளிகளிலும், ஈழத்து கிரிக்கெட் வரலாற்றிலும் என்றும் அழியாத ‘இரும்பு’ எழுத்துக்களால் பொறிக்கப்பட்டிருக்கும்..... ஒரு தேடலில் கிடைத்த தகவல்களை கொண்டு இவர் பற்றிய இந்த பதிவை எழுத கிடைத்தது.
ரைட்டரு:- SAJE -SAJE 7 INFO

27/07/2026

Thavaraasa Pratheep 💥🏏

27/07/2026

ரஞ்சித்குமார் நியூட்டன் 🏏💥⭐

27/07/2026

இலங்கை கிரிக்கெட்டுக்கு முகவரி தந்த தமிழன் 👍