Criq Lanka

28/05/2026

තාම වයස අවුරුදු 15 යි. සීසන් එකේ ලකුණු 680 ක් ගහලා ඉවරයි. තමන්ගේ දෙවනි අයි පී එල් සීසන් එකේම දැනට වැඩිම ලකුණු ලාභියා.

රාජස්තාන් රෝයල්ස් වලට අවශ්‍ය හැම මොහොතකම තමන්ගේ උපරිමය දෙනවා. ක්‍රීඩා කරන්නේ පන්දු කීයද මේ පන්දු කිහිපයෙන් උපරිම ඩැමේජ් එකක් ප්‍රතිවාදීන්ට කරලා යන්න අමතක කරන්නේ නෑ.

වයිබව් සූර්යවංශී කියන නම ඉදිරි කාලයේදී ලෝක ක්‍රිකට් පිටියටම හිසරදයක් වෙන්න යන්නේ කියලා ඔහු දැන් දවසින් දවස ඔප්පු කරමින් ඉන්නවා. ඒක එහෙම ලේසි පහසු දෙයක් නෙමෙයි.

අද එලිමිනේටර් තරගයේදී ඔහු පන්දු 29 කදී ලකුණු 97 ක් ලබා ගන්නවා. හතරේ පහර 5 ක් සහ හයේ පහර 12 ක් එක්ක. ඔහුට අයි පී එල් ඉතිහාසයේ වේගවත්ම ශතකය මගහැරෙන්නේ ලකුණු 3 කින්.

පැට් කමින්ස්ව එහෙම සත පහකට ගණන් ගන්නේ නෑ. ඕස්ට්‍රේලියා නායකයා. අත්දැකීම් ටොන් ගණනක් තියෙන ක්‍රීඩකයා. කිසිම පන්දු යවන්නෙක්ව ඔහු මායිම් කරන්නේ නෑ.

සචින් තෙන්දුල්කාර්ලා, විරාට් කෝලිලා මේ කවුරුත් මේ වයසේදී මෙහෙම ගහලා නෑ. කොටින්ම යුනිවර්ස් බොස් කියන ක්‍රිස් ගේල් වත් මෙච්චර ලොකු ස්ට්‍රයික් රේට් එකක් තියන් සීසන් එකක් ගහලා නෑ.

අවුරුදු 15 සූර්යවංශී මේ කඩාගෙන යන්නේ ක්‍රිකට් පිටියේ දැවැන්තයන්, පුරාවෘත්තයන් තියපු වාර්තා. ඔහුව කිසිසේත්ම දැන් සුළුවට තකන්න බෑ.

21/05/2026

අද බංග්ලාදේශ ක්‍රිකට් වලට ඓතිහාසික දවසක්. ඔවුන් පාකිස්තානය පරාජයට පත් කර 2-0 ක පූර්ණ ටෙස්ට් තරගාවලි ජයග්‍රහණයක් ලබා ගත්තා. මේ තරගාවලියේ වීරයා සම්මානය දිනා ගන්නේ තරගාවලිය පුරාවට ලකුණු 253 ක් රැස් කළ මුෂ්පිකර් රහීම්.

මුෂ්පිකර් රහීම් දෙවන ටෙස්ට් ක්‍රිකට් තරගයේ බංග්ලාදේශ දෙවන ඉනිමේදී විශිෂ්ට ශතකයක් රැස් කරමින් ලකුණු 137 ක් රැස් කිරීමට සමත් වුණා.

මුෂ්පිකර් රහීම් බංග්ලාදේශය වෙනුවෙන් ටෙස්ට් හිස්වැස්ම පළඳින්නේ 2005 වර්ෂයේදීයි. එතැන් පටන් මේ වන විට වසර 21 ක් පුරාවට ඔහු ටෙස්ට් ක්‍රිකට් පිටියේ බංග්ලාදේශය වෙනුවෙන් ක්‍රීඩා කරමින් සිටිනවා.

මේ වන විට ටෙස්ට් ක්‍රිකට් පිටියේ ක්‍රීඩා කරන ක්‍රීඩකයන් අතර තවමත් සක්‍රීයව වැඩිම කාලයක් ක්‍රීඩා කරන ක්‍රීඩකයා වෙන්නෙත් මුෂ්පිකර් රහීම්. ඒ කියන්නේ මේ මොහොතේදී.

ටෙස්ට් ක්‍රිකට් කියන්නේ ක්‍රිකට් ක්‍රීඩාවේ වඩා රාජකීයම ෆෝමැට් එක. ටෙස්ට් ක්‍රිකට් ක්‍රීඩා කරද්දී ඕනෑම ක්‍රීඩකයෙක්ගේ ඉවසිලිවන්ත බව, ශාරීරික යෝග්‍යතාවය මේ හැමදේම උපරිමයට බලපානවා.

මේ හැමදේම ක්‍රීඩකයෙක්ට උපරිමයෙන්ම තියෙන්න ඕනි. නැත්නම් ඔහුට ටෙස්ට් ක්‍රිකට් පිටියේ ක්‍රීඩා කරන්න හැකියාවක් ලැබෙන්නේ නෑ. රැඳිලා ඉන්න හැකියාවක් ලැබෙන්නෙත් නෑ.

බංග්ලාදේශය වගේ රටක ක්‍රීඩා කරන ගමන් ටෙස්ට් ක්‍රිකට් පිටියේ ස්ථාවර වෙලා මේ විදිහට ක්‍රීඩා කරනවා කියන්නේ සෑහෙන අමාරු වැඩක්. මොකද ඔවුන්ට ටෙස්ට් තරග ක්‍රීඩා කිරීමට ලැබෙන්නේ සෑහෙන අඩු වශයෙන්.

මුෂ්පිකර් අවුරුදු 21 ක් තිස්සේ මේ දේ කරනවා. ඒ විතරක් නෙමෙයි ඔහු බංග්ලාදේශ ක්‍රිකට් වල නැගීම් බැසීම් මේ හැම තැනක්ම දරාගෙන ඉන්නවා.

ඔහු දැනටමත් බංග්ලාදේශය වෙනුවෙන් ටෙස්ට් තරග 100 ක් ක්‍රීඩා කරපු පළමු ක්‍රීඩකයා. බංග්ලාදේශය වෙනුවෙන් වැඩිම ටෙස්ට් ලකුණු ලබාගත්ත ක්‍රීඩකයා වාර්තාවත් ඔහු සතුයි. සියල්ලම එක්ක අවුරුදු 21 ක් ඔහු තවම ඉහළම විදිහට ක්‍රීඩා කරනවා.

ඒක විශ්වකර්ම දස්කමක්.

ඔහු ටෙස්ට් තරග 102 කදී ඉනිමකට සාමාන්‍යය 39.31 ක අගයක පවත්වාගනිමින් ලකුණු 6763 ක් ලබාගෙන සිටින්නේ ශතක 14 ක් සහ අර්ධ ශතක 29 ක් වාර්තා කරමින්.

මුෂ්පිකර් රහීම්ගේ හැසිරීම් රටාව සම්බන්ධයෙන් නම් ශ්‍රී ලංකාවේ අපිට තියෙන්නේ එච්චර පැහැදිලි හැඟීමක් නෙමෙයි. හැබැයි ඔහුගේ දක්ෂතාවය සහ ක්‍රීඩා කිරීමේ කාලය ගැන කතා කරද්දී ඔහු බංග්ලාදේශ ක්‍රිකට් වල සැබෑම පුරාවෘත්තයක් කියන එක අපිට ඉවත දාන්න බෑ.

මුෂ්පිකර් රහීම් තව කොපමණ කාලයක් බංග්ලාදේශය වෙනුවෙන් ටෙස්ට් ක්‍රිකට් ක්‍රීඩා කරයිද කියලා කියන්න බෑ. හැබැයි ඔව් ක්‍රිකට් ක්‍රීඩාවේ සෑහෙන වැදගත් චරිතයක් වෙලා අවසන්.

20/05/2026

පොඩි මැන්ගෙන් අද අලුත් celebration එකක් 🔥

221 chase එකක්,
Open ඇවිත් 93 off 38,
7 fours, 10 sixes,
Boundaries වලින් 88ක්,
Boundary percentage එක 94.6%,
Strike rate එක 244.74,
වයස අව්රුදු 15යි,
IPL ඉතිහාසයේ එක season එහෙක වැඩිම හයේ පාරවල්,
මැච් 13යි, හයේ එවා 53යි,
මේ IPL එකේ දැනට වැඩිම ලකුණු ලාබියා,
13 matches, 579 runs, 236 strike rate.

17/05/2026

14/05/2026

විස්සයි විස්ස ක්‍රිකට් කියන්නේ ක්ෂනික ආහාර වගේ.. රහයි, ලස්සනයි, ගුණ නැහැ.. හැබැයි ටෙස්ට් ක්‍රිකට් කියන්නේ අම්මා ගෙදර ආදරයෙන් හදලා දරුවන්ට කවන හොඳ කෑම එක වගේ.. ගුණයි, ඒකෙන් හුගක් දේවල් ඉගනගන්න පුලුවන්, දරුවට වරදක් වෙන්නෙත් නැහෑ..
- අර්ජුන රණතුංග -

06/05/2026

"අපි නවසීලන්තයත් සමග ටෙස්ට් තරගයක් ක්‍රීඩා කරමින් හිටියේ. පන්දුව ඒ වෙද්දි රිවර්ස් ස්වින්ග් වෙන්න පටන් ගත්තා. මමයි රාහුල් ඩ්‍රාවිඩුයි තමා බැට් කලේ. පන්දු යැව්වේ ක්‍රිස් ක්‍රේයින්ස්. පන්දුව කිහිප අවස්ථාවකදීම අපිව පහු කරගෙන ගියා."

"ඒ වෙලාවෙදි මම රාහුල් එක්ක කතා කළා. කතා කරද්දි මම කිව්වේ ආයෙම ක්‍රිස් බෝල් කරන්න එද්දි මම ඔහුගේ අත දිහා බලන් ඉන්නම්. බෝලේ ශයින් පැත්ත මොකක්ද රෆ් පැත්ත මොකක්ද ක්‍රිස් කොහොමද බෝලේ අල්ලගෙන එන්නේ කියලා."

"එහෙම බලලා බැට් එක මම මාරු කරන්නම් කියලා. ඔහු යවන්නේ Out Sw***er එකක් නම් බැට් එක මගේ වම් අතේ තියාගන්නවා. ඔහු යවන්නේ In Sw***er එකක් නම් මම බැට් එක දකුණු අතේ තියාගන්නවා."

"දැන් මම ක්‍රිස් දිහා බලන් ඉන්නවා. රාහුල් මගේ දිහා බලන් ඉන්නවා. මම හිතන්නේ පිතිකරුවෙක් බෝල්ර් දිහා හරි බෝලේ දිහා හරි බලන්නෙ නැතුව එහා පැත්තෙ බැට් කරන කෙනා ගැන වැඩි අවධානෙන් බලපු පලවෙනි පාර ඒක වෙන්නැති. වැඩේ හරිගියා. කවර් ඩ්‍රයිව්ස් දෙක තුනක් එක්ක හතරේ පාරවල් දෙක තුනකුත් වැදුණා."

"ක්‍රිස් මේ වෙලාවේ ටිකක් කලබල වුණා එකපාරට මොකද මේ වෙන්නෙ කියලා. මිනිහගේ මොමෙන්ටම් එකත් නැති වෙලා ගිහින්. පස්සේ වැඩේ දැනිලද කොහෙද එයා බෝලේ මැදින් අල්ලලා ක්‍රොස් සීම් බෝල් එකක් දැම්මා. දාලා මගේ දිහා බැලුවා දැන් මොකද කියන්නේ වගේ බැල්මකින්."

"ඒත් ක්‍රිස් එක දෙයක් දැනගෙන හිටියේ නෑ. දාන බෝලෙ මොකක්ද කියලා දන්නෙ නැත්තන් මම රාහුල් ට කියලා තිබ්බේ මම බැට් එක කකුල් දෙක මැදින් තියාගෙන ඉන්නේ කියලා." 😹

06/05/2026

ඉන්දීය ක්‍රිකට් ක්‍රීඩකයන්ගේ පෙම්වතියන් අයිපීඑල් තරගාවලිය අතරතුරදී ක්‍රීඩකයන් සමඟ ක්‍රීඩක බස් රථයේ ගමන් කිරීමත් නවාතැන්ගෙන සිටින හෝටලයේම නවාතැන් ගැනීමත් ‍‍හේතුවෙන් මතුව ඇති තත්ත්වය පාලනය කිරීමට නව නීති පැනවීමට ඉන්දීය ක්‍රිකට් ආයතනය සූදානම් වේ.

බොහෝ ක්‍රීඩකයන්ගේ පෙම්වතියන් තරග නැරඹීමට නගරයේ සිටින අතර පසුව කෙටි කාලයක් හමුවන බවට කරුණු අනාවරණයවී ඇත. ඔට්ටු ඇල්ලීමේ වෙබ් අඩවි ප්‍රවර්ධනය කරන අයට ද මෙලෙස ක්‍රීඩකයන් හමුවීමේ අවස්ථා උදාවන බව පැවසේ.

“පෙම්වති සංස්කෘතියේ” උගුලෙන් ඉන්දීය ක්‍රිකට් ක්‍රීඩාව බේරා ගැනීම සඳහා දැඩි නීති හඳුන්වා දීමට ඉන්දීය ක්‍රිකට් පාලක මණ්ඩලය සූදානම් බව එහි ප්‍රකාශකයකු මාධ්‍ය වෙත පැවසීය.‍ ඔස්ට්‍රේලියාවේ පැවති අවසන් ටෙස්ට් තරගාවලිය පරාජය වීමෙන් පසුව, ඉන්දීය ක්‍රිකට් ක්‍රීඩකයන් සඳහා දැඩි නීති පැනවූ අතර, බිරිය සහ දරුවන් (අවුරුදු 18 ට අඩු) දින 45 කට වඩා වැඩි විදේශ සංචාර සඳහා හමුවීම සති දෙකකට සීමා විණි.

මේ සම්බන්ධයෙන් ඉන්දීය ක්‍රිකට් නිලධාරියෙක් පැවසුවේ “අපි මේ නීතිය හැදුවා. අයිපීඑල් සම්බන්ධයෙන් යමක් කළ යුතුයි. මීට පෙර, අයිපීඑල් තරගවලදී පෙම්වතියන්ට ක්‍රීඩකයන්ගේ හෝටල්වල රැඳී සිටීමට අවසර තිබු‍ණේ නෑ. නමුත් දැන් එය ප්‍රවණතාවක් බවට පත්ව තියෙනවා. දැන් දැඩි නීති හඳුන්වා දියයුතු කාලය එළැඹිලා” යනුවෙනි.