தமிழினி Loganathan

06/06/2026

குழந்தைகள் முன்னிலையில் உடை மாற்றும் பெற்றோர் - இந்த பதிவு உங்களுக்கு தான்!

பொதுவாகவே பெற்றோராக, ஒவ்வொருவரும் தங்கள் குழந்தைக்கு எந்த விடயத்திலும் சிறந்ததை கொடுக்கதான் விரும்புவார்கள். தன் குழந்தையின் உடல் மற்றும் மன வளர்ச்சியை மேம்படுத்த என்ன செய்ய வேண்டும் என்று பார்த்து பார்த்து செய்யும் பெற்றோர்கள்.

ஆனால் தங்களை அறியாமலேயே குழந்தைகளுக்கு சில விடயங்களை தவறாக கற்றுக்கொடுத்துக்கொண்டிருக்கின்றார்கள். நாம் சில விடயங்களை குழந்தைகளுக்கு சொல்லி புரிய வைக்கவே முடியாது. மாறாக இது நமது நடத்தையின் மூலம் தான் புரிந்துக்கொள்கின்றார்கள். அதி்ல் முக்கியமான விடயம் தான் குழந்தைகள் முன்னிலையில் உடை மாற்றுவது. பொதுவாகவே இந்த பழக்கம் பெரும்பாலான வீடுகளில் காணப்படுகின்றது. குழந்தைகள் தானே என நினைத்து இவர்கள் முன்னிலையில் ஆடை மாற்றுவது என இந்த பதிவில் விரிவாக பார்க்கலாம்.

ஏன் தவறு? பொதுவாகவே இந்த குழப்பம் பெரும்பாலான பெற்றோர்களுக்கு இருக்கும். ஆனால் நாம் ஒரு விடயத்தை தெளிவாக புரிந்துக்கொள்ள வேண்டியது அவசியம். குழந்தைகள் நமது நடத்தைகள் ஒவ்வொன்றையும் இவர்களை அறியாமலேயே உன்னிப்பாக கவனிக்கின்றார்கள். அதனை பின்பற்றவும் செய்கின்றார்கள்.

அந்த வகையில், சிறுவர்கள் முன்னிலையில் நாம் உடைமாற்றுவதை அவர்கள் பார்க்கும் போது, யார் முன்னிலையிலும் உடை மாற்றலாம் இது தவறில்லை என்ற எண்ணம் இவர்களுக்குள் குழந்தை பருவத்திலேயே ஆழமாக பதிந்துவிடும். எனவே மூன்று வயதுக்கு மேற்பட்ட குழந்தைகள் முன்னிலையில் பெற்றோர் ஆடை மாற்றுவதை தவிர்ப்பதே சிறந்தது. அம்மா உடை மாற்ற போகின்றேன் கொஞ்சம் வெளியில் இரு... கதவை மூடு என்று சொல்லும் போது குழந்தைகளுக்கு மற்றவர்களின் தனியுரிமையையும் மதிக்க வேண்டும் என்பது புரியும்.

குறிப்பாக ஆண் குழந்தைகளுக்கு சிறு வயதில் இருந்தே மற்றவர்களின் தனியுரிமையை மதிக்க கற்றுக்கொடுக்க வேண்டும். தனிப்பட்ட பகுதிகளில் ஆடைகளை மாற்றுவதன் மூலம், தனிப்பட்ட இடம் மற்றும் தனியுரிமையின் மதிப்பை நீங்கள் நிரூபிக்கிறீர்கள். உடைகளை மாற்றும் போது குழந்தைகளின் தனியுரிமையை அனுமதிப்பது அவர்களுக்கு உடல் சுயாட்சி மற்றும் சம்மதம் பற்றி கற்றுக்கொடுக்கிறது.

அவர்களின் உடலை யார், எப்போது பார்க்கிறார்கள் என்பதை அவர்கள் கட்டுப்படுத்துகிறார்கள் என்பதை அவர்கள் அறிந்துகொள்கிறார்கள். தற்காலத்தில் குழந்தைகள் தவறான நடத்தைக்கு உட்படுத்தப்படுவது அதிகரித்து வருகின்றது. அந்நிலையில் சிறுவயதில் இருந்தே குழந்தைகளுக்கு தனியுரிமையின் முக்கியத்துவத்தைக் கற்றுக் கொடுக்க வேண்டியது அவசியம்.

05/06/2026

ஒரு மனிதனின் விடாமுயற்சி...
ஒரு மலையின் தோல்வி

மனித மன உறுதியின் வலிமையை உலகுக்கு எடுத்துக்காட்டிய உண்மைச் சம்பவம் இது.

இந்தியாவின் பீகார் மாநிலத்தில் உள்ள கெஹ்லௌர் என்ற சிறிய கிராமத்தில் வாழ்ந்தார் தஷ்ரத் மாஞ்சி. 1959-ஆம் ஆண்டு, அவரது மனைவி பல்குனி தேவி உணவு கொண்டு செல்லும் வழியில் ஆபத்தான மலைப்பாதையில் விபத்துக்குள்ளானார். அருகில் மருத்துவ வசதி இல்லாததால் அவரை காப்பாற்ற முடியவில்லை.

இந்த துயர இழப்பு தஷ்ரத் மாஞ்சியின் மனதில் ஒரு தீவிரமான எண்ணத்தை விதைத்தது.

“இனி இந்த மலையால் யாருடைய உயிரும் பறிக்கப்படக் கூடாது” என்ற உறுதியுடன், 1960-ஆம் ஆண்டு ஒரு சாதாரண உளியும் சுத்தியலும் மட்டுமே கையில் எடுத்துக் கொண்டு மலையை செதுக்கும் பணியைத் தொடங்கினார்.

பலர் அவரை ஏளனமாக பார்த்தனர். சிலர் அவரை பைத்தியக்காரன் என்றும் அழைத்தனர். ஆனால் அவர் தனது இலக்கிலிருந்து ஒரு போதும் பின்வாங்கவில்லை. வெயில், மழை, பசி, தாகம் அனைத்தையும் பொருட்படுத்தாமல் தினமும் உழைத்தார்.

22 ஆண்டுகள் நீண்ட அவரது அயராத முயற்சியின் பலனாக, 1982-ஆம் ஆண்டு மலையின் நடுவே ஒரு பாதையை உருவாக்கி சாதனை படைத்தார்.

அவர் தனியாக உருவாக்கிய அந்தப் பாதை சுமார் 110 மீட்டர் நீளம், 9 மீட்டர் அகலம் மற்றும் 8 மீட்டர் ஆழம் கொண்டது.

இந்த முயற்சியால் முன்பு 55 கிலோமீட்டர் சுற்றிச் செல்ல வேண்டிய மக்கள், வெறும் 15 கிலோமீட்டரில் தங்கள் இலக்கை அடைய முடிந்தது. மருத்துவம், கல்வி மற்றும் அத்தியாவசிய சேவைகள் ஆயிரக்கணக்கான மக்களுக்கு எளிதில் கிடைக்கத் தொடங்கின.

இதனால் உலகம் அவரை “மவுண்டன் மேன்” (Mountain Man) என்று போற்றியது. 2007-ஆம் ஆண்டு அவர் மறைந்தபோது, பீகார் அரசு முழு அரசு மரியாதையுடன் அவருக்கு இறுதி அஞ்சலி செலுத்தியது.

ஒரு சாதாரண மனிதனின் உறுதியும் அர்ப்பணிப்பும் இயற்கையின் மிகப்பெரிய தடைகளைக் கூட உடைத்து வெற்றி பெற முடியும் என்பதை தஷ்ரத் மாஞ்சி தனது வாழ்க்கையால் நிரூபித்தார்.

உலகம் “முடியாது” என்ற இடத்தில், அவர் “முடியும்” என்று நம்பினார்; அதுவே அவரை வரலாற்றில் நிலைநிறுத்தியது.

30/05/2026

இயற்கையின் மிகப்பெரிய பொறியியல் அதிசயம் – ஆறுகள் எப்படி உருவாகின்றன?

இயற்கையில் காணப்படும் அற்புதமான படைப்புகளில் ஆறுகள் மிகவும் முக்கியமானவை. மனித வாழ்க்கை, விவசாயம், தொழில், உயிரினங்களின் வாழ்வு போன்ற பல துறைகளுக்கு ஆறுகள் இன்றியமையாத ஆதாரமாக உள்ளன.

ஒரு ஆற்றின் உருவாக்கமும் அதன் பயணமும் இயற்கையின் மிகப்பெரிய பொறியியல் அதிசயமாகக் கருதப்படுகிறது. மலைச்சிகரங்களில் தொடங்கி கடலில் கலக்கும் வரை ஆறுகள் நீண்ட பயணத்தை மேற்கொள்கின்றன.

ஆறுகள் பொதுவாக மழைநீர், பனி உருகுதல் மற்றும் நிலத்தடி நீர் ஊற்றுகள் ஆகியவற்றிலிருந்து உருவாகின்றன. மலைப்பகுதிகளில் பெய்யும் மழைநீர் சிறிய நீரோடைகளாகப் பாயத் தொடங்குகிறது. இவ்வாறு உருவாகும் பல சிற்றோடைகள் ஒன்றோடொன்று இணைந்து ஒரு ஆற்றின் தொடக்கமாக மாறுகின்றன.

மலைப்பகுதிகளில் நிலத்தின் சரிவு அதிகமாக இருப்பதால் நீர் வேகமாகப் பாய்கிறது.
ஆற்றின் மேல்பகுதியில் நீரின் வேகம் அதிகமாக இருப்பதால் பாறைகள் மற்றும் மண்ணை அரிக்கும் செயல் நடைபெறுகிறது. இதன் விளைவாக பள்ளத்தாக்குகள் மற்றும் நீர்வீழ்ச்சிகள் உருவாகின்றன.

பின்னர் ஆறு சமவெளிப் பகுதிகளை அடையும்போது அதன் வேகம் படிப்படியாகக் குறைகிறது. இதனால் ஆறு வளைந்து நெளிந்து ஓடத் தொடங்குகிறது. இந்தப் பகுதியில் கரையரிப்பும் படிவ உருவாக்கமும் ஒரே நேரத்தில் நடைபெறுகின்றன.

ஆறு கடலை நோக்கி மேலும் பயணிக்கும்போது அதன் வேகம் மிகவும் குறைகிறது. இதனால் அது சுமந்து வந்த மணல், மண் மற்றும் பிற படிவங்கள் ஆற்றங்கரைகளிலும் ஆற்றின் வாய்ப்பகுதியிலும் படியத் தொடங்குகின்றன. ஆறு கடல் அல்லது ஏரியுடன் சங்கமிக்கும் இடத்தில் இவ்வாறு படியும் மண் மற்றும் மணல் சேர்ந்து புதிய நிலப்பரப்பை உருவாக்குகின்றன.

இதுவே டெல்டா எனப்படுகிறது. டெல்டாக்கள் மிகவும் வளமான நிலங்களாக இருப்பதால் விவசாயத்திற்கு பெரிதும் பயன்படுகின்றன.
ஆறுகள் இயற்கைச் சூழலின் சமநிலையைப் பேணுவதிலும் முக்கிய பங்கு வகிக்கின்றன. அவை குடிநீர் வழங்குகின்றன, விவசாயத்திற்கு நீர் அளிக்கின்றன, நீர்மின் உற்பத்திக்கு உதவுகின்றன மற்றும் எண்ணற்ற உயிரினங்களின் வாழ்விடமாக விளங்குகின்றன. மேலும், ஆறுகள் மண்ணின் வளத்தையும் அதிகரிக்கின்றன.

மலைச்சிகரங்களில் தொடங்கும் ஒரு சிறிய நீரோடை, பல்வேறு இயற்கை மாற்றங்களைக் கடந்து ஒரு பெரிய ஆறாக வளர்ந்து, இறுதியில் கடலில் கலக்கிறது. இந்த நீண்ட பயணம் இயற்கையின் அற்புதமான பொறியியல் செயல்முறையைக் காட்டுகிறது. எனவே, ஆறுகளைப் பாதுகாப்பது மனிதகுலத்தின் முக்கிய பொறுப்பாகும்.

08/04/2026

Earthset (பூமி மறைவு)

Artemis II குழு 2026 ஏப்ரல் 6ஆம் தேதி நிலவைச் சுற்றிப் பயணித்தபோது, “Earthset” எனப்படும் இந்த அற்புதமான காட்சியை பதிவு செய்தது. “Earthset” என்பது நிலாவின் விளிம்புக்கு கீழே பூமி மெதுவாக மறைந்து செல்லும் நிகழ்வாகும்.

இந்த படம், 58 ஆண்டுகளுக்கு முன்பு விண்வெளி வீரர் Bill Anders எடுத்த புகழ்பெற்ற “Earthrise” (பூமி உதயம்) படத்தை நினைவூட்டுகிறது. அந்தப் படம் Apollo 8 பயணத்தின் போது எடுக்கப்பட்டது.

Apollo 8 என்பது நிலவை முழுமையாகச் சுற்றி வந்த முதல் மனிதர்கள் பயணித்த விண்கலம் ஆகும். நேற்று, Artemis II குழு பூமியிலிருந்து மிகவும் தொலைவில் சென்ற சாதனையைப் பதிவு செய்தது. அவர்கள் அதிகபட்சமாக 252,756 மைல்கள் (miles) தூரம் சென்றனர்.

மேலும், அவர்கள் நிலாவின் மேற்பரப்பிற்கு அருகில் வந்தபோது, சுமார் 4,070 மைல்கள் தூரத்தில் இருந்தனர்.

Artemis II குழு நிலாவின் மறுபுறம் (far side) சுற்றி பயணித்தபோது, பூமியும் நிலவும் மிகவும் அழகாகத் தோன்றும் காட்சிகளைப் பதிவு செய்தனர்.

இந்தப் படங்களில், “Earthset” எனப்படும் நிகழ்வுக்கு முன்பும், அதற்கிடையிலும் எடுத்த காட்சிகள் காணப்படுகின்றன.

“Earthset” என்பது, நிலாவின் விளிம்புக்குக் கீழே பூமி மறைந்து செல்லும் தருணமாகும்.
Artemis II குழுவினர் இந்தப் படங்களை 2026 ஏப்ரல் 6ஆம் தேதி சுமார் 40 நிமிடங்கள் காலத்தில் பதிவு செய்துள்ளனர்.

இதில், பூமியில் ஆஸ்திரேலியா மற்றும் ஓஷியானியா பகுதிகள் தெளிவாகக் காணப்படுகின்றன.

அதேவேளை, பூமியின் இருண்ட பகுதி இரவு நேரத்தை அனுபவித்து கொண்டிருக்கிறது.

18/03/2026

உலகின் 30 மிக சக்திவாய்ந்த இராணுவங்கள் – ஒரு பார்வை

உலக நாடுகளின் பாதுகாப்பு மற்றும் ஆட்சி நிலைத்தன்மையை உறுதிப்படுத்தும் முக்கிய அம்சமாக இராணுவம் விளங்குகிறது. ஒவ்வொரு நாடும் தங்களது பாதுகாப்பை வலுப்படுத்தும் நோக்கில் நவீன ஆயுதங்கள், தொழில்நுட்பங்கள் மற்றும் திறமையான படைவீரர்களை உருவாக்கி வருகின்றன. இந்தப் பட்டியலில் உலகின் 30 மிக சக்திவாய்ந்த இராணுவங்கள் குறிப்பிடப்பட்டுள்ளன.

முதல் இடத்தில் அமெரிக்கா உள்ளது. அதன் பின்பு ரஷ்யா மற்றும் சீனா ஆகிய நாடுகள் வருகின்றன. இந்த மூன்று நாடுகளும் உலகளவில் மிகப்பெரிய இராணுவ சக்திகளாக கருதப்படுகின்றன. இவை அணு ஆயுதங்கள், மேம்பட்ட போர் விமானங்கள், கடற்படை மற்றும் நவீன தொழில்நுட்ப வசதிகளைக் கொண்டுள்ளன.

இந்தியாவும் நான்காவது இடத்தில் இருந்து தனது வலுவான இராணுவத்தை உலகிற்கு வெளிப்படுத்துகிறது. தென் கொரியா, ஐக்கிய இராச்சியம், பிரான்ஸ், ஜப்பான் போன்ற நாடுகளும் முன்னணியில் உள்ளன. இந்நாடுகள் தொழில்நுட்ப முன்னேற்றத்திலும், தற்காப்பு உத்திகளிலும் மிகுந்த முன்னேற்றம் அடைந்துள்ளன.

மேலும் துருக்கி, இத்தாலி, பிரேசில், பாகிஸ்தான், இந்தோனேஷியா, ஜெர்மனி, இஸ்ரேல் போன்ற நாடுகளும் இந்த பட்டியலில் முக்கிய இடம் பிடித்துள்ளன. இந்நாடுகள் தங்களது பாதுகாப்பு திறன்களை தொடர்ந்து மேம்படுத்தி வருகின்றன. குறிப்பாக இஸ்ரேல் தனது நவீன பாதுகாப்பு அமைப்புகள் மற்றும் தொழில்நுட்ப திறன்களால் சிறப்பாக திகழ்கிறது.

இதேபோல், ஈரான், ஸ்பெயின், ஆஸ்திரேலியா, எகிப்து, உக்ரைன், போலந்து, தைவான், வியட்நாம், சவுதி அரேபியா, தாய்லாந்து போன்ற நாடுகளும் இந்த பட்டியலில் இடம்பெற்றுள்ளன. இந்நாடுகள் தங்களது பிராந்திய பாதுகாப்பில் முக்கிய பங்கு வகிக்கின்றன.

ஒரு நாட்டின் இராணுவ வலிமை அதன் ஆயுதங்களால் மட்டுமல்லாமல், அதன் படைவீரர்களின் ஒழுக்கம், பயிற்சி, தொழில்நுட்ப முன்னேற்றம் மற்றும் பொருளாதார வலிமை ஆகியவற்றினாலும் தீர்மானிக்கப்படுகிறது. மேலும், அரசியல் நிலைத்தன்மையும் சர்வதேச உறவுகளும் இராணுவ சக்தியை பாதிக்கக்கூடியவை.

உலகின் மிக சக்திவாய்ந்த இராணுவங்களின் பட்டியல் காலத்துக்கு காலம் மாறக்கூடியது. புதிய தொழில்நுட்ப வளர்ச்சிகளும், உலக அரசியல் மாற்றங்களும் இதை பாதிக்கின்றன. எனவே, ஒவ்வொரு நாடும் தங்களது பாதுகாப்பை மேம்படுத்த தொடர்ந்து முயற்சி செய்து வருகின்றன.

18/03/2026

பாதுகாப்பு ஹெல்மெட் நிறங்களின் விளக்கம்

தொழில்துறைகளிலும் கட்டுமானப் பணிகளிலும் பாதுகாப்பு என்பது மிக முக்கியமான ஒன்றாகும். அதற்காகவே பணியாளர்கள் அனைவரும் பாதுகாப்பு உபகரணங்களை அணிய வேண்டும். அவற்றில் முக்கியமானது பாதுகாப்பு ஹெல்மெட் ஆகும். ஹெல்மெட்டின் நிறங்கள் ஒவ்வொன்றும் தனித்தனியான பொறுப்புகளையும் பதவிகளையும் குறிக்கின்றன.

மஞ்சள் நிற ஹெல்மெட் பொதுவாக தொழிலாளர்கள், மேற்பார்வையாளர்கள் மற்றும் சாதாரண பணியாளர்களால் அணியப்படுகிறது. இவர்கள் நேரடியாக பணி நடைபெறும் இடங்களில் செயல்படுகின்றனர். வெள்ளை நிற ஹெல்மெட் பொறியாளர்கள், மேலாளர்கள் மற்றும் மேற்பார்வையாளர்களுக்காக பயன்படுத்தப்படுகிறது. இது அவர்கள் மேல்நிலை பொறுப்பில் உள்ளவர்களாக இருப்பதை காட்டுகிறது.

ஆரஞ்சு நிற ஹெல்மெட் பார்வையாளர்கள் அல்லது புதிய பயிற்சி பெறுபவர்கள் அணிவதற்காக பயன்படுகிறது. இவர்கள் பணியை கற்றுக்கொள்ளும் நிலையில் இருப்பவர்கள். நீல நிற ஹெல்மெட் மின்சாரத் தொழிலாளர்கள் மற்றும் தொழில்நுட்ப நிபுணர்களால் அணியப்படுகிறது. இவர்களுக்கு தொழில்நுட்ப அறிவும் திறனும் அவசியம்.

சிவப்பு நிற ஹெல்மெட் தீயணைப்பு அதிகாரிகள் மற்றும் அவசரகால பணியாளர்களைக் குறிக்கிறது. அவசரநிலைகளில் அவர்கள் உடனடி உதவி வழங்குகின்றனர். பச்சை நிற ஹெல்மெட் பாதுகாப்பு அதிகாரிகள் மற்றும் சூழல் கண்காணிப்பாளர்களால் அணியப்படுகிறது. அவர்கள் பணியிடத்தின் பாதுகாப்பையும் சுற்றுச்சூழலையும் கவனிக்கின்றனர்.

கருப்பு நிற ஹெல்மெட் பார்வையாளர்கள் அல்லது மூத்த நிர்வாகிகள் அணிவதற்காக பயன்படுத்தப்படுகிறது. இவர்கள் பொதுவாக ஆய்வுகளுக்காக வருவோர் அல்லது உயர் நிலை நிர்வாகிகள் ஆக இருப்பார்கள்.

மொத்தத்தில், ஹெல்மெட் நிறங்கள் வேலை இடத்தில் ஒழுங்கையும் பாதுகாப்பையும் மேம்படுத்துகின்றன. ஒவ்வொரு நிறமும் ஒரு குறிப்பிட்ட பொறுப்பை வெளிப்படுத்துவதால், அவசரநிலைகளில் யாரை அணுக வேண்டும் என்பதை எளிதாக அறிய முடிகிறது. எனவே, பாதுகாப்பு ஹெல்மெட் அணிவதும் அதன் நிறங்களை புரிந்துகொள்வதும் மிகவும் அவசியமானது.

21/02/2026

சுய ஒழுக்கம் (Self Discipline) - ஒவ்வொருவரும் அவசியம் படிக்க வேண்டியது

1.தொடர்ச்சியாக இரண்டு முறை யாரையும் Phoneல் அழைக்காதீர்கள். அவர்கள் முக்கிய வேலையாக இருக்கலாம், அல்லது பேச முடியாத சூழ்நிலையில் இருக்கலாம்.

2.திருப்பித் தருகிறேன் என்று உங்களிடம் பணம் கடனாக கேட்பவரிடம் மனப்பூர்வமாக கேட்டுக்கொடுங்கள். இது திரும்ப வருமா, வராதா என. இது உங்கள் Character ரை அவர் உணரச் செய்யும். இதே போல், இரவல் கொடுக்கும் பேனா, புத்தகம், Lunch box, குடை போன்றவைக்கும்.

3. Hotelல் சாப்பிடலாம் என நண்பர் உட்பட யார் அழைத்தாலும், Menu cardல் costly யாக உள்ள எதையும் Order செய்யாதீர்கள். அழைத்தவரையே உங்கள் விருப்பப்படி Order சொல்லுங்கள் என வேண்டலாம்.

4.தர்மசங்கடமான இது போன்ற கேள்விகளை தவிர்க்கலாம்.
இன்னும் கல்யாணம் ஆகலயா?
குழந்தைகள் இல்லையா?
இன்னும் சொந்தவீடு வாங்கவில்லையா?
ஏன் இன்னும் Car வாங்கவில்லை?
இது நமது பிரச்சினை இல்லைதானே!"

5.தானியங்கி கதவை திறக்க நேர்ந்தால் பின்னால் வருபவர் ஆணோ, பெண்ணோ, சிறியவரோ, பெரியவரோ அவர்கள் வரும்வரை மூடாமல் பிடித்திருப்பது அவர்களை சமூகத்தில் பொறுப்புள்ளவர்களாக மாறச்செய்யும்!

6. நண்பருடன் Taxiயில் சென்றால் இம்முறை இயலாவிட்டால் மறுமுறை நீங்கள் காசு கொடுத்துவிடுங்கள்.

7.மற்றவர்களின் கருத்துக்கு மதிப்பளியுங்கள். மோசமாக இருந்தாலும், Choiceல் வைத்திருக்கலாம்.

8. அடுத்தவர்கள் பேசும்போது இடைமறிக்காதீர்கள். அவர்கள் கொட்டட்டும். இறுதியில் அவர்களுக்கே நல்லது தெரிந்துவிடும்.

9. நீங்கள் கிண்டலடிப்பதை சம்பந்தப்பட்டவர் ரசிக்கவில்லை என்றால், மீண்டும் அதைச் செய்துவிடாதீர்கள். அவரை உற்சாகப்படுத்துங்கள். உங்கள் மதிப்பை அது மேம்படுத்தும்.

10. யார் உதவினாலும் பாரபட்சமின்றி *நன்றி சொல்லுங்கள்.

11. பொதுவில் புகழுங்கள். தனியாக இருக்கையில் குறைகளை சுட்டிக்காட்டலாம்.

12. உடல்பருமனை ஒருபோதும் கிண்டலடிக்காதீர்கள்.
"நீங்கள் பார்க்க Smartடாக, Cuteடாக இருக்கீங்க" என்று கூறுங்கள். உடல் எடை குறைக்க அவராக கேட்டால் ஒழிய நாம் அறிவுரை வழங்கக் கூடாது.

13. யாராவது அவர்கள் Photoவைக் காட்ட Phoneனைக் கொடுத்தால் Galleryயில் இடது வலதாக தள்ளிப் பார்க்காதீர்கள். அடுத்து என்ன இருக்கும் என்று உங்களுக்குத் தெரியாது.

14. யாரும் தனக்கு Doctor Appointment இருக்கிறது, போகவேண்டும் என்றால், உடனே என்ன நோய்க்கு என்று கேட்டுவிடாதீர்கள். அவர்களின் தனிப்பட்ட நோய்கள் பற்றி மற்றவர்களுக்கு தெரியக்கூடாது என்று கருதலாம். விரைவில் நலமடைவீர்கள் என்று நம்புகிறேன்* என்று கூறலாம்.

15. நண்பர்களிடமோ யாரிடமோ நேரில் சந்தித்துப் பேசும்போது Phoneனை நோண்டிக்கொண்டிருக்காதீர்கள்.

16. கேட்டால் தவிர அறிவுரை வழங்காதீர்கள்.

17. நீண்ட நாட்கள் கழித்து யாரையும் சந்தித்தால், அவர்களின் சம்பளம், வயது ஆகியவற்றைக் கேட்காதீர்கள். அவர்களாகவே சொன்னால் தவிர.

18. தெருவில் யாரையாவது சந்திக்க நேர்த்தால், Styleகாக கருப்புக்கண்ணாடி அணிந்திருந்தால் கழற்றிவிட்டுப் பேசுங்கள். கண்பார்த்து பேசுதல் நம்பிக்கைக்கு நல்லது.

19. யார் தனிப்பட்டப் பிரச்னையிலும் நேரடியாக வலிய போய் தலையிடாதீர்கள்.

20. இறுதியாக ஒன்று. இதுபோன்ற தகவல்கள் மற்றவர்களுக்கும் பயன்தரும் என்றால் பகிரவும்.
நன்றி 🙏 🙏 🙏

16/02/2026

மகப்பேறியல் மருத்துவத்தில் Episiotomy (எபிசியோடமி) என்பது, இயற்கை பிரசவத்தின் போது குழந்தை வெளியே வர உதவ, யோனி துவாரத்திற்கும் மலத்வாரத்திற்கும் இடையிலான பகுதி (பெரினியம்) பகுதியில் சிறிய அறுவை கீறல் செய்யும் நடைமுறை ஆகும்.

இந்த கீறல் பொதுவாக ஸ்கால்பெல் அல்லது அறுவை கத்தரிக்கோல் மூலம் செய்யப்படுகிறது. குழந்தை பிறந்ததும், அந்த கீறல் பகுதி தையல் மூலம் மூடப்படுகிறது. சிலர் தவறாக நினைப்பது போல, “தையலே எபிசியோடமி” அல்ல; கீறல் செய்யும் அறுவைச் செயல் தான் எபிசியோடமி, பின்னர் செய்யப்படும் தையல் அதன் ஒரு பகுதியாகும்.

ஏன் எபிசியோடமி செய்யப்படுகிறது முன்பு, பெரும்பாலான இயற்கை பிரசவங்களில் இது வழக்கமாக செய்யப்பட்டது. காரணம்:
குழந்தை வேகமாக வெளியே வர உதவ கட்டுப்பாடில்லா கிழிவுகளைத் தவிர்க்க
கருவில் குழந்தைக்கு அவசர நிலை (fetal distress) இருந்தால் விரைவாக பிரசவத்தை முடிக்க
வாக்கூம் அல்லது ஃபோர்செப்ஸ் உதவி பிரசவங்களில்
ஆனால் சமீப கால மருத்துவ வழிகாட்டுதல்களில், அவசியமான நிலைமைகளில் மட்டுமே எபிசியோடமி செய்ய பரிந்துரைக்கப்படுகிறது.

ஏனெனில் இயற்கையாக ஏற்படும் சிறிய கிழிவுகள் சில சமயம் விரைவாகவும் சுலபமாகவும் குணமடையக்கூடும்.
குணமடையும் காலம் ஒரு எபிசியோடமி காயம் பொதுவாக 4 முதல் 6 வாரங்களில் குணமடையும்.

இந்த காலத்தில் வலி அல்லது அசௌகரியம் இருக்கலாம்
உட்காரும் போது சிரமம் ஏற்படலாம்
சுத்தம் மற்றும் பராமரிப்பு மிக முக்கியம் உடலுறவு பொதுவாக மருத்துவர் அனுமதி வரை தவிர்க்கப்படுகிறது
சூடான நீரில் அமர்ந்து குளிப்பது (sitz bath), மருத்துவர் பரிந்துரைக்கும் வலி நிவாரணிகள், பகுதியை உலர வைத்தல் போன்றவை குணமடைவதை விரைவாக்கும்.

உலகளாவிய பயன்பாடு
எபிசியோடமி பயன்பாடு நாடு தோறும் மாறுபடுகிறது. அமெரிக்கா மற்றும் பிரேசில் போன்ற சில நாடுகளில் கடந்த காலங்களில் அதிக அளவில் பயன்படுத்தப்பட்டிருந்தது. ஆனால் தற்போது கட்டுப்படுத்தப்பட்ட பயன்பாடு மட்டுமே பரிந்துரைக்கப்படுகிறது.

ஸ்வீடன் போன்ற நாடுகளில் சுமார் 10% க்கும் குறைவான பிரசவங்களில் மட்டுமே இது செய்யப்படுகிறது. உலக சுகாதார அமைப்புகள் (WHO போன்றவை) தேவையற்ற முறையில் இதைச் செய்ய வேண்டாம் என்று வலியுறுத்துகின்றன. சிக்கல்கள் மற்றும் கவலைகள்
அதிகப்படியான அல்லது தேவையற்ற எபிசியோடமி: அதிக வலி தொற்று அபாயம்
நீண்டகால பெரினியல் வலி
சில நேரங்களில் மலக் கட்டுப்பாடு பிரச்சினைகள்
மருத்துவமனையில் கூடுதல் தங்கும் நாட்கள் மற்றும் செலவுகள்
எனவே “ரூட்டீன்” முறையில் செய்வதைவிட, தனிப்பட்ட நிலையை மதிப்பீடு செய்து மருத்துவர் முடிவு செய்வது சிறந்தது.

எதிர்பார்க்கும் பெற்றோருக்கான அறிவுரை என்னவென்றால் நீங்கள் தாயாகவோ அல்லது தந்தையாகவோ மாறத் தயாராக இருந்தால்: உங்கள் மகப்பேறு மருத்துவருடன் முன்கூட்டியே பேசுங்கள் உங்கள் பிறப்பு திட்டத்தில் (birth plan) எபிசியோடமி பற்றிய விருப்பத்தை பதிவு செய்யுங்கள் இயற்கை பிரசவத்திற்கான தயாரிப்பு வகுப்புகளில் கலந்துகொள்ளுங்கள்
பெரினியல் மசாஜ் போன்ற பயிற்சிகள் பற்றி ஆலோசிக்கலாம்
முக்கியமாக, ஒவ்வொரு பிரசவமும் தனித்துவமானது.

தாயும் குழந்தையும் பாதுகாப்பாக இருப்பதே முதன்மை. அதற்கேற்ற முடிவை மருத்துவ நிபுணர் எடுப்பார். விழிப்புணர்வுடன் பேசுவது மற்றும் சரியான தகவலை அறிந்திருப்பது, பாதுகாப்பான மற்றும் நம்பிக்கையூட்டும் பிரசவ அனுபவத்திற்கு வழிவகுக்கும்.

10/02/2026

எலும்புண்ணிக் கழுகு
(gypaetus barbatus)

உயர்மலைப் பகுதிகளில் வாழும் பெரும் பிணந்தின்னி வகைக் கழுகுகளில் ஒன்று. இந்தியாவின் வடபகுதியிலும், திபெத்து, ஆப்கானித்தான், ஆப்பிரிக்கா, தெற்கு ஐரோப்பா ஆகிய இடங்களிலும் உள்ள மலைப்பகுதிகளில் வாழ்கின்றது. இது ஈரானியப் புராணங்களில் ஹோமா என்று அழைக்கப்படுகிறது.

முதுகெலும்புள்ள இவ்விலங்குகள், அதன் உணவில் 70 முதல் 90 சதவீதத்தை எலும்புகளாக உண்ணுகின்றன. இவற்றின் எண்ணிக்கை குறைந்து வருவதாகக் கருதப்படுகிறது. இவை 94 முதல் 125 செண்டிமீட்டர் நீளம் கொண்டவை, இறக்கைகள் 2.31 முதல் 2.83 மீட்டர் வரை இருக்கும்.

இந்த எலும்புண்ணிக் கழுகு சுவிட்சர்லாந்தின் ஆல்ப்சு மலைகளில் ஓர் உடலத்தின் எலும்புத் துண்டைச் சுமந்து செல்லும் பொழுது புகைப்படம் எடுக்கப்பட்டது. இங்கு 20-ஆம் நூற்றாண்டின் முற்பகுதியில் உள்ளூரில் அழிந்துபோன இந்த இனம் 20-ஆம் நூற்றாண்டின் பிற்பகுதியில் மீண்டும் அறிமுகப்படுத்தப்பட்டது.

08/02/2026