Discover your path - Iman Gh

29/08/2026

أوقات مش الواقع هو اللي عم يوجعنا قدّ ما هي مقاومتنا للإحساس اللي عم يطلّع منّا.

كل ما نهرب من شعور، نقاومه أو نحاول ندفنه، ممكن يرجع يمسك فينا أكتر.

يمكن البداية مش إنو نغيّر كل شي حوالينا…

يمكن البداية إنو نسمح لحالنا نحس، نفهم، ونترك الشعور يمرق بدون حرب. 🤍

لأنو الشعور اللي منفهمه… بيهدى، واللي منقاومه… بيضل ماسك فينا.

#وعي #مشاعر #تقبل #شفاء #هدوء #مشاعرنا

20/08/2026

مش كل مرة منروح فيها عالأكل منكون جوعانين…
أوقات منكون محتاجين نهدي توتر، نزعل أقل، أو نهرب شوي من إحساس تقيل. 🤍
الجوع العاطفي ما بيبدأ من المعدة… بيبدأ من شعور عم يطلب منّا ننتبهله.
قبل ما نسكّته بالأكل، خلّينا نجرب نسأل: شو عم حس هلّق؟ وشو عنجد محتاجة؟
يمكن الجواب ما يكون أكل… يمكن يكون راحة، حكي، حضن، أو بس مساحة نسمع فيها حالنا.

#المشاعر #وعي

09/08/2026

مش كل عناد قوّة… أوقات بيكون خوف متخبّي ورا الكبرياء.
القوّة الحقيقية إنّك تقدر تقول:
«معك حق»
«أنا غلطت»
«خلّيني شوفها بطريقة تانية»

لأنّ النضج مش إنّك تربح كل نقاش…
النضج إنّك ما تخاف تراجع حالك. 🤍
عم تدافع عن قناعة؟ ولا عن صورة خايف تخسرها؟

#وعي #نضج #علاقات #تفكير #تغيير

29/07/2026

مش كل مين بيروح، منكون نحنا السبب.
أوقات التخفيف من التمسّك… بيكون بداية السلام. 🤍
#التعلق #وعي

21/07/2026

19/07/2026

كل محاضرة هي بداية حوار... وليس نهايته....

لحظات من مساحة امتلأت بالوعي، والتأمل، والنقاش.

18/07/2026

كل الشكر والامتنان لكل شخص حضر وشارك وتفاعل، وجودكم وأسئلتكم ومشاركاتكم أغنوا اللقاء وخلوه مساحة حقيقية للحوار والنمو.

كانت محاضرتنا بعنوان "من الهشاشة النفسية إلى الصلابة النفسية"، وحكينا فيها عن كيف ممكن الإنسان ينتقل من الشعور بالضعف والانكسار إلى بناء قوة داخلية حقيقية، مش من خلال إخفاء مشاعره، بل من خلال فهمها والتعامل معها بوعي.

كل الشكر والتقدير لمركز كيان على حسن التنظيم والاستضافة، ولكل شخص ساهم، من قريب أو بعيد، بإنجاح هيدا اللقاء.

هيدي كانت البداية... وإن شاء الله نلتقي قريبًا بمحطات جديدة مليانة وعي، نمو، وتأثير.

من القلب... شكرًا لكم جميعًا. 🤍✨

17/07/2026

13/07/2026

من الهشاشة إلى الصلابة النفسية ✨

في عالم مليان تحديات وضغوط، الصلابة النفسية مش موهبة منولد فيها، بل مهارة فينا نتعلمها ونطوّرها. 💜

إذا حابين تتعرفوا كيف فيكن تواجهوا الضغوط بثقة أكبر، وتتجاوزوا الخوف والقلق، وتبنوا مرونة نفسية تساعدكن بحياتكن اليومية، ‏يسرنا مشاركتكم​ في هذه المحاضرة المميزة مع المدرّبة إيمان غانم.

📅 السبت 18 تموز
⏰ 10:00 صباحاً - 12:00 ظهراً
📍 مركز كايان الاجتماعي – السمقانية
💰 المشاركة مجانية

للتسجيل أو الاستفسار:
📞79040162

11/07/2026

مش كل كلمة بتوجعنا بتكون مقصودة ضدّنا…
أوقات الناس بتحكي من تعبها، من ضغطها، أو من وجع ما منعرفه.
النضج الحقيقي إنو نهدى شوي قبل ما نحكم، ونفهم قبل ما نرد.
لأنو كل ما تصالحنا مع حالنا، كل ما خفّ علينا كلام الناس، وصرنا نردّ من وعي… مش من جرح.

#وعي #العلاقات #الهدوء #نضج