Khotouwat - Coach for Parents

Call Website Contact the business

Khotouwat - Coach for Parents - Holistic care for family wellbeing.
- Breastfeeding consultation & support.
- Positive discipline & Parent coaching

khotouwat is your step by step companion in building healthy family relationships through:
- Fostering a loving & positive relationship with your children
- Preparing you to breastfeed & parent with confidence.
- Supporting you in enjoying your breastfeeding journey & meeting your goals.
- Understanding & responding to your children's developmental needs with ease.
- Balancing the kind & firm sides of parenting.
- Offering new perspectives on discovering your own as well as your children's capabilities & values.

مش دايما بدك جملة تربوية جديدةيمكن كل اللي ناقصك 3 ثواني بين:«عم يتحداني»و«يمكن الانتقال صعب عليه»التوقف ما بيلغي الحدود...
26/09/2026

مش دايما بدك جملة تربوية جديدة

يمكن كل اللي ناقصك 3 ثواني بين:

«عم يتحداني»

و

«يمكن الانتقال صعب عليه»

التوقف ما بيلغي الحدود بس بيغيّر كيف انت عم تفرضيها

وأوقات هالفرق الصغير هو اللي بيمنع الطلب من إنو يتحوّل لمعركة

أي جواب بيستفزك أكتر؟

«ما بدي»
«بعد شوي»
أو «ليش؟»

اكتبيه بالتعليقات 👇

01/09/2026

مش دايما الهدف إنو طفلك يبطل يقول «لا»

أوقات التغيير الحقيقي بيكون إنو «لا» ما تعود تشعل معركة بيناتكن

لما تغيّر تفسيرها لرفضه
قدرت تحافظ على حدودها بدون ما تدخل بكل مرة بصراع معه

هو بعدها بيرفض أوقات
وهي بعدها بتعصب أوقات

بس شي أساسي تغيّر:
بطلت تشوف كل رفض كتحدي شخصي إلها

لأنو لما تتغيّر العدسة
بيتغيّر ردك… وبتتغيّر العلاقة شوي شوي

إذا طفلك بيقول «لا» كتير، شو أول فكرة بتخطر ببالك بهاللحظة؟

01/09/2026

مش كل رد فعل قوي سببه تصرف الطفل نفسه

أوقات اللي بيشعل ردنا هو المعنى اللي عطيناه للتصرف

لما تشوفي إنو "عم يتحداني" أو "ما عم يحترمني"
طبيعي يكون ردك مختلف عن لما تشوفي إنو متوتر، محتاج مساعدة، أو مش قادر يتعاون بهاللحظة

السلوك نفسه
بس تفسيرك إله بيغيّر الطريقة اللي رح تتعاملي فيها معه

وهون بيبلش دور العدسة

قبل ما تسألي: شو لازم أعمل؟
جربي تسألي: أنا كيف عم شوف هالموقف؟

لأنو أوقات أول تغيير ما بيكون بردك
بيكون بالطريقة اللي فهمتي فيها اللي صار

غيّري العدسة
وبعدين اختاري ردك

ليش طفلك بكرر نفس التصرف مع إنو بيعرف إنو ممنوع؟بتوقفيه وبتشرحي له، وبيبين إنو فهم عليكبس بعد شوي بيرجع بيعمل نفس الشيوق...
28/08/2026

ليش طفلك بكرر نفس التصرف مع إنو بيعرف إنو ممنوع؟

بتوقفيه وبتشرحي له، وبيبين إنو فهم عليك

بس بعد شوي بيرجع بيعمل نفس الشي

وقتها طبيعي تسألي:

«طيب ما هو بيعرف إنو ممنوع، ليش عم يكرره؟»

في عدة أسباب ممكن تخلي الطفل يكرر التصرف، وواحد منها هو:

شو بيعتقد إنو هالتصرف عم يحققله؟

مثلا ممكن يكون معتقد:

«لما بعمل هالشي، ماما بتنتبهلي»

فمع إنو بيعرف إنو التصرف ممنوع، بيضل يكرره لأنو بنظره عم يساعده يحصل على انتباهك

مش لأنو قاعد عم يخطط كيف يزعجك أو يستفزك

بس لأنو مع الوقت تعلّم إنو هيدا التصرف بالذات بخليكي توقفي كل شي، تطلعي فيه وتحكي معه

وممكن طفل تاني يكون معتقد:

«لما برفض التعاون، يعني أنا اللي باخد القرار»

فبيكرر الرفض لأنو بهاللحظة بيحس إنو إله تأثير بالموقف، خصوصا إذا كان عم يتلقى أوامر وقرارات طول النهار وما عم يلاقي مساحة يختار فيها

هيدي المعتقدات مش أفكار واعية بيقعد الطفل وبيقولها بينه وبين حاله

هي استنتاجات داخلية بتتكون من خلال تجاربه، وبتأثر على الطريقة اللي بيتصرف فيها

يعني هو ممكن يعرف إنو هالتصرف بالذات ممنوع

وبنفس الوقت يكون معتقد إنو هيدا هو الطريق اللي بيساعده يحصل على شي داخلي بحاجة إله، متل الانتباه أو الشعور إنو إله تأثير وقرار

لهيك تكرار التصرف مش دايما يعني إنو ما عم يفهم عليكي

ومش بالضرورة يعني إنو الشرح ما وصل

ممكن يكون بعده ما لقى طريقة تانية أنسب يحصل فيها على هالحاجة

وهيدا أكيد ما يعني إنو نقبل التصرف أو نلغي الحد

إذا كان عم يضرب، منوقف الضرب

وإذا كان عم يعمل شي مؤذ أو غير مقبول، منحافظ على الحد

بس إذا ركزنا بس على سؤال:

«كيف بدي وقفه؟»

من دون ما نفهم شو عم يحققله هالتصرف باعتقاده، ممكن يوقف هلّق ويرجع يكرره بعدين، لأنو الحاجة بعدها موجودة والطريقة البديلة بعدها مش موجودة

وهون بتشتغل منهجية غيّري العدسة

ما منطلع بس على التصرف اللي قدامنا

منغيّر العدسة لنسأل:

شو عم يحاول طفلي يحقق من خلال هالتصرف؟

هل عم يحاول يلفت انتباهي؟

هل عم يحاول يحس إنو إله تأثير أو مساحة يقرر؟

وبعد ما نفهم، منقدر نحافظ على الحد ونعلّمه طريقة أنسب يحصل فيها على حاجته

لأن الهدف مش بس إنو نوقف التصرف بهاللحظة

الهدف كمان إنو نساعد الطفل يبني طريقة جديدة يتعامل فيها مع حاجاته بالمواقف الجاية

شو التصرف اللي بكرر طفلك رغم إنو بيعرف إنو ممنوع؟

تخيلي هالموقف:طلبت الأم من طفلها يوقف تصرف معيّنطلع فيها وكمّل كأنها ما قالت شيأم ممكن تفكر:«إذا شدّيت عليه يمكن يزعل من...
24/08/2026

تخيلي هالموقف:

طلبت الأم من طفلها يوقف تصرف معيّن
طلع فيها وكمّل كأنها ما قالت شي

أم ممكن تفكر:
«إذا شدّيت عليه يمكن يزعل مني ويبعد عني»

وأم تانية تفكر:
«ما بدي هالموقف يقلب معركة، بمرقها هالمرة»

وأم ثالثة تشوف إنو عم يتخطى الحد اللي حطته، وإنو لازم يوقف هلّق

بينما أم رابعة تبلش تسأل حالها:
«شو الطريقة الصح لأتعامل معه؟ يمكن أنا ما عم اتصرف صح»

السلوك واحد
بس كل أم شافته من زاوية مختلفة

وكل زاوية كانت عم تحاول تحمي شي مهم:

الأولى عم تحاول تحمي العلاقة
الثانية عم تحاول تحمي الهدوء
الثالثة عم تحاول تحمي النظام
والرابعة عم تحاول تحمي شعورها إنها عم تعمل الصح

ولا وحدة منهن عم تختار هالتفسير بوعي كامل

غالبا بيطلع بسرعة تحت الضغط، وبيأثر على ردّها قبل ما تنتبه شو صار جواتها

فالأم اللي خايفة على العلاقة ممكن تتراجع عن الحد

واللي بدها الهدوء ممكن تتجنب المواجهة

واللي بدها النظام ممكن تشد أكتر

واللي بدها تعمل الصح ممكن تشك بكل قرار وتفكر زيادة قبل ما تتحرك

لهيك أوقات السؤال مش بس:

«كيف لازم رد على هالسلوك؟»

السؤال اللي بيسبق الرد هو:

«أنا كيف عم شوف هالموقف؟ وشو عم حاول أحمي بهاللحظة؟»

لأنو لما تنتبهي للعدسة اللي عم تشوفي الموقف من خلالها، بيصير عندك مساحة أكبر تختاري ردك بدل ما يطلع تلقائي

إنت شو أكتر شي بتحاولي تحمي وقت الموقف يتصعّد؟

1 العلاقة
2 الهدوء
3 النظام
4 شعورك إنك عم تعملي الصح

اكتبي الرقم بالتعليقات

#أمهات

22/08/2026

ليش طفلك ما بيرد؟ عم يتحداكي؟ عنيد؟

الوحدة بالأمومة مش دايما بتكون غياب الناسأوقات بيكون الكل حواليكبس ما حدا شايف قديش عم تتعبيشو عم تفكريوشو بعدك حاملة لح...
20/08/2026

الوحدة بالأمومة مش دايما بتكون غياب الناس

أوقات بيكون الكل حواليك
بس ما حدا شايف قديش عم تتعبي
شو عم تفكري
وشو بعدك حاملة لحالك
مش ناقصك حدا يقلك «نحنا حدك»
قد ما ناقصك حدا ينتبه ويسأل:
شو فيني شيل عنك اليوم؟
حسيتي بهالنوع من الوحدة من قبل؟

19/08/2026

رسالة من أم لازم شاركها معكن

18/08/2026

أوقات أكتر شي بيوجعنا مش صراخ ولادنا
بل إننا نسمع حالنا بصوتهم 💔

إذا بنتك صارت تصرخ متلك
ما يعني إنو خلص صار هيدا طبعها
ولا يعني إنك فشلتي

هيدا فرصة تنتبهي لشي مهم
هي عم تتعلم منك شو تقولي وشو بتعملي وكيف بتتصرفي وقت العصبية

لهيك بدل ما نقول
«ما تصرخي»
فينا نفرجيها شو ممكن تعمل بدل الصراخ

وكل مرة بتقولي قدامها
«أنا معصبة وبدي آخد بريك»
إنتِ عم تعطيها طريقة جديدة تتعامل فيها مع عصبيتها ❤️

التغيير بيبلش لما نعطي ولادنا اساليب تانية

إذا بتعرفي أم كل مرة بتصرخ بتحس بالذنب
ابعتيلا هيدا الريل 🤍

#الأمومة

إمتى آخر مرة حدا سألك شو بتحبي أنت؟يمكن صفنتي شويأو حاولت تتذكري شو كنت تحبي تعملي قبل ما يصير نهارك كله طلبات ومواعيد و...
11/08/2026

إمتى آخر مرة حدا سألك شو بتحبي أنت؟

يمكن صفنتي شوي
أو حاولت تتذكري شو كنت تحبي تعملي قبل ما يصير نهارك كله طلبات ومواعيد ومسؤوليات

الغريب إنك بتعرفي تجاوبي بسرعة لما السؤال يكون عن ولادك

شو أكلتهم المفضلة
شو ما بيحبوا
شو بيزعجهم
شو بيهديهم
مين عنده موعد
وشو ناقص كل واحد منهم

حتى التفاصيل الصغيرة بتتذكريها
لون القنينة اللي بحبها
الأكلة اللي ما بدها بصل
القميص اللي بيرتاح فيه
والكلمة اللي بتهديه وقت يزعل

بس لما السؤال يصير عنك أنت
شو بتحبي؟
شو بيريحك؟
شو بتحبي تعملي بوقت فراغك؟

يمكن ما تلاقي جواب حاضر

بين الطلبات والمواعيد والمسؤوليات
صرت طول الوقت عم تفكري بشو لازم ينعمل
وشو بعد ناقص
ومين بعده بحاجة منك

أما الأشياء اللي بتحبيها أنت
ضلت تنطر عجنب
وبعدها عجنب أكتر
لحد ما صار السؤال نفسه غريب عليك

الرجوع لإلك ما بده قرار كبير
ولا رحلة
ولا تغيير حياتك كلها

يمكن يبدأ بربع ساعة ما إلها هدف
بأغنية كنت تحبيها
بكتاب تركتيه
بمشي لحالك
أو حتى بفنجان قهوة تشربيه قبل ما يبرد

خبريني

شو أكتر شي مشتاقتله من حالك؟

يمكن لما تكتبيه
تتذكري من وين فيك تبلشي تعملي مساحة صغيرة إلك 🤍

#الأمومة

Address

Parents All Over The Middle East
Beirut

Telephone

+96170652021

Website

Alerts

Be the first to know and let us send you an email when Khotouwat - Coach for Parents posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Khotouwat - Coach for Parents:

Shortcuts

Share

Category