Roufayda.coaching

Roufayda.coaching مدربة حياة متخصصة بتدريب الأهل على التعامل مع أولادهم
أساعد الأشخاص على حل مشاكل الثقة بالنفس وتشافي الطفل الداخلي life and parent coach /healer

17/08/2026

أوقات ما بيكون احتياجك إنو الظروف تتغيّر…
قد ما بيكون احتياجك إنك تبطّلي تحاربيها.
لما تلاقي حالك عم تتخانقي مع نفسك،
مع اللي صار،
مع الناس،
ومع كل شي مش بإيدك…
تذكّري اسم الله السلام 🤍
ادعيه بحسب احتياجك:
يا سلام، أنزل السلام على قلبي.
يا سلام، سلّم قلبي من الخوف والصراع.
يا سلام، علّمني أستفيد من هالظرف بدل ما حاربه.
يا سلام، أرني حكمتك فيما يحدث، وعلّمني كيف أخرج منه أقرب إليك وأقوى.
﴿وَلِلَّهِ الْأَسْمَاءُ الْحُسْنَىٰ فَادْعُوهُ بِهَا﴾
مش كل ظرف لازم يتغيّر…
أحيانًا الدعاء هو اللي بيغيّر كيف نعيشه.
احفظي هالكلام لوقت تحتاجي فيه السلام،
وابعتيه لحدا تعبان من الحرب جوّاته. 🤍

16/08/2026

إذا ما بتعرفي تطلبي من حدا، يمكن لأنك من وإنتِ صغيرة تعلّمتي تحسي إنك عبء على غيرك… فكبرتي وإنتِ بتتحمّلي كل شي لحالك.

بس اليوم إنتِ مش مضطرة تكمّلي بهالطريقة.

اطلبي، اسعي، وخدي بالأسباب… بس لا تعلقي قلبك بالناس.

علّقيه برب العالمين.
﴿أَلَيْسَ اللَّهُ بِكَافٍ عَبْدَهُ﴾

مش لازم تثبتي إنك قوية بأنك ما تحتاجي حدا.
القوة إنك تعرفي من مين تطلبي، ومن مين تنتظري الكفاية. 🤍

احفظيها… وابعتيها لصبية بعدها عم تحمل كل شي لحالها.

13/08/2026

لما توقفي تتابعي تفاصيل الناس
وتدققي بتفاصيل الطبيعة

11/08/2026

مش كل أذى لازم نفهم سببه… أوقات أهم من «ليش أذاني؟» هو: «كيف بحمي حالي من إنه يتكرر؟»
وعي الحماية يعني ما تعيشي طول الوقت بوضع الدفاع… يعني تصيري واعية لمين بتعطي أكسس على حياتك، وشو بتسمحي، ووين بتحطي حد.
ابدئي من 4 خطوات:
1️⃣ راقبي الإشارات
إذا وجود شخص عم يخليك تخافي، تتوتري، تبرري حالك طول الوقت أو تشكي بنفسك… ما تهملي الإشارة.
2️⃣ خففي الأكسس
مش كل شخص لازم يعرف تفاصيلك، مش كل حدا بيستحق قربك، ومش كل علاقة لازم تضل بنفس المسافة.
3️⃣ حطي حدود واضحة
«ما بقبل هالأسلوب.»
«هيدا الشي ما بناسبني.»
«إذا تكرر، رح أبعد.»
4️⃣ ما ترجعي تعطي فرصة على حساب أمانك
التسامح ما يعني ترجعي تعطي نفس الشخص نفس الصلاحية يأذيك.

وعي الحماية مش إنك تخافي من الناس…
وعي الحماية إنك ما تعطي حدا صلاحية يتحكم بحياتك.
احفظي الريل لتتذكري هالخطوات وقت تحتاري.
وابعتيه لصبية بعدها عم تحاول تفهم «ليش أذاني؟» بدل ما تسأل:
«كيف بحمي حالي من أذاه؟»

10/08/2026

يمكن ما بدك مهدّئ أو منوّم…
يمكن بدك حدا يقعد معك ويفهم شو عم يصير جواتك.
بجلساتي، مناخد كل اللي عم يوجعك، منسمعه، نفهمه، ونتعلّم كيف نتعامل معه بدل ما تضلّي تهربي منه.
إذا حسيتي إنك بحاجة لهالمساحة، جلساتي إلك. 🤍
احفظي الريل وابعتيه لحدا بتحسي إنه بحاجة يسمع هالكلام اليوم.

اللئيم ظهر بحياتك لتتعاطفي مع نفسك…مش لتحاولي تخلقي بقلبه الرحمة.مش كل شخص أذاك بدو منك تفهُّم.ومش كل قاسي بدك تعرفي شو ...
09/08/2026

اللئيم ظهر بحياتك لتتعاطفي مع نفسك…
مش لتحاولي تخلقي بقلبه الرحمة.

مش كل شخص أذاك بدو منك تفهُّم.
ومش كل قاسي بدك تعرفي شو صار معه بطفولته.
ومش كل مؤذٍ مسؤوليتك تشفيه.

أوقات، كثرة تعاطفك مع غيرك بتصير قسوة منك على نفسك.

اعملي هالـ 4 خطوات:

1️⃣ سمّي الأذى باسمه.
ما تعودي تبرري القسوة لأنك فهمتي أسبابها.

2️⃣ بطّلي تنتظري تغيّره.
الإنسان اللي ما عنده نية يتغيّر، ما رح تغيّريه بزيادة حبك وتحمّلك.

3️⃣ حطي حدّ يحميك.
الحد مش عقاب… الحد هو الطريقة اللي بتقولي فيها: «أنا كمان إلي حق بالأمان والاحترام.»

4️⃣ ارجعي لنفسك.
اسألي: أنا شو محتاجة هلق؟
مش: شو لازم أعمل حتى هو يصير أحسن؟

لأنك مش جاية عالدنيا تصلّحي قلوب الناس.
إنتِ جاية كمان تحني على قلبك.

احفظي البوست وارجعي له كل ما لقيتي حالك عم تتعاطفي مع الشخص اللي أذاك أكتر من تعاطفك مع نفسك.
وشاركيه مع صبية بعدها عم تحاول تخلق الرحمة بقلب شخص اختار القسوة.

ولجلسة الحدود، ابعتيلي كلمة: حدود.

كيف تحطي حدود؟١. ما تفسّري عصبيته عنّهيمكن تعبان، مضغوط أو موجوع… بس هيدا مش مبرّر لأذيّتك.٢. سمّي السلوك«إنت هلأ عم تعل...
07/08/2026

كيف تحطي حدود؟

١. ما تفسّري عصبيته عنّه
يمكن تعبان، مضغوط أو موجوع… بس هيدا مش مبرّر لأذيّتك.

٢. سمّي السلوك
«إنت هلأ عم تعلي صوتك عليّ، وأنا ما رح كمّل بهالطريقة.»

٣. حطي حد واضح:
«إذا بدك تحكي معي، أنا موجودة. بس إذا رح يكون في صراخ أو إهانة، رح وقف الحديث ونحكي لما تهدى.»

٤. ما تبرّري حدودك
الحد ما بده محاضرة ولا موافقة.

٥. نفّذي الحد
إذا كمل بالصراخ، وقّفي الحوار وابتعدي.
مش تهديد… هيدا تطبيق للحد.

٦. رجّعي المسؤولية لصاحبها
إنتِ مش مسؤولة تهدّيه، تصلحيه، أو تتحمّلي غضبه.
هو مسؤول عن طريقة تعبيره عن غضبه.

فهمك لعصبيته ما بيعني إنك تتحمّليها.
والتعاطف معه ما لازم يكون على حساب كرامتك وأمانك.
Writing
احفظي البوست لوقت تحتاجي تتذكّري فيه حدودك، وشيريه لصبية بعدها عم تتحمّل عصبية غيرها باسم الحب والصبر. 🤍
وإذا حاسّة إنك بتعرفي تحطي الحدود نظريًا، بس وقت المواجهة بتتجمّدي أو بتتراجعي، احجزي جلستك معي لنعرف سوا السبب اللي بخليك تتنازلي عن حدودك ونعالجه.

06/08/2026

تسارع دقات قلبك، رجفة إيديك، ضيق صدرك…
أوقات جسمك بيعلن الخوف قبل ما حتى تعرفي من شو خايفة.

بس هون الفرق:

إحساس الخوف ما يعني إنك بخطر.
ووجود الخوف ما يعني إنك لازم توقفي.

لما يطلع الخوف، جرّبي هالخطوات:

1️⃣ سمّيه بدل ما تحاربيه:
«أنا خايفة هلأ.»
مش «أنا بخطر».

2️⃣ رجّعي جسمك للحظة:
خدي نفس أبطأ، وطلّعي الزفير بهدوء.
وخلي جسمك يعرف: أنا هون، وهلأ.

3️⃣ ما تاخدي قرار وأنتِ خايفة:
ما تهربي، ما توافقي، وما تلغي شي.
خدي مساحة صغيرة بين الشعور وردّة الفعل.

4️⃣ اسألي حالك:
«شو الخوف عم يحاول يحميني منه؟
وهل الخطر حقيقي بهاللحظة… أو أنا عم عيش احتمال؟»

5️⃣ ارجعي لمرجعك الأقوى:
مش مطلوب منك تعرفي شو رح يصير.
مطلوب منك تعرفي مين معك وإنتِ ما بتعرفي.

﴿لَا تَخَافَا إِنَّنِي مَعَكُمَا أَسْمَعُ وَأَرَى﴾

يمكن الأمان مش إنك توصلي لمرحلة ما تعودي تخافي…

يمكن الأمان إنك تخافي، وتحسي، وترجفي…
وبالرغم من كل هيدا، ما تعودي تتركي الخوف يسوق حياتك.

احفظي هالخطوات لوقت الخوف.
وشاركيها مع حدا محتاج يتذكّر اليوم إنو الخوف شعور… مش أمر.

05/08/2026

الأمان مش إنو ما يصير شي…
الأمان إنك تعرفي إنك محميّة مهما صار.

لما تقولي:
«بسم الله الذي لا يضر مع اسمه شيء في الأرض ولا في السماء وهو السميع العليم»

إنتِ مش عم تطلبي حياة بلا خوف،
ولا عم تحاولي تضمني شو رح يصير بكرا.

إنتِ عم تذكّري قلبك:
أنا مش مسؤولة عن حماية حالي من كل شيء.
في ربّ أقدر مني، وأعلم مني، وأرحم فيّي مني.

في أشياء فيكِ تاخدي احتياطك منها،
وفي أشياء ما فيكِ تتحكمي فيها.

وهون بيبدأ الأمان الحقيقي:
إنك تعملي اللي عليكِ…
وتتركي اللي مش بإيدك للي بإيده كل شيء.

ردديها مش بس بلسانك…
خليها توصل لمكان الخوف جواتك. 🤍

احفظيها، وردديها كلما عقلك بلّش يرسم أسوأ الاحتمالات.
وشاركيها مع حدا محتاج يتذكّر اليوم يرمي مخاوفه

Address

Beirut

Opening Hours

Monday 08:00 - 11:00
Saturday 15:00 - 17:00

Website

,

Alerts

Be the first to know and let us send you an email when Roufayda.coaching posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Roufayda.coaching:

Shortcuts

Share

Category