Zamalek Kuwait Fans

Zamalek Kuwait Fans عشاق نادى الزمالك في كل مكان و
هدفنا الدفاع عن الكيان

صلاح طلع انسان سالك وعظيم اوي والله👏محمد صلاح في لقاء علي قناه الكاس : انا بالنسبالي منتخب مصر رقم واحد ببذل كل مجهودي ع...
22/06/2026

صلاح طلع انسان سالك وعظيم اوي والله👏

محمد صلاح في لقاء علي قناه الكاس : انا بالنسبالي منتخب مصر رقم واحد ببذل كل مجهودي علشان افرح الشعب المصري ربنا وضعني في المكانه دي علشان انا اجتهدت وانا اسف علي اي تقصير ليا الفتره الاخيره وانتقادات الناس ليا وده حقهم طبعا

اعتقد ان ده اخر كاس عالم ليا فعاوز اختم مسيرتي بشكل كويس علشان الناس تحكي عني وتقول كان فيه لاعب مصري اسمه محمد صلاح وتحكي انجازاتي انا بتمني ان حمزه عبد الكريم وعمر مرموش يعملوا مسيره افضل مني وانا دايما بديلهم نصايح ويحكيلهم تجربتي علشان يبقوا حاجه كويسه ومصر دايما ولاده بالنجوم مش هتقف عليا.

احنا بنحبك اوي ياصلاح انا مشوفتش انسان سالك زيك في حياتي بيتمني الخير لكل زمايله وبيساعدهم انت مش هتتكرر تاني ياصلاح👏👏♥️♥️♥️♥️♥️♥️♥️♥️♥️♥️

محمد بركات فال لحسام حسن انت واخد تعليمات استبعاد مصطفي محمد بركات هاجم بقوة قرار استبعاد مصطفى محمد من قائمة منتخب مصر ...
23/05/2026

محمد بركات فال لحسام حسن انت واخد تعليمات استبعاد مصطفي محمد بركات هاجم بقوة قرار استبعاد مصطفى محمد من قائمة منتخب مصر وقال إن القرار غير منطقي تماما بركات قال إحنا بقالنا سنين بندور على مهاجم صريح بالمواصفات اللي كان عليها جيل زيدان وعمر زكي وميدو ولما أخيرا يظهر عندك مهاجم قوي ومحترف وعنده شخصية زي مصطفى محمد تستبعده بالشكل ده وأضاف إن مينفعش نقول دي مجرد اختيارات فنية لأن الكلام هنا عن المهاجم الأول للمنتخب واللاعب اللي يقدر يفيدك في البطولات الكبيرة وأكد إن مصطفى محمد مهاجم متكامل وعنده إمكانيات كبيرة جدًا ومينفعش منتخب مصر يستغنى عنه بسهولة خصوصًا وإنت رايح بطولة بحجم كأس العالم وختم كلامه إن اختلاف الآراء طبيعي لكن استبعاد لاعب بقيمة مصطفى محمد قرار صعب أي حد يقتنع بيه 👏🔥

عديم الأمانةساب ناديه وباعه قبل يوم من ماتش مهم في الكونفدرالية وراح يخلص تأشيرة السفر علشان يسافر مع فريقة الجديد ومش ف...
23/05/2026

عديم الأمانة
ساب ناديه وباعه قبل يوم من ماتش مهم في الكونفدرالية وراح يخلص تأشيرة السفر علشان يسافر مع فريقة الجديد ومش فارق معاه الماتش المهم ولا الجمهور اللي عمله وبمنتهي البرود باعهم في يوم مهم واتسبب اننا نخرج من الكونفدرالية
تلف الايام وتدور وهو ونفسه يتسبب انه يودي ناديه الجديد الكونفدرالية ويطلع معاهم بموسم صفري والجمهور اللي مكانش فارق معاه هو اللي يتسبب في فوز ناديه بالدوري ويعمل احلي واجمل واقوى اداء ودخلات وكل حاجة حلوة
ويعش اجمل واغلي فرحة ويتوج بالدوري الاعلي في تاريخه
ربنا كبير يا عديم الامانة

المستشار / محمد عطية على صفحته 😎- مابوراحة يا سيادة المستشار مش كده ..!! واكتب جمل سهل يفهموها 😂🫵يبقي تسمع الحدوته وتحف...
23/05/2026

المستشار / محمد عطية على صفحته 😎
- مابوراحة يا سيادة المستشار مش كده ..!!
واكتب جمل سهل يفهموها 😂🫵
يبقي تسمع الحدوته وتحفظها كويس وانت ساكت وكمان تبين انك مسكنيص بمزاجك ولا غصب عنك

Thanks for being a top engager and making it onto my weekly engagement list! 🎉ماجد محمد, طلعت عاطف, Sedik Ahmed, Gamal F...
22/05/2026

Thanks for being a top engager and making it onto my weekly engagement list! 🎉

ماجد محمد, طلعت عاطف, Sedik Ahmed, Gamal Fahmy, عبد الجليل الدكرورى, عاطف رياض, Mohamed Goda, إيهاب رمضان, ابراهيم حسن, Raafat Kamal

📌 نشر عبدالله السعيد لاعب الزمالك عبر حسابه على فيسبوك، تعليقًا بعد التتويج بلقب الدوري المصري، جاء فيه:📌 "موسم كامل ملي...
22/05/2026

📌 نشر عبدالله السعيد لاعب الزمالك عبر حسابه على فيسبوك، تعليقًا بعد التتويج بلقب الدوري المصري، جاء فيه:

📌 "موسم كامل مليء بالتعب، والضغوطات، والتضحيات، والمعارك الصامتة… لكن الأبطال يُصنعون في اللحظات التي لا يراها أحد.. قاتلنا كل يوم، وتجاوزنا كل الصعوبات، ولم نتوقف أبدًا عن الإيمان.. واليوم تحوّل كل هذا التعب إلى مجد.. هذا اللقب يعني لي أكثر مما يمكن للكلمات أن تصفه.. وإلى جماهيرنا العظيمة… شكرًا على كل لحظة، وكل صوت، وكل دعم، وعلى ثقتكم بنا حتى النهاية... هذا اللقب لكم أيضًا.. وسمعنا ياعم الحدوتة".

عشان الاستاذ اللي كان داخل بيقولى فى منشوري انت بتألف قصة استبعاده .. لما قولت أن تم استدعائه والتواصل معه أنه هيبقى موج...
22/05/2026

عشان الاستاذ اللي كان داخل بيقولى فى منشوري انت بتألف قصة استبعاده .. لما قولت أن تم استدعائه والتواصل معه أنه هيبقى موجود على اساس انه فى القائمة لاستخراج التأشيرة والأمور كانت ماشيه طبيعي جدا .. وبعد ما رفض عرض الأهلى مره اخرى وحضر ماتش الزمالك واحتفل أمس تم استبعاده من قائمة منتخب مصر . انا مش بألف حضرتك وعندى معلومات من قبل ما تنزل ف الصحف .. بما انى مبرمج ومتخصص فى الأمن السيبرانى وأمن المعلومات ... التأليف والهبد ده ليكم انتوا مش ليا انا . ومعلوماتى واخباري دائما هى الصحيحه والموثقه ..

خبر منذ قليل "رغم استبعاده".. مصطفى محمد وثلاثي منتخب مصر يستخرجون تأشيرة أمريكا قبل المونديال

انا عارف ان هناك أكثر من 50 لاعب قاموا باستخراج التأشيرات الخاصة بالسفر لأمريكا وكندا وتم الاستقرار على 27 لاعب واستبعاد الباقي منهم بسبب فني بحت .

لكن مصطفى محمد تم التواصل معه بشكل شخصي أنه موجود فى القائمه . واحد الوكلاء كلمه مره اخرى للانضمام للأهلى ورفض كالعاده بمبررات الاحتراف الخارجى .. وبعد ما حضر ماتش الزمالك أمس بتشيرت وكوفية الزمالك تم استبعاده لانهم اعتبروا ده رده عليهم .. الموضوع اغضب حسام وابراهيم ..

وكمان حسام حسن واخد موقف منه من كأس الأمم الأفريقية بسبب ان ازاى الخطيب يكلمه ويتواصل معاه شخصيا ومصطفى يرفض .. النيه مبيته اساسا ..

وبعدين اللي بيتكلموا مستغربين ليه .. اذا كان حسام حسن بنفسه في رمضان اللي قبل اللي فات لما قال لرامز .. زيزو من مصلحته انه يروح للاهلي في عز مكان زيزو لسه لاعب في الزمالك .. فين هنا الحيادية بما أنه مدرب المنتخب .. تخيل لو زيزو كان رفض يروح الأهلي .. كان حسام حسن هيعمل معاه زي ما عمل مع مصطفى محمد ... وده الاكيد .. عشان كده هو كان اول واحد ضغط على زيزو انه يروح الأهلى .. وزيزو كان طبيعى يوافق بما أنه المدير الفني للمنتخب . لو كان رفض زيزو عارف أنه هيتم استبعاده ...

حسام حسن متعصب هو واخوه للاهلي برغم انهم مسؤولين عن المنتخب مش قادرين يفصلوا بين حبهم للاهلي وبين تدريبهم للمنتخب .. حضرتك شوف القائمه اللي هو اختارها وشوف 80% لعيبة الاهلي
لو هتحسب كمان اللعيبه اللي مشيت ومحسوبين على الاهلي يبقى هو اختار 90% اهلي ... اختياره بالشكل ده للعيبة الاهلي ده دعم هو بيدعم لعيبة الاهلي
عشان لاعب المنتخب بيكتسب خبرات وثقه . والخبرات والثقه دي بعد كده بتفيد النادي بتاعه .. اي حد فاهم الكلام ده كويس ...

كان دائما بيعلن قائمة المنتخب عشان يأثر على لعيبة الزمالك ومسيرته بالقصد ... وعملها كذا مره .. ما كانش بينتظر مباريات الزمالك ويعلن بعدها ... كان بيتعمد يعلن قائمه المنتخب قبل مباريات الزمالك ..
وامس اعلنها بعد المباراه مباشره عشان يضرب كرسي في الكلوب . وكمان دعما للعيبة الاهلي اللي هم خسروا الدوري واصبحوا تالت كمان ..

لو الزمالك بيلعب لوحده امس كان اعلن القائمه قبل مباراة الزمالك عشان يأثر على اللاعبين ..

انا اكتر واحد كنت بدعم حسام حسن ومتحمس له .. واللي متابعيني عارفين الكلام ده

لكن غيرت رأيي لما عرفت انه بيكيل بمكيالين وبيخدم على الأهلى ومش عادل .. هدفه الأول ارضاء الخطيب وجماهير الاهلي عشان بعد كده يختاروه يدرب الاهلي .. ما يعرفش ان جماهير الاهلي ملهاش عزيز وأهم حاجه عندهم مصلحة الفريق مش دعم أشخاص ....
اساسا سياسة إدارة الاهلي وجماهيره الأولوية عندهم المدرب الاجنبي مش المدرب المصري ...

Address

Kuwait City

Website

Alerts

Be the first to know and let us send you an email when Zamalek Kuwait Fans posts news and promotions. Your email address will not be used for any other purpose, and you can unsubscribe at any time.

Shortcuts

Share

Category