16/05/2026
အမျိုးသမီးတွေဟာသည်းခံနိုင်စွမ်းကြီးမားကြပါတယ် သူတို့လမ်းခွဲဖို့ဆုံးဖြတ်ပြီဆိုရင်..
အမျိုးသမီးတွေဟာ အမျိုးသားတွေထက်စာရင်
လမ်းခွဲဖို့ ဆုံးဖြတ်ချက်ချတဲ့အခါ ပိုပြီး အချိန်ယူ
စဉ်းစားတတ်ကြပါတယ်။
ဒါပေမဲ့ တစ်ခါ ဆုံးဖြတ်ပြီးသွားရင်တော့ နောက်ပြန်လှည့်ကြည့်ဖို့ ခက်သွားတတ်ကြပါတယ်။
စိတ်ပညာရှုထောင့်ကနေကြည့်ရင် အမျိုးသမီးတွေ လမ်းခွဲဖို့ ဆုံးဖြတ်တတ်တဲ့ အဓိက အချိန် (၅) ခု ရှိပါတယ်။
၁။ "အထီးကျန်ခြင်း" က အသားကျသွားတဲ့အချိန်
~~~~~~~~~~~~~~~~~~~~~~~~~~~~~~~~~
ဒါက အဖြစ်အများဆုံးပါ။ ချစ်သူရှိနေရက်နဲ့ တစ်ယောက်တည်းဖြစ်နေသလို ခံစားရတာ၊ ဝမ်းနည်းချိန်မှာ အားကိုးလို့မရတာ၊ အခက်အခဲတွေကို တစ်ယောက်တည်း ရင်ဆိုင်နေရတာမျိုး ကြာလာတဲ့အခါ... "ငါ့မှာ သူရှိလည်း ဒီအတိုင်းပဲ၊ မရှိလည်း ဒီအတိုင်းပဲ" ဆိုတဲ့ အတွေးဝင်လာပြီး လမ်းခွဲဖို့ ပြင်ဆင်တတ်ကြပါတယ်။
၂။ "မျှော်လင့်ချက်" ကုန်ဆုံးသွားတဲ့အချိန်
~~~~~~~~~~~~~~~~~~~~~~~~~~~~
အမျိုးသမီးတစ်ယောက်ဟာ ပြဿနာတစ်ခုကို ခဏခဏ ပြောနေတယ်ဆိုတာ အခွင့်အရေး ပေးနေတာပါ။ ဒါပေမဲ့ သူဘယ်လောက်ပဲ ပြောပြော တစ်ဖက်လူက ပြောင်းလဲဖို့ မကြိုးစားဘူး၊ ဂရုမစိုက်ဘူးဆိုတာ သေချာသွားတဲ့အခါ သူ့ရဲ့ မျှော်လင့်ချက်တွေ သုည ဖြစ်သွားပါတယ်။ အဲဒီအချိန်မှာ သူ စကားမများတော့ဘူး၊ ရန်မဖြစ်တော့ဘူး၊ တိတ်တဆိတ်နဲ့ ထွက်ခွာဖို့ဘဲပြင်ပါတော့တယ်။
၃။ "တန်ဖိုးထားမှု" ကင်းမဲ့လာတဲ့အချိန်
~~~~~~~~~~~~~~~~~~~~~~~~~~~
သူ့ရဲ့ ကြိုးစားမှုတွေကို အသိအမှတ်မပြုတာ၊ သူ့ရဲ့ ခံစားချက်ကို လှောင်ပြောင်တာ ဒါမှမဟုတ် လူရှေ့သူရှေ့မှာ အရှက်ခွဲတာမျိုးတွေ ခံရတဲ့အခါ အမျိုးသမီးတစ်ယောက်ရဲ့ နှလုံးသားထဲကနေ နာကျင်ရပါတယ်။ သူ့ကို တန်ဖိုးမထားတဲ့ နေရာမှာ ဆက်နေဖို့ထက် ကိုယ့်ကိုယ်ကိုယ် ပြန်ချစ်ဖို့အတွက် လမ်းခွဲခြင်းကို ရွေးချယ်တတ်ကြပါတယ်။
၄။ "အနာဂတ်" ကိုမသိတော့တဲ့အခါ
~~~~~~~~~~~~~~~~~~~~~~~~~~
ဘယ်လောက်ပဲ ချစ်ချစ် ဘဝရည်မှန်းချက်တွေ ကွဲပြားနေတာ၊ လက်တွဲဖော်က ဘဝအတွက် ဘာအစီအစဉ်မှ မရှိတာ၊ တာဝန်ယူလိုစိတ် မရှိတာမျိုးကို မြင်လာရတဲ့အခါ... "ဒီလူနဲ့ဆိုရင် ငါ့ဘဝ ရှေ့ဆက်ဖို့ ခက်မယ်" ဆိုတဲ့ လက်တွေ့ဆန်တဲ့ အတွေးက အချစ်ကို အနိုင်ယူသွားတတ်ပါတယ်။
၅။ "စိတ်ပိုင်းဆိုင်ရာအရ အဆက်အသွယ် ပြတ်တောက်သွားချိန်"
~~~~~~~~~~~~~~~~~~~~~~~~~~~~~~~~~
ဒါကတော့ အကြောက်ရဆုံး အဆင့်ပါ။ လမ်းမခွဲခင်ကတည်းက သူ့ရဲ့ ရင်ထဲမှာ အချစ်တွေက တဖြည်းဖြည်း လျော့နည်းပြီး သေဆုံးသွားတာပါ။ ဒီအဆင့်ရောက်ရင် သူ လမ်းခွဲစကားပြောတဲ့အခါ ဝမ်းနည်းတာ၊ ငိုတာမျိုးတောင် မရှိတော့ဘဲ အရမ်းအေးစက်နေတတ်ပါတယ်။ ဘာလို့လဲဆိုတော့ သူဟာ ရင်ထဲမှာ ကြိုတင် လမ်းခွဲထားပြီးသား ဖြစ်နေလို့ပါ။
*သင်ရောသည်းခံရလွန်းလို့ လက်လျှော့ခဲ့တဲ့အချိန်တွေ
ရှိခဲ့ဖူးလား?
💛
#
