Burmese Arsenal Supporters in Japan

31/05/2026

နှလုံးသားချင်းနီးစပ်ခဲ့ကြတဲ့ မနေ့ညက သမိုင်းဝင်ညတစ်ညနဲ့ ကျေးဇူးတင်လွှာ ❤️🔴⚪

မနေ့ညက ကစားခဲ့တဲ့ ချန်ပီယံလိဂ်ဖိုင်နယ်မှာ အားလုံးမျှော်လင့်ထားတဲ့ ရလဒ်မျိုး မရရှိခဲ့ဘဲ ပင်နယ်တီနဲ့ ကံဆိုးစွာ ရှုံးနိမ့်ခဲ့ရတဲ့အတွက် အားလုံးလည်း စိတ်မကောင်းဖြစ်ရမယ်ဆိုတာ နားလည်ပါတယ်။ ဒါပေမဲ့ ဒါဟာ ကံတရားရဲ့ အလှည့်အပြောင်းတစ်ခုသာဖြစ်ပြီး ဥရောပရဲ့ အကြီးကျယ်ဆုံး ပြိုင်ပွဲကြီးရဲ့ ဖိုင်နယ်အဆင့်အထိ ငါတို့အသင်း တက်လှမ်းနိုင်ခဲ့တာကိုပဲ ဂုဏ်ယူသင့်လှပါတယ်။

အဆိုးထဲက အကောင်းလို့ ပြောရမယ့်အချက်ကတော့... မနေ့ညက UCL Watch Party ပွဲစဉ်ကို ဂျပန်ရောက် မြန်မာအာဆင်နယ် Fan စုစုပေါင်း (၁၈၀) နီးပါးလောက် တခဲနက် လာရောက်ပူးပေါင်းပြီး အားပေးခဲ့ကြတာပါ။
ရလဒ်ပိုင်းအရ စိတ်မကောင်းဖြစ်ရပေမဲ့ အာဆင်နယ်ဖန်တွေရဲ့ စည်းလုံးမှု၊ စည်းကမ်းရှိရှိနဲ့ အားတက်သရော အားပေးခဲ့ကြမှုတွေကြောင့် မနေ့ညက ပွဲလေးဟာ တကယ်ပဲ အောင်မြင်ပြီး အမှတ်တရဖြစ်စရာ ပွဲလေးတစ်ပွဲ ဖြစ်ခဲ့ပါတယ်။

ဒီပွဲလေး အောင်အောင်မြင်မြင် ပြီးဆုံးသွားဖို့အတွက်—
🔴EC အနေနဲ့ Organizers တွေကို တက်တက်ကြွကြွ ဝိုင်းဝန်းကူညီပေးခဲ့ကြတဲ့ ညီအစ်ကို မောင်နှမများ တစ်ယောက်ချင်းစီကိုရော၊
⚪️ဝေးလံတဲ့နေရာအသီးသီးကနေ အချိန်ပေးပြီး လာရောက်အားပေးခဲ့ကြတဲ့ မိသားစုဝင် ဂန်းနား ညီအစ်ကို မောင်နှမများ အားလုံးကိုပါ တစ်ဦးချင်းစီအလိုက် အထူးပင် ကျေးဇူးတင်ရှိကြောင်း မှတ်တမ်းတင်ပါရစေ။

ထူးထူးခြားခြား ဝမ်းသာဂုဏ်ယူစရာတစ်ခုကတော့... ခန်းမတာဝန်ရှိသူတွေဘက်ကလည်း ကျွန်တော်တို့ မြန်မာအာဆင်နယ်ဖန်တွေရဲ့ စည်းကမ်းရှိမှု၊ သန့်သန့်ရှင်းရှင်းနဲ့ စနစ်တကျ အားပေးခဲ့ကြမှုတွေအပေါ် အသိအမှတ်ပြုပြီး အထူးကျေးဇူးတင်စကား ပြောကြားခဲ့သလို၊ နောက်နောင်ပွဲတွေမှာလည်း ထပ်မံလာရောက် အားပေးဖို့အတွက် လှိုက်လှိုက်လှဲလှဲ ဖိတ်ခေါ်ခဲ့ကြပါတယ်။
ဒါဟာ လာရောက်ခဲ့ကြတဲ့ ဂန်းနားတိုင်းရဲ့ စည်းကမ်းရှိမှုကြောင့် ရရှိလာတဲ့ ဂုဏ်ယူစရာ ပုံရိပ်တစ်ခုပါပဲ။

ဖလားနဲ့ လွဲချော်ခဲ့ရပေမဲ့ ကျွန်တော်တို့ရဲ့ မိသားစုလိုအချစ်တွေ၊ စည်းလုံးမှုတွေကတော့ ပိုပြီး ခိုင်မာသွားခဲ့ပါပြီ။ အားမလျော့ကြေးပါပဲ ဂန်းနားတို့... နောက်ရာသီတွေမှာ ဒီထက်ပိုမို တောင့်တင်းတဲ့ခြေလှမ်းတွေနဲ့ ပြန်လာခဲ့ကြပါဦးမယ်။

ပရီးမီးယားလိဂ်ချန်ပီယံတွေအနေနဲ့ နောက်ရာသီကိုဆက်လက်ချီတက်ကြစို့ဗျာ။🏆

ကျေးဇူးအများကြီးတင်ပါတယ်ဗျာ။

30/05/2026

29/05/2026

Location Announcement: ချန်ပီယံလိဂ်ဖိုင်နယ်ပွဲကြည့်မယ့် နေရာအတိအကျ ကြေညာခြင်း! 🔴⚪🏆

ကျွန်တော်တို့ ငှားရမ်းထားတဲ့ ခန်းမကတော့ Grac Bali (Ikebukuro) ဖြစ်ပြီး ဘူတာရုံကနေ လာရတာ အရမ်းလွယ်ကူတဲ့ နေရာမှာ ရှိပါတယ်။

📍 ဘယ်လိုလာရမလဲ (Access):
Ikebukuro Station (池袋駅) ရဲ့ West Exit (North) [西口 (北)] သို့မဟုတ် Exit 20a ကနေ ထွက်ပြီး (၂) မိနစ်ခန့် လမ်းလျှောက်ရုံရုံဖြင့် ရောက်ရှိနိုင်မှာဖြစ်ပါတယ်။ (Pasela Resorts အဆောက်အဦးရဲ့ Basement 1F မှာ ရှိပါတယ်)

🔗 Google Map: https://maps.app.goo.gl/raALvhh8cawkqcXRA?g_st=ic

🕚 Gate Open:
ပွဲမစခင် ခန်းမထဲမှာ အဆင်သင့်နေရာယူနိုင်ဖို့ ည ၁၁:၃၀ အရောက် လာပေးကြပါ။

မေလ ၃၀ ရက်နေ့ ည ၁၁:၃၀ မှာ Ikebukuro မှာ ဆုံကြမယ် Gooners တို့! အတူတူ အောင်ပွဲခံရအောင်! 🔥

26/05/2026

ငွေလွှဲပြီးသူအားလုံးထံသို့ ပွဲဝင်ခွင့်လက်မှတ်များ ပေးပို့ပြီးဖြစ်ပါသည်။ လက်မှတ်မရရှိသေးသူများရှိပါက Page Chatbox မှတစ်ဆင့် ဆက်သွယ်ပေးကြပါရန်။

လက်ရှိတွင် လူဦးရေ (၁၆၀) ပြည့်သွားပြီဖြစ်သည့်အတွက် စာရင်းပေးသွင်းမှုကို ပိတ်လိုက်ပြီ ဖြစ်ပါတယ်။

ပွဲတက်ရောက်မည့်သူများအားလုံးအနေဖြင့် ပွဲကျင်းပမည့်နေ့တွင် လက်မှတ်ကောင်တာ (Registration Counter) ၌ မိမိတို့၏ လက်မှတ်များကို ပြသပေးပါရန် မေတ္တာရပ်ခံအပ်ပါသည်။

ခန်းမအခြေနေကြောင့် ထပ်မံလက်ခံနိုင်ခြင်းမရှိတော့တဲ့အတွက် ကျန်ခဲ့တဲ့အာဆင်နယ်ဖန် ညီကိုမောင်နှမများကို အနူးအညွတ်တောင်းပန်ပါတယ်။🙇‍♂️

25/05/2026

၃၀ရက်နေ့ညပွဲစဉ်အတွက် လက်မှတ်နဲ့ပတ်သက်ပြီးနေရာကျန်/မကျန် လာမေးထားတဲ့သူတွေအတွက်ပို့စ်ပါ။

ယခင်စာရင်းပေးထားသူများကို ယနေ့နောက်ဆုံးထားပြီးကျွန်တော်တို့စာရင်းလုပ်နေပါတယ်။ စာရင်းပေးထားပြီး cancle ဖြစ်သွားတဲ့သူတွေရှိလာမှသာ အစဉ်လိုက်ကျွန်တော်တို့ reply ပြန်လုပ်ပါ့မယ်။

ယခုလက်ရှိအခြေအနေအရ နေရာအပြည့်စာရင်းပေးထားပြီးသားဖြစ်နေလို့ နောက်တစ်ရက်လောက်ခဏစောင့်ပေးကြဖို့တောင်းဆိုပါတယ်။

အားလုံးနဲ့တူတူကြည့်ချင်ပေမယ့် လူဦးရေသတ်မှတ်ချက်ကျော်လွန်ပြီး ခန်းမအသုံးပြုခွင့်မရှိတဲ့အတွက် ကျွန်တော်တို့တတ်နိုင်သလောက်ကြိုးစားပေးနေပါတယ်။ နားလည်ပေးကြဖို့မျှော်လင့်ပါတယ်။

24/05/2026

၂၂ နှစ်ကြာ စောင့်ခဲ့ရတဲ့အခိုက်အတန့်🏆✅

https://www.facebook.com/share/v/1DZC6VopZA/?mibextid=wwXIfr

22/05/2026

ကျနော်တို့ Burmese Arsenal Supporter-Jp ရဲ့ Organizer-EC တဦးဖြစ်တဲ့ ကိုအောင်ခိုင်မင်းရဲ့ဇနီး BASJ ငွေစာရင်းကိုင်တဦးဖြစ်တဲ့ မအိချိုမှ ယနေ့(22/05/2026)နေ့တွင် ဒုတိယမြောက်သမီးလေးကို အောင်အောင်မြင်မြင် ချောချောမွှေ့မွှေ့ မွေးဖွားနိုင်ခဲ့ခြင်းအတွက် ကျနော်တို့ BASJ မန်ဘာများမှ အထူးပင်ဝမ်းမြှောက်ဂုဏ်ယူ ဝမ်းသာပါကြောင်း မှတ်တမ်းတင်ဖော်ပြအပ်ပါသည်။

20/05/2026

၂၂ နှစ်စောင့်ခဲ့ရတယ်.....

Trust the Process .... Arteta ရဲ့ New Era က အခုမှ စပါမယ်။

Come On You Gunnersssssss🏆🏆🏆🏆🏆

We Are The ARSENAL
We Are The Champion👍

15/05/2026

စိတ်တွေ ခုန်နေပါပြီနော်.....၂ ပွဲ အလို💪👍🏆✅

15/05/2026

UCL Final Watch Party လူဦးရေ ပြည့်တဲ့အပြင် ကျော်လွန်နေပြီဖြစ်လို့ စာရင်းပေး လက်ခံခြင်းကို ခေတ္တခဏ ရပ်နားထားပါမည်။

ငွေကောက်ခံခြင်းကို ဒီလ ၂၅ ရက်နေ့ နောက်ဆုံးထားသတ်မှတ်ထားပြီး .....

✅🏆နေရာလွတ်များ ထွက်ပေါ်လာမှသာ ပြန်လည်လက်ခံနိုင်မည်ဖြစ်ပါသောကြောင့်၊

✅🏆စာရင်းပေးထားသူများ (၂၅) ရက်နေ့ နောက်ဆုံးထား၍ အမြန်ဆုံး ငွေပေးသွင်းကြပါရန် တိုက်တွန်းနှိုးဆော်အပ်ပါတယ်ခင်ဗျာ။

🏆🏆🏆 စာရင်းပေးထားပြီး (၂၅) ရက်နေ့ အထိ ငွေပေးသွင်းမှု မရှိသူများကို၊ အမှန်တကယ်လာရောက်ကြည့်ရှု့လိုသူများကို ထည့်သွင်းနိုင်ရန် (Auto-Cancel) အဖြစ်သတ်မှတ်ပါမည်🏆🏆🏆