08/06/2026
Kansai Area ရဲ့ Football Association 💪🏻
❗️KMFA အဖွဲ့အစည်းဖွဲ့စည်းရခြင်း၏ အဓိကရည်ရွယ်ချက်များ ❗️
၁။ ကန်ဆိုင်း (Kansai) ဒေသတွင် မြန်မာ့ဘောလုံးအားကစားကဏ္ဍ ပိုမိုဖွံ့ဖြိုးတိုးတက်လာစေရန်
ကျွန်တော်တို့ အိုဆာကာမြို့နဲ့ ကန်ဆိုင်းဒေသတစ်ဝိုက်မှာ ရှိနေကြတဲ့ မြန်မာလူငယ်တွေအကြား ဘောလုံးအားကစားကို ပိုမို စိတ်ပါဝင်စားလာစေဖို့နှင့် အလုပ်၊ကျောင်းဖိအားတွေကြား ပင်ပန်းမှုများပြေပျောက်ဖို့အတွက် ဘောလုံးပွဲစဉ်တွေ၊ ပြိုင်ပွဲတွေကို အရင်ကထက် ပိုမိုစနစ်တကျနဲ့ စည်စည်ကားကား ပေါ်ထွက်လာစေဖို့ ရည်ရွယ်ပါသည်။ အားကစားကတစ်ဆင့် မိမိတို့ မြန်မာလူကြီး/လူငယ်
အချင်းချင်း စည်းလုံးညီညွတ်မှု ပိုမိုခိုင်မာလာစေရန်အတွက်လည်း ရည်ရွယ်ပါသည်။
၂။ စစ်ဘေးရှောင် ပြည်သူများအတွက် ရန်ပုံငွေ ပိုမိုရှာဖွေ ထောက်ပံ့ပေးနိုင်ရန်
ဒါကတော့ ကျွန်တော်တို့အဖွဲ့အစည်းရဲ့ အလွန်အရေးကြီးတဲ့ ရည်ရွယ်ချက်တစ်ခု ဖြစ်ပါတယ်။ မိခင်နိုင်ငံမှာ အခက်အခဲကြုံတွေ့နေရတဲ့ စစ်ဘေးရှောင်ပြည်သူတွေ၊တော်လှန်ပြည်သူရဲဘော်တွေအတွက် လိုအပ်တဲ့ အကူအညီတွေကို ထိရောက်စွာ ပံ့ပိုးပေးနိုင်ဖို့ ဖြစ်ပါတယ်။ ကျွန်တော်တို့ ကျင်းပမယ့် ဘောလုံးပွဲစဉ်တွေ၊ လှုပ်ရှားမှုတွေကနေတစ်ဆင့် ရန်ပုံငွေတွေ ပိုမိုရရှိလာအောင် ဆောင်ရွက်ပြီး အမှန်တကယ် လိုအပ်နေတဲ့နေရာတွေကို စနစ်တကျ ထောက်ပံ့ကူညီသွားမှာ ဖြစ်ပါတယ်။"
၃။ အိုဆာကာတွင် ခိုင်မာသော မြန်မာဘောလုံးအဖွဲ့အစည်းတစ်ခု ပေါ်ပေါက်လာစေရန်
ဂျပန်နိုင်ငံ၊ ကန်ဆိုင်းဒေသမှာ မြန်မာလူမျိုးတွေကို ကိုယ်စားပြုတဲ့ ခိုင်မာအားကောင်းတဲ့ ဘောလုံးအဖွဲ့အစည်းတစ်ခုအဖြစ် ပုံဖော်တည်ဆောက်သွားမှာ ဖြစ်ပါတယ်။ ဒီအဖွဲ့အစည်းကတစ်ဆင့် ရေရှည်စီမံကိန်းတွေ ချမှတ်ပြီး အားကစားလှုပ်ရှားမှုတွေကို စဉ်ဆက်မပြတ် ဖော်ဆောင်သွားနိုင်ရန် ဖြစ်ပါတယ်။
၄။ စိတ်အားထက်သန်သူများ၊ ဦးဆောင်သူများနှင့် လက်တွဲပူးပေါင်း ဆောင်ရွက်ရန်
"ဒီရည်ရွယ်ချက်တွေကို အောင်မြင်စွာ အကောင်အထည်ဖော်နိုင်ဖို့အတွက် အသင်းခေါင်းဆောင်တွေ၊ အသင်း Founder တွေနဲ့ ဘောလုံးအားကစားကို စိတ်အားထက်သန်စွာ ရည်မှန်းချက်ချင်း တူညီကြတဲ့ လူကြီးမင်းများအားလုံးရဲ့ အကြံဉာဏ်၊ ခွန်အားတွေ လိုအပ်ပါတယ်။ ဒါကြောင့် အားလုံး တစ်တပ်တစ်အား စိတ်အားထက်သန်စွာနဲ့ ပူးပေါင်းပါဝင် ဆောင်ရွက်ကြရန်လည်း ဖိတ်ခေါ်လိုက်ရပါတယ်။
လေးစားစွာဖြင့်
ကန်ဆိုင်းမြန်မာဘောလုံးအဖွဲ့အစည်း(KMFA)
