ウェブサイトとは何ですか？

https://www.facebook.com/2161823214142543/

丹尼斯為利講波 Dennis kick-off

ホーム
日本
Minamiuonuma-shi, Niigata
丹尼斯為利講波 Dennis kick-off

丹尼斯為利講波 Dennis kick-off, Minamiuonuma-shiの連絡先情報、マップ、方向、お問い合わせフォーム、営業時間、サービス、評価、写真、動画、お知らせ。

由 "利物浦爭標之路 LFC Champions Road"，更改為 "丹尼斯為利講波 Dennis Kick-off"，真真正正將 channel 以直播旁述為主要內容，分享給喜歡在 YouTube 找尋適合自己睇波樂趣聲音的朋友

“丹尼斯為利講波 Dennis kick-off" 未來日子將會為球迷朋友獻上足球直播旁述賽事，包括有

(1) 球會級賽事：英超、歐聯、歐霸、歐協聯、世界冠軍球會盃
(2) 國家級賽事：歐洲國家盃、世界盃

希望各位喜愛在網上聆聽足球直播旁述的球迷朋友，多多支持

05/08/2026

【Salah 落實下季加盟 Trabzonspor 特拉布宗】

經過完2026世界盃後，昔日利物浦的埃及球皇 Mo Salah 終於落實，下季免費加盟土耳其球會 Trabzonspor 特拉布宗，將會穿起 61號球衣，年期待定

Salah 一直認為自己仲有能力在頂級聯賽出戰，所以轉投特拉布宗，意味仍然有機會參加 UEFA 歐洲盃賽，只要Trabzonspor在歐霸盃附加賽出線，利迷將會繼續在周中晚上見到沙拿的風采

暫時知道 Salah 年薪超過 17M歐元，結合應該有 320k 的周薪，貼近中東富豪球會的待遇，既可以繼續參戰歐洲盃賽，又有豐厚報酬，難怪轉戰土超球會吧

#2627球季

#新球會

04/08/2026

【26-27 球季熱身賽車路士 vs 祖雲達斯、阿仙奴 vs 貝迪斯】

第二支英超球隊在香港進行季前熱身賽，場內氣氛應該比第一場熱鬧好多，因為除了藍戰士球迷捧場，利物浦球迷可能都會入場，支持前紅軍球員：Xabi Alonso + Jordan Henderson 嘛（不過神軒剛剛簽約，應該趕不及歸隊報到）

明天雙料娛樂，應屆英超冠軍阿仙奴進行第二場熱身賽，主要想睇下新兵 Tzolis 的表現，第一場大勝 Girona 已經成功開齋

直播旁述影片連結在留言

#2627球季
#直播旁述
#廣東話
#熱身賽
#車路士
#阿仙奴

02/08/2026

【26-27 球季熱身賽利物浦 2:4 列斯聯】

賽事短評

上半場
1. 中前場迫搶好，傳送時間快，配合組織靚

2. 特別係左邊 Rio + Kerkez，終於見到 Kerkez 疊瓦助攻有人交波俾佢落底線啦

3. Nyoni 防中八面玲瓏，有攔截，有迫搶，有傳送，timing 好

4. Szobo + Nyoni 季初正選防中配搭

5. Isak 跑動積極，又肯同 Wirtz 做配合

6. 只可惜中堅 Ndukwe 工作證未能上陣

7. Morrison 右邊都有威脅，護球能力強

8. Wirtz + Frimpong 前利華古遜拍擋製造第二個入球

下半場
9. 證明正選和後備質素有明顯差距

10. 4個失球都係輸自己派膠：Kerkez 第一球自己後場扭失，Jones 第三球12碼點走甩對手

11. 上季不斷見到的界外球失波再次出現，仲要輸兩球，一班後備副選精神唔集中，默契不足，兩次都係頂輸前柱，後柱又冇人頂位

12. Jones 季初熱身體狀態係災難，好難再俾機會，賣走係唯一選擇

13. 冇比較冇傷害，Elliott 無論俾波尺寸、傳球視野、射門水準，都比 Szoboszlai、Wirtz 差至少幾皮波

14. Gravenberch 如果未來兩星期操唔起狀態，唔應該英超有正選

15. 今場先勝後敗，俾機會 Iraola 知道邊個球員值得留低，邊個球員應該賣走，轉會窗閉關前要補入邊類新球員

01/08/2026

【26-27 球季熱身賽利物浦 vs 列斯聯】

利物浦在美國之旅來到尾聲，踢完第三場對列斯聯後就會返回 Anfield 準備餘下2場熱身賽啦

世界盃決賽周有上陣的國腳，有部分已經去到美國歸隊，Wirtz、Isak、Gravenbeech 亦都參與訓練，睇到官方出的比賽宣傳照，3位都有機會在今場上陣，利迷又多個原因要凌晨起身睇波啦

直播旁述影片連結在留言

#2627球季
#直播旁述
#廣東話
#熱身賽

30/07/2026

【26-27 球季熱身賽利物浦 1:0 域斯咸】

賽事短評

1. 如果球迷有留意利物浦今場對手季前熱身賽的表現和成績（連贏曼聯、列斯聯），仍然渴望會像第一場取得大勝實在有點不切實際，何況紅軍頭兩場都只能起用大部分青年軍和後備隊員上陣，小勝一球絕對好合理

2. Rio Ngumoha 射入奠定勝局一球固然值得鼓舞，雖然過程帶點幸運（省中後衛改變方而入），不過足球比賽就是這樣：好波不如好運，唔起腳射門就永遠得不到破網機會；可惜Rio下半場換入後其餘時間表現繼續麻麻，盤扭過人次數寥寥可數，球迷可能認為右翼位置始終唔係擅長，應該係Iraola有心在熱身賽讓Rio作出嘗試去適應

3. Iraola賽後訪問讚賞年青中場Trey Nyoni踢出大將之風，小編上場已經給予高度評價，繼續提升來季展望，不只成為常規後備輪換陣容一分子，對戰實力平平的中下游球隊，絕對有能力出任正選防中，下季值得利迷多加留意

4. 相對而言，一眾老大哥球員在兩場熱身賽表現就強差人意：Kerkez似乎尚未重建信心，有說明書的教練戰術下仍然發揮不到昔日邊線控制的優點、Jones防中位置依舊出現傳送決定太慢的老毛病，Nyoni更加稱職、Elliott攻中演出同樣平平，駁腳轉邊仍算可以，不過創造機會和後上射門能力麻麻、Frimpong一如上季咁盲頭烏蠅，亂衝亂撞，和隊友配合不多，Ramsay防守上明顯更加理想

5. 今場熱身賽重點其實放在兩點：下季作客白色球衣，明顯盃賽球會字的顏色遠較英超黑色搶眼，球迷入貨記得留意，門將的黑配紫又係超靚顏色組合；不知球會為何安排在歷史久遠的紐約洋基棒球場上演賽事，球迷觀賞角度不理想之外，球員發揮亦都受到影響，幸好沒有出現受傷情況

28/07/2026

【26-27 球季熱身賽熱刺 vs 悉尼FC】

今個夏天轉會窗，英超最積極球會一定係上季僅僅護級成功的熱刺，可能係管理層對教練 De Zerbi 的承諾

暫時已經收購或免費轉會加盟到熱刺有 6名球員，包括前利物浦左閘Robertson、超過1億轉會費的前紐卡素中場Tonali、接近1億的降班前韋斯咸中場M Fernandes、超過半億的前白禮頓中堅van Hecke、前般尼茅夫中堅Senesi、前般尼門將Dubravka

今場係熱刺的澳洲熱身賽之旅的第二場，之後仲會有尾場大戰英超車路士，球迷想知道增兵後的熱刺實力如何，切記要留意直播啦

直播旁述影片連結在留言

#2627球季
#熱身賽

#直播旁述
#廣東話
#熱刺

28/07/2026

【Zidane 施丹接任法國國家隊教練】

潛伏多年，終於等到前隊友 Deschamps 迪甘斯辭職，Zinedine Zidane 如願以償，順利接任最新國家隊教練一職，直到 2030年

2026世界盃完結，下次足球大賽將會係英格蘭、威爾斯、蘇格蘭、愛爾蘭合辦的 2028歐洲國家盃，到時德國有 Klopp、法國有 Zidane，大家球迷應該已經萬分期待啦

26/07/2026

【18歲年青中堅 Ndukwe 今季必被外借】

剛剛在首場熱身賽表現平穩的 18歲年青中堅 Lfeanyi Ndukwe，因為未符合工作證要求，今季必需被外借去其他球會，應該對利物浦長遠中堅發展有一定作用

不過隨著 Gomez 再次受傷，新一季利物浦中堅人選可謂捉襟見肘，管理層要盡快在轉會窗尋找合適人選，否則利迷應該會不斷見到 Gravenberch 移後一格客串中堅的場面上演

26/07/2026

【26-27球季熱身賽利物浦 4:2 新特蘭】

賽事短評

1. 恭喜 Iraola 首次帶領利物浦第一場比賽就取得勝利，打響頭炮；當然熱身賽對手實力不強，贏波絕對正常合理，不過見到上季失去的紅軍風格，今場隱約已經重現球迷眼前，絕對值得興奮、期待

2. 今場贏波兼取得4個入球，其中3球都是隊友助攻所得，暫時見到球隊季前訓練的成果，亦都顯示Iraola之前兩季在般尼茅夫的進攻風格延伸到利物浦陣中，繼續中前場迫搶戰術，多咗禁區附近的撞牆組織入揳射門，對於之後在英超面對泊大巴的破關有莫大幫助

3. 不過對住對方陣容不完整，特別換邊後全部年青後備下仍然有失球，Iraola的防守戰術仍然有大幅改善空間；Gomez開波早段已經受傷離場當然打亂部署，不過可以見正一雙年青中堅合作就令到球迷和教練團隊，明白嚟緊轉會窗閉關前要再尋找適合人選，否則前面入波都唔夠後防輸番

4. 今場另一個值得球迷欣賞拍掌係見到一眾年青球員在場上展現的拼勁、質素，將利物浦以往重視青訓的球會風味重新發揮出來，不過Ngumoha只上陣半場仍然擺脫不到"濕手巾"的毛病，相反下半場上陣的Trey Nyoni明顯身形健碩後更加適合中場跑動攔截的角色，希望下季可以成為常規陣容的後備；另外首次見到剛剛16歲的Abe場上比賽，典型近年潮流興起的逆足翼鋒踢法，雖然未有進攻貢獻，不過見到潛質，應該會成為聯賽盃足總盃的主力

24/07/2026

【26-27 球季熱身賽利物浦 vs 新特蘭】

歷時個半月的2026世界盃已經完結，馬不停蹄 26-27 球季已經準備展開，季前熱身賽組已進行了幾場，不過小編當然將首場熱身賽的直播旁述，留俾自己最喜愛球隊：利物浦啦

經過上季的失敗，今季利物浦重新開始，首先更換教練，由 Iraola 接替 Slot，希望踢出紅軍應有的鬥志；不過因為世界盃關係，一眾國腳要休息，所以今場利物浦陣容大部分會係青年軍為主，一隊主力只有最近續約成功的 Szoboszlai 領軍，配合外借歸隊專 Elliott，利迷們一樣熱切期u

直播旁述影片連結在留言

#2627球季
#熱身賽
#利物浦

住所

Minamiuonuma-shi, Niigata