Winter 徐弘泰

25/05/2026

PEGASUS 首次贊助及協辦今次既比賽。
好多謝ASICS, Airfly 及Pocari Sweat HK支持

PEGASUS 荃灣10K 超級夏日挑戰賽開始報名啦！
今年有ASICS 及Airfly 贊助得獎者們獎品
另外亦有寶礦力水特支持今次既比賽為參加者提供冰凍補充飲品🥳

今屆會由ASICS 贊助記念Tee shirt
大家快d報名啦🥳🥳😍😍

https://go.fitz.hk/23rdPegasusTW10K

19/05/2026

我地樂悠班都有好幾位參加左嫁！

📢 🧑🏼‍🦳🔥【邊個話長者唔玩得 HYROX？等我樂悠班慢腳話你知：青春熱血返晒嚟！】

最近 HYROX 賽事咁熱鬧，除咗一班後生仔女爆出好成績之外，最令我哋 Pegasus 驕傲同感動嘅，係我哋「樂悠班」嘅長者同埋佢嘅隊友都成功挑戰、解鎖成就！🏆✨

🌟 *樂悠的 HYROX 奇妙旅程*

🔹 從「 *淆底* 」到「 *解鎖成就* 」：
由報名到落場只得短短兩三個月。好在平時喺 Pegasus 樂悠班跟 2 位教練打好咗底子，先有膽量參加由 CFSC 舉辦嘅「50+挑戰Hyrox」活動（希望能鼓勵更多長者多做運動）。初時個人真係有啲淆底嘅，但唔試過又點知唔得呢？相信一切都係「上帝早已預備」，就這樣加入了這次的 Hyrox Corporate Relay team！

🔹 熱血的女子 4 人接力賽：
4 個人要分擔 8km「跑步」和 8 個「功能性」動作。其實真係話易唔易、話難唔難，只要慢慢做、不放棄，一定可以完成！我負責第一項滑雪機同第四項波比跳，滑雪機還可以，波比跳就最攞命！雖然當時腳踭痛要慢慢做，但因為 HYROX 最好嘅地方係冇限時，只要盡全力，每個人都可以平安完成！💯

🔹 青春熱血返晒嚟！：
最後我哋全隊以 2 小時 3 分鐘順利完成！當大家盡晒力做到，一齊衝上台又叫又笑嗰一刻，隊友感動大讚：「青春熱血真係返晒嚟！🔥🔥🔥🔥 幫生命加添了一份美麗回憶！」

💡 為什麼 HYROX 其實好啱長者玩？
隊友玩完之後有一個深刻體會：HYROX 嘅「功能性運動」其實全部都係模仿緊我哋日常生活所需嘅活動能力。只要接受合適嘅專人同教練訓練，長者一樣可以安全鍛鍊、保持身手敏捷，更能避免受傷！

健康嘅身體從來都唔係不勞而獲嘅！不論你係 40+、50+ 定 60+，只要想繼續充滿活力，就一齊嚟努力吧！💪💪

✨ 「不要局限你的挑戰。要挑戰你的極限。」— Jerry Dunn
✨ 「我們不會因為變老而停止鍛煉——我們會因為停止鍛煉而變老。」— Dr. Kenneth Cooper

#跑步 #肌力

17/05/2026

今年係五週年，好高興話比大家知
PEGASUS 正式成為田總屬會啦！！

好榮幸能夠邀請到前香港百米飛人及悉尼奧運香港田徑代表杜韋諾（杜Sir)連同佢既Fast Lab Track & Field 加入建立更完善既架構。
希望未來見到更多我地既運動員係田徑場上活躍啦！！

係度多謝贊助商們送出豐富禮物比同學們抽獎（排名不分先後）Akiv,Asics,Cam2,PocariSweat

同時要多謝多年支持住我地既馬拉松推廣社送左現金獎比會員抽獎❤️

由現在開始PEGASUS 既總活躍會員人數超過1000人啦。我地現在超過30位教練，除咗原本既恆常班及樂悠班，PEGASUS 將會有兒童及青少年田徑訓練班提供比大家。

我地會繼續努力，希望大家能夠繼續見證我們既成長❤️

17/05/2026

15/05/2026

今日試新玩具：Suunto Race 2！

揀裝備最緊要實用。試戴咗陣，個 AMOLED 螢幕真係夠晒光猛清晰，加埋佢個極精準 GPS，想做好配速同訓練距離真係靠晒佢。嚟緊會好好試下佢，再話比大家知實測感覺！

​ #冬天教練

12/05/2026

今年玩完，心動想玩既你
不妨睇下篇野

《渣馬千金 x 初嘗 Hyrox 》

當馬拉松遇上 burpee，真係兩種世界。

由報咗名到比賽當日，應該練左7-8堂力量訓練。明知自己唔夠勤力，又練得唔夠，唯有上線前祈禱隊友再強大啲，等我做少啲，休息多啲。而跑步部分，大家就一定要拍住上。

第一次踩入 Hyrox 世界，結果狠狠地上咗一課：千祈唔好臨急抱佛腳！ 因為賽前力量準備唔夠，去到 Station 真正感受到咩叫「現實」。尤其一到高強度動作，力量同呼吸一亂，節奏即刻現形，睇返啲 Station 時間真係無眼睇。
但好彩「爛船都有三分釘」，我發現平時教練叫我哋練嘅 Interval（間歇跑） 原來真係可以救返我一命😅！

睇返數據：
❌ Sled Pull (拉雪橇) 時間排名：771 名 (力量大落後...)
✅ 隨後 1K 跑時間排名：第 16 名！ (跑步段落瘋狂爬頭)

呢種「跑步救全家」嘅感覺真係好神奇。雖然 Hyrox 唔只係跑得快就得，仲要分配體能、習慣轉項嘅疲勞，但正正因為有馬拉松底子，當我做完 Station 仲有力嘅時候，我至少可以靠跑步拉返唔少時間。
今次最大得著係：就算你有跑步底，都唔代表可以直接搬去玩 Hyrox；但想玩得好，跑步同力量一定要兼顧，先至可以跑得快、頂得住、捱得住！

多謝教練平時嘅魔鬼訓練，等我喺 Station 輸咗之後，仲有本事喺跑道贏返返嚟！🏃‍♀️💨
想挑戰 Hyrox 嘅朋友，聽我話，一定要練好跑步底！
………
👇 點擊連結了解更多跑步及報名：
https://forms.gle/L7Kyz9tZDDMaUkDB8

#跑步 #跑姿 #肌力 #渣馬千金 #跑步訓練 #間歇跑 #體能提升 #跑步救全家

11/05/2026

我地好多跑手都去咗參加hyrox ，仲要有唔錯既成績。如果認真睇數據既話其實專注跑步速度提升，絕對可以令整個比賽效率更高～

08/05/2026

只做一星期既超級優惠

為咗支持各位HYROX參加者，我地Pegasus會有運動按摩優惠俾大家👏🏻

Hyrox 參加者預約時提供參加證明即可以300元價錢享受1小時運動按摩（原價400元）👍🏻

⭐️優惠期由5月9日至5月15日
⭐預約時付款作實

如有查詢歡迎WhatsApp 64860187
希望各參加者玩得開心🤩
攞到個好成績㊗️

#綜合體能 #體能訓練 #觀塘健身
#運動按摩 #運動治療

01/05/2026

唔覺唔覺就5歲啦～

28/04/2026

《高牆》
剛剛既倫敦馬拉松，肯雅跑手 Sabastian Sawe 以 1 小時 59 分 30 秒衝線，成為首位喺正式男子全馬賽事跑入 2 小時嘅跑手；亞軍 Yomif Kejelcha 跑出 1:59:41，季軍 Jacob Kiplimo 跑出 2:00:28，三人都快過原有男子世界紀錄 2:00:35。

一道存在咗超過一個世紀嘅高牆，就喺呢一日被推倒。
我哋成日聽人講，全馬 Sub 2 係人類極限，一英里 4 分鐘係不可能。聽得太多，就會慢慢將呢啲說話變成自己面前嗰道牆，未開始，已經認定自己做唔到。

但好多時，限制我哋嘅，未必只係身體，而係我哋點樣理解「極限」呢件事。

1954 年，Roger Bannister 以 3 分 59 秒 4 打破一英里 4 分鐘大關，成為歷史第一人；46 日之後，John Landy 就成為第二位做到呢件事嘅跑手。

由嗰一刻開始，原本被認為係「人體極限」嘅高牆，突然唔再神聖，亦唔再不可觸碰。當有人證明原來可以，世界對「做得到」嘅想像，就會跟住改變。

我哋每個人嘅跑道上，其實都有自己嘅高牆。你覺得 Sub 4 冇可能？覺得完成全馬太遙遠？覺得自己年紀太大、起步太遲、天分唔夠？

記住，有時最難打破嘅，唔係時間，唔係距離，而係你腦海入面嗰句「我唔得」。

高牆，很多時都係自己起出嚟嘅。既然起得到，你都可以親手拆咗佢。

#倫敦馬拉松
#馬拉松 #長跑