Maen Salhab- Sales Coach

Maen Salhab- Sales Coach اساعد المدربين و الاستشاريين و اصحاب المشاريع على بيع خدماتهم من خلال استراتيجيات عملية.

لتحميل كتبي في المبيعات او للاستشارات👇
https://linktr.ee/maensalhab
(5)

15/07/2026

آخر دقيقة بالاجتماع مش وقت تضغط على العميل…

هي وقت تذكّره ليش كان بده يشتري من الأساس.

لما ترجع العميل للمشكلة اللي حكالك عنها، والنتيجة اللي هو نفسه بده يوصلها، قرار الشراء بصير نابع من منطقه… مش من ضغطك.

هاي من أبسط حركات الإغلاق، لكنها من أكثرها تأثيرًا إذا استخدمتها بالوقت الصح.

لتحميل كتبي في المبيعات 👇

https://salhabster8.gumroad.com

#المبيعات #التفاوض

10/07/2026

كم مرة خسرت جزء من ربحك… مع إنه العميل ما فاوضك أصلاً؟

من أكبر أخطاء التفاوض إنك تبدأ تنزل بالسعر أو تعرض خصومات قبل ما تسمع أي اعتراض.

احكي السعر بثقة… واسكت.

إذا العميل عنده اعتراض، رح يحكي.
أما إذا ما عنده… لا تعطيه سبب يبلش يفاوض.

التفاوض الناجح مش إنك تعرف تعطي خصم…
التفاوض الناجح إنك تعرف متى ما تعطي خصم.

لتحميل كتبي في المبيعات 👇

https://salhabster8.gumroad.com

#المبيعات #التفاوض

01/07/2026

كم صفقة ضاعت… بس لأنك بعثت السعر وسكّرت المحادثة؟

لما العميل يحكيلك: “ابعتلي السعر واتساب.”
أغلب البائعين يبعثوا السعر فورًا… وبعدها:
✔️ Seen
✔️ اختفاء
✔️ ولا أي رد.

المشكلة مش بالسعر…
المشكلة إنك بعثته قبل ما تجهّز العميل.

قبل ما ترسل أي عرض سعر، اعمل 3 شغلات:

1️⃣ افهم احتياجه الحقيقي.
2️⃣ ذكّره بالقيمة والنتيجة اللي رح يحصل عليها.
3️⃣ اتفق معه على الخطوة الجاية بعد ما يشوف العرض.

تذكّر:
عرض السعر ما ببيع… طريقة تقديمه هي اللي بتبيع.

اكتب “السعر” بالتعليقات، وببعتلك خطوات عملية تخلي العميل يرد بدل ما يختفي.

لتحميل كتبي في المبيعات 👇

https://salhabster8.gumroad.com

#مبيعات #بيع #التفاوض

30/06/2026

سعدت اليوم باختتام برنامج تدريبي متخصص في المكالمات والرسائل البيعية الواردة لقطاع السياحة والسفر.

ركزنا خلال البرنامج على تطوير مهارات فرق المبيعات في تحويل الاستفسارات إلى حجوزات، من خلال الاكتشاف الفعّال لاحتياجات العميل، وبناء القيمة، والتعامل مع الاعتراضات، والإغلاق باحترافية.

كل الشكر للمشاركين على تفاعلهم، وأتمنى لهم دوام النجاح والتميز.

29/06/2026

بتعرف ليش كثير صفقات بتضيع؟

مش لأنه العميل قال “لا”…
لأنه البائع خلّى القرار بإيده ومشى.

بتشرح، بتجاوب على كل الأسئلة، وبعدها بتحكيله:
“خذ راحتك وفكر.”

وهون بلش التردد.

العميل بالأغلب مش محتاج معلومات زيادة…
هو محتاج حدا يوجهه.

لأنه محتار.
خايف يغلط.
ومش عارف شو الخيار الأنسب.

بدل ما تنهي المكالمة هيك…

احكيله:

“سيد … من كل اللي حكيناه اليوم، شو بتحس أقرب خيار بناسبك؟”

أو

“لو بدنا نمشي خطوة لقدّام، أي باقة شايفها أنسب إلك؟”

سؤال بسيط…
بس بنقل المحادثة من تفكير… لقرار.

تذكّر…

الشاطر بالمبيعات مش اللي بعرف يشرح أكثر.

الشاطر هو اللي بعرف يقود العميل للقرار.

لتحميل كتبي في المبيعات 👇

https://salhabster8.gumroad.com

27/06/2026

في حركة بسيطة بتخلي العميل يبعد عنك… حتى لو كان ناوي يشتري.

إنك تبين له إنك “ميت” على البيعة.

كل ما حس إنك مستعجل…
وكل ما كررت عليه “شو رأيك؟” و”يلا خلص”…
كل ما صار يحس إنه هو ماسك زمام الأمور.

وفجأة…
بصير يفاوض أكثر.
يأجل أكثر.
ويطلب خصومات أكثر.

البائع الشاطر مش اللي بضغط.
البائع الشاطر هو اللي بعرف يقود الحوار بدون ما يبين إنه محتاج الصفقة.

تذكّر:
الثقة بتبيع…
أما اللهفة فبتخوف.

إذا هاي الغلطة عملتها قبل هيك، لا تعيدها.

لتحميل كتبي في المبيعات 👇

https://salhabster8.gumroad.com

23/06/2026

إذا عندك عميل واحد بس بالبايبلاين…

غالباً رح تتنازل أكثر من اللازم.

ورح تخاف تخسر الصفقة.

ورح تعطي خصومات ما كنت ناوي تعطيها.

ليش؟

لأنك محتاج هاي الصفقة.

أما إذا عندك 20 فرصة قدامك…

بتصير أهدى.

أقوى.

وأقل تعلقاً بالنتيجة.

عشان هيك البروسبكتينج مش بس عشان تجيب عملاء.

البروسبكتينج بعطيك قوة.

قوة بالتفاوض.

قوة بالسعر.

وقوة إنك تمشي من الصفقة إذا ما كانت مناسبة.

كل ما زادت الفرص عندك…

قلّ خوفك.

وكل ما قلّ خوفك…

تحسن أداؤك بالمبيعات.

أغلب البياعين بدهم يتعلموا التفاوض.

بينما مشكلتهم الحقيقية إنهم ما عندهم بايبلاين كفاية.

لأنه بالنهاية…

اللي عنده خيارات أكثر…

هو اللي بيمتلك القوة.

للاستشارات اترك كلمه مبيعات و بتواصل معك.

19/06/2026

معظم رجال المبيعات لا يخسرون بسبب المنافسة…

بل بسبب التنازلات.

العميل يقول:

“ممكن خصم؟”

فيوافق.

ثم يقول:

“ممكن شروط دفع أفضل؟”

فيوافق.

ثم يقول:

“ممكن خدمة إضافية؟”

فيوافق.

وفي النهاية…

❌ الربح ينخفض

❌ قيمة العرض تنخفض

❌ واحترام العميل لك ينخفض

لأنك علمته أن الضغط عليك ينجح.

القاعدة الذهبية في التفاوض:

لا تعطِ شيئاً مجاناً.

إذا أعطيت خصماً…

خذ توقيعاً اليوم.

إذا أعطيت شروط دفع أفضل…

خذ دفعة مقدمة.

إذا أعطيت خدمة إضافية…

خذ عقداً أطول.

إذا أعطيت أي شيء…

خذ أي شيء.

المفاوض المحترف لا يجمع التنازلات…

بل يتبادلها.

تذكّر:

كل تنازل مجاني اليوم…

سيصبح توقعاً غداً.

#المبيعات #التفاوض Negotiation B2BSales SalesTraining SalesTips BusinessGrowth

18/06/2026

أكبر خطأ يرتكبه كثير من البائعين؟

يعطوا خصم… بدون ما يأخذوا أي شيء بالمقابل.

الخصم مش هدية.

الخصم أداة تفاوض.

إذا أعطيت 5% خصم، لازم تأخذ شيء بالمقابل:

✔️ توقيع اليوم
✔️ دفعة مقدمة أكبر
✔️ عقد أطول
✔️ عدد مقاعد أو مستخدمين أكثر
✔️ التزام بكمية أكبر

القاعدة الذهبية في التفاوض:

“لا تعطِ شيئاً مجاناً.”

كل تنازل لازم يقابله التزام.

هيك بتحافظ على قيمة عرضك… وتزيد فرص إغلاق الصفقة.

لتحميل كتبي في المبيعات 👇

https://salhabster8.gumroad.com

Address

Amman

Website

Alerts

Be the first to know and let us send you an email when Maen Salhab- Sales Coach posts news and promotions. Your email address will not be used for any other purpose, and you can unsubscribe at any time.

Shortcuts

Share

Category