اعلَموا أَنَّ اللَّهَ شَديدُ العِقابِ وَأَنَّ اللَّهَ غَفورٌ رَحيمٌ

24/03/2026

اليوم التالت | سلسلة: ألعاب حرام تلعبها
رقم (٣) — لعبة GTA
اللعبة دي مش محتاجة تعريف، كلنا عارفينها، وده بالظبط هو المشكلة.
المشكلة الأولى إن اللعبة فيها كباريهات وراقصات عاريات وانت شايفهم طول وقت اللعب، وده مش كل حاجة، في الشارع برضو بتلاقي عري صريح.
المشكلة التانية إن اللعبة بتخليك تأجر نساء، واللعبة بتقدم ده كأنه حاجة طبيعية وعادية.
المشكلة التالتة إن اللعبة بتكافئك على القتل والسرقة والجريمة، يعني بتربي في اللي بيلعبها إن ده حاجة ممتعة ومقبولة.
المشكلة الرابعة إن الأطفال بيلعبوها وبيتأثروا بكل ده وهم في سن التكوين.
وكأن ده مش كفاية، الجزء الجديد GTA 6 نازل قريباً، والتريلر بتاعه من دلوقتي باين إن المحتوى الإباحي فيه أكتر بكتير من الأجزاء اللي فاتت.
وعشان تعرف إن اللعبة نفسها عارفة إن محتواها إيه، النسخة الشغالة حالياً تصنيفها للبالغين من 17 سنة فأكبر، والجزء الجديد تصنيفه للبالغين فوق 18 سنة، ومعنى إن الشركة نفسها بتقول مش للأطفال إنها بتعترف إن فيها محتوى حرام، ومش معنى إن فيها تصنيف عمري إنها بقت حلال، حرام برضو.
كل ده إحنا عارفينه وعادي عندنا، وده أخطر من اللعبة نفسها.
استغفر الله العظيم.
خلوا بالكم ياجماعة، ومتنسوش تبلغوا أصحابكم عشان نوعي بعض.
والسلام عليكم ورحمة الله وبركاته

23/03/2026

اليوم الثاني | سلسلة: ألعاب حرام تلعبها
رقم (٢) — لعبة Smite
اللعبة دي شبه لعبة League of Legends بس بمنظور الشخص التالت، وهي مجانية وبتتلعب أونلاين.
المشكلة الأولى إنك لما بتيجي تختار شخصيتك بيقولك "Select your God" يعني استغفر الله اختار إلهك، وانت مش بس بتختار، انت بتتحكم في الإله ده وبتحاربه وبتوجهه وبتستخدمه كأداة في إيدك، وده في حد ذاته تجرؤ على مقام الألوهية.
المشكلة التانية إن اللعبة بتجزئ الألوهية، يعني الإله ده بيقدر يعمل حاجة والإله التاني ما يقدرش، وده مخالف لعقيدتنا لأن الله سبحانه وتعالى كامل القدرة لا يتجزأ ولا يعجزه شيء.
المشكلة التالتة إن الشخصيات في اللعبة ملابسها مكشوفة وإباحية خصوصاً الشخصيات الأنثوية، وانت شايفها طول وقت اللعب.
المشكلة الرابعة إن اللعبة بتستخدم ألقاب تعظيم وتبجيل للآلهة دي بشكل مستمر أثناء اللعب، وده بيعلمك إنك تعظم وتبجل حاجة غير الله.
استغفر الله العظيم.
خلوا بالكم ياجماعة، ومتنسوش تبلغوا أصحابكم عشان نوعي بعض.
والسلام عليكم ورحمة الله وبركاته

22/03/2026

اليوم الأول | سلسلة: ألعاب حرام تلعبها
رقم (١) — لعبة God of War
كتير مننا بيلعبها أو سمع عنها، بس خليني أوضحلك إيه المشكلة.
اسم اللعبة "God of War" معناه صراع الآلهة، وفكرتها إنك بتلعب بـ "إله" وبتحارب آلهة تانية عشان في الآخر تبقى الإله الوحيد.
يعني الإشكالية مش بس في تعدد الآلهة، الإشكالية إنك بتتقمص دور إله وبتسعى إنك تكون الأقوى والوحيد، وده فيه تجرؤ صريح على مقام الألوهية التي لا تليق إلا بالله وحده سبحانه وتعالى.
استغفر الله العظيم.
خلوا بالكم ياجماعة، ومتنسوش تبلغوا أصحابكم عشان نوعي بعض.
والسلام عليكم ورحمة الله وبركاته

24/02/2026

اللهم اغفر له و ارحمه

24/02/2026