Allir Með

13/09/2024

Laugardaginn 9. nóvember fara fram Allir með leikarnir sem verður sannkölluð íþróttaveisla í Laugardalnum fyrir börn á grunnskólaaldri. Leikarnir eru hluti af verkefninu Allir með, með það að markmiði að fjölga tækifærum fatlaðra barna til íþróttaiðkunar.

Laugardaginn 9. nóvember fara fram Allir með leikarnir sem verður sannkölluð íþróttaveisla í Laugardalnum fyrir börn á grunnskólaaldri. Leikarnir eru hluti af verkefninu Allir með, með það að markmiði að fjölga tækifærum fatlaðra barna til íþróttaiðkunar. Leikarnir eru sam...

26/07/2024

Á næstu dögum og vikum munu foreldrar barna með fötlun í Reykjavík fá upplýsingar um verkefnið í gegnum þjónustuaðila. Einnig verður áhugasviðskönnun lögð fyrir í þeim tilgangi að verkefnastjórar geti komið á móts við þarfir og áhugasvið barna. Íþróttahreyfingin í Reykjavík mun skipta á milli sín íþróttagreinum sem boðið verður upp á í nærumhverfi barnsins.

Með hagsmuni barna og ungmenna að leiðarljósi hefura verkfnastjóri verkefnisins “Allir Með” ásamt verkefnastjórum á miðstöðvum Reykjavíkurborgar og íþróttahreyfingunni komið saman og sett af stað aðgerðaráætlun í hverfum borgarinnar til þess að fjölga íþróttagreinum ...

09/07/2024

Flott verkefni komið af stað á Selfossi!

Við undirrituð höfum gælt við það síðan árið 2011 að bjóða upp á íþróttir fyrir börn með sérþarfir. Snemma árs 2023 kom tækifærið að fara af stað með slíkt starf þegar, Allir með samstarfsverkefni ÍSÍ, UMFÍ og ÍF var hrint af stað. Í byrjun desember 2023 fórum ...

24/05/2024

Samstarfsverkefni ÍF, UMFÍ og ÍSÍ undir heitinu ALLIR MEÐ er gríðarlega þýðingarmikið verkefni sem öll íþróttahreyfingin er að vinna að þessa dagana. Verkefnið hófst í janúar 2024 og verkefnastjóri ALLIR MEÐ, Valdimar Gunnarsson hefur verið óþreytandi við að kynna verkefnið víða um land og óska samstarfs. Móttökur eru undantekningarlaust mjög góðar og fólk er tilbúið að vinna saman að því að opna dyrnar að íþróttahreyfingunni fyrir öll börn. Sérstaklega er horft til þess að efla þátttöku barna með fötlun og/eða einhverskonar stuðningsþarfi. Oft þarf aðeins smá ráðgjöf, stundum þarf aðstoðarþjálfara eða liðveislu eða sérbúnað en lausnir finnast ef þeirra er leitað.

Þriðjudaginn 21. maí var kynningarfundur ALLIR MEÐ á Húsavík þar sem rætt var samstarf og tækifæri á svæðinu og farið yfir stöðuna. Valdimar Gunnarsson mætti á fundinn ásamt Önnu K Vilhjálmsdóttur, framkvæmdastjóra Special Olympics á Íslandi og þróunarsviðs ÍF.

Fulltrúar Norðurþings á fundinum voru Hafrún Olgeirsdóttir íþróttafulltrúi, Lára Björg Friðriksdóttir, Félagsmálastjóri og Sunna Mjöll Bjarnadóttir, Þroskaþjálfi en auk þeirra þau Gunnhildur Hinriksdóttir, framkvæmdastjóri HSÞ og Jónas Halldór Friðriksson, framkvæmdastjóri Völsungs.

I framhaldi þeirra umræðna sem fram fóru mun heimafólk kynna verkefnið þeim aðilum á svæðinu sem það varðar. Skoðað verður hvaða möguleikar eru til samstarfs milli íþróttagreina í þeim tilgangi að vinna að markmiöi verkefnisins. Á Húsavík hefur leik og grunnskólinn unnið saman undanfarin tvö ár þar sem elstu börn leikskóla og yngstu bekkir grunnskólans koma saman til íþróttaæfinga einu sinni í viku. Þetta samstarf tengist mjög þeirri hugmyndafræði sem unnið er að og verður áhugavert að fylgjast með árangri. Rætt var m.a. um möguleika á að fylgja þessu verkefni eftir út frá hugmyndafræði ALLIR MEÐ þar sem skoðað yrði hvort börn sem taka þátt í slíku verkefni haldi áfram í íþróttastarfi.

16/05/2024

„Allir með – farsælt samfélag fyrir alla - brúum bilið“ er samstarfsverkefni
íþróttahreyfingarinnar ÍSÍ, UMFÍ og ÍF

Félags- og vinnumálaráðuneytið, heilbrigðisráðuneytið og mennta og barnamálaráðuneytið styrktu verkefnið sem miðar að því að efla sérstaklega íþróttaástundun fatlaðra barna og ungmenna.

Stuðningur ráðuneytanna er liður í að ná markmiðum 30. gr. samnings Sameinuðu þjóðanna um réttindi fatlaðs fólks. Í Samningi Sameinuðu þjóðanna um réttindi fatlaðs fólks, sem Ísland fullgilti 2016 og í núverandi stjórnarsáttmála er kveðið á um lögfestingu samningsins þar sem m.a. er að finna skýr ákvæði um viðeigandi aðlögun allra í íslensku samfélagi.

Íþróttahreyfingin hefur tekið að sér framkvæmd verkefnisins sem verður unnið á tímabilinu 2023 –2025.

Markmið verkefnisins:
- Að fjölga tækifærum fatlaðra til íþróttaiðkunar í samstarfi við íþrótthreyfinguna

- Að öll börn og ungmenni eigi möguleika á því að taka þátt í íþróttum í sínu nær umhverfi í samræmi við óskir sínar og þarfir – með viðeigandi aðlögun.

- Að allir skulu eiga kost á að öðlast reynslu af þátttöku í íþróttum og verða sér úti um leikni til að þróast í öryggi og góðum félagsskap.

Búið er að ráða verkefnisstjóra að verkefninu og hefur hann aðstöðu á skrifstofu ÍF (Íþróttasamband
fatlaðra).

Verkefnisstjóri er Valdimar Gunnarsson netfang [email protected] sími 894 8503

Hlutverk verkefnisstjórans er greining, ráðgjöf, aðstoð og eftirfylgni með verkefninu.

Heimasíða verkefnisins er

Verkefnið „Allir með“ er samstarfsverkefni ÍSÍ, UMFÍ og ÍF (Íþróttasamband fatlaðra). Verkefnið er þriggjá ára verkefni sem er liður í að ná markmiðum 30. gr. samnings Sameinuðu þjóðanna um réttindi fatlaðs fólks. Þar eru skýr ákvæði um viðeigandi aðlögun allra ...