Aqua Jóga

14/09/2026

✨ Heilun í vatni ✨

Í flæði, hlýju og mýkt vatnsins gefum við okkur rými til að sleppa tökunum og þiggja heilandi snertingu og meðhöndlun. 💧

Vatnið ber líkamann og skapar einstakar aðstæður til djúprar slökunar, þar sem unnið er með mjúka snertingu, flæði og Reiki. Markmiðið er að losa um spennu, draga úr áhrifum streitu og skapa rými fyrir ró, jafnvægi og næringu fyrir líkama og sál. ✨

Aðeins fjögur pláss eru í boði í Heilun í vatni og kostar tíminn 6.000 kr.

Þeir sem óska eftir Heilun í vatni fá afhenta klemmu við sundlaugarbakkann um leið og greitt er fyrir tímann.

💙 Fyrstur kemur – fyrstur fær.

Umsjón:
Pálína Hildur Sigurðardóttir
Jógakennari í vatni • Usui/Holy Fire® III Reiki-meistari • stofnandi Aqua Jóga

Ég býð ykkur hjartanlega velkomin í sundlaug Akurskóla til að upplifa kyrrðina, mýktina og heilandi kraft vatnsins. 🌊✨

14/09/2026

13/09/2026

🌊 SLÖKUN Í VATNI 🌊

✨ Laugardaginn 19. september kl. 13:30 ✨

Gefðu þér stund til að gera ekki neitt.

Að fljóta í hlýju vatninu, finna hvernig það ber líkamann og leyfa huganum að hægja á sér. Engin krafa um að gera, ná eða standa sig – bara að vera. 💙

Í Slökun í vatni skapa ég rólegt og nærandi rými með hlýju vatni, slakandi tónlist og búnaði sem hjálpar líkamanum að sleppa tökunum og njóta þyngdarleysisins.

💧 Laugardaginn 19. september kl. 13:30
📍 Sundlaugin í Akurskóla, Innri-Njarðvík
💙 Stakur tími: 1.500 kr.
💙 Engin skráning – bara mæta
💙 Lánssett í boði fyrir þau sem þurfa

Komdu eins og þú ert.
Vatnið tekur á móti þér. 🌊

Aqua Jóga – Slökun í vatni

13/09/2026

Self Care September - Day 13: Be as kind to yourself as you would to a loved one https://actionforhappiness.org/self-care-september

13/09/2026

🙏🏻

Jesúhugleiðsla í kvöld 13. September allir hjartanlega velkomnir.💜🙏💜kl 19:30.

13/09/2026

💧 Listin að gera ekki neitt

Hvenær gerðir þú síðast… nákvæmlega ekki neitt?

Ekki að horfa á sjónvarpið. Ekki að fletta í símanum. Ekki að hlusta á eitthvað. Ekki að skipuleggja næsta verkefni í huganum.
Bara að vera.

Við lifum í menningu sem verðlaunar árangur og annríki. Að vera upptekin er jafnvel orðið eins konar heiðursmerki og hvíldin verður gjarnan það fyrsta sem víkur þegar dagatalið fyllist.

„Ég hvíli mig þegar ég er búin með þetta.“
En „þetta“ virðist einhvern veginn aldrei klárast.
Kannski þurfum við því að endurhugsa samband okkar við hvíldina. Hvíld er ekki lúxus. Hún er ekki umbun sem við vinnum okkur inn fyrir dugnað. Hún er hluti af því að vera manneskja.

Taugakerfið okkar er ekki hannað til að vera stöðugt „á“. Við þurfum reglulega að fá að færa okkur úr spennu og viðbragðsstöðu yfir í ró, þar sem líkami og hugur fá tækifæri til að jafna sig.
Og hvíld þarf ekki alltaf að vera svefn.

Hún getur verið kyrrðarstund. Hæg öndun. Að sitja úti í náttúrunni. Að horfa út um gluggann. Að dagdreyma. Að liggja og gera nákvæmlega ekki neitt.

Og auðvitað — að fljóta. 🌊

Stundum getur kyrrðin jafnvel verið óþægileg til að byrja með. Þegar við hættum að fylla hvert augnablik af verkefnum og áreiti getur eitthvað komið upp á yfirborðið. Pirringur, sorg, reiði, óróleiki eða einfaldlega sterk löngun til að standa upp og gera eitthvað.

Kannski er það einmitt þá sem við þurfum mest á kyrrðinni að halda.

Ekki til að ýta tilfinningunum frá okkur heldur til að leyfa þeim að vera. Finna. Anda. Hlusta.
Mér finnst vatnið eiga svo sérstakan stað í þessu. 💧

Í Slökun í vatni gerist eitthvað fallegt þegar við leyfum vatninu að taka við. Líkaminn þarf ekki lengur að halda sér uppi. Við þurfum ekki að komast neitt, klára neitt eða standa okkur.
Við megum einfaldlega vera borin.

Smám saman mýkist líkaminn. Öndunin verður hægari. Hugurinn fær meira rými. Og stundum sprettur einmitt úr þessari kyrrð skýrleiki, sköpun og ný orka — það sem við vorum kannski að leita að með því að gera meira.
Það er ákveðin list að gera ekki neitt í samfélagi sem segir okkur stöðugt að gera meira.

Kannski ættum við því að enda daginn aðeins sjaldnar á spurningunni:
„Hvað náði ég að klára í dag?“
og aðeins oftar á:
„Gaf ég mér stund í dag þar sem ég þurfti ekki að gera neitt?“
Ekki vegna þess að við höfum unnið okkur inn fyrir henni.
Ekki vegna þess að verkefnalistinn sé loksins tómur.
Heldur einfaldlega vegna þess að við þurfum á henni að halda. 💙🌊

Að gera ekki neitt er líka að gera eitthvað fyrir sjálfan sig.

13/09/2026

HVAÐ ERTU AÐ GERA NÆSTU HELGI?

Ég ætla að opna litla sæta bókabúð næstu helgi á fallegu hátíðinni í Mosfellsbæ í Lágafellsskóla sem nefnist Heimsljós Messan 🌟

Þar ætla ég að bjóða allra vinsælustu bækurnar mínar á tilboðsverði eins og t.d. þessa dásemdar dúllu, sem hefur verið uppseld lengi.

Bókin var að koma úr þriðju prentun vegna eftirspurnar frá konum, sem elska að lesa bækurnar mínar og langar í fleiri í 7 bókna Mörtu Eiríks safnið sitt!

Já, fyrir konur sem bara almennt elska að lesa bækur sem skapa vellíðan í huga og hjarta. Þessi er ein af þeim, mjög vinsæl til að hafa á náttborðinu.

Ummæli:
"Ég elska þessa og gríp í hana þegar mig vantar birtu í hjartað mitt! Hún hjálpar mér að líða vel."

Bókin var skrifuð þegar ég dvaldi á Arnarstapa í 44 nætur í tjaldi á Arnarstapa, Snæfellsnesi sumarið 2023.

Næstu helgi verður þessi bók til sölu ásamt tveimur öðrum dásamlegum bókum, sem glatt hafa hjörtu lesenda minna.😘💖

Ég hlakka mikið til að sjá ykkur!!

Kær kveðja, 💖
Marta Eiríksdóttir rithöfundur.🤓

Ps
þessi bók fæst ekki í Penninn Eymundsson eða Betra líf Kringlunni. Hún er aðeins til sölu hjá mér næstu helgi á Heimsljós Messan

12/09/2026

Þvílíkt dásamlegt skvízukvöld á Kaffi Golu í gærkvöldi með Mörtu Eiríks! 💃🏼✨

Marta setti svo sannarlega punktinn yfir i-ið í lok kvöldsins með fallegri hugleiðingu um kærleikann og talaði meðal annars um velviljabænina. 💝

Hún minnti okkur á hversu mikilvægt það er að byrja á okkur sjálfum – að sýna okkur sjálfum kærleika og mildi. Þaðan getum við látið kærleikann flæða til okkar nánustu og síðan stækkað hringinn, jafnt og þétt, þar til hann nær út í heiminn. 🌍✨

🕊️ Velviljabænin:
Megi ég vera heil, örugg,
glöð og að mér vegni vel.

Megir þú vera heil/heill, örugg/ur,
glöð/glaður og að þér vegni vel.

Megi allar lifandi verur vera heilar,
öruggar, glaðar og að öllum vegni vel.

Geggjað kvöld, yndislegur félagsskapur og hjartað fullt af kærleika inn í helgina. 🥰💗

Takk fyrir dásamlegt kvöld! ✨