گروپی شاخەوانی قەڵای شێروانە

15/05/2026

گوڵ گەشت وشەومانەوەی
گروپی شاخەوانی قەڵای شێروانە
بەنداوی دربندخان سروشتی جوانی کوردستان 2026ــــ5ــــ14

14/05/2026

هەمووشاخەوانێک
پێوویستە ژینگە پارێزببێت
گەشتی گروپی شاخەوانی قەڵای شێروانە

30/12/2025

بەناوی دەستەی بەڕێوەبردن وهەمووئەندامانی گروپی شاخەوانی قەڵای شێروانەوە بەبۆنەی هەشتەمین ساڵیادی ئازیزانمان لەکۆمەڵەی هەردەوانی گەرمیان پڕ بەدڵ پیرۆزبایان لێ دەکەین وهیوای بەردەوام بوونیان بۆ دەخوازین ..

ڕاگەیاندنی
گروپی شاخەوانی قەڵای شێوانە
2025ــــ12ـــ30

18/08/2025

اناللە واناالیە راجعون
دڵگرانین بە کۆچی دوای کاکە(ئاری مختار) کە لە هەوڵی کۆنترۆڵکردنی ئاگرەکەی دوێنێی ناوچەی چنار و مۆردین لە پارێزگای هەڵەبجە گیانی بەخشییە پاراستنی ژینگەی نیشتمان، بەو بۆنە غەمناکەوە پرسە و سەرەخۆشی خۆمان ئاراستەی بنەماڵە بەڕێزەکەیان و سەرجەم هاوڕێ و دۆستان و ژینگە دۆستان ئەکەین، لە خوای گەورە داواکارین ڕۆحی شاد بکات و جێگەی بەهەشت بێت


ڕاگەیاندنی
گروپی شاخەوانی قەڵای شێروانە

26/05/2025

گەشتی گروپی شاخەوانی قەڵای شێروانە
بەهاوبەشی لەگەڵ برایانمان لە
دەستەی شاخڕەوی قەیوان
دەستەی شاخەوانی لوتكە و
كۆمەڵەی هەردەوانی گەرمیان
بۆ لوتكەی شاخی هەیان ٢٤٩٠ مەتر لەسەر ئاستی ڕووی دەریاوە بەرزە ،سروشتی ڕێگای شاخی هەیان خاوەن جوانیەكی تایبەتیە و لوتكەی هەیان دەڕوانیتە سەر شاری مەریوان لەڕۆژهەڵاتی کوردستان ،هەرچەندەگەشتێكی سەختە و ورەووزەیەکی باشی پێوویستە بەڵام جوانی گوڵ و گوڵزار سروشتە تایبەتەكەی ماندوویەتی و هیلاكیت لەبیردەباتەوە، گەشتەكە ماوەی ٩ كاتژمێری خایاند، ٥ سەعات بۆ چونە سەرەوە و ٤ سەعات بۆ گەڕانەوە بۆ خاڵی دەستپێك ، سوپاس بۆ خوا بەسەلامەتی هەموو لایەك گەشتەكەمان كۆتایی پێهێنا سوپاس بۆ برای بەڕێزمان کاک عومەر ئەحمد ڕێبەری گەشتەکەی بۆ کردین لەسەرتای گەشتەوەتاکۆتای ...



ڕاگەیاندنی
گروپی شاخەوانی قەڵای شێروانە

01/03/2025

اناللە واناالیە راجعون

یەکێک لەمەترسیەسروشتیەکانی شاخ بۆشاخەوانەکان بەتایبەت لەوەرزی زستاندا هەرەسی ڕەنوی بەفرە ..

بەداخەوە لە ڕێکەوتی 2025ــ2ــ28
ڕۆژی هەینی شەش شاخەوان لە ناوچە شاخاویەکانی شاری بانەی ڕۆژهەڵاتی کوردستان بە هۆی ڕەنووی بەفر بوونە قوربانی و گیانیان لە دەست دا .ناوی شەش قوربانیەکەی ناوچە شاخاویەکانی شاری بانە ..
بریتین .

۱ــ شەهلا ڕەحمانی

۲ــ ڕووناك دانشمەند

۳ــ عومر عەبدوڵڵاهی

٤ــ کاروان ئەحمەدپوور

٥ــ خالق محەمەد نەژاد

٦ــ یاسا سادقی

ڕووحیان شاد و جێگایان بەهەشت بێت
بە هیوای ئەو ڕووداوە نەخوازراوە دووا ناخۆشی شاخەوانان بێت .

ڕاگەیاندنی
گروپی شاخەوانی قەڵای شێروانە

28/02/2025

ئەمڕۆ بەرواری 2025ــ2ـــ28
گەشتی گروپەکەمان بۆلوتکەی چیای پیرەمەگرون بوو سوپاس بۆخوای گەورە سەرەڕای ئەوەی بەفرێکی زۆری لێ باری بوو توانیمان بەسەلامەتی بگەینە لوتەکەو بەسەلامەتی هەمووهاوڕێ یانمان گەشتەکەمان بەسەلامەتی کۆتای پێ بهێنین ئەوەی زیاتر چێژی بەگەشتەکەمان بەخشی دیداری کۆمەڵی هاوڕێی شاخەوانی ئازیز و خۆشەویست بوو لەگروپی شاخەوانی باواجی کۆیە و پیرەمەگرون چەندهاوڕێیەکی تری ئازیز

ڕاگەیاندنی
گروپی شاخەوانی قەڵای شێروانە

15/02/2025

♦سوودە تەندروستییەکانی سەرکەوتن بەسەر شاخدا..

سەرکەوتن بەسەر شاخ جۆرێکە لە چالاکییەکانی دەرەوە، بۆ وەرزشکردن، کات بەسەربردن، بەڵام بۆ ئەنجامدانی شاخەوانی پێویستی بە تێکەڵەیەک لە لەشجوانی و لێهاتوویی تەکنیکی و توندی دەروونی هەیە، هەروەها تێگەیشتن لە ژینگەی سروشتی و ئەو مەترسییە ئەگەرییانەی کە دەتوانرێت ڕووبەڕووی ببنەوە لە کاتی ئەنجامدانی ئەم چالاکییەدا.
شاخەوانی چالاکیەکی سەرگەرمییە کە تاقیکردنەوەی هێزی جەستەیی و دەروونی مرۆڤ دەڕەخسێنێت لەکاتێکدا چێژ لە سروشت وەردەگرێت.

♦سوودەکانی سەرکەوتن بەسەر شاخ
بۆ تەندروستی جەستەیی و دەروونی

1ـ تەندروستی هەناسەدان

هەوا لەبەرزەکاندا پاکترە بە پێچەوانەی شارەکانەوە و ئەمەش دەتوانێت یارمەتیدەر بێت بۆ باشترکردنی کارکردنی سییەکان. دەبێتە هۆی خێراکردنی ڕیتمەکانی هەناسەدان، ئەمەش دەبێتە هۆی بەرهەمهێنانی خڕۆکە سوورەکانی خوێنی زیاتر، کە گرنگن بۆ باشتر دابەشکردنی ئۆکسجین لە جەستەدا، بە تایبەتی لە بارستەی ماسولکەکاندا. هەروەها بەرهەمهێنانی نۆرئەپینفرین پێی دەوترێت نۆرادرینالین.

2ـ تەندروستی دڵ

سەرکەوتن بەسەر شاخدا بریتییە لە سەرکەوتن بەسەر لێوارە بەرزەکان و ڕۆیشتن بۆ مەودای دوور، ئەمەش دەتوانێت یارمەتیدەر بێت لە باشترکردنی تەندروستی دڵ و خوێنبەرەکان

3ـ بنیاتنانی هێزی ماسولکەکان

سەرکەوتن پێویستی بە بەکارهێنانی زۆر ماسولکە هەیە، لەوانە ماسولکەکانی قاچ و قۆڵ و ناوەکی. ئەم چالاکییە دەتوانێت یارمەتیدەر بێت لە بنیاتنانی هێز و بەرگەگرتن.

4ـ کەمکردنەوەی فشار

بەسەربردنی کات لە سروشتدا دەبێتە هۆی کەمکردنەوەی ئاستی فشارو باشترکردنی تەندروستی دەروونی، یارمەتیدەرە بۆ گەڕاندنەوەی هاوسەنگی ناوەوە. تێکەڵ بوولە دیمەنی شاخدا زۆر بەسودە، چێژ و ئارامیت پێدەبەخشێت، ئەمەش فشاری کەڵەکەبوو کەمدەکاتەوە و گرژییە دەروونی و جەستەییەکان ناهێڵێت

5ـ بەهێزکردنی متمانە بەخۆبوون

گەیشتن بە بەرزاییە نوێیەکان و تێپەڕاندنی ئاستەنگەکان دەتوانێت یارمەتیدەر بێت بۆ دروستکردنی متمانە بەخۆبوون و خۆبەگەورەزانین زیاتر.

6ـ بەرزکردنەوەی توانای بیرکردنەوە

کە دەبێتە هاوکار بۆچارەسەرکردنی کێشەکان، سەرکەوتن بەسەر شاخدا فێری ئەزموون وئارامی و پشوو درێژیت دەکات بەجۆرێک شارەزادەبیت

14/02/2025

ئەمڕۆ بەرواری 2025ـــ2ـــ14
گەشتی هاوبەشی (گروپی شاخەوانی قەڵای شێروانە) لەگەڵ هاوڕێیانی ئازیزمان لە( دەستەی شاخڕەوی قەیوان Dastay Shaxrawy Qaiwan شاخڕەوی قەیوان) بۆسەرلوتکەی قەڵای سارم کە( 2052)لەکەش و هەوایەکی بەفراوی دا سوپاس بۆخوای گەورە بەسەلامەتی هەموو هاوڕێیانمان گەشتەکەمان کۆتای پێ هێنا ...

26/01/2025

14/01/2025

سەرەتای شاخەوانی چۆن دەستی پێکرد؟

مرۆڤ چۆن لەناوزەریا ودەریاکان و دارستانەکان دەستی کرد بەکنە و پشکنین و بەدوای زانیاری و نهێنی سروشتدادەگەڕان بەهەمان شێوە بەدوای دۆزینەوەی نهێنی ناسینی چیاو لوتکەکان دادەستیان بەگەڕان کرد بەتایبەت لەناوەڕاستی سەدەی حەڤدەدابەدیاری کراوی ساڵی 1760 زاینی لەوکاتەدازانای سویسری لاوهوراس دی سوسیرلە شاری شامۆی فەرەنسی کەزانایەکی بواری فیزیابووبەدوای نهێنی هەرەسی بەفردادەگەڕا لە زنجیرە چیای ئەلب بۆیە کاتێ لوتکەی (مون بلان )دەبینێت سپی دەکاتەوە هوراس بەڵێن دەدات دیاریەک ببەخشێت بەوکەسەی دەتوانێت سەرکەوێت بۆ سەر لوتکەی (مون بلان ) کە یەکێکە لەبەرزترین لوتکە لەقاڕەی ئەوروپا دادەنرێت و بەرزیەکەی 4,807 مەتربەرزە لەئاستی ڕووی دەریاوە بەڵام ئەوەبوو بۆماوەی 25 ساڵ کەس نەیتوانی سەربکەوێت پاشان لەساڵی 1786زاینی دکتۆرێکی فەرەنسی بەناوی (میشیل غابریل باکارد )لەگەڵ یاریدەدەرەکەی بەناوی (جاک بالمات )توانیان بگەنە لوتکەی (مون بلان )و دیارەکەیان پێ بەخشرا ، لەپاش ساڵێک زانای فیزیای هوراس دی سویسر بۆ خۆی بۆ لێکۆڵینەوە گەشتی کرد بۆ سەرلوتکەی (مون بلان ) وە هەروەها پاشان یەکەم ئافرەتیش کە فەرەنسی بوو بەناوی (ماری بارادیس )بە یەکەم ئافرەت دادەنرێت توانی سەرکەوێت بۆسەرهەمان لوتکە .
پاشان لەساڵی 1808 قۆناغ بە قۆناغ بواری گەشتی شاخەوانی بۆ لوتکە بەرزەکان پێشکەوتنی زیاتری بەخۆیەوە بینی وە هەروەها لەساڵی 1865چەند شاخەوانێکی بریتانی توانیان سەربکەون بەسەر لوتکەی (ماترهون )لە سویسرا کە بەرزیەکەی دەگاتە (4,478)مەتر لەئاستی ڕووی دەریاوە پاشان کێ بڕکێی لوتکە بەرزەکان کرایە ئامانجی ڕێکخستنی گەشتی شاخەوانی ئەنجام لەساڵی 1953 (ادمون هیلاری) لەگەڵ سەرپەرشتیارەکەی کە تبتی بوو بەناوی (تسینغ نورغان )توانیان سەرکەون بەسەر بەرزترین لوتکەی جیهان کەلوتکەی ئیڤریستە کە بەرزیەکەی 8848 مەتر بەرزە لە ئاستی ڕووی دەریاوە کە دەکەوێتە زنجیرە چیای هیمالایە لە نیپال پاشان شاخەوانی لەشێوەی گروپ دامەزراو بەپێی پێوویستی شاخەوانان بۆسەرکەوتن بە ئاسان وسەلامەتی کەرەستەی شاخەوانی بەپێی بەشە جیاجیاکانی شاخەوانی پێشکەوتنی بەخۆیەوە بینی تا ئەمڕۆ بەردەوامە . ..

وێنەكانی هەرسێ لوتکەی
1ــ مون بلان لەزنجیرە چیای ئەلب
2ــ مـــاتـــر هۆن لـــە ســویســـرا
3ــ ئیڤریست لە زنجیرە چیای هیمالایە

ئامادەکردن
علی سروشت
سەرپەرشتیاری
گروپی شاخەوانی قەڵای شێروانە