02/06/2026
📮🎙️🟠 بۆمان ئامادەکردن کۆنگرە ڕۆژنامەوانییەکە پێش یاری سبەی بەرامبەر جەزائیر! ئاشقانی نارنجی هۆڵەندا وەرن! 🇳🇱
▪️ڕۆناڵد کۆیمان: لەبەر گەرمای ئەمریکا، ناتوانین ٩٠ خولەک بە شێوازی "تۆتڵ فۆتبۆڵ" یاری بکەین!
ڕۆناڵد کۆیمان، ڕاهێنەری هەڵبژاردەی هۆڵەندا پێی وایە کەمێک دوورە لە ڕاستییەوە کە چاوەڕوان بکرێت تیپەکەی لەو کەشوهەوا گەرمەی لە مۆندیالدا ڕووبەڕوویان دەبێتەوە، بتوانن بۆ ماوەی ٩٠ خولەک بە شێوازی فشار کردن و تۆپی پێی گشتگیر (تۆتڵ فۆتبۆڵ) یاری بکەن.
«ئاشەهەواکان» یەکەم یاریی خۆیا لە کۆمەڵەی شەشەمدا (Group F) لە ١٤ی حوزەیران دژی ژاپۆن لە شاری ئارلینگتۆن ئەنجام دەدەن، پاشان شەش ڕۆژ دواتر لە شاری هیۆستن ڕووبەڕووی سوید دەبنەوە.
هەردوو یاریگای (AT&T) و (NRG) کە دوو یەکەم یاریی تێدا دەکەن، سەقفی جووڵاویان هەیە و تا ڕادەیەک لە گەرمای توندی هاوین دەیانپارێزێت، بەڵام یاریی کۆتایی کۆمەڵەکەیان دژی تونس لە شاری کانزاس سیتی دەبێت، کە چاوەڕوان دەکرێت کەشوهەوایەکی زۆر گەرم و شێداری هەبێت.
هۆڵەندا پێش دەستپێکردنی پاڵەوانێتییەکە، لە دوو یاریی دۆستانەدا لە ڕۆژانی چوارشەممە و دووشەممە ڕووبەڕووی جەزائیر و ئۆزبەکستان دەبێتەوە، کە یاریی یەکەمیان لە نێو خاکی خۆیان و لە شاری ئەمستردام بەڕێوەدەچێت.
هەرچەندە کۆیمان پێی باشە تیپەکەی بە گوڕوتینەوە یاری بکات و فشار بخاتە سەر ڕکابەرەکانی، بەڵام دەزانێت کە لە هەندێک کاتدا پێویستە خۆیان لەگەڵ بارودۆخەکەدا بگونجێنن.
کۆمان وتی: "پێویستە یاریزانەکان فێر بکەین چۆن بە سێ یان چوار بەرگریکارەوە فشاری ڕکابەرەکان بشکێنن؛ ئەمەش بە دروستکردنی یاریزانی زیادە و دروستکردنی بۆشایی لە نێوان هێڵەکاندا، یان جووڵان لە قووڵاییدا بەبێ تۆپ. ئەمانە هەموویان ئەو شتانەن کە دەکرێت باشتر بکرێن. کاتێک گرنگی بەوە دەدەیت، ئەوا تەنها باسی کۆنترۆڵکردنی تۆپ لەلایەن تیپەکەی خۆتەوە دەکەیت."
هەروەها وتیشی: "گرنگی بە چۆنیەتی فشارخستنە سەر ڕکابەریش دەدەین، هەرچەندە بڕوا ناکەم بەهۆی گەرمای ئەمریکاوە بتوانرێت بۆ ماوەی ٩٠ خولەک بەردەوام فشار لەسەر تیپی بەرامبەر دروست بکرێت. بەڵام گرنگە ئەم بارودۆخە بەراورد بە ڕکابەرەکانمان هەڵبسەنگێنین."
هەڵبژاردەی هۆڵەندا بە تۆمارکردنی ٦ بردنەوە و ٢ یەکسانبوون توانی پێش پۆڵەندا بکەوێت و سەرکەوێت بۆ مۆندیال، ئەوانیش ئەم ئەنجامانەیان بە شێوازێکی یاریی سەرنجڕاکێش بەدەستهێنا.
لە یارییەکانی پاڵاوتنی ئەوروپادا، تەنها نەرویج (٣٧ گۆڵ) و بەلجیکا (٢٩ گۆڵ) لە هۆڵەندا زیاتریان تۆمارکردووە کە ٢٧ گۆڵی هەبوو. هەروەها تەنها چوار تیپ هەبوون کە لە سێیەکی کۆتایی یاریگادا زیاتر لە هۆڵەندا تۆپیان لە چنگی ڕکابەرەکانیان دەرهێنابێت (کە ٤٨ جار بووە).
تیپەکەی کۆیمان لە ڕووی پاسی دروستەوە بە ٤,٥٥٨ پاس لە پلەی پێنجەمدا بوو، هەروەها ڕێژەی کۆنترۆڵکردنی تۆپیان بە تێکڕا ٦٦.٢٪ بوو.
سەبارەت بە شێوازی تاکتیکی تیپەکە، کۆمان زانیاری زیاتری دا و وتی: "ئێمە پێمان باشە تەواوی ٩٠ خولەکە تۆپمان لەلا بێت و خۆمان ڕیتمی یارییەکە دیاری بکەین، بەڵام لە تۆپی پێدا هەمیشە شتەکان بەو شێوازە ناڕۆن. ئەگەر تۆپت لەلا نەبوو، دەبێت بزانیت چۆن کێشەکە چارەسەر بکەیت و بە باشی بەرگری بکەیت. ئەو کاتە دەزانیت کە بەهۆی ئەو کوالێتی و خێراییەی لە هێڵی پێشەوە و ناوەڕاستدا هەمانە، چەکێکی زۆر بەهێزمان بەدەستەوەیە."
کۆیمان دوای ئەوەی هۆڵەندا لە سەردەمی لویس ڤان خالدا بە سێ بەرگریکار یاری دەکرد، تیپەکەی گەڕاندووەتەوە سەر شێوازی (4-3-3) و بەنیازیشە بەردەوام بێت لەسەر ئەو پلانە.
کۆیمان لە کۆتاییدا وتی: "من هێشتا پێم وایە کاتێک باسی هێرشبەری و کۆنترۆڵی تۆپ دەکەین، بە یاریکردن بە چوار بەرگریکار لە دواوە، ڕکابەرەکانت دەخەیتە نێو کێشەیەکی زۆر گەورەترەوە وەک لەوەی تەنها کۆپی پلانەکەی ئەوان بکەیتەوە."
