گرووپی شاخەوانیی ناوداران

02/08/2026

ئەندامانی هەمیشە خۆیان بە بەرپرسیار و بەخەمخۆری سروشت و کۆمەڵگا دەزانن.

چ بەتەنیا بن، چ لەگەڵ گرووپ، هەمیشە دەستپێشخەری کارە چاک و سوودبەخشەکانن؛ چونکە باوەڕیان وایە گۆڕانکارییە گەورەکان بە هەنگاوێکی بچووک دەست پێدەکەن.

🌿 سروشت پارێزین، مرۆڤایەتی بڵاوبکەینەوە، و نموونەیەکی باش بۆ کۆمەڵگا بین.

#سروشتپارێزی #دەستپێشخەری

27/07/2026

🌿 گەشتێکی دوو ڕۆژە و یەک شەوەی گرووپی شاخەوانی ناوداران بۆ گۆمی بێکۆدیان 🌄

گرووپی شاخەوانی ناوداران بە سەرکەوتوویی گەشتێکی دوو ڕۆژە و یەک شەوەی بۆ ناوچە جوانەکانی گۆمی بێکۆدیان ئەنجامدا.

دەستپێکی گەشت لە کانیە ڕەش بوو، کە ئەندامانی گرووپ لە ژێر هەناسەی سروشت و هەوای پاکدا ڕێگایان بڕی بۆ ناوچە شاخاوییەکان. دوای ڕۆژێک پڕ لە پیاسە، دۆزینەوە و چێژ وەرگرتن لە جوانیی سروشت، کەمپینگ لە دۆڵی گورگان ئەنجامدرا، کە شەوێکی ئارام و پڕ لە هاوڕێیەتی و یەکگرتوویی بەسەربرا.

لە ماوەی گەشتدا، ئەندامان چێژیان لە دیمەنە سروشتییە ناوازەکان، هەوای فێنک، سەرچاوە ئاوییەکان و ڕووبەڕووبوونەوەی ژیانە شاخاوییەکان بینی، هەروەها گرنگیی پاراستنی ژینگە و سروشتی پاکیان دووبارە جەخت کردەوە.

سوپاس بۆ هەموو ئەندامانی گرووپ کە بە هاوکاری، ڕێکخستن و بەرپرسیاری، هۆکاری سەرکەوتنی ئەم گەشتە بوون.

گرووپی شاخەوانی ناوداران
سروشت ماڵی هەموومانە؛ با بە یەکەوە بیپارێزین. 🌿�

سەرپەرشتیاری گەشت:عمر على
پێشرەوی گەشت: ئازاد کەریم
پاشرەوی گەشت: اسماعيل عبدالوهاب
وێنەگر: محمد سابیر

15/07/2026

کاک اسماعيل عبدالوهاب
‎ئەندامی گرووپی شاخەوانی ناوداران، لە ماوەی ٢تا ٣ی تەمموزی ٢٠٢٦ بەشداری لە گەشتێکی شاخەوانی بۆ شیمالی ئێران، پارێزگای مازندەران، بۆ سەرکەوتنی چیای عەلم‌کو (Alam Kuh)،
‎کە بە بەرزی ٤٨٥٠ مەتر لە ئاستی ڕووی دەریا، دووەم بڵندترین چیای ئێرانە.

‎ئەم گەشتە بە هاوکاری مامۆستا سیامەند و بە ڕێبەرایەتی مامۆستا عەباس عەلی‌نژاد ئەنجام درا. ڕێرەوی هەڵبژێردراو (گردە آلمانها) بوو، کە یەکێکە لە سەختترین ڕێگا شاخەوانییەکانی عەلم‌کو، و تێیدا نزیکەی ٦٠٠ مەتر بە شێوازی تەکنیکی (Technical Climbing) سەرکەوتن ئەنجام دەدرێت.

‎دەستپێکی گەشت لە پەناگەی فیدراسیۆنی محەمەد ئۆراز بوو و یەک شەو لەوێ مانەوە. شەوی دووەمیش لە کەمپی سەرچال (Sar Chal Camp) مانەوە و بۆ ڕۆژی دواتر ئامادەی سەرکەوتن بوون.

‎هەرچەندە نەگەیشتن بە لوتکەی چیای عەلم‌کو، بەڵام ئەم گەشتە وانەیەکی گەورەی خۆڕاگری، ئازایەتی و گرنگیدان بە پاراستنی تەندروستی بوو. شاخ فێرمان دەکات کە هەندێک جار گەڕانەوە، خۆی سەرکەوتنێکی ترە؛ چونکە شاخ هەمیشە دەمێنێت و دەرفەتی هەوڵدانەوەش هەمیشە هەیە.
Esmail Malazada Masify

06/07/2026

گەشتی ئەوجارەی گروپەکەمان بۆ بەرزترین تاڤگەی هەرێمی کوردستان و عێڕاق بوو کە ( ) بوو لە ناحیەی قەسرێ ی دەڤەری باڵەکایەتی ڕەنگین .
لە گوندی وەڵزێوە ئامادەکاریمان کرد و بەڕێگایەکی پڕ لە بلاروک ڕەت بووین و گەیشتین بە ئامانجی گەشتەکەمان کە تاڤگەکە بوو .
سوپاس بۆ خوا کە بەسەلامەتی کۆتاییمان بەگەشتەکە هێنا و گەڕاینەوە خاڵی دەستپێک .

سەرپەرشتیاری گەشت : Hasan Hamo

پێشڕەو : کاک فریاد

پاشڕەو : محمد سابیر

وێنەگر : Badeh Nawrasi

ڕاگەیاندنی گرووپی شاخەوانی ناوداران

30/06/2026

30/06/2026

📢 ڕاگەیاندنی گرووپی شاخەوانی ناوداران

🏔️ گەشتێکی یەک ڕۆژە بۆ تاڤگەی کانی بەست

گرووپی شاخەوانی ناوداران بە خۆشحاڵییەوە ڕایدەگەیەنێت کە ڕۆژی هەینی ٣/٧/٢٠٢٦ گەشتێکی یەک ڕۆژە بۆ تاڤگەی کانی بەست، کە بەرزترین تاڤگەی کوردستانە و لە ناحیەی قەسرێ هەڵکەوتووە، ئەنجام دەدرێت.

🍃 ئەم گەشتە تایبەتە بەو کەسانەی کە توانای ڕۆیشتن و بەرگەگرتنی گەرما هەیە، و بۆ هەموو تەمەنێک گونجاوە.

🕕 کاتی بەڕێکەوتن: ئەندامانی هەولێر (5:00) بەیانی لە گەراجی جلیل خەیات پاس بەڕێدەکەوێت.
ئەندامانی پیرمام (5:30) بەیانی لە پێش مزگەوتی بازار پاس بەڕێدەکەوێت.
🌇 گەڕانەوە: ئێوارە

🎒 پێداویستییەکان:

* 🥾 جلوبەرگی شاخەوانی
* 👡 پێڵاوی سەندەل
* 🧢 کڵاو و دژەخۆر
* 💧 ئاو بۆ خواردنەوە
* 🥪 یەک ژەم خواردن بۆ نیوەڕۆ
* 🍞 نانی بەیانی لە ڕێگادا دەخورێت
* 🪪 ناسنامە

🌿 لەگەڵمان بن بۆ ڕۆژێکی پڕ لە خۆشی ، هەناسەی پاک و دیمەنی سروشتی دڵڕفێن.

گرووپی شاخەوانی ناوداران

13/06/2026

گرووپی شاخەوانی ناوداران گەشتێکی دوو ڕۆژە و یەک شەوەی بۆ ناوچەی پرژێ و تاڤگەی کانیە ڕەش لە قەزای چۆمان ئەنجامدا.

ڕۆژی پێنجشەممە، ١١/٦/٢٠٢٦، دوای نیوەڕۆ بەڕێکەوتین و شەو لە پرژێ کەمپینگمان کرد. لەوێ یادگارییەکی زۆر خۆشمان تۆمار کرد.

ڕۆژی هەینی، دوای نوێژی بەیانی، بەڕێکەوتین بۆ سەردانی تاڤگەی کانیە ڕەش، کە یەکێکە لە جوانترین تاڤگەکانی کوردستان و عێراق. بە کەمتر لە دوو کاتژمێر گەیشتینە شوێنەکە و نانی بەیانیمان لە نزیک تونێلی بەفر خوارد. نە چاوەکانمان تێر دەبوون لە دیمەنە سەرنجڕاکێشەکان ، نە هەناسەکانمان لە هەوای پاک .

دوای پشودان و چرکاندنی چەندین وێنەی یادگاری، گەڕاینەوە بۆ شوێنی کەمپینگ و و پاشان بەڕێکەوتین بۆ سەیرانگای خانێ. لەوێ نانی نیوەڕۆمان خوارد و بە دڵخۆشی کۆتاییمان بە گەشتەکە هێنا.

سوپاس بۆ خوای گەورە کە ئەم گەشتە بە سەرکەوتوویی، ئارامی و سەلامەتی تەواو بوو.

سەرپەرشتیار و وێنەگری گەشت:Sherzad Faris Sulaiman
پێشرەوی گەشت: Nabaz Hawez Xara
پاشرەوی گەشت: ئەشهەد شێرزاد

📸 راگەیاندنی گرووپی شاخەوانی ناوداران

25/05/2026

‎((( ژینگەیەک پاک بێت، دڵ و دەروونمان ئارامتر دەبێت )))).

‎> ڕۆژی شەممە، ١٥ـی ئایاری ٢٠٢٦، (بەهجەت رفعت)
‎بەرپرسی گرووپی شاخەوانی ناوداران وەک سەرپەرشتیارو ڕێبەری گەشت بەشدار بوو لە گەشتێکی سروشتیدا بۆ بناری چیای سەفین، گەلی مۆزیک، ئەشکەوتی چل گەز و بەردە هەڵواسراوەکە ، و ئەشکەوتی هەورێ.
‎> زیاتر لە ٦٥ ئارەزوخوازی شاخەوانی بەشداربوون .
‎سەرەتای گەشتەکە بە هەڵمەتێکی ژینگەپارێزی دەست پێ کرد، ڕێڕەوی گەلی مۆزیک بە تەواوی پاک کردەوە. پاشان
‎ نزیکەی ١٠ کیلۆمەتر رۆیشتن و گەرانەوە خالی دەستپێک.

‎سوپاس بۆ خوا گەشتەکە بە سەرکەوتوویی و سەلامەتی تەواو بوو.
‎> دەستخۆشی تایبەت بۆ هەموو بەشداربووان لە هەموو ئاستەکان، کە نموونەی هاوکاری و یەکگرتووی بوون

17/05/2026

گوڵ گەشتی ڕۆژی هەینی گرووپی شاخەوانی ناوداران بۆ ئەشکەوتی بەستون، لە ناو چیای سەربەرزی برادۆست ئەندامان کاتێکی خۆشیان بەسەربرد و وێنەی یادگاریان تۆمار کرد

هەروها هەناسەی پاکیان هەلمژی لە ناو سروشتی دڵڕفێنی ناحیەی مەزنێ، 🌿⛰️
ئەم گەشتەیە پڕبوو لە خۆشی، هاوڕێیەتی و چێژوەرگرتن لە جوانیی سرووشت. ئەندامان کاتێکی ئارام و خۆشیان بەسەر برد و لە هەمان کاتدا چێژیان لە هەوای پاک، دیمەنی سروشتی و شوێنە مێژووییەکانی ناوچەکە وەرگرت. 🌸✨

سوپاس بۆ خوا گەشتەکە بەسەلامەتی و سەرکەوتوویی کۆتایی هات

سەرپەرشتیار و وێنەگری گەشت: بەديع نەورەسی
پێشرەوی گەشت: نەبەز حەوێز
پاشرەوی گەشت : دلدار محمد

راگەیاندنی گرووپی شاخەوانی ناوداران

15/05/2026

گەشتی گروپی شاخەوانی ناوداران بۆ ئەشکەوتی بەستون، لە ناو چیای سەربەرزی برادۆست و سروشتی دڵڕفێنی ناحیەی مەزنێ، بوو بە یەکێک لە گەشتە جیاواز و خۆشەکان. ئەم گەشتە پڕبوو لە خۆشی، هاوڕێیەتی و چێژ وەرگرتن لە جوانییە سروشتییەکان. هەوای پاک، دیمەنی سەوز و ئارامی ناوچەکە، هەستێکی تایبەتی بە هەموو بەشداربووان بەخشی و یادگارییەکی جوانی لە مێشکیاندا جێهێشت. 🌿⛰