Kerala hotel jobs New

07/07/2026

ഇവരെ ഒക്കെ ഇനി ടീമിൽ നിന്ന് പുറത്താക്കുമോ സഞ്ജുവിനെ ഒഴിവാക്കിയത് പോലെ 😀😀😀😀😀

04/07/2026

സഞ്ജു സാംസൺ മാത്രം ഒരു പ്രത്യേക നിയമമാണ്... എല്ലാ കളികളിലും ഫോം ആവണം.. അല്ലെങ്കിൽ ടീമിൽ നിന്ന് പുറത്ത്...
കഴിഞ്ഞ മൂന്നു മത്സരങ്ങൾക്ക് മുൻപ് ലോകകപ്പ് മത്സരങ്ങളിലെ പ്ലെയർ ഓഫ് ദ ടൂർണമെന്റ് ആയ താരമാണ്....
എടുത്തു പുറത്തേക്കിട്ടു കളഞ്ഞു
😒😒😒

02/07/2026

ഐസിസി ടി20 ലോകകപ്പില്‍ സംഭവിച്ചത് വെറുമൊരു 'കൈയബദ്ധം' ആണോയെന്നു സംശയിപ്പിക്കുന്ന തരത്തില്‍ സഞ്ജു സാംസണണിന്റെ ഫ്‌ളോപ്പ് ഷോ തുടരുകയാണ്.
അയര്‍ലാന്‍ഡിനെതിരേ സമാപിച്ച പരമ്പരയിലെ വന്‍ ഫ്‌ളോപ്പ് ഷോയ്ക്കു ശേഷം ഇംഗ്ലണ്ടുമായുള്ള ആദ്യ ടി20യിലും മലയാളി സൂപ്പര്‍ താരം വന്‍ ഫ്‌ളോപ്പായി മാറി.

ഏഴു ബോളുകള്‍ നേരിട്ട ശേഷം ഒരേയൊരു റണ്‍സ് മാത്രമെടുത്ത് സഞ്ജു ക്രീസ് വിട്ടു. തന്റെ പഴയ ഫോമിലേക്കു ഇനിയും തിരിച്ചെത്തിയിട്ടില്ലെന്നു തെളിയിച്ച അദ്ദേഹം സ്‌ട്രൈക്ക് റൊട്ടേറ്റ് പോലും ചെയ്യാനാവാതെ പാടുപെട്ടു. ഒടുവില്‍ പേസര്‍ സാക്വിബ് മഹമ്മൂദ് എറിഞ്ഞ രണ്ടാം ഓവറിലെ ആദ്യ ബോളില്‍ വിക്കറ്റും കൈവിട്ടു.



ഓഫ്സ്റ്റംപിനു പുറത്ത് ഒരു ഫുള്‍ ലെങ്ത്ത് ബോളാണ് സാക്വിബ് പരീക്ഷിച്ചത്. സഞ്ജു കിടിലനൊരു ഡ്രൈവും ചെയ്‌തെങ്കിലും ബാക്ക് വേര്‍ഡ് പോയിന്റില്‍ തകര്‍പ്പന്‍ ഡൈവിങ് ക്യാച്ചിലൂടെ ടോം ബാന്റണ്‍ അതു കൈയ്ക്കുള്ളിലാക്കി.

ഈ കളിയിലും അവസരം തുലച്ചതോടെ സോഷ്യല്‍ മീഡിയയില്‍ വന്‍ ആരാധകരോഷമാണ് സഞ്ജു നേരിടുന്നത്. ഇനിയും സഞ്ജുവിനെ വച്ചുള്ള പരീക്ഷണം വേണ്ടെന്നും വൈഭവ് സൂര്യവംശിയെ പകരം കളിപ്പിക്കൂയെന്നും ആവശ്യമുയരുകയാണ്.

രൂക്ഷവിമര്‍ശനം

മിന്നുന ഫോമിലുള്ള വൈഭവ് സൂര്യവംശി ഇന്ത്യന്‍ ടീമിന്റെ ഭാഗമായിട്ടും ടി20 ലോകകപ്പിലെ ഹീറോയിസത്തിന്റെ പേരില്‍ മാത്രം തന്നില്‍ വിശ്വാസമര്‍പ്പിച്ച ടീം മാനേജ്‌മെന്റിനെ ഒരിക്കല്‍ക്കൂടി സഞ്ജു സാംസണ്‍ നിരാശപ്പെടുത്തിയിരിക്കുകയാണ്. ഈ കളിയില്‍ കൂടി ഫ്‌ളോപ്പായതോടെ ടീമില്‍ അദ്ദേഹത്തിന്റെ ദിനം എണ്ണപ്പെട്ടുവെന്നു തന്നെ ഉറപ്പിക്കാം. അയര്‍ലാന്‍ഡില്‍ 5, 0 എന്നിങ്ങനെ സ്‌കോറുകള്‍ക്കു ശേഷമാണ് വെറും ഒരു റണ്ണിന് സഞ്ജു വിക്കറ്റ് വലിച്ചെറിഞ്ഞത്.

26/06/2026

ലോക ചാംപ്യന്‍മാരെന്ന ഹുങ്കുമായെത്തിയ ടീം ഇന്ത്യയെ നാണംകെടുത്തിയിരിക്കുകയാണ് അയര്‍ലാന്‍ഡ്. വളരെ അനായാസം ഐറിഷ് ടീമിനെ തീര്‍ത്തു കളിക്കാമെന്ന മോഹവുമായി കളിച്ച ഇന്ത്യയെ ഐറിഷ് പട അടപടലം മുക്കുകയായിരുന്നു.
ഇത്ര വലിയൊരു ഷോക്ക് യുകെ മണ്ണില്‍ ഇന്ത്യ പ്രതീക്ഷിച്ചു കാണില്ല. ഏതെങ്കിലുമൊരു ഫോര്‍മാറ്റില്‍ അയര്‍ലാന്‍ഡിനോടു ഇന്ത്യ തോറ്റതും ഇതാദ്യമാണ്. മുമ്പ് കളിച്ച എട്ടു ടി20കളിലും ജയം ഇന്ത്യക്കായിരുന്നു.

പുതിയ ക്യാപ്റ്റന്‍ ശ്രേയസ് അയ്യരുടെ തുടക്കവും ദുരന്തത്തില്‍ കലാശിച്ചിരിക്കുകയാണ്. 34 റണ്‍സിന്റെ ഞെട്ടിക്കുന്ന ജയമാണ് ഐറിഷ് പട സ്വന്തമാക്കിയത്. ഇതോടെ രണ്ടു മല്‍സരങ്ങളുടെ പരമ്പരയില്‍ അവര്‍ 1-0നു മുന്നിലെത്തുകയും ചെയ്തു. പരമ്പരയിലെ അവസാന മല്‍സരം ഞായറാഴ്ച ഇതേ ഗ്രൗണ്ടില്‍ തന്നെ നടക്കും.

22/06/2026

ഇന്ത്യന്‍ ക്രിക്കറ്റില്‍ ഏറെ വെല്ലുവിളികളെ അതിജീവിച്ച്‌ ഇപ്പോള്‍ തന്റേതായ ഒരു ഇടം നേടിയെടുത്ത താരമാണ് മലയാളികളുടെ സ്വകാര്യ അഹങ്കാരം സഞ്ജു സാംസണ്‍.
അന്താരാഷ്ട്ര കരിയര്‍ അവസാനിച്ചെന്നു പല തവണ കരുതിയ ഇടത്തു നിന്നും ഫീനിക്‌സ് പക്ഷിയെ പോലെ ഉയിര്‍ത്തെഴുന്നേറ്റാണ് അദ്ദേഹം ദേശീയ ഹീറോയായി മാറിയത്.

ഐസിസി ടി20 ലോകകപ്പില്‍ ഈ വര്‍ഷം ഇന്ത്യ ചാംപ്യന്‍മാരായപ്പോള്‍ അതിനു ചുക്കാന്‍ പിടിച്ചത് സഞ്ജുവായിരുന്നു. വിമര്‍ശിക്കുകയും എഴുതിത്തള്ളുകയും പരിഹസിക്കുകയുമെല്ലാം ചെയ്തവര്‍ക്കു ഇതിനേക്കാള്‍ മികച്ചൊരു മറുപടിയും അദ്ദേഹത്തിനു നല്‍കാനില്ലായിരുന്നു.



പകരക്കാരനായി ബെഞ്ചിലിരുന്ന ശേഷം പ്ലെയര്‍ ഓഫ് ദി ടൂര്‍ണമെന്റ് പുരസ്‌കാരവുമായാണ് സഞ്ജു മാസ് കാണിച്ചത്. വ്യക്തിഗത നേട്ടങ്ങള്‍ക്കു ശ്രമിക്കാതെ, എല്ലായ്‌പ്പോഴും ടീമിനായി കളിച്ചതു കാരണം ഗെയിമില്‍ ഏറെ തിരിച്ചടികളും അദ്ദേഹത്തിനുണ്ടായിട്ടുണ്ട്.

ഇതു കാരണം മുന്‍ താരങ്ങളില്‍ നിന്നടക്കം സഞ്ജു ഒരുപാട് വിമര്‍ശനങ്ങളും കരിയറില്‍ പലപ്പോഴായി നേരിടുകയും ചെയ്തു. അന്നൊന്നും അദ്ദേഹം ഈ വിമര്‍ശനങ്ങളോട് പ്രതികരിച്ചിരുന്നില്ല. എന്നാല്‍ ഇപ്പോള്‍ എല്ലാ വിമര്‍ശകരുടെയും വായടപ്പിക്കുന്ന മാസ് മറുപടി തന്നെ സഞ്ജു നല്‍കിയിരിക്കുകയാണ്.

എന്തു ചെയ്യണമെന്നറിയാം

സ്റ്റാര്‍ സ്‌പോര്‍ട്‌സിനു നല്‍കിയ പുതിയ അഭിമുഖത്തില്‍ ഇന്ത്യയുടെ മുന്‍ ടെസ്റ്റ് ഓപ്പണര്‍ കൂടിയായ ആകാശ് ചോപ്രയുമായി സംസാരിക്കവെയാണ് വിമര്‍ശനങ്ങളെ എങ്ങനെയാണ് കാണാറുള്ളതെന്നു സഞ്ജു സാംസണ്‍ തുറന്നു പറഞ്ഞത്. അദ്ദേഹത്തെ നേരത്തേ നിരന്തരം വിമര്‍ശിച്ചവരുടെ നിരയില്‍ ഉള്‍പ്പെടിട്ടുള്ളയാളും കൂടിയാണ് ചോപ്ര.

എങ്ങനെ ബാറ്റ് ചെയ്യണമെന്നു ആരും ഉപദേശിക്കേണ്ടതില്ലെന്ന കിടിലന്‍ മറുപടിയാണ് സഞ്ജു നല്‍കിയത്. 'എന്തു തന്നെ ചെയ്താലും ഞാന്‍ എന്റേതായ രീതിയിലായിരിക്കും അതു ചെയ്യുക. ക്രിക്കറ്റ് എങ്ങനെ കളിക്കണമെന്നു ആരും എനിക്കു പറഞ്ഞു തരേണ്ട കാര്യവുമില്ല.

സഞ്ജൂ, നീ ഈ ഷോട്ട് കളിക്കണമെന്നോ, നീ എന്തുകൊണ്ടാണ് ആ രീതിയില്‍ കളിക്കാത്തതെന്നോ എന്നോടു ആരും പറയില്ല. സഞ്ജു സാംസണ്‍ എങ്ങനെയാണ് കളിക്കേണ്ടതെന്നു സഞ്ജു സാംസണ്‍ മാത്രമാണ് തീരുമാനിക്കുക'- എന്നായിരുന്നു ചോപ്രയ്ക്കു അദ്ദേഹത്തിന്റെ ക്ലാസ് മറുപടി.

മുമ്പൊരിക്കലും തനിക്കു നേരെ ഉയര്‍ന്നിരുന്ന വിമര്‍ശനങ്ങളോടു സഞ്ജു ഈ തരത്തില്‍ ബോള്‍ഡായി പ്രതികരിച്ചിട്ടില്ല. എന്നാല്‍ ഇപ്പോള്‍ തന്നെയാരും കളിക്കാന്‍ പഠിപ്പിക്കേണ്ടെന്ന വളരെ ശ്രദ്ധേയമായ പ്രതികരണം തന്നെ അദ്ദേഹം നടത്തിയിരിക്കുകയാണ്. ഈ ചോദ്യം സഞ്ജുവിനോടു ചോദിച്ച ചോപ്രയ്ക്കു കൂടി ബാധകമാണ് ഈ മറുപടിയെന്നതും ശ്രദ്ധേയം തന്നെ.

21/06/2026

ശുഭ്മന്‍ ഗില്ലിനു കീഴില്‍ ശക്തമായ സംഘത്തെയാണ ഇംഗ്ലീഷ് ചാലഞ്ചിനു നിയോഗിച്ചിരിക്കുന്നത്. ഇതിഹാസ ബാറ്റിങ് ജോടികളായ രോഹിത് ശര്‍മയുടെയും വിരാട് കോലിയുടെയും അവസാനത്തെ ഇംഗ്ലീഷ് പര്യടനം കൂടിയായി ഇതു മാറിയേക്കും.

സൗത്താഫ്രിക്കയില്‍ അടുത്ത വര്‍ഷം നടക്കാനിരിക്കുന്ന ഐസിസി ഏകദിന ലോകകപ്പിനു മുന്നോടിയായി ഇന്ത്യക്കു മികച്ചൊരു തയ്യാറെടുപ്പ് കൂടിയാവും ഇംഗ്ലീഷ് പര്യടനം. ലോകകപ്പ് സംഘത്തില്‍ ആരെയൊക്കെ പ്രതീക്ഷിക്കാമെന്നതിന്റെ സൂചന കൂടിയാണ് ഇപ്പോഴത്തെ ടീം സെലക്ഷനെന്നു പറയാം.



എന്നാല്‍ ഏകദിനത്തില്‍ മികച്ച റെക്കോര്‍ഡുള്ള, അവസരം ലഭിച്ചപ്പോഴെല്ലാം ശ്രദ്ധേയമായ പ്രകടനം നടത്തിയിട്ടുള്ള ചില താരങ്ങളെ ഇന്ത്യന്‍ ടീമില്‍ ഉള്‍പ്പെടുത്തിയിട്ടില്ലെന്നു കാണാം. ഈ തരത്തില്‍ അവഗണിക്കപ്പെട്ട കളിക്കാരെ ഉള്‍പ്പെടുത്തി ഒരു ബദല്‍ ഏകദിന ടീം തിരഞ്ഞെടുത്താല്‍ ആര്‍ക്കെല്ലാം സ്ഥാനമുണ്ടാവുമെന്നു നോക്കാം.

ടീമില്‍ ആരൊക്കെ?

ഇന്ത്യന്‍ ടീമിനായി ഓപ്പണിങില്‍ ഇറങ്ങുന്നത് യശസ്വി ജയ്‌സ്വാളും റുതുരാജ് ഗെയ്ക്വാദുമായിരിക്കും. രണ്ടു പേരും ഇംഗ്ലണ്ട് പര്യടനത്തില്‍ അവസരം പ്രതീക്ഷിച്ചിരുന്നവരാണ്. പക്ഷെ അജിത് അഗാര്‍ക്കറിനു കീഴിലുള്ള സെലക്ഷന്‍ കമ്മിറ്റി രണ്ടു പേരെയും അവഗണിക്കുകയായിരുന്നു.

ഏറ്റവും അവസാനമായി അഫ്ഗാനിസ്താനെതിരേ സമാപിച്ച ഏകദിന പരമ്പരില്‍ ടീമിന്റെ ഭാഗമായിരുന്നു ജയ്‌സ്വാള്‍. ഇന്ത്യ ഒമ്പതു വിക്കറ്റിന്റെ ഗംഭീര വിജയം കൊയ്ത അവസാന കളിയില്‍ അപരാജിത സെഞ്ച്വറിയും കുറിച്ചിരുന്നു. അതിനു പിന്നാലെയാണ് ഇംഗ്ലീഷ് പര്യടനത്തില്‍ ജയ്‌സ്വാള്‍ പുറത്താക്കപ്പെട്ടത്.

റുതുരാജാവാട്ടെ ഇന്ത്യയുടെ നായകസ്ഥാനത്തേക്കു പോലും വരാനുള്ള ശേഷിയുണ്ടായിട്ടും ഫേവററ്റിസം കാരണം ടീമില്‍ പോലും അവസരിമില്ലാതെ വലയുകയാണ്. ശ്രീലങ്കയില്‍ നടന്ന ത്രിരാഷ്ട്ര ഏകദിന പരമ്പയില്‍ ഇന്ത്യന്‍ എ ടീമിനായി സെഞ്ച്വറിയടക്കം നേടി ശ്രദ്ധേയമായ പ്രകടനം അദ്ദേഹം കാഴ്ചവച്ചിരുന്നു.

ഇംഗ്ലണ്ട് പര്യടനത്തില്‍ റുതുരാജിന് അവസരം കിട്ടുമെന്നും നേരത്തേ റിപ്പോര്‍ട്ടുകളുമുണ്ടായിരുന്നു. പക്ഷെ സെലക്ഷന്‍ കമ്മിറ്റി അദ്ദേഹത്തെ പരിഗണിക്കാന്‍ തയ്യാറായതുമില്ല. ഓപ്പണിങ് മുതല്‍ മധ്യനിരയില്‍ വരെ ഏതു പൊസിഷനിലും ബാറ്റ് ചെയ്യാന്‍ മിടുക്കനാണ് റുതുരാജ്.



ജയ്‌സ്വാള്‍- റുതു ഓപ്പണിങ് ജോടിക്കു ശേഷം ടീമില്‍ മൂന്നു മുതല്‍ ആറു വരെയുള്ളത് സായ് സുദര്‍ശന്‍, മലയാളി സൂപ്പര്‍ താരം സഞ്ജു സാംസണ്‍, രജത് പാട്ടിദാര്‍, തിലക് വര്‍മ എന്നിവരാണ്.

സായ് ഇപ്പോള്‍ ടെസ്റ്റില്‍ മാത്രമേ ടീമിന്റെ ഭാഗമായിട്ടുള്ളൂ. എന്നാല്‍ ഏകദിനത്തില്‍ നേരത്തേ മൂന്നു മല്‍സരങ്ങള്‍ കളിച്ചപ്പോള്‍ രണ്ടിലും ഫിഫ്റ്റി നേടിയ താരമാണ് അദ്ദേഹം.

സഞ്ജുവാകട്ടെ 2023ല്‍ അവസാനമായി കളിച്ച ഏകദിനത്തില്‍ സെഞ്ച്വറിയോടെ പ്ലെയര്‍ ഓഫ് ദി മാച്ചായിട്ടും പിന്നീടൊരിക്കല്‍ പോലും ഈ ഫോര്‍മാറ്റില്‍ അവസരം ലഭിച്ചിട്ടില്ലാത്ത നിര്‍ഭാഗ്യവാനാണ്. ഏകദിനത്തില്‍ 55ന് മുകളില്‍ ബാറ്റിങ് ശരാശരി അദ്ദേഹത്തിനുണ്ട്.

ആഭ്യന്തര ക്രിക്കറ്റില്‍ മികച്ച റെക്കോര്‍ഡുണ്ടായിട്ടും ഇന്ത്യക്കായി ഒരേയൊരു ഏകദിനമാണ് പാട്ടിദാര്‍ കളിച്ചത്. അതില്‍ 22 റണ്‍സും നേടിയിരുന്നു. തിലകാവട്ടെ അഞ്ച് ഏകദിനങ്ങളിലായി 68 റണ്‍സാണ് സ്‌കോര്‍ചെയ്തത്. ലങ്കയിലെ ത്രിരാഷ്ട്ര പരമ്പരയില്‍ ഇന്ത്യന്‍ എ ടീമിന്റെ ക്യാപ്റ്റനും ടോപ്‌സ്‌കോററും തിലകാണ്.

ഇന്ത്യന്‍ ഏകദിന ടീമിലെ മറ്റുള്ളവര്‍ ഹാര്‍ദിക് പാണ്ഡ്യ, രവീന്ദ്ര ജഡേജ, വരുണ്‍ ചക്രവര്‍ത്തി, മുഹമ്മദ് സിറാജ്, മുഹമ്മദ് ഷമി എന്നിവരാണ്. പരിക്കു കാരണമാണ് ഹാര്‍ദിക്കിനെയും വരുണിനെയും ഇംഗ്ലീഷ് പര്യടനത്തിനുള്ള ടീമില്‍ നിന്നും മാറ്റി നിര്‍ത്തിയത്. എന്നാല്‍ ബാക്കിയുള്ള മൂന്നു പേരും തഴയപ്പെടുകയായിരുന്നു.

ഇന്ത്യന്‍ ടീമില്‍ ഇടമില്ലാത്തവരുടെ ബെസ്റ്റ് 11

റുതുരാജ് ഗെയ്ക്വാദ്, യശസ്വി ജയ്‌സ്വാള്‍, സായ് സുദര്‍ശന്‍, സഞ്ജു സാംസണ്‍ (ക്യാപ്റ്റന്‍, വിക്കറ്റ് കീപ്പര്‍), രജത് പാട്ടിദാര്‍, തിലക് വര്‍മ, ഹാര്‍ദിക് പാണ്ഡ്യ, രവീന്ദ്ര ജഡേജ, വരുണ്‍ ചക്രവര്‍ത്തി. മുഹമ്മദ് സിറാജ്, മുഹമ്മദ് ഷമി.

21/06/2026

🔥🔥🔥

21/06/2026

21/06/2026

🩷🩷🩷

എ ടീം ടൂര്‍ണമെന്റിന്റെ ഫൈനലില്‍ തന്റെ റേഞ്ച് എന്തെന്ന് കാണിച്ച്‌ വൈഭവ് സൂര്യവംശി. കലാശപ്പോരില്‍ ശ്രീലങ്ക എ ടീമിനെതിരെ 29 പന്തില്‍ നിന്ന് 94 റണ്‍സ് അടിച്ചെടുത്ത പ്രകടനത്തിന് ലീഗ് സ്റ്റേജ് മത്സരത്തിലെ ഒരു പകയുടെ കഥ കൂടി ബാക്കിയുണ്ട്.
ഇന്ത്യയും ശ്രീലങ്കയും ഇതേ ധാംബുള്ള ക്രിക്കറ്റ് സ്റ്റേഡിയത്തില്‍ ലീഗ് ഘട്ടത്തില്‍ ഏറ്റുമുട്ടിയ മത്സരം ടൈയില്‍ കലാശിച്ചു. സൂപ്പര്‍ ഓവറില്‍ വൈഭവ് ക്രീസിലുണ്ടായിരുന്നിട്ടും ഇന്ത്യ തോറ്റു. തിരികെ മടങ്ങുമ്പോള്‍ ശ്രീലങ്കന്‍ താരങ്ങളുടെ പരിഹാസം അതിരുവിടുകയും ഉന്തും തള്ളും വരെ എത്തുകയും ചെയ്തിരുന്നു.

അന്ന് ടീമിനെ ജയത്തിലേക്ക് എത്തിക്കാന്‍ കഴിയാതിരുന്ന വൈഭവിനെ ചില ശ്രീലങ്കന്‍ താരങ്ങള്‍ പരിഹസിച്ചതാണ് കയ്യാങ്കളിയിലേക്ക് എത്തിയത്. അന്നത്തെ സംഭവങ്ങള്‍ മനസ്സിലിട്ട് അതിന്റെ പ്രതികാരം ഗ്രൗണ്ടില്‍ തീര്‍ക്കുന്നതുപോലെയായിരുന്നും ഫൈനലില്‍ ശ്രീലങ്കന്‍ ബൗളര്‍മാരെ വൈഭവ് ശിക്ഷിച്ചത്. വെറും 29 പന്തുകള്‍ മാത്രമാണ് താരത്തിന്റെ ഇന്നിംഗ്‌സ് നീണ്ടുനിന്നത്. എന്നാല്‍ പത്ത് ഫോറും എട്ട് സിക്‌സറും സഹിതം 94 റണ്‍സാണ് 15കാരന്‍ അടിച്ച്‌ കൂട്ടിയത്. ട്വന്റി 20 അല്ല 50 ഓവര്‍ ആയിരുന്നു മത്സരം എന്ന് കേള്‍ക്കുമ്പോഴാണ് എത്ര മാരകമാണ് പവര്‍ ഹിറ്റിംഗ് എന്ന് മനസ്സിലാവുക.

ഈ പയ്യന്‍ ഇന്ത്യന്‍ ക്രിക്കറ്റിന്റെ മാത്രമല്ല മറിച്ച്‌ ലോകക്രിക്കറ്റിന്റെ തന്നെ സൂപ്പര്‍സ്റ്റാര്‍ ആയി മാറുമെന്ന് ഇതിഹാസങ്ങള്‍ പോലും വിലയിരുത്തുന്നത് വെറുതേയല്ല എന്ന് കൂടി തെളിയിക്കുന്നതാണ് വൈഭവിന്റെ പ്രകടനം. സാധാരണ എത്ര റണ്‍സ് നേടി പുറത്തായാലും നിരാശ കലര്‍ന്ന മുഖവുമായിട്ടാണ് പയ്യന്‍ തിരികെ നടക്കുക. എന്നാല്‍ ശ്രീലങ്കന്‍ താരങ്ങളോട് മാസ് ആറ്റിട്യൂട് കാണിച്ചാണ് താരം പവിലിയനിലേക്ക് നടന്നത്. ഔട്ടായാലും സാരമില്ല കിട്ടുന്ന എല്ലാ പന്തിലും തല്ലും എന്നതായിരുന്നു ആ ബാറ്റിംഗ് പ്രകടനം.

പുറത്തായപ്പോള്‍ വായിലുണ്ടായിരുന്ന ബബിള്‍ഗം ഒരിക്കല്‍ കൂടി ബബിള്‍ ബ്ലോ ചെയ്ത് തുപ്പി കളഞ്ഞ ശേഷം ആത്മവിശ്വാസത്തിന്റെ പരകോടിയിലായിരുന്നു വൈഭവ്. മത്സരത്തില്‍ താരത്തിന്റെ ബാറ്റിംഗ് പ്രകടനത്തിന്റെ മികവില്‍ ഇന്ത്യ വിജയിക്കുകയും കിരീടം ചൂടുകയും ചെയ്തു. ആദ്യം ബാറ്റ് ചെയ്ത ഇന്ത്യ 50 ഓവറില്‍ ഒമ്പത് വിക്കറ്റ് നഷ്ടത്തില്‍ 377 റണ്‍സ് നേടിയപ്പോള്‍ ശ്രീലങ്കയുടെ മറുപടി 47.1 ഓവറില്‍ 311 റണ്‍സില്‍ അവസാനിച്ചു. ഇന്ത്യക്ക് 66 റണ്‍സിന്റെ വിജയവും കിരീടവും