13/12/2025
कथा आमच्या 2025 मधील दुसऱ्या नऊ थरांची!!!
संस्कृती प्रतिष्ठान येथे यशस्वीरित्या नऊ थर उतरवून साधारण रात्री साडेआठच्या सुमारास आम्ही कॅसल मिल नाका येथील शारदा प्रतिष्ठानच्या गोकुळ हंडीला पोहोचलो.
अर्थात दहीहंडीच्या दिवशी पाऊस खूपच होता, मात्र आम्ही दिवसभरात लावलेल्या आठ थरांच्या चार यशस्वी ट्रायवेळी आणि नऊ थराच्या एक यशस्वी ट्रायवेळी आम्हाला पाऊसाने म्हणावा तितका त्रास दिला नाही.
मात्र आम्ही कॅसलमिल नाक्यावर पोहोचताच पावसाने अक्षरशः रौद्ररुप धारण केले होते. सोबतच्या फोटोमध्ये तुम्हालाही त्याची तीव्रता कळेल.
मानसिकदृष्टया हजार टक्के सक्षम असलेल्या आमच्या प्रत्येक गोविंदा खेळाडूला तो पाऊस मात्र शारिरिकदृष्ट्या थकवत होता.
साधारण 45 मिनिटे प्रतिक्षा केल्यावर आम्ही कॅसल मिल नाक्यावरील आमची पहिली नऊ थराची ट्राय रचायला सुरुवात केली. ट्राय फॉर्मेशन सुस्थितीत होत होते मात्र पाऊसामुळे प्रत्येक गोविंदा खेळाडूच्या शरिराला एक वेगळेच जडत्व प्राप्त झाले होते. परिणामी आमची पहिली ट्राय कोलॅप्स झाली.
आता मात्र आमचा प्रत्येक गोविंदा खेळाडू पेटून उठला, ते हि तिथल्या भर पावसात!!!🔥🔥🔥
साधारण अर्ध्या तासाच्या अवकाशाने आम्ही नऊ थरांचा दुसरा प्रयत्न सुरु केला. पाऊसानेही आमच्या जिद्दीला आव्हान देण्यासाठी पुन्हा एकदा अतितीव्र रुप धारण केले. जणूकाही कोणीतरी दगडफेक करतंय, इतक्या जोराने पाऊसाचा प्रत्येक थेंब आम्हाला जाणवत होता. मात्र संघर्षाला घाबरणारे आम्ही यशवाले नाही.🚩 प्रत्येकाच्या डोळ्याच्या बुबूळात अक्षरशः रक्त साकळले होते. कारण आमच्या अश्रूचा प्रत्येक थेंब हा आता रक्तात रुपांतरित झाला होता.
पाऊसाने आम्हाला अयशस्वी करण्याचे पुरेपूर प्रयत्न केले. मात्र आम्ही यशवाले अखेर व्याजासकट यशस्वी झालो.❤
2025 च्या हंगामातील आमची शेवटची ट्राय!
आमचे आतापर्यंतचे सर्वात कठीण नऊ थर.
तळटीप - आमचा नववा थर उठताना अनावधानाने आठव्या थरावरील गोविंदा खेळाडूच्या डोळ्यावर आलेला हॅल्मेट आणि रुमाल जर तुम्हीदेखील नोटीस केला असेल. तर आवर्जून कमेंट बॉक्समध्ये पिन करुन ठेवलेले पिवळे ह्रदय कमेंट करा.😊👉 💛 Yash Govinda Pathak गोविंदा दादर प्रभादेवीचा ABP Majha
