29/12/2025
പ്രിയപ്പെട്ട പൊടിയാട്ടുവിള നിവാസികളെ,
ഗ്രാമസേവാസംഘം വായനശാലയുടെ അനുബന്ധ സംഘടനയായി കഴിഞ്ഞ 22 വർഷമായി പ്രവർത്തിക്കുന്ന ഒരു ക്ലബ്ബാണ് NASC. മത രാഷ്ട്രീയ ചിന്തകൾക്ക് അതീതമായി പ്രവർത്തിക്കുന്ന ഒരു യുവജനപ്രസ്ഥാനം ആണ് NASC. 15 വയസ്സിനുമുകളിൽ 45 വയസ്സ് വരെ പ്രായമുള്ള 80 ഓളം യുവതി യുവാക്കൾ ഈ സംഘടനയിൽ പ്രവർത്തിക്കുന്നുണ്ട്. രാഷ്ട്രീയമായോ മതപരമായ ഈ സംഘടന പക്ഷം ചേർന്ന് ഇതുവരെ പ്രവർത്തിച്ചിട്ടില്ല. എന്നാൽ 29 /12/ 25 കോവിൽ മുക്ക് ജംഗ്ഷനിൽ നടന്ന ഒരു രാഷ്ട്രീയ പാർട്ടിയുടെ യോഗത്തിൽ ഒരു വ്യക്തി ക്ലബ്ബിനെ മോശമായി ചിത്രീകരിക്കുവാനും ആളുകളിൽ തെറ്റിദ്ധാരണ ഉളവാക്കുവാനും ശ്രമിക്കുകയുണ്ടായി.
24/ 12 /25ൽ കരോൾ എന്ന പേരിൽ ക്ലബ്ബിലെ അംഗങ്ങൾ മദ്യപിച്ച് വീടുകൾ കയറി എന്നും രാത്രിയിൽ വായനശാലയിൽ ക്ലബ് അംഗങ്ങൾ സ്ഥിരം മദ്യപിക്കാറുണ്ടെന്നും ഈ പോസ്റ്റർ വീരൻ പറയുകയുണ്ടായി. ഇയാൾ ഇതിനു മുൻപും പല വീടുകളിൽ കയറി ക്ലബ്ബിന് അപമാനിക്കാൻ ശ്രമിച്ചിട്ടുണ്ട്. ഈ പ്രവർത്തനങ്ങൾ കൊണ്ടൊന്നും NASC നെ ഇല്ലാതാക്കാൻ കഴിയും എന്ന് പ്രസിഡന്റ് സ്ഥാനമോഹിയായ ഈ വ്യക്തി കരുതണ്ട. അതിനെ ശക്തമായി നേരിടുവാനുള്ള ശക്തിയും ബുദ്ധിയും ക്ലബ്ബംഗങ്ങൾക്കുണ്ട്. ഈ പറയുന്ന സ്ഥാനമോഹി ഞങ്ങളുടെ പരിപാടികൾ പങ്കെടുക്കാനും അതിന് സ്റ്റേജിൽ വിളിക്കണമെന്നും ആവശ്യപ്പെട്ടുകൊണ്ട് കമ്മിറ്റി അംഗങ്ങളുടെ പുറകിൽ പലപ്പോഴായി വന്നിട്ടുണ്ട്. ഇത്തരം കുബുദ്ധികൾക്ക് ഞങ്ങളുടെ ഇടയിൽ ഒരിക്കലും സ്ഥാനമുണ്ടാകില്ല.
24 /12/ 25ൽ ക്ലബ്ബിൽ നിന്നും കരോൾ ഇറങ്ങുകയും കരോൾ കഴിഞ്ഞ് തിരിച്ചെത്തിയ കുട്ടികൾ വായനശാലയിൽ ഇരുന്ന് ആഹാരം കഴിക്കുകയും ചെയ്തു കാലിയായ കവറുകൾ ബോക്സിൽ ആക്കി പിറ്റേദിവസം കത്തിക്കുവാനായി സൈഡിൽ വച്ചിരിക്കുകയായിരുന്നു രാത്രിയിൽ അത് പട്ടി കടിച്ചു കീറി അവിടെയെല്ലാം ഇടുകയും അത് അറിഞ്ഞ ഉടൻ തന്നെ ക്ലബ് അംഗങ്ങൾ അവിടെയെത്തി സ്ഥലം വൃത്തിയാക്കി പോവുകയും ചെയ്തു ഇതായിരുന്നു അവിടെ നടന്നത്. ക്ലബ്ബിനെ തകർക്കുക എന്ന ലക്ഷ്യത്തോടെ രക്ഷിതാക്കളുടെ ഇടയിലും കുട്ടികളുടെ ഇടയിലും നടത്തുന്ന ദുഷ്പ്രചരണങ്ങൾക്ക് മറുപടി ഇനി ഇങ്ങനെയായിരിക്കില്ല, തുടർന്നും ഇത്തരം ആരോപണങ്ങളുമായി വന്നാൽ ആൽ തന്റെ ആസനത്തിലാവും മുളയ്ക്കുക എന്ന് സ്ഥാനമോഹിയായ ഈ പോസ്റ്റർ വീരൻ ഓർത്താൽ നന്ന്.
NB: ദയവുചെയ്ത് ഇതിൽ രാഷ്ട്രീയം കാണാതിരിക്കുക തികച്ചും വ്യക്തിപരം മാത്രം. ഇനി കണ്ടാലും ഞങ്ങളൊന്നുമില്ല..
എന്ന്
പ്രസിഡന്റ് സെക്രട്ടറി
