08/08/2026
**********************
ଶୀର୍ଷକ:-
ନନ୍ଦ ରାଜାର ଟିକି ପିଲା
ଚିତ୍ତରଞ୍ଜନ ନନ୍ଦ
ଜଗତପୁର, କଟକ
**********************
ସଜନୀରେ ନନ୍ଦ ରାଜାର ସେଇ
ତ ଟିକି ପିଲାଟି,
ଗୋପରେ ସମସ୍ତେ ଟିକି ପିଲା ବୋଲି
ଯାହାକୁ ବୋଲନ୍ତି
।1।
ଆଶ୍ଚର୍ଯ୍ୟ କିପରି ବଧ କରି ଥିଲେ
ଅସୁର ମାନଙ୍କୁ,
ପୂତନା, ଶକଟ, ବକାସୁର ଭଳି
ବଡ଼ ଅସୁରଙ୍କୁ
।2।
ସଜନୀରେ କୃଷ୍ଣ ଯେ ନନ୍ଦ ଘରରେ
ଗୋପପୁରେ ରହି
କିପରି ଗୋପର ସେ ନାରୀ ମାନଙ୍କୁ
ପାରିଲେ ଯେ ମୋହି
।3।
ସଜନୀ ଲୋ ଅପୂର୍ବ ମୋହନ ରୂପ
ଧରି ଗୋପୀନାଥ
କଦମ୍ବ ମୂଳରେ ବିଜେ ହିଁ କରନ୍ତି
ବେଣୁ ଧରି ହସ୍ତ
।4।
ବିଚିତ୍ର ରସରେ ରଙ୍ଗ ରାସ କ୍ରୀଡ଼ା
କରି ଦେବସ୍ୱାମୀ
ମାୟା କରିଣ ଗୋପୀଙ୍କ ସଙ୍ଗତରେ
ପାରୁଥିଲେ ରମି
।5।
ବନମାଳୀର ବେଣୁ ଏଡ଼େ ଆଶ୍ଚର୍ଯ୍ୟ,
କରିପାରେ ବାଇ,
ଗୋପପୁର ନାରୀ ଅବହେଳେ ବଶ
ହେଉଥିଲେ ଯାଇ
।6।
ସଜନୀ ଲୋ ଗୁରୁଣ୍ଡି ଗୁରୁଣ୍ଡି ସିଏ
ଅଗଣାରେ ବୁଲେ,
ପଛେ ପଛେ ଧାନ୍ତି ଯଶୋଦା, ମାଟିକୁ
ସାରା ଦେହେ ବୋଳେ
।7।
ସଜନୀ ଲୋ ଭାବନି ନନ୍ଦ ରାଜାର
ସେଇ ଟିକି ପିଲା
ସେଇ ଅଟେ ଅବତାରୀ, ଇନ୍ଦ୍ର ରାଜା
ଦର୍ପ ଚୂର୍ଣ୍ଣ କଲା
।8।
କି କହିବି ଲୀଳା ସେ ଗୋବର୍ଦ୍ଧନ ଟେକି
ଗୋପକୁ ରଖିଲା
ହରି ସିଏ ଏବଂ ଦେଖାଇଲା ତାର
ଅବତାରୀ ଲୀଳା
।9।
ନନ୍ଦର ଟିକି ପିଲା କଂସକୁ ବଧି
ଧର୍ମକୁ ରଖିଲା
ଉଗ୍ରସେନଙ୍କୁ ରାଜା, ଦେବକୀ
ମାତା ଉଦ୍ଧାରିଲା !
।10।
ଭାବୁଅଛୁ ଯାହାକୁ ନନ୍ଦ ରାଜାର
ସେ ହିଁ ଟିକି ପିଲା
ସେହି ପୁଣି ଦିନେ ଦ୍ବାରିକା ନଗର
ପ୍ରତିଷ୍ଠା କରିଲା
।11।
ନନ୍ଦ ରାଜା ଟିକି ପିଲା ବିନା ଅସ୍ତ୍ରେ କୁରୁ
କ୍ଷେତ୍ରରେ ଜିତିଲା
ଅଧର୍ମ ନାଶି ଧର୍ମକୁ ପ୍ରତିଷ୍ଠାରେ
ଗୀତା ଜ୍ଞାନ ଦେଲା
।12।
