22/05/2026
22 വർഷത്തെ കാത്തിരിപ്പിന് വിരാമം; കൊൽക്കത്ത ചുവപ്പും മഞ്ഞയും അണിഞ്ഞു! ഈസ്റ്റ് ബംഗാൾ ഇനി ഇന്ത്യൻ ഫുട്ബോളിന്റെ പുതിയ രാജാക്കന്മാർ! 🔴🟡👑
ഇന്ത്യൻ സൂപ്പർ ലീഗിന്റെ (ISL 2025-26) ഫൈനൽ മാച്ച് ഡേയിൽ ശ്വാസമടക്കിപ്പിടിച്ച നിമിഷങ്ങൾക്കൊടുവിൽ ഈസ്റ്റ് ബംഗാളിന് ചരിത്ര കിരീടം. അവസാന ലീഗ് മത്സരത്തിൽ ഇന്റർ കാശിക്കെതിരെ ഒരു ഗോളിന് പിന്നിട്ടു നിന്ന ശേഷം, ആവേശകരമായ തിരിച്ചുവരവിലൂടെ 2-1 ന് വിജയം പിടിച്ചെടുത്താണ് റെഡ് ആൻഡ് ഗോൾഡ് ബ്രിഗേഡ് കന്നി ഐഎസ്എൽ ട്രോഫിയിൽ മുത്തമിട്ടത്! 🏆⚽
ലാസ്റ്റ് റൗണ്ടിൽ വമ്പൻ ട്വിസ്റ്റുകളായിരുന്നു കാത്തിരുന്നത്. ഒരേ സമയം നടന്ന മത്സരങ്ങളിൽ മോഹൻ ബഗാനും വിജയിച്ച് ഒപ്പത്തിനൊപ്പം (26 പോയിന്റ്) എത്തിയെങ്കിലും, മികച്ച ഗോൾ ഡിഫറൻസിന്റെ കരുത്തിൽ ഈസ്റ്റ് ബംഗാൾ കിരീടം സ്വന്തമാക്കുകയായിരുന്നു.
ലൂസിഫർ സ്റ്റൈലിൽ ഒരു തിരിച്ചുവരവ്!
2004-ന് ശേഷം ഒരു നാഷണൽ ലീഗ് കിരീടത്തിനായുള്ള ഈസ്റ്റ് ബംഗാൾ ആരാധകരുടെ 22 വർഷത്തെ നീണ്ട കാത്തിരിപ്പിനാണ് കൊൽക്കത്തയിലെ കിഷോർ ഭാരതി ക്രിരംഗനിൽ ഇന്നലെ രാത്രി വിരാമമായത്. ടൂർണമെന്റിലുടനീളം 11 ഗോളുകളോടെ ഗോൾഡൻ ബൂട്ട് സ്വന്തമാക്കിയ യൂസഫ് എസ്സെജ്ജാരിയും, നിർണായക ഗോൾ നേടിയ മുഹമ്മദ് റഷീദും ഇന്നലത്തെ വിജയശിൽപ്പികളായി.
ജംഷഡ്പൂരും ഒഡീഷയും ഗോൾരഹിത സമനിലയിൽ (0-0) പിരിഞ്ഞതുൾപ്പെടെ, ലീഗിലെ ഓരോ ടീമും അവസാന സെക്കൻഡ് വരെ പോരാടിയ ആവേശകരമായ ഒരു സീസണാണ് ഇതോടെ അവസാനിക്കുന്നത്!
ഇനി വരും സീസണുകളിൽ നമ്മുടെ സ്വന്തം കൊമ്പന്മാർ കൂടുതൽ കരുത്തോടെ തിരിച്ചുവരുമെന്ന് പ്രത്യാശിക്കാം! 💛
Congratulations East Bengal FC! 👏🎉
Bengal
