26/03/2024
Nu Leh Pa Zah Takni
Leitung mihing a ih pian pan Pasian in koi ci ding bang ci nuntak ding cig te Pasian gel sa hi a. Ei gel theih, ei ut banga hih theih ding ih hi kei hi. Kamsiat, kamphat, hauh leh letna a ki panin ei ut bang leh deih banga piang thei hi lo a, Hong bawlpa hong piak hong guat bang a piang a hi hi. A hi zongin ei zon tawm leh ei han ciam ding hi a, tua tawh kizui in Pasian thupha i san na banga,nungta gamta ding te ih hi hi.
Pasian thupha i ngah na dingin, Pasian zah takna in pilna kipatna hi ci a, Pasian kihta a zahtaka, ih Biak ding masa pen hi. (Exo 20;12) Na nu na pa zah takin ci a, zahtak bek hi lo in a thu manding a hi hi. A thu ih man kei a ih zahtak kei leh Pasian thupha leh a maute thupha te ih ngah kei ding hi.
Nu leh Pate in zong khat vei vei zuu kham an kham leh sin tol lungkham ciangin lungham in hong ki tom thei ding hi, a hi zongin kihta zahtakin, ih om hit hiat ding hi, tua hi lo a, ih gaal bawl a, ih heh sak leh , hong samsiat thei hi. Ei zong thuak zo lo in ih samsiat thei hi. (Paunak 20;20) Nu leh Pa Samsiat te khuavak sung a mei vak ki sumit tawh ki bang ding hi. A cih na in bangmah ki mu thei nawn lo cih na hi. (Paunak 23;22) Na Pian na na Pa thu ngai in la, Na Nu a teek ciangin sim mawh kei in, ci hi. Tua a hih man in Nu leh Pate pen ih Leitung Pasian te hi a thupi mah mah hi.Noah in zu a kham hangin a thupha om ve ve a, a tate khatin thhupha ngah in khat in ngah lo hi. Esau te zong thupha ngah leh lo te tu d**g mah na ki gaal neih lai hi. Kawl te in a khualzin ding ciangin a Nu a Pa mai ah khuk dinin thupha ngen masa hi. Eite tua banga gamta ih thei nai kei hi. Nu leh Pa te thupit na pen tulai taka Nu leh Pa nei lai te in a phawk nai kei phial zong un, Nu leh Pa a nei nawn lo te in Nu leh Pa thupitna leh Nu leh Pa itna ngaihna phawk sem sem ding uh hi.
Luan Vung tangthu bang ih et ciangin meigong a hih hangin a tapa neih sun zii ding a deih loh pi a nu thu mang lo in ten pih tei tei in a nu sim mawh lua uh a,a nun sih lawh liang hi. A ki s*k kik hang tuibaw sa ki luak kik thei nawn lo hi.
Tua a hih man in Nu leh Pa te in thu pha nei in zah tak bang mah mah a, it ding thupi hi. Nu leh Pa dam laite in a phawk kei hang un, Nu leh Pa nei non lo ten phawk san mah mah uh hi. Tua a hih man in Nu leh Pa dam lai nei te in Nu leh Pa te tawh innkuan nuam, a ki it, a ki lem Innkuan ih hih na ding han ciam ciat ni. Topan Thupha hong pe ciat na hen.
-Joachim Mang
