Dalia Youssef

Dalia Youssef نغير طريقة تفكيرنا… تتغير حياتنا
وعي نفسي | تطوير ذات | تحفيز
رحلتك تبدأ بخطوة 🌱

اكتبولي تفاصيل عشان ابعتلكم اللينك
06/09/2026

اكتبولي تفاصيل عشان ابعتلكم اللينك

مش كل حاجة اتأخرت… معناها إنها مش هتحصل. 🤍إحنا أوقات بنستعجل النتيجة،ونبص على تعبنا ونقول:هو أنا تعبت كل ده ليه؟خصوصًا ل...
03/09/2026

مش كل حاجة اتأخرت… معناها إنها مش هتحصل. 🤍

إحنا أوقات بنستعجل النتيجة،
ونبص على تعبنا ونقول:
هو أنا تعبت كل ده ليه؟

خصوصًا لما نشوف غيرنا سبقنا،
أو لما الطريق ياخد وقت أطول مما كنا متخيلين.

بس يمكن اللي إحنا شايفينه تأخير…
ربنا شايفه توقيت مناسب.

يمكن الطريق بيتجهز،
ويمكن إحنا نفسنا لسه بنتجهز.

فمتستعجليش الثمرة…
كمّلي سعيك، واعملي اللي عليكي،
وسيبي الباقي على ربنا.

إنتِ مش مطالبة تشوفي النهاية…
إنتِ مطالبة تكمّلي الطريق. 🤍


#اطمئني




#أمل



#الأم
#أمهات

هي رحلة طويلة… مش مشوار قصير. 🤍يعني إيه؟يعني مش لازم تشوفي نتيجة تعبك قدام عينيكي دلوقتي.أحيانًا المسافة بتطول لدرجة إن ...
01/09/2026

هي رحلة طويلة… مش مشوار قصير. 🤍

يعني إيه؟
يعني مش لازم تشوفي نتيجة تعبك قدام عينيكي دلوقتي.

أحيانًا المسافة بتطول لدرجة إن عينك نفسها ما تقدرش تشوف آخر الطريق من مكانها.

وارد حاجات تظهر وتطمنك في نص الطريق… ووارد لأ.

المهم إن ثقتنا بالله هي اللي تسندنا وتثبتنا، وتفكرنا إن تعبنا مش رايح هدر، وإننا مأجورين عليه بإذن الله.

وإن الباب اللي مستنيين يفتح…
وارد جدًا يفتح بإيد غير إيدينا أصلًا.

بس ثقي…
إن شاء الله هيفتح. 🤍

كمّلي طريقك… حتى لو لسه مش شايفة النهاية.
اكتبيلي في الكومنتات ايه اكتر الحجات اللي بتسيلم احباط من ولادك؟

#الصبر #الرضا #الأمل #اطمني

“يا حسرة قلبي على تعب السنين اللي راح هدر…”جملة بتطلع جوانا أول ما ولادنا يخسروا ماتش، ينقصوا في مادة، يتخرجوا من فريق، ...
31/08/2026

“يا حسرة قلبي على تعب السنين اللي راح هدر…”

جملة بتطلع جوانا أول ما ولادنا يخسروا ماتش، ينقصوا في مادة، يتخرجوا من فريق، أو مستواهم يقل.

من كتر ما تعبنا معاهم، بنحس من غير وعي إن لازم ينجحوا… وكأن نجاحهم هو المقابل لتعبنا.

وبننسى إن من حقهم يقعوا، يخسروا، ويفشلوا… حتى لو مؤقتًا.

وبننسى الأهم:

إحنا علينا السعي، مش النتيجة.

تعبنا، وقدمنا، وساعدنا، وشجعنا…
وكل ده مش هيروح هدر عند ربنا حتى لو النتيجة ما كانتش اللي تمنيناها.

النتيجة مش بتاعتنا… ولا بتاعتهم.
النتيجة بتاعة ربنا سبحانه وتعالى.

ولما نصدق ده، قلبنا يطمن…
ونسيب ولادنا يسعوا، ويقعوا، ويقوموا…
من غير ما نحملهم مسؤولية إنهم يثبتوا لنا إن تعبنا كان يستاهل.

ولادنا مش مشروع لإثبات إن تعبنا ما راحش هدر.
إحنا بنسعى… وربنا وحده يكتب النتيجة. 🤍

اكتبيلي بصراحه بتمري بالمشاعر دي احياناً؟؟؟

الأمومة_الواعية






#اطمئنان

إحنا بنفكر في ولادنا إنهم جزء مننا…مش مجازًا، لأ… إحنا فعلًا بنحس إنهم إحنا.غصب عننا، أي مشكلة تواجههم بنحس إنها بتواجهن...
30/08/2026

إحنا بنفكر في ولادنا إنهم جزء مننا…
مش مجازًا، لأ… إحنا فعلًا بنحس إنهم إحنا.

غصب عننا، أي مشكلة تواجههم بنحس إنها بتواجهنا.
أي عيب في شخصيتهم بنعتبره عيب فينا.
أي وقعة… أي وجع… أي فشل… أي سقوط…
بنحسه كأنه حصل لنا إحنا بالضبط.

وده يمكن جزء من طبيعتنا كأمهات…
إن مشاعرنا بتتشابك جدًا مع أولادنا، لدرجة إن أحيانًا بننسى إنهم أشخاص مستقلين عننا، لهم تجاربهم، واختياراتهم، وأخطاؤهم، ونجاحاتهم.

لكن هنا السؤال:

وهل أصلًا ده صح؟
ولا محتاجين نعدّل طريقة حبنا ليهم؟

يمكن المطلوب مش إننا نبعد عنهم أو نبطل نحس بيهم…
لكن نتعلم نفرّق بين:

“أنا بحبك وبتوجع لوجعك”
و
“أنا أنت… ووجعك هو وجعي.”

إيه رأيكم؟

عايزة أشوف تجاربكم وآراءكم في الكومنتات ❤️

#أمومة





#أمهات


#وعي



سبحان الله ازاي خلق عز وجل قلب الام بالشكل دا بيكون مش قلب زي باقي القلوب لا دا قلب منقسم جوا واحد بتاعها مربوط بواحد مش...
08/08/2026

سبحان الله ازاي خلق عز وجل قلب الام بالشكل دا
بيكون مش قلب زي باقي القلوب لا دا قلب منقسم جوا واحد بتاعها مربوط بواحد مش بتاعها بس بتاعها 😅
هو في الواقع بتاعها اه بس فعليا هو بيتأثر بولادها اللي يزعلهم يزعله اللي يتعبهم يتعبه اللي يحيرهم يحيره
نجحوا يفرح وقعوا يتكسر بعدوا يطير معاهم

شاركوني في التعليقات ايه اكتر حاجه بتوجع قلوبكم كأمهات
؟؟؟؟

كل حد ليه ابن في الثانويه العامه زعل جدا (وانا منهم )من فكره ان درجات ولاده علي المشاع ومفيش اي خصوصيه الصراحه أنا كنت ع...
01/08/2026

كل حد ليه ابن في الثانويه العامه زعل جدا (وانا منهم )من فكره ان درجات ولاده علي المشاع ومفيش اي خصوصيه
الصراحه أنا كنت عارفه دا السنين اللي فاتت بس لما الواحد بيقع في نفس الموقف بيكون احساسه اعمق
ويشهد الله عمري ما فكرت ابص علي نتيجه حد و لا دا اثار فضولي أصلا
المهم
اللي لفت نظري اليوم خاطره خلتني اهدي بكتير
الخاطره ان سبحان الله فعلا فكره ان الواحد يكون متعري كده علي رؤس الاشهاد أمر صعب علي النفس جدا
ومحدش يحب يكون كده طبعاً
مابال بقي يوم القيامه كل غادر سيأتي بغدرته وكل ميت علي سوء سيحيي علي ما مات عليه
وكل ظالم و سارق سيأتي حامل آثامه
سبحان الله لولا ستره عليا ما نظر بعضنا لبعض
اللهم كما سترتنا في الدنيا فاسترنا في الاخره
ومعلش لكل حد حس ان خصوصيته أنتهكت ونحمد الله انها دنيا وندعوا الله ان يسترنا في الدنيا و الاخره
#ثانويه
#نتيجه
#خصوصيه

من أجمل الحاجات اللي لفتت انتباهي في المونديال الأخير، رغم إني أصلًا مش من متابعي الكورة، كانت روح اللعيبة وإصرارهم.اللي...
11/07/2026

من أجمل الحاجات اللي لفتت انتباهي في المونديال الأخير، رغم إني أصلًا مش من متابعي الكورة، كانت روح اللعيبة وإصرارهم.

اللي شدني أكتر مش المهارة… لكن العقلية.

كان واضح جدًا إنهم داخلين كل مباراة وهم مقتنعين إنهم يستحقوا يكونوا هناك، ويستحقوا يكسبوا. علشان كده كانوا بيتعاملوا مع أقوى المنتخبات بمنتهى الندية، من غير رهبة، ومن غير ما تهتز ثقتهم في نفسهم.

وده خلاني أفكر…

أوقات كتير الفرق بين شخص وآخر مش الإمكانيات، لكن الصورة اللي كل واحد شايف بيها نفسه.

لما تؤمن إن لك مكان، وإنك تستحق الفرصة، بتتصرف بثقة، وبتاخد قرارات مختلفة، وبتقدم أفضل نسخة منك.

الاستحقاق الحقيقي مش غرور… الاستحقاق هو إنك تعرف قيمتك، وتشتغل عليها، وما تخليش اسم المنافس أو حجمه يهز ثقتك بنفسك.
وإيمانك ان ربنا معاك

10/07/2026

اي حد بيعدي في فتره كلها ضغوطات بيكون صعب عليه يعبر عن مشاعره وعن اللي واجعه
عشان كده بينعزل و يبعد بس احيانا الكتمان دا بيخليه يتعب اكتر
اللي في حياته حد بيقدر يتكلم معاه عن اللي جواه دا نعمه كبيره جدا يحمد ربنا عليها

كلمه السر اننا نوقف تفكير سلبي
16/06/2026

كلمه السر اننا نوقف تفكير سلبي


Address

581 Patton Lane, Raleigh
North Carolina

Website

Alerts

Be the first to know and let us send you an email when Dalia Youssef posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dalia Youssef:

Shortcuts

Share

Category