Fitz

Fitz Fitz 香港運動及生活平台，致力提供各樣運動、玩樂及健康資訊。 我們團隊提供媒體推廣、攝影製作、活動籌辦等服務，歡迎聯絡查詢 [email protected]

商業合作: https://fitz.hk/biz/
投稿: https://fitz.hk/contribute/

UTMB 數據顯示，在參賽人數最多嘅前10個國家及地區中，香港地區跑手 DNF (Did Not Finish 中途退賽) 比率高達 44.9%，於主要參賽地區中高居榜首。相較之下，主場法國跑手的 DNF 率僅 22.9%，澳洲跑手亦只有 ...
02/09/2026

UTMB 數據顯示，在參賽人數最多嘅前10個國家及地區中，香港地區跑手 DNF (Did Not Finish 中途退賽) 比率高達 44.9%，於主要參賽地區中高居榜首。相較之下，主場法國跑手的 DNF 率僅 22.9%，澳洲跑手亦只有 26.8%。

呢個情況，到底係咩原因造成? 網民普遍認為「缺乏高山練習」係主因，香港濕熱氣候與長途跋涉亦係重要因素。

不過另一則數據顯示， DNF 與跑手的 UTMB Index 能力指數高度相關 (見留言)。全球 Index 500 以下的參賽者退賽率普遍較高。反觀 Index 800+ 嘅精英，亦因為追求名次而非完走，DNF 率反而飆升。

你又認為係能力問題，定係客觀因素不利香港跑手?

喜馬拉雅山脈嘅冰川正面臨前所未有嘅危機。《紐約時報》引述尼泊爾土地管理局 (Department of Land Management) 最新報告，除咗全球暖化呢個大環境威脅之外，高山地區過度頻繁嘅人類活動，成為推動冰川加速崩解嘅隱形殺手。...
02/09/2026

喜馬拉雅山脈嘅冰川正面臨前所未有嘅危機。

《紐約時報》引述尼泊爾土地管理局 (Department of Land Management) 最新報告，除咗全球暖化呢個大環境威脅之外，高山地區過度頻繁嘅人類活動，成為推動冰川加速崩解嘅隱形殺手。

報告中最令人匪夷所思嘅細節，係每年有大量遊客遠赴尼泊爾喜馬拉雅山各高峰攻頂，喺雪地同冰川上留低嘅尿液，正喺度對脆弱環境造成連鎖破壞。官方估計，單係珠峰基地營 (EBC) 登山旺季時，每日製造超過6,000公升人類尿液，研究團隊估算，單憑尿液所帶來的熱能，在整個春季登山季 (約50天) 累積足以融化約154噸 冰雪。

尿液入面嘅鹽分同有機物會改變積雪嘅物理結構，拉低冰雪嘅融點。當成千上萬人喺基地營同沿路小解，熱量同化學成分日漸累積，加上高山營地愈嚟愈像個過度擠擁嘅「高山小鎮」，呢種人為壓力直接搞到極地生態完全冇機會自我修復。

人類成日講征服高峰，點知連最原始嘅生理需要，喺極端高海拔環境下都會被放大成生態災難。看似無意嘅舉動，積少成多最終反噬喜馬拉雅山。

【🏃‍♂️越野名將曾小強帶路！《Border Go!》賽前試路工作坊 + 選手包好禮加碼🎁】8/11 舉行的《Border Go! 慈善越野跑 2026》已經接受報名一段時間！！這項全新賽事最令人期待的，絕對是讓各位參賽健兒首度挑戰「牛潭尾...
02/09/2026

【🏃‍♂️越野名將曾小強帶路！《Border Go!》賽前試路工作坊 + 選手包好禮加碼🎁】

8/11 舉行的《Border Go! 慈善越野跑 2026》已經接受報名一段時間！！這項全新賽事最令人期待的，絕對是讓各位參賽健兒首度挑戰「牛潭尾至坪輋」這條全長 20.4 公里的北部都會區邊境路線⛰️！

無論你是已報名、希望有導師帶領試路的健兒，還是仍在猶豫是否參賽的各路跑山好手，大會均誠意邀請你參與19/9 及24/10舉行的《Border Go!》賽前試路工作坊！🔥
我們極之榮幸邀請到著名越野跑教練兼活動大使 —— 曾小強先生，親身上陣主持 2 場工作坊！參加者將用半日時間，學習應戰跑姿與體力分配策略，並親自踩線了解古洞至馬草壟的邊境地形。

能向名師取經的機會千載難逢，如已報名《Border Go!》更可享工作坊的折扣優惠。想跟小強教練學習跑山心得，切勿錯過！

「賽前試路工作坊」
第 1 場：2026年9月19日（六）
第 2 場：2026年10月24日（六）
⏰時間： 09:00 - 12:30（上水站集合 ➔ 古洞街市分享 ➔ 實跑鐵坑山、蛇嶺 ➔ 馬草壟解散）
🎯名額： 每場 20 位（先到先得！）
💰優惠價： HK$200 (《Border Go!》參賽者專享優惠！原價 HK$250）
截止報名日期： 2026年9月17日 (第1場) 及 2026年10月22日 (第2場)

👉工作坊報名連結： https://forms.gle/ikGFQ8jgvxvSaBT5A

另外《Border Go!》的選手禮品及獎牌設計亦開始陸續公佈，其中
只要成功報名參賽，領取選手包時即可獲得總值 HK$200 戶外用品現金券！

💸SPIDER OUTDOOR $100 現金購物劵1張
💸AKIV $100元運動服裝禮劵1張

更多選手包禮品可參閱大會官方網站～

無論賽前換新裝備，抑或賽後獎勵自己都超實用！完賽更可獲限定精美大會獎牌及電子證書🏅！

🔥2026年11月8日（星期日）用腳步丈量邊境山脈，用行動支持沙頭角鄉郊保育工作！手快有手慢無，25/10或之前即刻報名出戰啦！
👉賽事網上報名（Popticket）： https://www.popticket.hk/event/border-go-2026
👉大會官方網站： https://astkce.hk/bordergo/

======================
👇追蹤賽事最新動態
Facebook: Border Go! 慈善越野跑 2026 暨親子文化生態遊
Instagram: border_go.2026
如有任何疑問或查詢，請電郵至 [email protected] 或致電 21160641 聯絡本會職員。
備註：《Border Go! 慈善越野跑 2026》由沙頭角文化生態協會主辦，為推動沙頭角保育工作而舉辦的年度籌款活動。
#曾小強 #試路工作坊 #慈善越野跑 #北部都會區

奪命意外日本富士山發生一宗涉及外國遊客嘅致命登山意外，一名57歲印尼籍男子，8月29日跟隨18人登山團，由五合目出發攻頂。行程期間，旅遊團喺中午食完飯休息後集合，該名男子未有喺指定時間出現。團體喺發現有人失聯後，未有喺現場等候或即時搜尋，繼...
02/09/2026

奪命意外

日本富士山發生一宗涉及外國遊客嘅致命登山意外，一名57歲印尼籍男子，8月29日跟隨18人登山團，由五合目出發攻頂。行程期間，旅遊團喺中午食完飯休息後集合，該名男子未有喺指定時間出現。團體喺發現有人失聯後，未有喺現場等候或即時搜尋，繼續行程。

直到當日下午約5時，有其他路過嘅登山客喺七合目附近步道，發現該名印尼男子倒臥在地且失去意識。急救人員將佢送院搶救後證實不治，警方初步研判死因係心臟疾病引發嘅猝死。

警方表示，會聯絡旅行團，調查有沒有人疏忽。

#富士山

唔夠派辛辛苦苦跑完一場馬拉松，衝線一刻竟然無完賽獎牌同毛巾? 2026年8月30日舉行嘅北海道馬拉松就發生咗呢個罕見情況。隨住大量跑手陸續衝線，終點區出現完賽獎牌與毛巾數量不足嘅問題，令部份跑手無法即時領取。大會當日已經發布公告致歉，解釋背...
02/09/2026

唔夠派

辛辛苦苦跑完一場馬拉松，衝線一刻竟然無完賽獎牌同毛巾? 2026年8月30日舉行嘅北海道馬拉松就發生咗呢個罕見情況。

隨住大量跑手陸續衝線，終點區出現完賽獎牌與毛巾數量不足嘅問題，令部份跑手無法即時領取。大會當日已經發布公告致歉，解釋背後原因並唔係偷工減料，而係今年嘅完賽率實在比預期高出太多。

官方表示，賽前已經參考過去紀錄，並以「歷年最高」嘅出走率同完賽率去估算物資數量。翻查數據，2023至2025年完賽率介乎81%至87.5%，而今年初步估計完賽率可能高達93.2%，創下近年甚至歷來新高。

完賽率大增嘅主要歸功於天氣。有別於往年逼近30度嘅酷熱天氣，今年比賽日札幌最高氣溫只有約23度，相對清涼嘅環境有利跑手發揮。新谷仁美亦喺今屆賽事以2小時24分14秒刷新女子大會紀錄奪冠。

雖然終點少咗掛上獎牌嘅儀式感，但大會承諾會追加快製作所有不足嘅獎牌同毛巾，後續會安排補寄畀受影響嘅跑手。跑手們唔使擔心塊獎牌會消失，當係一次特別嘅參賽經驗啦。

#北海道

HKSOS x 苗圃挑戰12小時慈善越野馬拉松2026個人首設分齡組別 即日報名中詳情: https://fitz.hk/?p=239727一年一度越野跑慈善盛事返嚟喇!「HKSOS x 苗圃挑戰12小時慈善越野馬拉松2026」將於2026...
01/09/2026

HKSOS x 苗圃挑戰12小時慈善越野馬拉松2026
個人首設分齡組別 即日報名中
詳情: https://fitz.hk/?p=239727

一年一度越野跑慈善盛事返嚟喇!「HKSOS x 苗圃挑戰12小時慈善越野馬拉松2026」將於2026年11月1日(星期日) 開跑，想挑戰自己兼做善事，即刻報名參加，額滿即止!

今屆賽事亮點多多，除咗專為家庭而設嘅3公里親子線，個人賽事更首度實施按年齡細分競賽組別，每十歲一組，無論你係資深跑手定越野新星，都可以喺更公平嘅機制下同同路人切磋，上台得獎機會大大增加!

比賽共有四個距離組別選擇，無論想長途挑戰定一家大細輕鬆行，總有一個適合你:
- 42公里：油塘三家村運動場起步，途經城門水塘主壩，一路直奔終點
- 28公里：慈雲山道遊樂場起步
- 14公里：城門水塘主壩起步
- 3公里親子線：大埔舊墟官立學校 (寶湖道) 起步
全線終點統一設於大埔舊墟官立學校 (寶湖道)

今年大會更特別邀請五位本地越野跑好手廖科樂 (Lok Sir)、文永鑫 (GumGum)、李俊穎 (Marcus)、譚子豪 (Alex) 及周栢熙 (Bosco) 擔任賽事大使，同大家一齊上山! 賽事同時獲得HKSOS全力支援，提供專業後勤同安全保障，讓你放膽衝刺。

SOSx苗圃挑戰12小時2026
日期：2026年11月1日(星期日)
起步時間：上午9時至11時(分組起步)
費用：港幣300元(報名費) + 港幣600元(基本捐款)
報名詳情：https://register.sowers.hk/
主辦：苗圃挑戰12小時慈善越野馬拉松

#挑戰12小時

2027渣馬有消息《星島日報》和《香港商報》分別引述消息人士指出，明年渣馬雖然不會變成「兩日賽」，但總參賽名額將會加碼。據報道，田徑總會原本有意將明年的賽事增加至兩日，期望能容納更多跑手及觀眾參與。不過經反覆評估後，目前很大機會維持傳統「單...
31/08/2026

2027渣馬有消息

《星島日報》和《香港商報》分別引述消息人士指出，明年渣馬雖然不會變成「兩日賽」，但總參賽名額將會加碼。

據報道，田徑總會原本有意將明年的賽事增加至兩日，期望能容納更多跑手及觀眾參與。不過經反覆評估後，目前很大機會維持傳統「單日賽事」安排，《星島日報》指，「最大考量始終是交通封路安排」。

雖然日數不變，但賽事規模有機會進一步擴大。《香港商報》消息指，明年渣馬整體參賽名額預料會增加數千個。當中半馬名額有望大幅增加，而全馬名額則預計維持不變。

#跑步

Address

Hong Kong

Website

Alerts

Be the first to know and let us send you an email when Fitz posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Fitz:

Shortcuts

Share

Category