Garrick Poon GDMI

14/11/2025

雖然好攰，但係有一對專業團隊，互相支援大家幾辛苦都做得好開心。擁有一對有良好氛圍嘅工作團隊非常難得，多謝大家！ 出心出力咁展現 My Dog fits 團隊嘅專業， 仲有兩日大家撐住！

05/10/2025

隔咗一段時間無出席公開場合，今日一出現，竟然發生咗一件好暖心嘅事❣️

當我正想開口介紹自己同 My Dog Fits 嘅時候，一位家長笑住叫停我，然後同我講：
「Garrick Sir，我有 follow 你哋㗎喇。你哋要繼續加油💪」

呢一刻，我真係呆咗一呆，跟住個心好似被一股暖流包住咁❤️‍🔥

從來無諗過，我哋一路以來堅持做嘅事，原來真係一點一滴咁傳遞緊出去。

好多謝每一位默默支持我哋嘅你。你哋每一句說話，都係我哋繼續努力嘅最大動力✨

我哋嚟緊11月14, 15, 16號喺西九一個大型活動 有講座，座位有限，快啲去報名！

#狗行為訓練 #香港狗主 #你們的支持是我們的動力 #繼續加油 ＃西九文化區

20/05/2025

記住要好好保護狗狗嘅關節呀！！

【犬隻訓練導師🐶Tips：保護小型犬關節健康】

犬隻訓練導師平日接觸唔同品種嘅狗隻，同佢哋互動嘅過程中累積咗大量實踐經驗，熟知唔同體型狗隻嘅行為引致潛在健康問題，當中關節疾病亦好發於小型犬隻🐕。小型犬經常會出現興奮撲跳或過度跳躍嘅情況，而喺梳化或床鋪跳上跳落。佢哋雖然體重輕，但關節表面面積相對更細，所承受嘅壓力反而更大，令關節容易受損。

誠邀👨🏻‍🏫資深犬隻訓練導師Garrick Sir教路📝，提供訓練小型犬嘅實用招式。

⭕當無人喺屋企嘅時候，主人可以喺梳化或床邊加上圍欄或小型樓梯，並訓練狗狗使用，減少跳上跳落引致關節受傷嘅機會。
⭕為狗狗建立良好習慣，主人可以當狗狗喺地上站好或坐好，而非撲跳嘅時候才給予關注，養成冷靜嘅行為。

🍴除咗以上嘅訓練小Tips，主人亦需要從飲食方面入手，確保狗狗日常膳食中得到含豐富嘅鈣質及蛋白質，保護小型犬先天性嘅關節及骨骼問題。

#犬隻訓練導師教路 #小型及迷你狗

*以上是來自犬隻訓練導師的建議，如有更多健康或飲食相關疑問， 記得向你嘅獸醫查詢。

29/01/2025

🐾 祝毛孩與主人幸福滿滿， 蛇年來旺旺！🐾

祝所有毛孩和主人都能找到最適合的相處之道，幸福一整年，一起度過一個溫馨、快樂的新年！🎉

感謝您一直支持 My Dog Fits，讓我們一起在新的一年，為毛孩帶來更多愛與成長的可能性！

My Dog Fits ❤️ 與您和毛孩攜手成長，2025年繼續同行！

03/12/2024

今日好多謝 浪浪之家 借場畀我哋拍攝犬隻訓練示範同訪問。

想知道今日講咗啲咩就要留意我嘅 IG，都係關於電影《得寵先生》.abandoned.team 㗎！

另外我想喺呢度多謝今日先認識嘅助教們：
左至右
細妹（黑色）
蛋蛋（黑啡）
Bling bling (啡色）

佢哋都係等緊領養㗎好乖好服同好親人，我今日第一次見佢哋，佢哋畀我預期做得多好多。
叻叻👍🏼

如果有興趣想領養佢哋嘅話，歡迎直接聯絡浪浪之家。

10/11/2024

琴日睇完導演佢哋嘅直播謝票活動，睇到非常感觸。 聽到導演@danielhoshots 同 little ＃燒腩 主人 多謝我嘅時候，我都諗起我有好多人要多謝。如果冇佢哋喺背後支持我係唔會做得咁完美同順利。 我呢班同我出生入死嘅兄弟，真係拼盡全力咁去照顧劇組裏面嘅所有狗演員同家長們。大家真係傾盡全力去維護所有狗演員嘅感受同健康。 加上導演同劇組門嘅悉心安排，令狗演員在戶外拍攝嘅時間縮到最短，寧願斬件去攞鏡頭都避免一剔過太長時間而令到狗狗辛苦。 佢哋仲特意安排咗狗狗嘅按摩師到場支援。令到整個拍攝過程一隻狗狗都無中暑，反而我哋人類就有兄弟中暑 ( 我係其中一個）。
能夠參與呢一套香港使無前例嘅流浪狗大電影《得寵先生》.abandoned.team ，帶出到 ＃「救得一隻得一隻」、＃尊重生命，＃支持領養嘅訊息。呢幾日聽到觀眾嘅反應，導演們，旦哥@hieggohieggo Amy 嘅分享，相信大家都應該會好滿足同感動。

畀我喺呢度借少少時間多謝在我幕後嘅團隊！

最強現場指導亦係《小Q》主力現場犬隻動作指導


最強狗狗健康現場顧問亦係一位獸醫助護兼攝影師


現役 My Dog Fits 最受歡迎嘅高級犬隻訓練師亦前海洋公園海獅訓練員j

其餘同樣非常重要嘅最強支援團隊排名不分先後
現役加拿大導盲犬導師

現役駐澳洲犬隻訓練師

前導盲犬訓練師


仲有動作演員 OBBIE 嘅主人亦訓練師


三年過後，大家都獨當一面了，但希望大家不忘一齊經歷過呢段辛苦但美好嘅回憶！

08/11/2024

睇完《得寵先生》.abandoned.team 嘅首映回想返好多同 little 燒腩 嘅回憶， 喺片場未到你嘅鏡頭，我哋 會為你擔遮，噴冰水，喺架車度嘆冷氣休息。 為咗避免你要重複做同樣嘅動作，好多時導演們 同演員 都會實地彩排先，當各演員嘅對白同流程都順暢嘅時候先請你埋位。 務求喺你第一次做就可以攞到想要嘅鏡頭，有啲複雜嘅鏡頭甚至乎需要請你嘅替身公仔燒腩去彩排一次， 諗返起又搞笑又感動。拍攝呢套電影時，親身體驗到成個劇組包括導演組，監製組， 演員們，攝影，燈光組，茶水姐姐等等都非常照顧每一位狗演員嘅需要。我哋非常感謝整個劇組嘅配合，因為我哋一早落咗一個好唔人道 (對劇組們) 嘅命令， 就係整個拍攝時期所有人除咗要同狗演員有對手戲嘅演員外，都不得擅自同狗演員交流，包括：偷偷地摸佢哋，眼神接觸，撩佢哋玩， 餵佢哋食嘢等， 呢啲行為拍攝期間通通都不能做。 對於愛狗嘅劇組人員黎講係非常難做到既，所以我真係非常感謝佢哋嘅配合，先至可以令到燒腩同佳叔嘅感情喺短時間來突飛猛進。

大家真係要支持一下本土製作嘅狗狗電影，喺香港拍到呢啲題材嘅電影真係非常困難，要啲狗演員聽話到可以拍電影，但同時間又唔會失去咗流浪狗嘅氣質，真係講咁易咩導演 。所以千祈唔好因為擔心會喊到七彩而唔到戲院睇，畀個機會自己到現場宣洩下你嘅情感，11月28日就開始有得睇㗎喇，唔好錯過！

07/11/2024

終於可以同大家分享 My Dog Fits 嘅另一個里程碑！
作為《得寵先生》.abandoned.team 嘅犬隻訓練同動作指導團隊，我哋協助導演@danielhoshots 拍攝一部有四十多隻狗狗嘅電影，並且順利完成。
今日睇完整部作品，睇套戲嘅時候回顧了好多好美好嘅回憶，真係好感動！

因為套戲不單止拍出嚟有愛，其實拍緊嘅時候更加有愛，導演同演員們都會時常查問啲狗演員嘅狀態，體力。 問佢哋夠唔夠水飲，熱唔熱，攰唔攰，等等等等。對我哋訓練師嘅態度又誠懇尊重，當我哋話狗狗要休息嘅時候，導演們都即刻諗對應策略，務求滿足到狗狗嘅需要同時唔會影響拍攝進度。 大多數決定都會以狗演員嘅考慮為優先。所以我可以話畀大家聽 《得寵先生》嘅劇組團隊唔單止說了算，佢哋係喺現場真心表現到對動物嘅愛同尊重。有佢兩位帶領住，劇組每一位工作人員都好尊重動物， 就好似電影裏面嘅朗朗最後以行動同真感情感染到佢媽媽對動物嘅改觀。

大家一定要入場支持呢部本土原創電影《得寵先生》同埋呢兩位咁有心嘅新晉導演！

係呢度我更加要特別多謝我嘅好拍檔阿魚老師 ，當佢知道我接咗呢個艱巨任務就即刻主動問我使唔使幫手。最尾有好多地方都要由佢主導現場，我就遙距支援。因為我同燒腩嘅關係建立得太好，令到燒腩不能專心同演員對戲。

真心感到非常榮幸能夠參與呢套電影嘅拍攝！

07/09/2024

My Dog Fits Team Building Event!
Work hard play harder. Keep it up Team 💪

29/08/2024

My Dog Fits 將又多一批新力軍，實習與實踐是每一位專業犬隻訓練師必經階段，這段時間以來看著他們的成長，真係非常感動！

我哋會繼續以這種方法培育更多有質素嘅犬隻訓練師， 為更多家長們服務。

13/10/2023

Glad to see you and feel that you are enjoying to be Guide Dog Instructor Cadet in Canada. Wish you to be qualified soon and keep up all you good work :)