蝦哈笑講馬 Ha Ha Horse Talk

蝦哈笑講馬 Ha Ha Horse Talk 講馬，唔使只講數據，唔使只識金句，唔使凶神惡煞，唔使貼錯發牢騷！我會認真同大家「蝦哈笑講馬」！

03/09/2026

#浪漫勇士 光榮退役，大家都不捨得！

大家心目中最經典一戰，首推2023年 #覺士盾，南下遠征澳洲，克服重重挑戰，晌東寶錦標跑第四之後，及時提升狀態，加上麥道朗一步不蝕下，終點線上力拒「樂觀派」封王，寫下香港以至世界賽馬史上光輝一頁！

當日大家晌邊度睇直播？蝦蛋晌旺角投注處睇，大家叫到拆天，影贏之後開心到不得了！

#蝦哈笑賽馬戰報 #蝦哈笑講馬

做個仗義執言的「講馬人」「浪漫勇士」昨日光榮退役，成為全城焦點，大家不忘歌頌一下這匹兩屆香港馬王兼全球累積獎金最高賽駒，成就斐然，感受容後再寫。蝦蛋「八卦」一下馬會今季製作的電視及網上節目，尤其主持人的陣容，果然最矚目是黃瑩同蔡俊佳正式「回...
03/09/2026

做個仗義執言的「講馬人」

「浪漫勇士」昨日光榮退役，成為全城焦點，大家不忘歌頌一下這匹兩屆香港馬王兼全球累積獎金最高賽駒，成就斐然，感受容後再寫。

蝦蛋「八卦」一下馬會今季製作的電視及網上節目，尤其主持人的陣容，果然最矚目是黃瑩同蔡俊佳正式「回歸」，晌馬會官方節目中再為廣大馬迷服務，得到第二次機會，但求好好珍惜，盡好本份服務馬迷，切忌做多餘且愚蠢的事！祝願兩位及一眾主持人們來季一切順利，財運亨通便更好！

瀏覽網上馬迷的留言，不少都會抱怨而家的賽馬節目不及以往精彩，不免懷緬一下老前輩董驃的字字鏗鏘，一針見血且獨特的賽後評論。只是大家不要忘記，董驃先生是由麗的及亞視出糧給他，加上「個人意見並不代表本台立場」，作為一位曾經跟隨俄國籍練馬師學法的賽馬中人，便可以憑個人對賽馬的熟悉，專業地分析每一場賽事，馬會有任何地方出錯，他可以暢所欲言，為馬迷出一口氣。董驃離開亞視評馬崗位後，在澳門開倉，做到冠軍練馬師，更訓練出一匹頂班良駒，我也很喜愛該馬名：「仗義執言」，正是他的評馬精神！但求現在年輕一代的賽馬節目主持，可以秉承董驃前輩的精神，加上對賽馬的專業知識，應講則講，既能為馬迷發聲，又能對得起馬會給你的人工，能兼備者，你便是成功的「講馬人」。

不少馬迷抱怨現在的賽馬節目主持人，功力遠遠不及董驃等前輩，而且鮮有為馬迷發聲。不過，蝦蛋認識部分賽馬節目主持，都是極之專業及真正喜愛賽馬，而且口齒伶俐，也能做到不偏不倚，客觀分析每場賽事。梁浩賢Simon是越洋轉播賽事專家，見過他晌澳洲親自策騎「美麗傳承」慢行，識騎馬又識講馬，放棄本來的電機工程專業投身賽馬，單是這份熱愛已值得尊重，聽他講沿途走位是一種享受。

大家有看過上季「冠軍人馬獎」的網上直播嗎？該次直播集合了幾位我眼中很出色的年輕賽馬主持：Alex伍兆銓、Kitty丘嘉滎、Sabrina吳婷欣，夾埋有電視直播節目主持經驗的余德丞同何雁詩（兩位近季主力主持跑馬地夜賽網上Live節目），無論過場，訪問得獎馬主、練馬師同騎師，做得好好！馬會近年製作的節目，不少馬迷覺得很千篇一律，但只要細心看看，有些真的很有質素，這班賽馬節目主持向來做直播能力甚高，出得大場面，而且也是愛馬之人，已有足夠說服力，只要他們如實評述賽事，不用自我審查令「墮馬」變成忌諱，公平對待每匹馬、每位練馬師及騎師，多些體諒及包容年輕一代的賽馬節目主持，幫到馬迷們贏錢，就是最好的雙贏局面。

蝦蛋有冇不喜歡的賽馬主持？有！幸好那位小妹妹暫時未有主持電視賽馬節目，只算是一位KOL，卻在一個新聞主播的選秀節目中出現，我都嚇了一跳。她經常施展一個所謂本領，就是對住屏幕評述馬匹沿途走位，甚至晌面試時做過一次，被主持人大讚！嘩！我最不喜歡就是一些「冇料扮四條」、「鬧人呃流量」，靠賽馬去騙飯吃的人。這位小妹妹有點屬於前者，而且「未學行先學走」，馬匹走位評述極之專門，強如已退出評述崗位的吳嵩先生，晌遠征法國凱旋門大賽時都要自行驚險修正錯誤，險些誤將「嘉年傑」認錯為「帝皇劇院」，走位評述是要從高處或遠處去望，拿起望遠鏡去講，又要認清所有出賽馬匹的綵衣，又要口齒伶俐且不可出錯，短短幾分鐘，必須有足夠功力才可應付。

用mon講走位有幾叻呢？年青人嘗試更多新事物是好事，但如果有心在賽馬界發展，倒不如花多點時間去增進賽馬知識，學習如何做一個講馬人，做一位仗義執言的講馬人，否則請勿在這裡浪費時間！

蝦蛋算不算是一位仗義執言的講馬人？一定唔係，學習當中！與各位同業共勉之！

#蝦哈笑賽馬挖深啲 #蝦哈笑講馬

03/09/2026

瘀咗啫！冇事喎！跑得！

星期日，等睇 #嘉應高昇 冇驚冇險完成21連勝！

#蝦哈笑賽馬戰報 #蝦哈笑講馬

突發！ #浪漫勇士 光榮退役兩屆香港馬王兼全球累積最高獎金賽駒「浪漫勇士」，光榮退役！馬會發表新聞稿，指出獸醫團隊已替「浪漫勇士」前腿進行檢查同評估，更同馬主劉栢輝及練馬師沈集成商討後，決定讓「浪漫勇士」光榮退役！「浪漫勇士」晌未來三個月...
02/09/2026

突發！ #浪漫勇士 光榮退役

兩屆香港馬王兼全球累積最高獎金賽駒「浪漫勇士」，光榮退役！

馬會發表新聞稿，指出獸醫團隊已替「浪漫勇士」前腿進行檢查同評估，更同馬主劉栢輝及練馬師沈集成商討後，決定讓「浪漫勇士」光榮退役！

「浪漫勇士」晌未來三個月將會留晌從化，繼續接受馬會獸醫團隊監察，並會晌「退役賽駒駿展新生計劃」協助之下，轉移至退役後嘅居所，馬兒晌完成競賽生涯之後，亦會獲得全面嘅賽後護理。

至於歡送「浪漫勇士」儀式，有待馬會安排及公佈！

#蝦哈笑賽馬戰報 #蝦哈笑講馬

#大衛希斯 強勢爭頭彩 #賀賢 精兵唔可以睇小 #蝦哈笑推介 Special，新馬季開鑼日排位晌今早完成，刨馬日子返來啦！邊位練馬師可以頭威頭勢，成功開糊？大衛希斯派出馬王「嘉應高昇」力爭特首盃三連霸，梗係仲有其他戰馬配合出擊，全日派...
02/09/2026

#大衛希斯 強勢爭頭彩 #賀賢 精兵唔可以睇小

#蝦哈笑推介 Special，新馬季開鑼日排位晌今早完成，刨馬日子返來啦！邊位練馬師可以頭威頭勢，成功開糊？

大衛希斯派出馬王「嘉應高昇」力爭特首盃三連霸，梗係仲有其他戰馬配合出擊，全日派出九駒參戰。第七場「太陽勇士」繼續用小師妹袁幸堯減十磅（125磅）出擊，專心擺前走；第十場「天星」回師跑1200米，上名率達一半，配上最佳拍檔艾道拿，兩駒有力突圍。

文家良同告東尼實行玩「兩地出擊」，「自強不息」同「美麗第一」出戰韓國短途錦標，本地賽分別有多達十駒同九駒參戰。第二場四班1000米，文廄「紅海旺」上季尾已成功上名，今季首戰續配黃寶妮減磅出擊，質新有進步，要吼！第四場五班1600米，「堅闖」終於可以降班出戰，強配艾道拿，告東尼願意接收，現年七歲冇保留，有分頭可以作冷選。

賀賢晌歷季開鑼日都有不俗表現，但今季竟然只獨出一匹「實力加」，出戰第八場四班1400米，此駒上季上陣八次冇贏，但只有一次不入前五名，當中取得1亞4季，夠準繩，配上最佳拍檔奧爾民，有力一擊即中！

蝦哈笑推介 9月6日開鑼日推介
第二場 8. 紅海旺
第四場 5. 堅闖
第七場 1. 太陽勇士
第八場 8. 實力加
第十場 3. 天星
五駒都可以WP兼投，作為QT膽無妨

#蝦哈笑講馬

01/09/2026

較早前見有人話馬會是是但但，原來係馬會特別安排，第一次跑1548米，梗係一項新紀錄啦！

話咗咩fact check咗先啦！😆😆😆

#蝦哈笑賽馬戰報 #蝦哈笑講馬

五駒陪 #嘉應高昇 玩特首盃2026/2027年度馬季開鑼日，十場賽事報名馬匹名單同配磅已經出爐！今季 #香港特區行政長官盃 升格為三級賽，總獎金達420萬港元，結果只有五駒報名同馬王「嘉應高昇」一齊玩！「嘉應高昇」剛晌星期日輕鬆完成1...
31/08/2026

五駒陪 #嘉應高昇 玩特首盃

2026/2027年度馬季開鑼日，十場賽事報名馬匹名單同配磅已經出爐！

今季 #香港特區行政長官盃 升格為三級賽，總獎金達420萬港元，結果只有五駒報名同馬王「嘉應高昇」一齊玩！

「嘉應高昇」剛晌星期日輕鬆完成1000米草地試閘，以首名過終點，下星期日將會力爭特首盃三連霸！練馬師大衛希斯同時將會派出上季精英碗冠軍「好友心得」上陣，一於雙龍出海。

文家良訓練嘅「錶之星河」至今9次出戰田草1200米，奪得4冠1亞1季，上季更奪得三級賽沙田銀瓶，今次將會首次搵「嘉應高昇」挑機。至於呂健威訓練嘅「合夥奔馳」、羅富全旗下嘅「幸運有您」同巫偉傑馬房嘅「魔術控制」都係能征慣戰，靠經驗爭取最佳名次。

「嘉應高昇」將會負頂磅135磅上陣，其餘五駒都要負115磅上陣，蝕磅由13磅至36磅之間，認真誇張！不過，只要順利過終點，全部六駒都會有獎金落袋，真係當「遊馬河」都唔拘。

唔知今仗「嘉應高昇」又會贏幾遠呢？

#蝦哈笑賽馬戰報 #蝦哈笑講馬

30/08/2026

近內欄場地好啲喎！😆😆😆

恭喜 #梁家俊、 #希威森 贏騎師競跑！

#蝦哈笑賽馬戰報 #蝦哈笑講馬

#甘寧斯 今早現身支持仔仔 #甘敏斯。甘明斯家族個個都有返咁上下功力，有爸爸現身支持，話唔定甘敏斯好快就會有頭馬見面！ #蝦哈笑賽馬戰報 #蝦哈笑講馬
30/08/2026

#甘寧斯 今早現身支持仔仔 #甘敏斯。甘明斯家族個個都有返咁上下功力，有爸爸現身支持，話唔定甘敏斯好快就會有頭馬見面！

#蝦哈笑賽馬戰報 #蝦哈笑講馬

29/08/2026

#倍留神 夥拍羅理雅，一放到底攻下 #文星錦標！👏🏻👏🏻👏🏻👏🏻👏🏻🏇🏆

老黃忠「樂觀派」勇奪亞軍，「星辰征駕」得季軍。

#蝦哈笑賽馬戰報 #蝦哈笑講馬

Address

Hong Kong

Website

Alerts

Be the first to know and let us send you an email when 蝦哈笑講馬 Ha Ha Horse Talk posts news and promotions. Your email address will not be used for any other purpose, and you can unsubscribe at any time.

Shortcuts

Share

Category