11/03/2024
📣📣 **招請有意投身養殖漁業人士** 📣📣
籌備多年 本土養殖學院 開課日期一改再改…. 其實課程內容或者工具之類我都準備好晒…. 話晒都準備咗咁多年…. 等到依家…. 我決定唔再等埋啲無謂人、無謂事，靠自己、照去!! 💪🏽💪🏽😈😉👍🏽 打不死!!
我嘅計劃流程已經Plan好，當中會分四期進行，大致流程如下：
⭕️第一期：今屆我會希望收大約四位學員(有志投身養殖漁業人士) 同幾位旁聽學員(對養殖漁業有信心，有志投身同投資養殖漁業人士)
⭕️第二期：我會招收自閉症畢業青年、佢哋嘅家人，同埋G.Power 青年團體入面設立一個「養殖漁業訓練班」
⭕️第三期：將兩期學員聯合訓練，一齊返工、一齊餵魚、一齊學習、一齊收成、一齊包裝、一齊推銷、一齊賣魚。
⭕️第四期：由我牽頭向熱心人士、社會基金、甚至乎「聚沙成塔」形式集資，營運全新養殖場，自負盈虧，長遠建立互雙照顧小社區氣氛。
計劃如上，第一屆我會希望收「大約四位學員(只接受有志全職投身養殖漁業人士)」 同「幾位旁聽學員(對養殖漁業有信心，有志投身及投資養殖漁業人士)」，課程完全係圍繞住我同我團隊每一日嘅養魚工作，簡單啲講其實就係除咗課堂以外，我同我嘅團隊做乜、學員就同我哋一齊做乜，邊學邊做，邊做邊建立，當中課程內容包括：
- 環境友善海魚養殖理念及技術
- 科技養殖漁場
- 傳統養殖技術硏討
- 落魚苗嘅技巧
- 魚苗、魚類觀察學問
- 魚苗判斷、病發處理
- 魚類天然食療技巧
- 飼料成份硏究同分析
- 神經血蹄/環流放血技巧
- 魚類及產品處理
- 魚產品銷售研討、產品包裝與設計
😌😊👍🏾 係㗎~ 有心做，上完個課程基本上已經可以營運一間新嘅「本土養殖」而且我有幾個𠄘諾可以比到我嘅畢業後合資格嘅學員：
⭐️漁排就業機會。
⭐️協助學員成立並營運自家養殖場。
⭐️提供養殖場興建技術及設計支援。
⭐️協助養殖技術監察及支援。
⭐️協助魚產品銷售。
⭐️投資者配對。
⭐️協助魚產品商業配對。
⭐️當學員自己成立自家養殖場後所出產嘅漁產品，同意在我監察養殖同生產、合格的出品可以歸入「本土養殖」品牌名義之下出售。
😱😳😱😳 嘩~?!?! 邊有一個機構會提供啲咁嘅事後服務/照顧㗎~~?! 咁黐線 ~?!
係㗎~ 真心想幫有心人入行同我一齊追依個「本地一成食用魚供應」比香港市民嘛~!!
課程時間表及內容：
- 開展日期：2024年4月1日至 2024年 9月30日，為期 6個月
- 每星期 3天 (每天工作時間為 0800-1200, 1400-1800)
- 地方：西貢榕樹凹海魚養殖區 - 本土養殖養殖場
- 報名方式：將個人履歷表 WhatsApp 至 6573 6227
- 課程費用：出席率達到90%者，全免。但學員需先預先繳交港幣 30000作課程按金，如學員出席述達到90%以上，可於課程最後一天獲全數退回。如出席率不足90%者，會扣取部份按金以作為罰金。（詳細見招收條件 3b 及 3c項）
招收條件：
1. 課程只供「有志全職投身養殖漁業人士」。
2. 有意選讀的學員及旁聽學員都「必須提交真實個人資料及背景」作本土養殖團隊審批，最後取錄權於本土養殖一方，本土養殖亦無額外交代原因的責任。
3. 由於課程並沒有任何資助、並以「為養殖漁業發掘新血」及「為弱勢社群生命拓展、逐步建立小社群」為舉辦重要目的，資源絕對緊絀，敬請學員報讀前務必先詳細考慮，並接受課程的「課程規條」及「課程指引」，虛心學習，非誠勿擾，切勿浪費僅有資源。
3a. 學員於課程內 「出席率不足」「無故曠課」「欠缺積極」「屢勸不改」「違抗課程指引」等等，均會被主辦方 停學、甚至停學，最後決策權於本土養殖一方，本土養殖亦無額外交代原因的責任，亦不設上訴制度。
3b. 被取錄學員將會收到一份「課程規條」，詳細罰則已例明在內，已取錄的學員於繳交課程按金前必須先了解罰並同意則內容，最後決策權於本土養殖一方，本土養殖亦無額外交代原因的責任，亦不設上訴制度。
3c. 課程費用全免，但學員須要於收到取錄通知後十個工作天內繳交港幣三萬元作課程按金，三萬元課程按金將（先扣除3b條款的罰款後）於課程最後一天全數歸還。
4. 學員必須理解課程為全職課程，課程設定為「專業牲口營運模式」，課程期間「只設極少時數的病假及事假的機制」並會嚴格執行，出席率不足絕對會有被勒令辭退的機會。
5. 報讀學員必須有刻苦耐勞的心態，準備迎接未來克苦而意義重大嘅漁民生涯。
6. 報讀學員必須心存感恩、善念，對弱勢友善、對大自然友善、對萬物友善。
