10/06/2026
成日聽人講「退化性膝關節炎（Knee Osteoarthritis）」，係咪以為淨係老人家嘅事？
依家好多三十幾歲、熱愛行山打波嘅朋友，個膝頭一照 X-Ray 已經見到骨刺（Osteophytes）同關節空間收窄（Joint Space Narrowing）！
今日煥康同大家用幾分鐘拆解退化病理，睇吓點樣用科學方法幫你「護膝」！
🧬 一、退化性關節炎「病理真相」
膝關節表面有一層關節軟骨（Articular Cartilage），佢冇神經線，亦無血管供應營養
當軟骨受到長期不平均的壓力，就會開始磨損、變薄：
• Grade 1（疑似）： 軟骨表面出現微小撕裂，X-Ray 未必睇到明顯變化，但運動後會覺得關節深層酸痛
• Grade 2（輕度）： 骨刺開始形成，關節間隙輕微變窄
• Grade 3（中度）： 軟骨嚴重磨損，關節間隙明顯變窄，骨頭之間開始摩擦，引發滑膜炎（Synovitis），關節積水、紅腫
• Grade 4（重度）： 軟骨基本消失，形成「骨撞骨」（Bone-on-bone），關節嚴重變形（e.g. O 型腿）
⚠️ 二、點解會提早退化？睇睇「生物力學」成因
除了年齡同基因，最致命的是【下肢排列失衡（Malalignment）】與【代償效應】：
1. 髕骨軌跡錯位（Patellar Maltracking）： 正常情況下，菠蘿蓋（髕骨）應該在一條軌道上平滑滑動。如果大腿外側肌肉太緊、內側太弱（VMO無力），菠蘿蓋就會偏向外側磨損，提早引發退化
2. 足弓塌陷（扁平足）： 腳底無力會引發「連鎖反應」：足弓塌陷 ➔ 脛骨內旋 ➔ 膝關節內翻，令到膝頭內側（Medial Compartment）承受超過 70% 的體重，導致單側軟骨極速磨損
🛠 三、復康方向
好多人痛就去拉筋、或者一味靠食補充劑，但軟骨一旦磨損係不可逆轉嘅。臨床上適當嘅「運動療法（Exercise Therapy）」先係應對退化性關節炎嘅第一線核心治療
康復三部曲：
1️⃣ 臨床治療（消炎、減壓）
• 利用 儀器 促進深層組織修復，降低滑膜炎引發的腫痛
• 進行 關節鬆動術（Joint Mobilization），增加關節液流動，幫繃緊的關節「減壓」
2️⃣ 調整生物力學（Dynamic Alignment）
• 評估髖關節、足踝，胸椎肋骨同骨盆嘅排列，透過手法治療釋放繃緊的肌腱（如：外側髕骨旁支Retinaculum、ITB 髂脛束）
3️⃣ 神經肌肉控制（長遠避震）
• 閉鎖鏈運動（Closed Kinetic Chain Exercises）： 在安全角度下，鍛煉股四頭肌（Quadriceps）特別是內側廣肌（VMO），穩定菠蘿蓋
• 臀中肌（Gluteus Medius）訓練： 穩定骨盆，防止行路或跑步時膝關節骨盆下陷，減少內側關節面的壓力
💡 SOS：
治療不應該單純「止痛」，重點係透過重新調整你身體力學架構！
如果你行路膝頭kick kick哋、或者上落樓梯力不從心，歡迎 DM 煥康進行評估，防患於未然！
#退化性膝關節炎 #骨刺 #軟骨磨損 #膝關節退化 #運動治療 #物理治療 #痛症 #痛症治療 #按摩 #葵芳 #運動 #煥康運動及物理治療
