St. Louis School Athletics Team

05/06/2022

明天學界
加油集氣區

09/07/2019

大家以姚教練為榜樣，以定義最快為目標

追逐更快？乾脆定義「最快」！
15年紀錄一朝改寫，
撼動世界，「香港最快」是她

08/07/2019

熱烈祝賀本校田徑隊教練姚潔貞打破香港女子馬拉松紀錄！

31/01/2019

30/01/2019

港島及九龍地域中學校際田徑比賽（第三組別第一區）今日進行各項決賽，最後以221分獲得全場總冠軍！

30/01/2019

中學校際田徑比賽（第三組別第一區）上午賽事完結，暫時以171分排在首位。

01/01/2019

23/12/2018

2018 Christmas camp highlights

https://youtu.be/y7tT79vxKU8

https://youtu.be/JuAhIcipQ4Q

https://youtu.be/2v9FjKquI04

https://youtu.be/qA8Izp9orY4

https://youtu.be/UWq84r_QOlY

https://youtu.be/RMhIGdqsQTk

23/12/2018

23/12/2018

To St. Louis School Athletics Team:

其實debrief果陣好多野想同你地講/分享，講我就唔得喇，打出黎我都仲ok。

又一排冇見大家了，琴日落track練，見到有啲人都有唔少進步，張偉傑，盧元浩，澤鋒，楊修，陳楊，Ng Alvin...可能大家自己唔覺，但旁人(姐係我呢啲幾個月先見大家一次既人)，你有冇進步其實我好易睇，我想講既係，運動特別係跑步，沒有奇蹟，只有累積， Ping Fung Lam 炳鋒話齋，每次練習都改少少改少少，進步已經喺當中。

第一個大問題(我覺得)係大家爭咁樣野，就係團「火」！你可能見我平時嬉皮笑臉，hea下hea下咁，但我對自己既練習，比賽係好認真！老實講，下場比賽跑幾多，一早心裡有數，好似我對上一場全馬比賽，我個目標就係sub3(3小時內跑晒42.195km)，每公里要跑幾多；5k應該係咩時間；10k咩時間；半程咩時間，全部都係跟住plan去走，所以出錯機會好少。全馬如是，800/1500/5000如是，練習既數據，就可以幫你諗定比賽計劃，大概完走時間。點解我咁講？因為我覺得有啲人根本唔知自己做緊乜，落到場人跑你就跟住跑，跑完？哦又完左一年比賽。你上線果陣都睇死左自己唔得，咁我想問你練得咁辛苦係做乜Ｌ？

記住，冇人能夠睇小你，除左你自己！

姐係好似盧元浩咁，人地話你廢，話你果套唔得，你咪努力啲用行動證明比我地睇囉，我相信如果你係跑到有成績，有keep住進步，應該冇人會有聲出。（不過你又好似證明左幾次都失敗喎😉）

第二樣野，琴日我就同個fd出左去練長課30k，雖然好曬好熱好辛苦，但最尾都頂左28k番黎。好似Manson Kwok個行家咁，佢一黎到我房，就問我：哇乜咁多啊sir黎幫手既？我話其實得一個係啊sir，其他都係校友，佢都即刻o晒咀：下，咁鬼得閒既，唔洗番工架？徐志堅果間張振興都係一個教練一個老師搞掂，我地做多人地咁多，冇理由人地得我地會唔得。各位隊員我想你知道既係，其實好多人幫緊你地，我住太古做乜特登走咁遠入黎姐，來回都3粒鐘，再晒多成粒鐘出呢篇冇乜人睇既文，做咩姐，我打下機唔好？其實係你地影響左我，我想睇住你地進步，如果我教過既一班隊員可以升上D1，我真係會好開心。多啲請教下人，D1跨欄冠軍王珞僖都係主動whatsapp香港欄王張宏峰請教。

記住，老鬼幾多人都好，我地只可以從旁協助你，最後落場上線果個都係你。

第三樣野，你班友成L日都話呢度痛果度痛，我唔知你係真心痛定唔想練，得你自己先知，但係唔該你諗個辦法解決佢，我跑左6年，中間都有傷患，但我而家都冇晒事。你唔去搞佢，佢自己係唔會好。番屋企有冇拉多啲拉筋？浸熱水？冷敷熱敷？都係唔得有冇諗過出去搵物理治療，針炙各樣野睇睇佢？落到場人地話知你骨折甩臼，冇人會跑慢啲就你可憐你，贏左就係贏左。

第四樣野，係Yau Siu Wah帶出黎既，今朝發生左件事，分兩組既體能遊戲battle，因為有隊其中一人未能做到指定動作，而被隊友唾罵。丘華想分組玩遊戲既原因，係想大家互相扶持，邊個盲跌就扶下佢幫下佢，唔係話佢廢。好似我隊小學閃避球隊咁，一開始又係不斷互相指罵，我就叫大家都啲鼓勵隊友，雖然小學生最後變左係又讚唔係又讚，亂咁丟都話good try，咁但係大家都玩得好開心好團結，起馬好過不停揾戰犯。

最後送首我好鐘意既歌比你地，同我講過想退隊既人，我想你知道，你唔係Alone，你辛苦時大家都辛苦，D2D1仲辛苦，好似隊長Lok Tin Wu咁講，珍惜下你啲隊友，田徑隊唔係你一個人既事，你走左，可能有人又唔想跑，大家都咁努力堅持既時候，你可唔可以都比多兩錢肉緊？中學連田徑隊都冇既我表示好羨慕你地可以一齊去camp一齊向住同一個目標努力。下次唔知幾時再見，希望又有些少進步啦！

What doesn't kill you makes you stronger!
Li sir.

My debut album, “Different World" is finally out! Check it out here: https://lnk.to/AW-DW-Album Listen to ”Alone” on Spotify: http://bit.ly/AlanWalkerAlone L...