28/08/2026
危機意識⋯呢四個字，我從來無正面直視過。
但這些年，我一直都在同呢四個字
拉扯、對抗、博弈🫨🫨🥹🥹
12月報旅修，訂了渡假酒店。問🙋♂️「去唔去」
佢話：你每個月都返唔足工，冇危機意識咩？
Oh my god。我呆咗＜咁新鮮嘅，未聽過＞
我，到底有冇危機意識？
我有🤣甚至講，係太過有危機意識。
自出社會嘅工作歲月，就活在呢份警覺之下。
只係外人眼中，今日嘅我，
好似已經放下、好似無憂無慮。
每個月短暫離開香港，獨處，看看自己內心
暫時逃離呢四個字帶來嘅束縛。
陌生嘅城市，剝掉所有身份、責任、期待，
短暫嘅，只做返最原始嘅自己🧘♀️
由2017年，獨自經營瑜伽這份事業開始。
越做越身不由己，無形被牽著走了好遠。
危機意識就從來冇離開過我。
清楚知道「花無百日紅」嘅道理；
提醒自己，有得做就要做，唔好理所當然；
深深明白，擁有的能力、人氣、機遇，隨時會無。
走到2023年，迎來一波又一波的衝擊，
處處都是危機😄
2023‑2026，人生最難捱、最消耗嘅日子🫨
好多孤獨、掙扎、咬緊牙關嘅時候，自己知道。
＜還好我練瑜伽，挺過來了，好孤獨哦🤣＞
直至2026年，租約期滿👏👏
放下經營接近十年嘅瑜伽工作室。
回頭望過往這段漫漫長路，縱然滿是風雨，
內心是滿意。至少全力以赴過。
我可以失敗，但必須是全力以赴的失敗。
我真係好努力，亦都承認自己何其幸運。
千祈唔好以為，而家嘅我喪失咗危機意識。
依舊時刻衝破固有嘅框架，唔讓自己停下脚步。
只不過，現在的危機意識，
已經不再綁死在經營、課堂數、工作室嘅生存上面。
而家嘅警覺，全部轉向內心。
放在自我成長，放在向内觀照，
放在好好善待、修復曾經耗損嘅自己。
我心底恐懼，如果沉溺在舒適區，
人會慢慢鈍化、麻木，慢慢失去感知世界嘅能力🥹。
雖然年紀唔係乜，但世事無常，
我40++，唔係人生退場嘅序章，
反而係最適合好好重建自己嘅黃金時刻👧。
好多人看見我外在的從容閒散，
卻看不見我內心從未熄滅嘅警覺。
只係我，終於重新書寫，
屬於我自己版本嘅「危機意識」。
🩵🩵🩵🩵
#危機意識 #正面撞擊 #瑜伽心路 #四十加成長
