RoyTam W.S.

23/10/2025

人生唔怕兩個「無料到」。

「無料到」：開始時一定沒什麼成績成效。多學習多跟前健請教。

「無料到」：很多遇到的問題都是沒猜想到，難題和機會都會隨之而來，學懂對的心態應對，找對的人執行。

二寶爸同你講：有能力有機會，就要衝向夢想！
開頭無成績好正常。 唔好灰心！多學多問，搵前輩請教，儲夠經驗先有進步。好多謝咁多巴打照住我，睇住我操練🙏🙏🙏

難題同機會一齊來。 追夢路上，難關總意想不到，但機會都係咁出現。保持積極心態，搵啱隊友一齊搏，就能化險為夷！

學識點樣分時間同壓力。 拎我做例：每日朝早做物流，中午到夜晚教健身，備賽時仲要做業餘運動員，好似番第三份工咁。全日忙備餐、訓練、教課，仲要搞掂屋企大小事。

我嘅方法：調節心態，安排好時間，用好資源，譬如導師嘅建議、備餐計劃同屋企人嘅支持。當我能力許可，我係唔會猶豫去上「線上」「線下」課嘅，因為人地一兩句已經可能講左你操左一兩年嘅問題出黎。青春有限，課金為先😀

信自己可以捱得辛苦！ 能力未夠？用多一倍時間補！天賦唔突出？靠努力改！喺節奏咁快嘅香港長大， #練嘅就係堅韌嘅心。縱使賽場折戟，僅輸一時之爭；真勝，源自心海，自我超越，輝映人生。 #屯門 #健美 #健身 #健身教練 #油尖旺 Tamy Tam

06/10/2024

https://www.instagram.com/rtfitness.gym/profilecard/?igsh=MXZmMnQ1ajJ2NHdkaQ==

分享學生實例IG 🔥🔥🔥

21 Followers, 31 Following, 25 Posts - See Instagram photos and videos from RT FITNESS (.gym)

02/10/2024

繼續努力

21/10/2023

本身想整下Ai長輩圖，但發覺應該無人睇，
所以再打下潮文先。

人老左想實踐既事更多，好想盡力做好每件事，唔再係單純滿足慾望。

人一生會死三次。

自己離去，錢帶唔走希望遺憾都一樣。

身邊既人慢慢離開，記得自己既人慢慢消退。

最後記得你既只有記錄，請好好珍惜每一刻製造回憶創造歷史既機會。

今日涼左大家多添衣裳。

20/10/2023

😂個背仲要時間攪攪佢。

19/10/2023

文筆唔太好，寫下潮文仲可以。

91kg => 67.5kg

結完婚生細佬就漲到波咁，講到好似我生咁。我好多謝我老婆一直都由我任性，遲就遲左開始，不過我會繼續多方面做好d。

兩年鬆去努力唔想放棄自己，去搵專業人士幫拖，但人生要處理既事太多，每想進一步就多一件事攪，又屋企人離開又撞幾次車。
正常第個師傅早就彩你有味，你條粉腸真唔真啊，又話要比賽又盛，check in 篤屎咁。不過我好彩遇到個唔放棄我責任感爆燈既cfu。

所以跟教練一定要老老豆豆，作息點平時點食野一定要溝通，等專業幫你。

我最初係零晨三點鬆做到下午三，晚上一兩節堂，另外一兩日教下社區中心中學咁上下。
之後賽前一年鬆早四半，中午收，晚上再教下野咁。依幾年好多謝咁多學生一直支持到我現在，我會係更專業更設備齊全既地方繼續幫大家完成目標。

讀書成日自己煮，做野少左煮有機會先煮，不過我覺得健身好，健美好都要用文火😎
要時間沉澱下個思路，要計劃，要有目標先開大火衝，打拳我領過野，養和見😂

問我的話我心態就只係要做，排次序屋企第一第二都唔係健身，只不過習慣左做一樣有益既事，切記唔好故步自封，要進步。每一日都進步過往日，縱使係改一個簡單既壞習慣都好。

如果我做到，香港人真係無邊個做唔到。
我唔會停，有能力就一直做到做唔到。

祝願cfu Pro賽取得好成績，享受過程體會更多🔥🔥🔥

同埋R贊助有沒有，支持中年人🤡。完。

#增肌減脂 #大西北 #零晨組 #屯門 #中環 #西環 #運輸佬 #中坑大改造