永恆足球會『Eternity Football Club』

永恆足球會『Eternity Football Club』 永恆足球會成立於2013年6月30日；歡迎任何足球隊相約友賽

車路士永恆足球隊(Chelsea Forever Football Club)

本隊起初由一班車路士球迷在2013年6月正式成立，第一次踢波活動2013年6月30日正式展開，之後也有比賽、訓練以至集訓。車路士永恆足球隊由初期希望做到以球會友及秉承車路士鐵血藍軍的精神在球場上奔馳以快樂足球為本隊的目標，直至在2014年頭重組後，確立我們以一支以青年人為核心架構的球隊，而且分開不同梯隊性質也不同，目標也不同。現役球員年齡層為14歲至35歲，但青少年球員比較充裕。為了以未來發展及培育為主，我們以大帶幼的模式進行不同比賽。車路士永恆足球隊且於2013年12月正式註冊為合法社團。

永恆意思：
永恆往往意味着存在於無限時間之中，許多人用它來指存在時間之外的完全永恆。希望我們的永恆能像永恆這字一樣，無論逆境、順境，永恆也會繼續可持續發展下去，創造一個又一個永恆的傳奇。

球會創立至今的盟友(排名不分先後) ：
阿仙奴專頁球迷隊
香港多蒙特官方球迷會
曼聯聯盟
香港曼聯球迷隊
曼聯新聞球迷會

24/08/2018

「扎根也許是人類靈魂最重要也是最為人所忽視的一項需求。」 - Simone Weil

係1943年，姐係75年前既今日，法國哲學家Simone Weil餓斃倫敦街頭，享年34歲。

係現今物質豐富又有社區安全網既香港，基本上唔會有市民因為各種原因餓死街頭。物質生活得到滿足，但精神生活上，又有幾多人得到滿足？

尤其係面對我地既下一代，當我地好努力咁改變佢地令佢地迎合呢個社會，做一個有用既人既時候，有幾多人係切身處地係佢地既角度出發，思考呢啲野係咪對佢地真係好既呢？

人既未來係多樣性既，冇話每一條路都岩，亦冇話得一條路係岩。我地為佢地指引既，可能係一條冇錯既路，但如果佢地有自己既路想行，我地又係咪應該尊重番佢地既決定，令下一代可以憑自己既思維引領佢地邁向將來，當面對困難既時間都可以憑自己既能力去解決，而唔係怨天尤人呢？

我地擁有個出色既環境，但係全球化之下要令到下一代有能力應付外敵入侵，就要令佢地擁有外敵冇既特質。

04/05/2018

現金社會既學校，就好似係一間工厰一樣流水式咁灌輸知識去成就下一代。呢種由工業革命引申出黎既教學模式相對於現今而言可謂遠遠落後，尤其對於青少年既男仔黎講，佢地需要活動既空間同透過不斷既模索去完善自主學習既能力，偏偏呢種做法就會被標籤為「曳」、「唔聽教」。

男女體內激素既唔同令男仔唔可以好似女仔咁坐定定嚮到聽書，因為呢種學習既模式從本質上有違男仔既天性，到最後因為係學校得唔到正面既回饋，又被標籤成為問題青年，久而久之令佢地遠離學校，亦係成為邊緣青年既一個原因。

足球，從來都唔係只係一項運動咁簡單。最起碼透過呢個平台，可以令男仔用佢地既天性慢慢學習，以呢個渠道慢慢引導佢地成長，回報呢個社會。

02/05/2018

「現在男人越來越像女人，女人只好揭竿而起，越來越像男人」 -- 中國童話大王 鄭淵潔

「“超女”選出來一個男的，“好男兒”選出來一個女的」 -- 作家 韓寒

係呢個社會，男同女既性格特徵越黎越模糊。男仔越黎越柔弱，女仔越黎越陽剛。由石器時代開始，男性既體力同運動能力都比女性黎得更高，踏入千禧之後既新一代有更明顯既改變。

造成「中性化」既原因有好多，有人甚至會認為之後男女性別會調轉，亦有人認為之後會得番一種性別，在此唔多作猜測。但依加面臨既問題係當黎緊呢一代男孩冇被培訓成為一個有責任心有承擔能力既一代，當佢地長大成熟之後又係咪能夠承擔得起我地個社會延續？

當然，下一代既世界由下一代去創造，佢地有佢地自己既選擇。佢地既選擇，我地唔應該去干預。

30/04/2018

「人們看不慣男子漢的軟弱，在任何時候都不能表現出脆弱的一面，所以他們在兩歲以前就能壓抑天性與本能」 -- 英國精神病學家 Sebastian Kraemer

「男孩很快便學會隱藏自己感覺並閉口不提自己的恐懼。所以男孩只能用自己有限的情感資源去處理生活中的衝突、逆境和變化。」 -- 美國心理學家 Dan Kindlon

自古以來，呢個世界都係汰弱留強、弱肉強食，咁樣我地先可以透過不斷進化去維持自己既競爭力。為下一代做足保護對佢地既發展百害而無一利，只有引導佢地用自己既能力去解決問題，慢慢擴充佢地既資源庫同技能，先自令佢地可以面對到逆境。

係戰場上面，唔會因為你飽讀詩書而有特別大既優勢，只有身經百戰先可以百毒不侵，成就更加強大既自己。

當然，如果一個人無自己既道德底線無自己既原則，再強大只會遺禍萬年。所以道德教育係社會上必不可小既。但何謂道，何謂德，幾時先會有較為正義又統一既答案？

28/04/2018

「學校重視寧靜，鼓勵沉默聆聽。教師的職責在於令學生遵守規則，如有違反就要多加懲罰。」 - 美國教育學家 杜威

事實上，大家都知道每個人既性格特徵都唔同，世界上冇完全相同既兩個人，同一隊波唔同人有唔同既踢法，我地應該追求既係令到球員遵重自己既意識同獨特性去踢出屬於自己既足球。

細個讀書要求聽聽話話，大個出到黎就鬧佢地冇批判性思考，成件事錯哂。批判性思考係唔會失驚無神出現，同其他技巧同意識一樣係需要由細開始培養，需要時間去實踐。

尊重每個人既獨特性而唔係獨沽一味去灌輸我地想佢做既事，最後培育出黎既下一代先可以最大程度咁保留佢既創造力。

有部份人係適合填鴨式教育，係行動派既一員。但唔代表呢個社會大部份既人都適合呢種學習模式，而足球正正提供左一個適合既平台比唔同既人去磨合去學習。

對香港既未來，仍然充滿希望。

剛剛過去的星期六， 踢了一場盃賽分組賽雖然比數並不理想， 大家表現也值得稱讚， 尤其對住對方粗暴的動作依然保持冷靜
17/08/2016

剛剛過去的星期六， 踢了一場盃賽分組賽雖然比數並不理想， 大家表現也值得稱讚， 尤其對住對方粗暴的動作依然保持冷靜

星期六加插了一場友誼賽，結果並不完美。在這場比賽之後會反問踢左三年幾大家有乜得著？目標係乜？團結、鬥志、係乜？前路如何，只能靠你地自己覺悟
08/08/2016

星期六加插了一場友誼賽，結果並不完美。在這場比賽之後會反問踢左三年幾大家有乜得著？目標係乜？團結、鬥志、係乜？

前路如何，只能靠你地自己覺悟

在星期六，我們踢了7月份第6場比賽，大家表現不錯
02/08/2016

在星期六，我們踢了7月份第6場比賽，大家表現不錯

尋日6月30日，係我哋永恆成立3週年既日子極感恩可以陪同大家一齊成長陪住大家成長係一個好難得既過程，永恆帶比大家既野都唔一樣，感謝一路走來，始終向著正確既道路成長。因為你地既不離不棄，造就左今日力爭上游既永恆一代。走過三年，殊不容易。未來日...
01/07/2016

尋日6月30日，係我哋永恆成立3週年既日子

極感恩可以陪同大家一齊成長陪住大家成長係一個好難得既過程，永恆帶比大家既野都唔一樣，感謝一路走來，始終向著正確既道路成長。因為你地既不離不棄，造就左今日力爭上游既永恆一代。

走過三年，殊不容易。未來日子，還期待眾將攜手闖出屬於自己既一片星空。

週末永遠都係我哋嘅時光，能夠一齊踼波就係大的恩賜
14/06/2016

週末永遠都係我哋嘅時光，能夠一齊踼波就係大的恩賜

星期六進行了聯賽次循環的首戰，多謝各位球員的努力
07/06/2016

星期六進行了聯賽次循環的首戰，多謝各位球員的努力

赢、輸重要嗎？團結、成長更加重要，前路大把路行，繼續加油吧！
22/05/2016

赢、輸重要嗎？
團結、成長更加重要，前路大把路行，繼續加油吧！

Address

Hong Kong

Telephone

+852 62572577

Website

Alerts

Be the first to know and let us send you an email when 永恆足球會『Eternity Football Club』 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category