09/05/2025
尼一年Venualts默默地進化🦾
由訓練班變成男、女子排球隊啦🥳
而球隊都漸漸變得成熟，每位球員都願意付出🙌🏻
一齊共同建立屬於自己既球隊名稱、球隊logo 同埋球隊波衫🤘🏻
介紹反~我哋係 「浩凝」🏐
((浩凝之氣 心會神凝🤪))
黎緊我地會將球隊呢一年既一點一滴同大家分享🎞
首先當然要介紹下我地既成員先啦!
Marco
Marco雖然身高唔算好突出 (其實係全隊中最矮嗰位), 但佢都好努力去擔任做後二嘅位置, 又時不時客串吓Setter位置, 佢都好享受每次做後二同做Setter嘅時刻。佢仲有另一個身份就係男子隊嘅隊長, 身兼數職, 上至關心社群, 下至振奮士氣, 都係佢一項深藏不露嘅絕技。大家一齊感受吓由隊長所帶嚟嘅溫暖, 呵護備至嘅感覺啦~ 希望大家鍚住呢個隊長!😉
CHRIS
CHRIS係一個唔成熟有帶點飄忽ge setter，雖然升波球技好似渣古嘅準星咁唔定，但佢唔會輕易放棄，用佢嘅鋼鐵意志去會不斷揾方法去進步，為其他隊員創造最自由嘅路線。
Jorris
最癲嘅一件事：1 天打8 小時🏐
自細接觸及參加不同球類運動比賽⚽🏀🤾，因為疫情去左打沙排，而開始接觸室內排球，之後一直堅持學波及改善技術；最喜歡與一班認真打球的人一起追逐共同目標、一起鍛練，一起認真練習改善技術，追求更高的水平。
YM
YM 球齡相對下無其他隊員長，對排球的走位同陣式亦在摸索，正正就係處於經驗較淺既階段 亦都係抱住尋球進步既心態，從其他隊員身上學習。其實由一開始想輕鬆跟訓練班練波，到誤打誤撞入左黎浩凝認識到一班新朋友，呢種生活上既新衝擊亦為平日喜愛上班既YM帶黎新的樂趣。估唔到三十歲仲陪住自己既運動係廿幾歲先接觸既排球。
