08/07/2024
🙃有人講下都好，不嬲都係咁。
細會冇資源，有學生教到去比賽都畀其他大會搶人。
由自己比賽到，今時今日帶D學生比賽都係咁🥳
有片︱
旗下9歲泳手參加錦標賽被拒
方力申再轟泳總制度僵化
扼殺香港泳壇人才培育
不忿被聲明抹黑
“話晒我曾經為港爭光
呢啲真係好難忍”
=================================
▶影片link放留言
前香港游泳代表的 #方力申，退役後投入演藝界，六年前與拍檔投資開設游泳學校，日前他在社交平台發文，提及旗下泳會一名表現優異，達到游錦標賽成績的9歲男童，因「泳會級別不夠高」，因此不能參加今年2月舉行的分齡 #錦標賽。
_
#中國香港游泳總會 日前就此事發聲明回應︰「不存在打壓任何一個屬會的說法」，今日方力申再在社交平台，以千字長文還擊。
_
方力申稱︰「據我所知，泳總入面有三種泳會，正式屬會，觀察屬會和競賽屬會。我和拍檔合辦泳會至今已有六年，一直以來都知道我們只是泳總屬下的『 #競賽屬會』，即是在總會內是沒有投票權及租用康文署泳線的權利。我一直以為我們『小泳會』只是不能分享資源，不能租用水線練習，但是土生土長的運動員連比賽都不能參加，我真的震驚了。」又說︰「我真的怒了」。
_
今晚他出席何雁詩與鄭俊弘發起的「天使綜合症慈善演唱會」，再被追問泳總的回應及當中制度，方力申仍感氣憤︰「基於我哋游會級別屬最低『競賽屬會』，有條例寫住咩賽事都可以參加，除錦標賽！因錦標賽要計分，聲明亦有講到話因資源有限，所以不能畀呢啲『競賽屬會』選手，就算達標都不能讓佢哋參賽，但我作為運動員出身，你要推廣游泳，培育人才，正正就係個小朋友游得好嘅時候，你無理由唔畀佢游。」
_
方力申眼見一位潛質泳生，在僵化制度下失去競逐機會，他努力為那9歲學生爭取到底，「可以好似我提議，唔好計分都畀佢游，甚至唔畀獎牌佢都得，但你作為總會，你唔係提攜人才咩？呢啲泳會唔得，咁有冇上一級機制？有，但唔透明，要上面一級退會，你先可再申請，而一年只得一次審核，咁就有機會。到時蚊都瞓，唔係無機會，難啲囉！
_
他口中所說「等到蚊都瞓」，機制是這樣︰「等人退會嘅難度，等如我中五開始無打桌球，但我桌球櫃仍然保留，年費150蚊，我仲係畀到今日，都係霸住。可想而知要屬會走幾咁耐，而家又話游泳要精英化、產業化，但如果仲係咁多制度唔透明的話，好難做得更加好。」
_
他最嬲是泳總的聲明，除一味搬出制度，沒有正視問題，還感到疑被抹黑。
「我嬲嘅地方係份聲明全部都係講緊個制度，但佢無解答，佢唔畀個小朋友游(比賽)，係扼殺佢機會，佢係你屬會泳手，比賽中游出佳績，你竟然唔畀佢比賽，亦冇方法令佢比賽，除非轉去其他會！
_
「咁即係34個，包括我在內嘅競賽屬會，唔使搞訓練，淨係教游水算。唔係應該多啲屬會訓練多啲人才出嚟，咁先多啲精英出嚟，咁34個游會係咪要刪除訓練，最無助係呢樣。
_
「我一路都知呢類屬會唔可以租康文署嘅泳線，唔緊要！我唔攞資源，但冇諗過亦冇查過，原來連比賽都唔得，好無奈。我冇線又點樣有泳手呢？到我有泳手，唔單止唔畀線我，連比賽都唔得，無助之餘我惟有尋求協助，但總會嘅回覆，喺最後兩句仲好似話我喺度搞事，我梗係嬲！話晒我曾經為港爭光不少，為總會服務多年，我咁有心為件事好，大家明眼人都知咩事，仲出口話我好似抹黑佢，但似乎係佢抹黑我喎！呢啲真係好難忍。
_
他直言，教游水並非他正職，所以更加豁出去，敢於發聲要求泳總正視問題！「始終游水唔係我正職，我最多唔搞游會或訓練嗰part，我都可以！所以我先要佢哋正視呢個問題。」
_
他相信大眾的輿論壓力，對事件有一定幫助。「總會屹立廿多年，如果知道今日有咁大輿論壓力，當初可能就唔會咁輕視我一個建議，感激大家替呢位小朋友不值，及其他屬會不值，相信經過輿論壓力，件事有改變。」
_
如發聲無效，他惟有割愛，安排那位潛質泳生轉會。他續說︰「小朋友下一個錦標賽就係11月，如果要轉會的話，係8、9月嘅事，所以呢段期間或之前就要幫佢作一個決定，我希望未來呢個半月有改變，令佢可以喺我個會都可以參加比賽，如果唔得就幫佢轉會，轉去我啲前輩或朋友屬會，佢媽咪暫時都表明跟返我哋嘅教練去游。」
_
他說9歲泳生的家長，一度擔心會否影響孩子將來在泳界發展，「佢家長都曾經擔心過，件事到如今鬧到咁大，會唔會影響佢日後發展，唔選佢！咁我同佢講，唔會嘅，咁多人撐你，最後都係用成績說話，將來有咩問題，我仲喺度。」
_
發聲預咗得罪人，問方力申有否作最壞打算，旗下專責訓練錦標賽的team，日後可能要解散？方力申說現有議員介入協助︰「咁我冇諗過，我哋泳隊好細啫，得十幾人。如果真係冇改變，咪介紹佢哋去其他泳會。我絕對繼續爭取，以及泳界已經有唔同聲音、建議，陸續私訊我。何敬康議員都好關注件事，聯絡我收集更多建議，希望幫到個體壇。」
#娛壹
![[元旦冬泳] 2024今年一月一水唔凍🥶但係啲海水鹹咗?🫨小🐳落水至終點就不停講好鹹🫠一年黎都係泳池練同比賽。游海灘係每年第一個新挑戰💪 #元旦 #冬泳 #黑鯨 #游泳 #渡海泳](https://img4.gyms1.com/486/452/806068424864524.jpg)
