藍橋球衣說往事

藍橋球衣說往事 同大家傾下波衫傾下波經 輕鬆吹下水～ 以球衣會友 版主係車迷 收藏都係車仔/車人波衫～
歡迎各位球迷朋友支援交流
同時小編都係香港隊球迷～都不時入場睇香港波～
We are the Hong Kong Boys !!! 🤟🏻🤟🏻

被球會接近放棄，下放到青年軍投閑置散嘅Paez傳聞近期嘅態度有所好轉獲得喺青年隊上陣嘅機會由當初以超級神童之名加盟到因為態度問題喺史堡、河床被棄用相信佢都知道自己嘅問題喺邊度未成名就一晚晚去蒲夜店 真係未紅先驕嘅表表者其實Paez先係19歲...
17/09/2026

被球會接近放棄，下放到青年軍投閑置散嘅Paez
傳聞近期嘅態度有所好轉
獲得喺青年隊上陣嘅機會
由當初以超級神童之名加盟
到因為態度問題喺史堡、河床被棄用
相信佢都知道自己嘅問題喺邊度
未成名就一晚晚去蒲夜店
真係未紅先驕嘅表表者
其實Paez先係19歲 以佢嘅天份
肯修心養性其實仲唔遲
加油啦

毫無預兆地～ 尼圖同球會續新約去到2032年 喺夏天 相信好多球迷都認為呢一位葡萄牙人好大機會被賣走沙地 曼城都有為佢送上過報價但沙比由頭到尾都想留低呢一位以勤力見稱嘅翼鋒喺今季 尼圖被成功改造成翼衛佢嘅高速奔襲已經成為左好多閘位嘅惡夢希...
12/09/2026

毫無預兆地～ 尼圖同球會續新約
去到2032年
喺夏天 相信好多球迷都認為呢一位葡萄牙人好大機會被賣走
沙地 曼城都有為佢送上過報價
但沙比由頭到尾都想留低呢一位以勤力見稱嘅翼鋒
喺今季 尼圖被成功改造成翼衛
佢嘅高速奔襲已經成為左好多閘位嘅惡夢
希望你可以越踢越好 成為球隊嘅legend啦 🙌🏻🙌🏻

一開波入咗一球以為有個好嘅開局但係上半場陸續錯失黃金機會之後中後場接連失誤被人反勝今場波反映到球隊有好多不足嘅地方中場嘅防守力；前場嘅把握力；後防嘅集中程度都係唔夠對方好仲有面對死球嘅細節位可以講係機關算盡嘅對方都係俾我哋優勝不過對面係一對...
07/09/2026

一開波入咗一球以為有個好嘅開局
但係上半場陸續錯失黃金機會
之後中後場接連失誤被人反勝
今場波反映到球隊有好多不足嘅地方
中場嘅防守力；前場嘅把握力；後防嘅集中程度都係唔夠對方好
仲有面對死球嘅細節位
可以講係機關算盡嘅對方都係俾我哋優勝
不過對面係一對夾咗幾年嘅球隊
我哋就係新教練啱啱上任
需要時間磨合、了解戰術思維係好合理嘅
今場波踢落我哋其實唔係差對面好多
相信沙比嘅方向係正確嘅
繼續俾啲時間佢啦～
—————————
但係技不如人還技不如人
對面班仆街打MMA還打MMA
如果咁樣踢頭都可以唔紅牌
咁你玩埋我嗰份
如果第二個人我都相信係唔係蓄意嘅
但係加比爾案底字典咁厚
你話唔係專登我都唔信啦 💩💩
舊年已經保送咗corner FC一個名不正言不順嘅冠軍
睇黎今年又會送一個俾佢哋 🙂🙂

唔知係咪聽到大家嘅意見，由26轉返1 😂🤣
04/09/2026

唔知係咪聽到大家嘅意見，由26轉返1 😂🤣

誠實哥先借去水晶宮一年 下年再正式上車～ 佢將會同迪沙斯做隊友～（因為佢未正式上車，所以水晶宮係可以同時借晒兩個）呢位18歲小將已經為意大利大國腳 為國家隊踢過兩場波，亦係一名左腳中堅喺上季 佢一共為阿特蘭大上陣35次 攻入一球同柏利斯查一...
03/09/2026

誠實哥先借去水晶宮一年 下年再正式上車～
佢將會同迪沙斯做隊友～（因為佢未正式上車，所以水晶宮係可以同時借晒兩個）
呢位18歲小將已經為意大利大國腳
為國家隊踢過兩場波，亦係一名左腳中堅
喺上季 佢一共為阿特蘭大上陣35次 攻入一球
同柏利斯查一樣都係球隊嘅主力
唔知佢又可唔可以適應英超嘅打法呢

我地嘅前副隊長捷維爾都回流英超加盟水晶宮 見返我地另一位出租車迪沙斯 😂🤣
03/09/2026

我地嘅前副隊長捷維爾都回流英超
加盟水晶宮 見返我地另一位出租車迪沙斯 😂🤣

青訓前鋒Mhueka 先同球隊續約至2031年再借去蘇超些路迪呢位18歲射手喺青年梯隊嘅數據非常突出 超齡踢U21都有49場攻入25球嘅紀錄另外 佢都曾經為英格蘭U19上陣23次轟入16球希望蘇超嘅經歷可以幫到你！加油呀！
02/09/2026

青訓前鋒Mhueka 先同球隊續約至2031年
再借去蘇超些路迪
呢位18歲射手喺青年梯隊嘅數據非常突出
超齡踢U21都有49場攻入25球嘅紀錄
另外 佢都曾經為英格蘭U19上陣23次轟入16球
希望蘇超嘅經歷可以幫到你！加油呀！

曼城做衰仔，反而熱刺就做好人首先幫我哋以700萬鎊接左杜辛 😂😂再外借阿梅 轉會設有75m嘅非強制買斷條款杜辛踢到咁都仲可以有人比錢接貨 真係好難得 🥸🥸至於阿梅 就睇下佢嘅前教練迪沙比可唔可以幫到佢重拾狀態啦～ 熱刺宜家前面廢到咁 阿梅去...
02/09/2026

曼城做衰仔，反而熱刺就做好人
首先幫我哋以700萬鎊接左杜辛 😂😂
再外借阿梅 轉會設有75m嘅非強制買斷條款
杜辛踢到咁都仲可以有人比錢接貨
真係好難得 🥸🥸
至於阿梅 就睇下佢嘅前教練迪沙比可唔可以幫到佢重拾狀態啦～
熱刺宜家前面廢到咁 阿梅去到應該都多機會嘅 🙈🙈

老實講 小編對安素今次轉會係非常失望嘅由當初以1.08億鎊高價加盟小編係期望佢可以喺度做到legend做到傳奇不過佢位經理人柏斯托尼同佢本人就梗係唔係咁諗一直喺度扭屎忽，先係咁放風話想去馬德里生活皇馬同佢劃清界線後又話兒城夢 所以呢條友係真...
02/09/2026

老實講 小編對安素今次轉會係非常失望嘅
由當初以1.08億鎊高價加盟
小編係期望佢可以喺度做到legend做到傳奇
不過佢位經理人柏斯托尼同佢本人就梗係唔係咁諗
一直喺度扭屎忽，先係咁放風話想去馬德里生活
皇馬同佢劃清界線後又話兒城夢
所以呢條友係真係頗為麻煩同惹火嘅
當日幾次面對倒戈嘅Kai同曼治
安素對住佢地好似見到殺父仇人咁
又snake 🐍又狗🐶咁招呼對方
上晒身好似係忠臣咁樣
當日吹到咁把炮 你宜家咪又係做一隻曼城狗 💩
—————————
喺呢三年半 安素冇錯係由帶俾我哋美好嘅回憶
由當初懵懂嘅小伙子到成為球隊嘅副隊長
170場比賽 30球31助攻 一個歐協聯一個世冠盃冠軍
安素係絕對有功有勞嘅
但另一方面佢為左離開向球隊迫宮
成日跳草裙舞成日有麻煩嘅新聞出現亦都係鐵一般嘅事實
所以多謝可以，祝福就不了
希望你同曼城嗰條光頭人渣一齊仆街 💩
—————————
至於來季喺中場嘅人腳上
小編又覺得其實唔使加人住嘅
雖然，呢一個夏天係走咗幾個中場
上季恆常嘅三個主力 走咗兩個（安+山）
但係而家係中場都有五個人
卡些度 拉維亞 巴高 軒達臣 占隊
今季球隊只需要喺本土賽場作戰
如果阿朗素係主力踢343嘅話
其實用唔着咁多嘅人手
與其簽埋啲摩納哥垃圾
不如重點栽培吓另一位阿根廷中場巴高好過

呢個前場組合真係好好J 雖然係比數上4:3好似係有啲抆水但係觀乎全場其實我哋都係主導形勢嘅頭兩個失波都有啲唔好彩嘅成份喺度當然，如果中場嘅保護力可以再做得好啲就好不過而家冇咗C25 防中位置係有少少薄弱嘅除咗前場三子小編都想點名讚吓拉維亞呢...
31/08/2026

呢個前場組合真係好好J
雖然係比數上4:3好似係有啲抆水
但係觀乎全場其實我哋都係主導形勢嘅
頭兩個失波都有啲唔好彩嘅成份喺度
當然，如果中場嘅保護力可以再做得好啲就好
不過而家冇咗C25 防中位置係有少少薄弱嘅
除咗前場三子
小編都想點名讚吓拉維亞
呢兩場波佢雖然有啲沙石
但係整體發揮非常理想
尤其喺由守轉攻一環上
真係睇得出佢非常之有潛力
如果佢可以擺脫傷患問題
相信沙比係有能力幫佢更上一層樓
點都好，而家兩戰全勝兼入七球（不過失咗五球）
小編對今季嘅發展走向都仲係正面嘅
希望可以keep住個勢，下場對阿仙奴打一場爭氣波

Address

Hong Kong

Website

Alerts

Be the first to know and let us send you an email when 藍橋球衣說往事 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category