Cammie's Ylife

01/05/2026

01/04/2026

Take time and be with yourself
#太子瑜伽 #石門瑜伽

02/03/2026

#九龍瑜伽班 #石門瑜伽班 #瑜伽班 #香港

31/01/2026

2026年2月
唔經唔覺2026年已經過左一個月啦☺️
時間唔等人，好好把握
見步行步都不失係一個方向

#瑜伽 #瑜伽班 #香港瑜伽

31/12/2025

See you in 2026😌
#瑜伽 #香港瑜伽 #2026瑜伽班

28/11/2025

呼吸是橋 為我們連結外界和內在
回到呼吸 讓心安在

2025年最後一個月
讓我們繼續一起練習
#太子 #石門 #香港 #瑜伽 #呼吸 #瑜伽班

25/10/2025

2025年話咁快就去到11月啦！🫶🏻

從呼吸出發，如漣漪般由內而外覺察身心🌅

#香港 #九龍 #新界 #瑜伽班 #瑜伽 #基礎瑜伽 #瑜伽呼吸

18/09/2025

十月時間表
October timetable

星期三、五、六都有私人小組🌟
秉承”Yoga For Everyone” 着重建立自我覺察

歡迎私訊查詢報名🙏🏻

#小班教學 #瑜伽班 #石門 #太子 #石門瑜伽 #太子瑜伽 #香港 #香港瑜伽 #基礎瑜伽

19/06/2024

靜觀飲食
我本身係個好揀飲擇食嘅人，好多嘢唔鍾意食，而對唔鍾意食嘅嘢我係掂都唔會掂，其中一類係水果。話說前排開始留意到自己成日流牙血，皮膚又發炎，知道應該係缺乏維生素造成。心諗都應該要食返下水果，但又真係好唔鍾意直接放水果入口食，諗嚟諗去就試下用乳酪撈水果食。初時只限奇異果，慢慢習慣左接受，每日早餐都食佢。最近嚟加拿大旅行，呢邊啲藍莓好平，就買左嚟溝開下食，前題係我從來覺得自己唔鍾意食藍莓，我之其實係無真正食過，唔知點解總之覺得唔鍾意。到真正放粒藍莓入口個一刻，我發現原來真嘅藍莓係咁嘅味、咁嘅口感、咁嘅質地，原來佢唔乞我憎。
要表達嘅係原來一直以嚟好多嘅鍾意唔鍾意可能都係自己幻想出嚟，好多事情好似我嘅飲食習慣咁，往往都係試都未試就自己想像、假定左個樣嘢係自己心目中嘅形象，然後從來試都唔試、掂都唔掂。我諗到嘅原因有：
1. 聽人形容左，覺得唔係自己鍾意嘅嘢
2. 自細都有濕疹，試過食類似嘅嘢之後發作，以後死都唔肯再掂
3. 以前食過話過自己唔鍾意食，而家食返驚俾人串
4. 聞到陣味、見到個形、睇到隻色，就想像埋佢放入個口嘅感覺
可能仲有其他原因，不過好明顯全部都係無「正念」覺察體驗。一係用左人地個套落自己度，或者活係過去嘅回憶，再唔係就行一步已經幻想未來一萬步。
呢個領悟係我之前上靜觀，其中一個環節靜觀飲食個陣得到嘅，當時我要以靜觀方式食兩粒我好憎食嘅提子乾，最終我係成功食左，仲發現原來佢唔係我心目中咁難頂。我明白到嘅就係學習先放低對要食個樣嘢嘅既有印象，用心全面嘅去體驗食物嘅本質，由外到內，留意當下食物同自己嘅連結。至於食得快定慢，都視乎當下嘅條件許唔許可，唔洗咁執着，咬唔夠五十下又無人數你又無人罰你，是旦啦！
最後，鍾唔鍾意好多時都真係自己幻想出嚟嘅！

14/06/2024

同我一齊練習☺️
提升覺察能力
找回身心連結
紮根穩定舒適的身體
安定平靜喜悅的心靈

7月瑜伽班，歡迎查詢報名

10/05/2024

關於正唔正常？
好多時瑜伽堂時，學生都會問：「我咁咁咁，正唔正常？」當然包括我自己。
咩係正常？生得高正常定生得矮正常？手臂長過身正堂定短過正常？隻腳舉得高過屁股正常定舉唔到正常？隻眼大正常定細先正常？男仔鍾意女仔正常定鍾意男仔正常？……下刪無限字。到底係我哋心目中咩叫正常？
所以好多時上堂我都係叫學生「試下咁做」、「你可能可以咁做」、「如果你可以咁你可以咁」。當然有啲大方向嘅身體結構，我會好肯定咁同你講「理論上」係點點點。因為我哋係地球上嘅人類，有啲嘢係全部地球人都係一樣嘅。例如，你應該唔會有對翼，或者你條尾應該都退化左。咁如果你問我：「老師，我有多隻眼，正唔正常？」係現階段人類嘅角度，我會好肯定咁答：「唔正常！」
咁即係話「正唔正常」係要睇你用咩角色/角度去睇件事。所有你當刻嘅表現都係因果，因為我地以往嘅經歷，而形成當下嘅情況。所以當你問：「我咁樣正唔正常？」時，其實要分析好多嘢，近至你上一刻做左乜，遠至人類進化史，甚至第一粒細胞係地球出現、宇宙大爆炸……越講越遠越誇張😅重點係，所有嘢都有佢嘅軌跡，我地可以話跟住軌跡發生嘅事係「正常」，或者我地成日講嘅「好正路」（廣東話真係好正👍🏻）
所以如果我足夠了解你，我都或者可以回答到你，「可能因為你咁咁咁，所以你而家咁咁咁，都正常嘅。」但係其實我越嚟越唔想用正唔正常嚟回應，因為我覺得好不負責任，我簡單答你又驚你理解錯，詳細答你又未必有足夠時間，而且我唔認為我足夠了解你。無一個人係完全了解自己，更何況係別人？
問「正唔正常」係我地嘅習性，係批判心驅使，有比較先有正唔正常。或者我地每個人心底裏都想得到認同，想自己同大部分人一樣，想正常。
瑜伽能夠俾我哋更認識自己，接納自己嘅獨特性，同時包容人哋嘅唔同。
最後正唔正常都唔重要。