CoachRuben WildboarLifting

CoachRuben WildboarLifting 美國國家運動醫學學會認證私人教練 NASM-CPT
功能性肌力教練 CFSC Lv2
詳盡支援，提升執行力，旺角及葵芳教學
教練營運顧問

23/07/2026

各位觀眾，我第一次做25公斤bent press，我不嬲都好鍾意啲古怪及冷門動作。

今次就有機會跟coach atti 去學三個好有歷史嘅strongman動作，arm bar windmill bent press

Coach atti 好用心教，講咗好多動作嘅細節，同埋佢學咗咁多個流派嘅壼鈴，現在用乜嘢方式版本去做，兼且一啲課表上嘅安排

呢啲動作雖然來自馬戲團strongman 表演，但絕對唔係雜耍。

而去係學習F -plane, T plane 去承重的能力，彌補我地大部份時候都做雙邊sagittal plane 易忽略咗嘅地方。

例如bent press 係學習既過程，會增加髖關節內旋活動度，從而可以潛更深去做到重量進步，而不是純粹靠肌力進步去推更重。

主角Mary Stephen 雪美蓮是位在港出生的100%華人，卻從父親身上繼承了西方姓氏。同時係資深剪接師的她將佢搵真相嘅過程+家庭錄像拍成呢套紀錄片。認識得我耐嘅朋友，就會明白點解我想睇呢套戲，因我都一樣有個西方姓。當我去搵家族歷史，去...
24/06/2026

主角Mary Stephen 雪美蓮是位在港出生的100%華人，卻從父親身上繼承了西方姓氏。同時係資深剪接師的她將佢搵真相嘅過程+家庭錄像拍成呢套紀錄片。

認識得我耐嘅朋友，就會明白點解我想睇呢套戲，因我都一樣有個西方姓。當我去搵家族歷史，去問長輩嘅時候，都會好似Mary 咁聽到兩三個版本。我亦都係由細到大被人問點解個名係咁。所以呢套戲，我係睇得好有共鳴。我都係影後對談同Mary 講左我個故事的簡短版，YEAH。

呢套戲好睇嘅位有好幾樣：

1. 好多珍貴嘅40至60年代舊香港嘅家庭錄像，嗰個年代會自己有錄影機同埋膠片，仲會記低屋企人成長過程及生活片段係好罕有。

而且Mary仲應該有做一些數碼修復曬，靚到一個位係我睇緊嘅時候懷疑係咪AI。

2. 個story telling 係好：既是追憶，亦是尋找回憶中的空白。既有承傳，亦有對照的部份。

身份危機，Mary 係移民去加拿大的華人。Mary 父親就係個在香港的不自認中國人。都係某種異鄉人嘅對照。

呢個尋找自己身份嘅故事，其實亦都係追憶緊自己嘅家庭及成長。

承傳 一
父親係好鍾意電影，鍾意到自己會拍片啦。所以令到mary真係又細到大就睇電影同拍嘢。佢屋企人真係做創作，點會可以寫到個咁長的

承傳二
Mary 係製作這個紀錄片時，都如其父親一樣，加入一些虛構部份。都係某種致敬

3. 「黃皮膚，鬼佬姓」，見到舊殖民地時代，華人為了向上流動，如何將自己西化。創作自己混血兒的身份，及顯赫嘅家族背景，為了在這個華洋混雜嘅地方生存。我覺得呢個都可能係比較後期的原因。

早期的原因，我覺得佢父親就係透個呢種書寫自我的方法，去重新建構自己的身份去治療「中國人」身份破滅、或者亡國的悲傷。同時，亦都有某種叛逆? i dont know。

4. 我好鍾意佢引用波斯詩人Rumi ，係畫龍點睛

Don't be satisfied with stories, how things have gone with others. Unfold your own myth.

片名Palimpsest原指古代的重寫羊皮書卷，改呢個名真係好。

呢本書個作者叫Dan John ，所以我覺得應該要有一個釘裝嘅版本。點解呢本書我嘅評分係？，因為佢係一個阿叔講經的書。入面對訓練具體建議既部份不多，兼且係簡單新手向。咁所以你可以當佢係一本輕鬆讀物去打發時間，而唔係資訊好多的書。我覺得最有價...
18/06/2026

呢本書個作者叫Dan John ，所以我覺得應該要有一個釘裝嘅版本。

點解呢本書我嘅評分係？，因為佢係一個阿叔講經的書。入面對訓練具體建議既部份不多，兼且係簡單新手向。

咁所以你可以當佢係一本輕鬆讀物去打發時間，而唔係資訊好多的書。

我覺得最有價值嘅部分，都係佢講依從性、訓練紀律、習慣養成的部份。

節錄：「一天就是一生的縮影」

我理解：
如果你今天有做好今天的訓練及飲食，你就比較似係一生都健康。若然沒有，好多籍口，你也許就會一直咁樣落去。

一天就是一生的縮影，所以一生及一天都有不可控的部份，亦有可控的部份。

充分而不過份嘅計劃、學習、流程，確保自己有足夠條件去完成習慣，最後讓一切東西變成無心操作嘅習慣，而不需選擇。

（條件：環境、群體、資訊、專屬時間、工具）本書就係講好多「昨天就要執好個gym bag」「擺第二對跑鞋係office」「旅行就執橡筋繩入喼」呢類野。

做好以上準備，就會有盛餘時間及心力去應付打擾執行計劃的事情。

節錄「減肥最好的方法，就是一開始沒有變肥。」其實佢想講維持身型係遠遠易過減。不過佢outdate啦，而家最好嘅方法係glp1。

「If you chase two rabbit you go hungry」佢係講訓練課表，尤其是中高手向，不可以太貪心，如果想幾樣野一齊進步，就會好容易幾樣嘢都一齊原地踏步。

入面都有一個關於佢對精英運動員嘅觀察幾好

如果你青少年時期，沒有接受運動員嘅生活方式訓練好幾年，及努力訓練自己的專項枝術。

沒有發展出任何基本嘅肌力及體能，並且係呢個過程入面開始見到天份，無論係單一特質並且同時有幾樣特質。

咁其實你成年後先開始認真做運動訓練，你已經冇乜可能成為精英選手。

呢一個post 都會繼續延續《槓鈴處方：抗老化肌力訓練》嘅一啲節錄及觀點，去延伸討論老年人訓練嘅一啲情況。Best quote of the book「有一種看待這件事情的觀點（有些爭議）是這樣的：細胞的預設模式並不是生存，而是死亡，如果你...
17/06/2026

呢一個post 都會繼續延續《槓鈴處方：抗老化肌力訓練》嘅一啲節錄及觀點，去延伸討論老年人訓練嘅一啲情況。

Best quote of the book
「有一種看待這件事情的觀點（有些爭議）是這樣的：細胞的預設模式並不是生存，而是死亡，如果你去除其生長因子的刺激，細胞就會自殺。死亡的機制已經設定好了，隨時等待被啟動。這種觀點的目的論、進化論、發展論以及其哲學含意是相當驚人的，但這已超出本書的範圍。」

My note on it
生命嘅單位係細胞，既然細胞存在嘅目的係完成其使命後就是死亡，咁生命都係。

最難既唔係訓練嘅具體內容或者科學上既野，而係要令到中老年人有訓練嘅動力同埋觀念上嘅變化。

節錄：「老化的特徵是肌力、柔韌性和有適應力的生理儲備的喪失，隨之而來的有生長及修復系統衰老、荷爾蒙反應減弱，以及肌肉、神經、肌腱、韌帶和骨骼的流失。這些生理性的萎縮伴隨同樣致命的心智功能下降。常見到的情況是，老化的人看到自己變得愈來愈虛弱，因此降低了對自己的期望以及努力的動機，從而愈發虛弱，這就像是細胞切斷自己的DNA樣。一旦心靈向衰退和死亡投降，那除了受苦以外就什麼都沒有了。」

呢個情況其實好全球性同埋普遍，好多中老年人都覺得「老左就係咁」自己冇用、咩都做唔到，身體每一日只會越來越差。佢地太快就打定輸數，唔相信自己可以變好、可以進步，覺得已經冇辦法。

再難一步嘅，係呢樣嘢要喺生意上係可行，又或者社會上的推廣。

節錄：「現在我們可以知道，為什麼雖然網球、太極拳和排球是很棒的運動，但不適合作為一般運動處方。這些運動不是訓練而是練習。你可以培養技巧，而且不可否認，每一項運動都順便增進了一些身體素質。」

長者做運動已經少咗好多，通常都係停留喺去公園fing個身、fing 隻手。

如果真係認真地做運動，佢哋都會先考慮娛樂性，之後再諗邊樣嘢可以同朋友聯誼。

而好少會現實地想科學上最有效防止退化的訓練。

中老年人就係已經臨近退休或者退咗休，所以消費上都會較為保守，難上手所以要俾錢學嘅運動，加埋又要會籍，就更加唔會考慮。(亦都因為呢個原因，大部份的銀髮族訓練係以小組班形式出現 )

另外，有一種中老年人係打從心底入邊，已經覺得人生最重要嘅嘢已經完成曬。每一刻離開個世界、或者身體差落去、發生意外都冇問題，因為呢個就係人生必輕之苦，自然嘅生老病死，亦都唔強求去做任何事情去改變（包括做運動）。

而對佢嚟講，開開心心活好每一日，例如去茶樓度食啲好明顯高膽固醇嘅點心都冇問題。佢係完全清楚自己嘅決定，並且為此負責嘅。佢就算出現係訓練堂上，都只係因為想陪朋友或者應酬仔女。

呢一類人，我係好尊重嘅，雖然我都會好想同佢講，佢仲有其他可能性可以選擇。

應承了自己在今年開始，要好好將自己的想法及感受表達出來，所以就由發佈一篇早係2022年已寫下的文章開始。鑽研運動同人既身體耐左，就會發現生理同心理有時都好似，尤其是當中身體受傷、痛楚、復原機制，以及人面對受傷嘅時候嘅各種處理做法。 只求止痛...
07/01/2026

應承了自己在今年開始，要好好將自己的想法及感受表達出來，所以就由發佈一篇早係2022年已寫下的文章開始。

鑽研運動同人既身體耐左，就會發現生理同心理有時都好似，尤其是當中身體受傷、痛楚、復原機制，以及人面對受傷嘅時候嘅各種處理做法。

只求止痛止果及避開未來所有受傷的風險
痛楚真係一樣好複雜既訊號。唔係話痛就代表受傷，亦唔係傷口愈合左就代表無痛楚，亦唔係唔痛就代表功能正常，有時都需要更多既時間同耐性，亦有時唔只需要時間。

而大部份人係欠缺知識同面對痛楚的經驗下，第一個直覺應對都係：點樣去令痛楚這個感覺消失。即係太過俾個痛楚去帶住自己處理既方法，只係識諗點樣減輕痛楚。在意的，只是當下的果。

所以會買埋啲傻鳩護具或停止任何嘅動作，又或停止任何的人生經歷，覺得總會像上一次一樣，受傷收場。
 
但會痛嘅往往係受害者，而唔係加害者，不斷去舒緩個痛其實係冇撚用，所以麻煩大家咪撚再買按摩椅，你一張按摩椅夠同我買50堂(置入式廣告)。

甚麼的痛及傷要找出成因並修正? 甚麼的痛及傷不用解釋及檢討?

可能我們往往都易落在極端的一邊，扮演無辜的受害者，所以沒有自己的事去反思及學習改變，又或者自責不已，連好好放過自己都做不到。

痛楚有時係代表人類動作系統有功能異常，所以反而應該係要諗自己一直以來有咩嘢係無能為力，專心去創造返嗰個能力出嚟，原來就會自然唔痛。

但點解我講痛及傷係好複雜，就係佢又唔一定係身體機能失衡。亦都真係可以你所有功能正常，只係因為有純粹意外，即係你經歷親人過世。咁又確實係冇嘢需要去查去學 ，只需要時間慢慢癒合。

時而逃避，時而強求
好多人以為係唔好彩/解釋唔到的事件導致受傷。所以好多人復完後，就咁由佢就算。但其實所有傷過嘅地方都會更容易再受傷，所以真係唔可以就咁算，好返少少就逃避囉。

可以係唔去搞自己的生活、飲食、訓練方式的問題。亦可以係始終都不面對自己的某段關係、內心的恐懼、

逃避的對面是執著：有一些傷，就算付出了無窮的時間、錢及心力，就係唔可以100%復原，強求又會是另一痛苦，或者是浪費自己人生的時間，或訓練量。

知識固然會幫我們找到大致的平衡，餘下的是個人智慧及決定。

執行及其困難
自身錯誤嘅模式/過弱的部份 》受傷(事件)  》傷口。所以更加要搵出錯誤的模式去修正，同埋強化因受傷弱左既部份，再鬆綁返其他因為受傷而暫時緊張左既部分， 例如因為後悔決定帶來的overthinking 、俾背叛過後對別人的過份警戒、斷左某樣野後既附近的肌肉。

係放鬆部份，係要一層一層咁處理落去，冇得跳step，唔處理第一層都唔知道原來第二層係咁。

強化過弱部份、修正錯誤模式、鬆綁代償部份。其實三者又係缺一不可，我諗做到其中兩樣已經好犀利。但無論係身體定心理，現代都市人又點會有嗰個時間、心機、知識(情緒智商)、金錢和周圍嘅幫助，去處理好每一次受傷嘅事件。

社會的急速推每個人做社會運作機器的零件，所以我們就只可亦習慣對自身的一切草草了事。

09/10/2025

諗咗好耐出唔出呢條片

因為我覺得短影音真係好難教到嘢，但係我決定出咗先。

其實我都係打咗幾句嘢，跟住就用自己砌嘅ai apps去整曬成個拍攝嘅分鏡劇本。

一開始嘅自己打草稿都係得咁少：
好多人都會同用羅馬椅去練hip/lowerback extension，但仲有好多用法

今日，講其他側身練習方法，尤其是，好多人都係某一單邊的核心肌肉特別弱。

第一個動作，係等長收縮的palloff press。主要練的是抗旋轉，練到的肌肉是

重量係前，會係抗旋轉更多

第二個動作，第一動作的微調

重量過頭舉起，會係抗側屈更多，練到的肌肉是

第一個動作及第二個動作都是等長收縮，如無問題，你感受到正確肌肉出力，就可以做向心離心訓練。

例如，以下兩個示範

可能你聽過，腰椎唔可以轉太多，其實比較多係hip internal roation，同埋嗰個胸椎嘅旋轉，如果做呢個動作轉好少，代表你都要練活動度

Address

Hong Kong

Opening Hours

Monday 11:00 - 22:00
Tuesday 11:00 - 22:00
Wednesday 11:00 - 22:00
Thursday 11:00 - 22:00
Friday 11:00 - 22:00

Telephone

+85291511095

Website

Alerts

Be the first to know and let us send you an email when CoachRuben WildboarLifting posts news and promotions. Your email address will not be used for any other purpose, and you can unsubscribe at any time.

Shortcuts

Share

Category