01/08/2026
做返Freelance之後，
原來最難平衡嘅唔係工作。
係每一樣都想做到最好🥹
除左教學生，
我仲想盡快回覆每一位學生既message。
我仲想剪多啲片，同大家分享多啲。
我仲想出去上多啲堂，學多啲野返黎教大家。
我仲想留多啲時間訓練自己，因為我相信教練都應該一直進步。
但一日得24個鐘，
真係會覺得時間完全唔夠用。
有時收工返到屋企，
明明仲有好多嘢想做，
但個人已經攰到淨係想攤喺度😂
所以最近更新得少咗，
唔係冇嘢想分享，
係一直都想等自己整得再好啲先再拍片再post。
不過我開始覺得，有啲事唔一定要等到完美先去做。
有時一個小心得，
又或者一個自己最近學到嘅知識，
已經可能幫到人。
我會慢慢share返多啲架啦😣
唔一定好頻密，
但希望每一篇都係真係有價值，
值得你睇完帶走一啲嘢🤍
附上最近少少上堂既片段✨
希望同大家一齊進步 一齊努力🫶🏻
