Kamind Sports Academy Limited

26/08/2026

https://youtu.be/2A-epchCAHs?si=3sYZp1C4hExPomyp

**🎥 影片簡介** 此影片版權歸 **Kamind Sports Academy Limited** 所有，拍攝目的主要為本中心...

23/08/2026

【仲夏融樂嘉年華2026】

今年再次獲得 天耀青年空間邀請，
我們共有 六位同學參加於天瑞商場舉行的
「仲夏融樂嘉年華2026」舞台表演！🔥

頂住盛夏高溫，由 早上11點綵排 到 下午3點正式演出，每位同學都非常投入、專注，整個表演順利又精彩，氣氛超好！👏

這次活動讓同學累積更多 舞台經驗，
亦見證到他們在表現力、自信心、合作上的成長。
非常感謝 家長的支持 以及 同學的努力，
令活動能夠完滿結束。

期待下一次再同大家一齊上台發光！✨

10/08/2026

【2026 第一屆南投國際空手道邀請賽｜阿甘杯】

KSA 於 8 月 7 日出戰南投國際空手道邀請賽，各組別選手全力以赴，在國際舞台上展現出色表現，合共奪得 12 面獎牌（4 金｜4 銀｜4 銅）。

五天的訓練與比賽行程中，台灣教練團全程細心照顧、耐心指導，無論是場上技術、場下生活，都給予我們極大的支持。

而最後一晚的 交流晚會更是全程高潮 —— 學員們盡情投入、玩得盡興，在歡笑與互動中建立深厚情誼，為這次旅程畫上最完美的句號。

今年甘杯，明年續杯！

成績：
黎可蕎 — 小女生 A 組個人形冠軍 🥇
關諾熙 — 男孩組個人形冠軍 🥇
蕭樂弘 — 小男生 A 組個人形冠軍 🥇
馮啟晉 — 小男生 B 組個人形冠軍 🥇
李翊朗 — 小男生 A 組個人形亞軍 🥈
李翊朗 — 小男生 A 組個人組手亞軍 🥈
葉鎬德 — 小男生 B 組個人組手亞軍 🥈
陳柏翹 — 男孩組個人形亞軍 🥈
蕭悅妍 — 小女生 A 組個人形季軍 🥉
蕭悅妍 — 小女生 A 組個人組手季軍 🥉
馮啟晉 — 小男生 B 組個人組手季軍 🥉
陳逸朗 — 小男生 B 組個人形季軍 🥉

感謝所有家長、台灣教練團、旭光高中團隊，以及 KSA 教練團的全程付出。

這五天，學員們不只提升技術，更在交流中成長，帶著滿滿收穫回家。🇭🇰🔥

#香港空手道 #南投國際賽 #努力成就舞台

07/08/2026

本中心學員馮啟晉接受南投電視台訪問。

https://www.facebook.com/share/v/17QvkAoFUx/?mibextid=wwXIfr

06/08/2026

【南投集訓 Day 4｜戰術訓練＋泳池放鬆＋教練勉勵＋燒肉聚餐】

第四日嘅訓練主要圍繞 比賽戰術，感謝教練們細心指導，幫大家整理好臨場應對嘅重點。
下午小朋友去咗泳池放鬆玩吓，之後返到道場，教練再為全隊進行 最後嘅勉勵同訓話，提醒大家保持專注、冷靜、享受比賽。

夜晚我哋一行 44人 去咗附近嘅燒肉店聚餐，同時宴請呢幾日辛勞照顧我哋嘅台灣教練們，氣氛好溫馨。

聽日就係 第一屆南投國際空手道邀請賽（阿甘盃），賽事由 早上8:30 至 下午4:45。

希望大家今晚好好休息，把呢幾日學到嘅嘢盡量展現出嚟，然後夜晚輕輕鬆鬆咁樣玩返晚。

05/08/2026

【第三日訓練總結｜全週最累的一天 × 全力以赴的一天】

🥋 第三天的訓練，正式結束。

今日應該係成個星期裏面 最累、最硬淨 嘅一日。
早上嘅訓練完全冇鬆懈，
無論係 技術 定 體能，
同學們都推到 極致，每一下都用盡力。

下午嘅體能訓練更加係「炸腿」級別。
學生跟住大專生設計嘅訓練計劃，
每一組、每一下都係挑戰極限，
雙腿已經完全炸開，但佢哋仍然 撐住、頂住、完成晒所有環節。
呢種堅持，值得鼓掌。

夜晚係表演準備 × 團隊投入。
大家為星期五晚會嘅表演做最後排練，
每個人都好投入，
真正做到 訓練要認真、玩樂都要認真。

返到酒店之後，
幾位學生仲「半強迫」地為星期五嘅特別環節出力，設計講稿、構思內容，
完全展現咗團隊精神同責任感。

第三日永遠係最辛苦嘅一日，
但佢哋已經用行動證明：
累可以，但唔可以放棄。

接落嚟嘅兩日，
希望大家保持今日嘅心態，
繼續撐、繼續進步。

04/08/2026

【第二日訓練總結｜技術 × 午睡 × 游水 × 團隊活動】

今日一早去到道場進行 技術訓練，
同學們明顯已經 適應咗南投嘅節奏，
動作更穩、專注度更高，
整體表現比第一日成熟咗好多。

中午食飯同午睡嘅流程亦變得 爽手得多，
大家都知道點樣安排自己嘅時間，
休息得好，下午自然更有精神。

🌊 下午係泳池訓練＋放鬆時段。
天氣咁熱，游水就係最啱嘅活動。
小朋友喺水裏面練基本功、做水中移動、
又玩浮板、划艇，最後仲一齊打水球。
玩到個個都話 攰晒但好開心。

🌙 夜晚加入南投小朋友嘅團隊活動。
大家一齊玩集體遊戲，
氣氛好熱鬧、笑聲不斷。
之後再練埋星期五要表演嘅舞蹈，
每個人都好投入，希望呈現最好嘅效果。

第二日嘅節奏比第一日更順，
同學們開始進入訓練狀態。
希望大家保持心態、保持努力，
撐埋呢幾日，就會見到真正嘅進步。

03/08/2026

【第一天訓練總結｜技術 × 體能 × 心態調整】

🥋 第一天訓練正式結束。

今日同學們完成咗一節技術訓練加上一節體能訓練。

兩節都唔簡單，但全部學員都 全力以赴，
投入度好高，專注度亦保持得好好。
無論係動作、速度、力量，大家都盡咗自己最大嘅努力。

晚上返到酒店之後，
我哋進行咗 檢討與調整心態嘅小會議。
希望同學們能夠用更穩定、更積極嘅心態，
去迎接接落嚟四日嘅密集訓練。

第一日永遠係最難適應嘅一日，
但大家已經踏出咗好嘅第一步。
保持專注、保持紀律、保持心態——
接下來嘅四日，會係真正嘅進步時刻。

02/08/2026

【刻苦訓練的前夕】

嚟到台灣第一日，當然要先嘗一嘗「甜頭」。

同學落機放低行李之後，全部都好識把握時間，去咗附近嘅夜市——一路玩、一路食、一路笑。

夜市只開星期五六日，啱啱好俾大家放鬆一晚，享受吓台灣嘅熱鬧同美食。但玩完，就要收返心情。
因為聽日開始，就係真正嘅訓練日。

第一日訓練，永遠係最難適應、最需要專注嘅一日。希望大家今晚休息好，準備迎接明日嘅挑戰。

02/08/2026

【一年一度南投空手道集訓，整隊正式啟程】

每一年踏上南投，都好似打開咗一扇新的訓練之門。

呢幾日，我哋KSA同學會一齊流汗、一齊進步、一齊突破自己。無論係基本、組手，南投永遠係最能令人成長嘅地方。

希望同學們記住：
你哋唔係單獨去訓練，而係以一支隊伍嘅身份出發。
每一步都代表住自己、代表住道場、代表住空手道精神。

我哋準備好迎接南投空手道隊嘅考驗了💪🏽💪🏽💪🏽